BMG & BYD Georgia წარმოგიდგენთ #BMGDRIVE-ს:
„ტოიოტა ცენტრი თეგეტამ“ Kaizen Award-ის ჯილდო ზედიზედ მეორედ მოიპოვა. კომპანიამ აღნიშნული აღიარება კაიზენის პრინციპების სისტემური დანერგვისა და პროცესების უწყვეტი გაუმჯობესებისთვის მოიპოვა, რაც Toyota-ს გლობალური სტანდარტების ერთ-ერთი მთავარი საფუძველია. Kaizen Award იაპონური ბრენდის ოფიციალურ სადილეროებს ყოველწლიურად გადაეცემა. შეფასება ხდება სხვადასხვა საოპერაციო და მომსახურების ინდიკატორის მიხედვით (KPI), რომლებიც ბიზნესის თითქმის ყველა მნიშვნელოვან მიმართულებას მოიცავს? სტუმარი: მარიამ მელიაშვილი - „ტოიოტა ცენტრი თეგეტას“ გენერალური დირექტორი; #ახალიამბები #BusinessMediaGeorgia
კომპანია რომლის ისტორიაც 1998 წელს ხორცპროდუქტების წარმოებით იწყება და წლების განმავლობაში მსხვილ მრავალპროფილურ ბიზნეს ჯგუფად ჩამოყალიბდა 2026 წელს ბიზნესის ზრდის და დივერსიფიკაციის პარალელურად ძალიან საინტერესო პროცესი დაიწყო.სს „ნიკორა“ საქმიანობას ახალი იდენტობით „ნიკორა მენეჯმენტ ჯგუფის“ (NMG) სახელით განაგრძობს. რა გახდა ამ გადაწყვეტილების მთავარი მიზეზი, როგორ შეიცვალა სტრატეგიული ხედვა და რას გულისხმობს NMG-ის ახალი კორპორაციული არქიტექტურა? სტუმარი: დავით ურუშაძე - NMG-ის გენერალური დირექტორის მოადგილე #ახალიამბები #BusinessMediaGeorgia
თანამედროვე სამყაროში, მიუხედავად ახალი კულინარიული მიმდინარეობების გაჩენისა და სხვადასხვა დიეტური ტრენდების სწრაფი ცვალებადობისა, პურ-პროდუქტების გლობალური მოხმარება მუდმივად მზარდი ტენდენციით ხასიათდება. ყველაზე მეტ პურს კი აღმოჩნდა, რომ თურქები მიირთმევენ. ქვეყანაში ერთი ადამიანი წლიურად თითქმის 200 კილოგრამ პურს მიირთმევს. #ახალიამბები #BusinessMediaGeorgia
აშშ-მა ქვეყნებს რუსული ნავთობის შეძენის ნება დართო #ახალიამბები #BusinessMediaGeorgia
კომპანია სუზალას არტიზანულ პურზე გიყვებით, ხელნაკეთი პურის წარმოებაზე, რომელიც ასორტიმენტში 17 სახეობის, ჭვავის, რუხ, ქატოს, ცეხვილ, ლაზურ პურს აერთიანებს. საწარმო დღეში 1200 ერთეული პური ხელით მზადდება თუმცა კომპანიის რესურსი წარმოების გაორმაგების საშუალებას იძლევა. სტუმარი: ნინო ხუჭუა - “სუზალას არტიზანული პურის” დამფუძნებელი მარიამ იზორია - # მხოლოდქართული, ავტორი; #ახალიამბები #BusinessMediaGeorgia
როგორ ვითარდება “პეივ ბანკი” (PAVE BANK)? - ინტერვიუ სალიმ დანანთან-”პეივ ბანკი”, CEO ✔️ 2 დიდი ტექნოლოგია, რომელიც შეცვლის სამყაროს - სელიმ დანანი ✔️ საქართველო, როგორც ფინანსური ჰაბი ✔️ ქართული ბიზნესის მომსახურება გლობალურად ✔️ რატომ უნდა ავირჩიო PAVE BANK? ✔️ კონკურენტული უპირატესობები&განვითარების ხედვა სალიმ დანანი - Pave Bank-ის თანადამფუძნებელი და აღმასრულებელი დირექტორი #ახალიამბები #BusinessMediaGeorgia
პრემიერ-მინისტრი საერთაშორისო ფინანსური სერვისების პლატფორმა Bybit-ის თანადამფუძნებელსა და აღმასრულებელ დირექტორს შეხვდა, რომლის დროსაც მთავრობის ადმინისტრაციის ინფორმაციით საუბარი საქართველოს საინვესტიციო გარემოზე და ფინანსური ტექნოლოგიების მიმართულებით ქვეყანაში არსებულ შესაძლებლობებზე იყო. პრემიერ-მინისტრმა აღნიშნა, რომ მისასალმებელია წამყვანი საერთაშორისო ფინტექ კომპანიების ინტერესი საქართველოს მიმართ, რაც კიდევ ერთხელ ადასტურებს ქვეყნის საინვესტიციო გარემოს მიმზიდველობას და ფინანსური ინოვაციებისა და ციფრული აქტივების მომსახურების მიმართულებით არსებულ პოტენციალს. Bybit-ის თანადამფუძნებელი და აღმასრულებელი დირექტორის ბენ ჟოუს შეფასებით, საქართველო კრიპტობირჟისთვის მნიშვნელოვანი რეგიონული ჰაბია. BMG-ის კითხვაზე, საქართველოში არსებულ საკანონმდებლო ჩარჩოსთან დაკავშირებით, ბენ ჭოუმ აღნიშნა, რომ ამ მხრივ საქართველოს მარეგულირებელი ჩარჩო მსოფლიოში ერთ-ერთი მოწინავეა. Bybit Georgia-ს ოფიციალური გახსნის ღონისძიებაზე Bybit Card-ის წარდგენა, რომელიც Mastercard-თან და Pave Bank-თან პარტნიორობით შეიქმნა. Bybit საქართველოში ოპერირებს საქართველოს ეროვნული ბანკის მიერ გაცემული ვირტუალური აქტივების სერვისის პროვაიდერის და საგადახდო სერვისის პროვაიდერის ლიცენზიების საფუძველზე. #ახალიამბები #BusinessMediaGeorgia
გუშინ ექსპო ჯორჯიაში ტრანსპორტისა და ლოგისტიკის საერთაშორისო გამოფენა გაიხსნა, რომელიც დღესაც გრძელდება. თიბისის მხარდაჭერით, ღონისძიება უკვე მეორედ ტარდება, კონფერენციის ორგანიზატორები „ექსპო-ჯორჯია“ და საკონსულტაციო კომპანია Savvy არიან. საერთაშორისო გამოფენისა და ფორუმის მიზანი, სტრატეგიულად მნიშვნელოვანი სექტორის მხარდაჭერა და განვითარებაა. ღონისძიება ადგილობრივ და საერთაშორისო ლოგისტიკურ კომპანიებს, პორტებისა და რკინიგზის წარმომადგენლებს, საჰაერო გადამზიდავებს, საინვესტიციო და საფინანსო ინსტიტუტებს, ასევე იმპორტ–ექსპორტზე ორიენტირებულ ბიზნესებს აერთიანებს. ლოგისტიკის სექტორი საქართველოს ეკონომიკის ერთ-ერთი სტრატეგიული მიმართულებაა. გეოგრაფიული მდებარეობა ქვეყანას ევროპასა და აზიას შორის მნიშვნელოვან დამაკავშირებელ რგოლად აქცევს, რაც სატრანზიტო პოტენციალს ზრდის და ეკონომიკურ აქტივობაზე პირდაპირ აისახება. სექტორის წილი მშპ-ში 6%-ს აღემატება და ბოლო წლებში სტაბილური ზრდით გამოირჩევა. #ახალიამბები #BusinessMediaGeorgia
ლისის ტბის მიმდებარე სივრცეზე, სადაც დეველოპერული სექტორის ერთ-ერთი მნიშვნელოვანი მოთამაშე, ლისი დეველოპმენტი, თანამედროვე და ეკოლოგიურად სუფთა საცხოვრებელ გარემოს ქმნის. როგორ ვითარდება მწვანე ქალაქი ლისი და მისი ერთ-ერთი გამორჩეული ვილების უბანი, რომელიც სულ სხვა სტანდარტს შექმნის ბაზარზე და სადაც დაბალი სიმჭიდროვე, ფართო მწვანე სივრცეები და პანორამული ხედები, თბილისის უძრავი ქონების ინდუსტრიაში ახალ სიტყვას იტყვის. როგორია ამ პროექტის ურბანული კონცეფცია, რატომ ითვლება ლისის ტერიტორია პრესტიჟულ საცხოვრებელ ზონად და რა საინვესტიციო პოტენციალი აქვს ვილების უბანს? #ახალიამბები #BusinessMediaGeorgia
თეგეტა წლის საუკეთესო ქალთა გაძლიერების პროექტისთვის დაჯილდოვდა. თანამედროვე ეკონომიკაში ქალთა მონაწილეობა დღეს უკვე პირდაპირ კავშირშია ეკონომიკურ ზრდასთან, ინოვაციებთან და ბიზნესის მდგრად განვითარებასთან. შესაბამისად, სულ უფრო იზრდება იმ ინიციატივების რაოდენობა, რომლებიც ქალთა გაძლიერებას, პროფესიული შესაძლებლობების გაფართოებასა და ინკლუზიური სამუშაო გარემოს შექმნას ისახავს მიზნად. სწორედ ამ საკითხებმა გააერთიანა ბიზნესლიდერები, საერთაშორისო პარტნიორები და დარგის ექსპერტები EBA4Women Signature Forum-ზე, რომელიც ევროპული ბიზნესასოციაციის ორგანიზებით გაიმართა. განსაკუთრებული ყურადღება დაეთმო იმ კორპორაციული გამოცდილების გაზიარებას, რომელიც ბიზნესსექტორისთვის სამაგალითოა. ამ მნიშვნელოვან პლატფორმაზე საკუთარი სტრატეგიული მიდგომებით წარდგა „თეგეტა ჰოლდინგი“. კომპანიის მთავარმა აღმასრულებელმა ოფიცერმა გაეროს ქალთა ორგანიზაციის მხარდაჭერით გამართულ პანელურ დისკუსიაზე ისაუბრა. აღსანიშნავია, რომ „თეგეტას“ საქმიანობის 30-წლიან ისტორიაში ის პირველი ქალი CEO-ა, რომელიც ჰოლდინგს ჩაუდგა სათავეში. #ახალიამბები #BusinessMediaGeorgia
გეოპოლიტიკური დაპირისპირება ახლო აღმოსავლეთში არა მხოლოდ პოლიტიკურ ვითარება ცვლის, არამედ რეგიონის ერთ-ერთ მთავარ ეკონომიკურ ძრავას უდიდეს დარტყმას აყენებს. სანამ შეერთებული შტატების, ისრაელისა და ირანის კონფლიქტი გრძელდება, ერთ დროს ხალხმრავალი საერთაშორისო აეროპორტები სულ უფრო ცარიელდება და წამყვანი ავიაკომპანიები დაგეგმილ რეისებს მასობრივად აუქმებენ. რა უჯდება ომი ადგილობრივ ტურისტულ სექტორს რეალურად, რამდენად კატასტროფულია მილიონობით პოტენციური დამსვენებლის დაკარგვის საფრთხე და აქვს თუ არა ინდუსტრიას ამ შოკიდან სწრაფად გამოსვლის რესურსი? #ახალიამბები #BusinessMediaGeorgia
ახლო აღმოსავლეთში მიმდინარე მოვლენების ფონზე, საქართველოში შესაფუთი მასალების ნედლეულის იმპორტია შეწყვეტილი, ადგილობრივ ბაზარზე კი ფასები უკვე 30-40%-ით გაზრდილია. რა მარაგები არსებობს ქვეყანაში და გაძვირდება თუ არა შესაფუთი პროდუქცია მომხმარებლისთვის? #ახალიამბები #BusinessMediaGeorgia
მსოფლიო ბაზარზე ნედლი ნავთობის ფასი 85 დოლარს აღემატება, ბრენტის ტიპის ნავთობის ღირებულება ერთ დღეში ბარელზე თითქმის 90 დოლარამდეა გაზრდილი. მიუხედავად მცირედი ზრდისა, კვირის ჭრილში ფასი მნიშვნელოვნად არის შემცირებული, რადგან მიმდინარე კვირის დასაწყისში ნავთობზე ფასმა 100 დოლარსაც გადააჭარბა და რეკორდული ღირებულება 115 დოლარიც დაფიქსირდა, ხოლო გასული კვირა ბაზარმა 30%-იანი მატებით დახურა. მსოფლიოში ნავთობის ფასების რეკორდული ზრდის ფონზე, საქართველოში საწვავი გაძვირდა. ქვეყანაში მოქმედ ე.წ. ბრენდირებულ გასამართ სადგურებზე ფასების კორექტირება 7 მარტიდან დაიწყო. რიგ სადგურზე ფასები 2-12 თეთრით არის გაძვირებული, ხოლო ზოგიერთ ქსელში დიზელის ფასის მატება 18 თეთრს აღწევს. მიმდინარე პროცესებისა და ქვეყანაში იანვარ-თებერვალში არსებული ინფლაციის გათვალისწინებით რა ელის ფასებს? სტუმარი: ბექა ლილუაშვილი - ეკონომისტი #ახალიამბები #BusinessMediaGeorgia
ახლო აღმოსავლეთის კონფლიქტის ფონზე საქართველოში ხორბლის შემოტანა ამ ეტაპზე სტაბილურად, შეუფერხებლად მიმდინარეობს. ლოგისტიკის მიმართულებით პირდაპირი პრობლემები ჯერ არ იკვეთება, რადგან ჰორმუზის სრუტიდან ხორბალი ისეთი მიმართულებით გადის, სადაც პირდაპირი ესკალაცია არ არსებობს. თუმცა ანალიტიკოსების ნაწილი აცხადებს, რომ ენერგიის ფასის ზრდა და საზღვაო გზების პრობლემები სავარაუდოა რომ მომდევნო პერიოდში ხორბლისა და სხვა მარცვლეულის მიწოდებაზეც აისახება. რა ელის საქართველოში პურის ფასს? სტუმარი: მალხაზ დოლიძე - პურის მრეწველთა კავშირის თავმჯდომარე; #ახალიამბები #BusinessMediaGeorgia
მოუწესრიგებელი გრაფიკების, ვიზის შეზღუდვების და გარემოსდაცვითი ზემოქმედების მიუხედავად, თანამედროვე მოგზაურები სულ უფრო მეტად ირჩევენ ორ-ოთხ დღიან „მიკრო შვებულებებს“, რომლებიც მოკლე დროის განმავლობაში ახალი ქვეყნებისა და კულტურის გამოცდილება მიღების საშუალებას, ბიუჯეტის ეფექტურად გადანაწილებისა და დასვენების საშუალებას აჩენს. როგორც ირკვევა მიკრო შვებულებების ტენდენცია სწრაფად იზრდება მსოფლიოს თითქმის ყველა რეგიონში, ხოლო ტურისტული კომპანიები უკვე სპეციალურ „შორტ ბრეიქებს“ სთავაზობენ დამსვენებლებს, რათა თავგადასავლები დროში შეზღუდულ გარემოშიც შესაძლებელი გახდეს. #ახალიამბები #BusinessMediaGeorgia
როგორ დავგეგმოთ მოგზაურობა სწორად – სავიზო და იმიგრაციის წესები რუბრიკის წამყვანი: ანა კირკიტაძე - "ვინგლეთი" დამფუძნებელი; სტუმარი: თინათინ გოგუაძე - ენტერპრენერი, იკონსულის თანადამფუძნებელი; #ახალიამბები #BusinessMediaGeorgia
ახლო აღმოსავლეთში მიმდინარე ომმა მსოფლიო სავაჭრო მარშრუტები სრულად შეცვალა. სპარსეთის ყურეში ნავიგაციის პარალიზების გამო, საერთაშორისო გადამზიდავები ტვირთებისთვის უსაფრთხო და ალტერნატიულ გზებს ეძებენ. სანამ დასავლეთი ენერგეტიკული შოკის თავიდან არიდებას ცდილობს, ლოგისტიკური რუკის ტრანსფორმაციით, საქართველოს სტრატეგიული ფუნქცია მნიშვნელოვნად იზრდება. სფეროს წარმომადგენლები შუა დერეფნის გააქტიურებაზე მიანიშნებენ, რომლის მთავარი კონკურენტული უპირატესობა ახლა სწორედ სისწრაფე და უსაფრთხოებაა. #ახალიამბები #BusinessMediaGeorgia
დღეიდან, "ექსპო ჯორჯიაში" ლოგისტიკის 2 დღიანი საერთაშორისო გამოფენა, Logistics Expo 2026 იხსნება, სადაც კონფერენცია ინდუსტრიის ლიდერებს, ექსპერტებსა და ლოგისტიკური პარტნიორების პოვნით დაინტერესებულ კომპანიებს მთელი რეგიონიდან გააერთიანებს. #ახალიამბები #BusinessMediaGeorgia
საქართველოს უმსხვილესი ბიზნეს გაერთიანების რიგებს კიდევ ერთი კომპანია შეემატა. „ციტადელი“, რომლის ისტორია 2011 წლიდან იწყება და დაარსების დღიდან სამშენებლო მასალების ბაზარზე მნიშვნელოვან ადგილს იკავებს, საქართველოს ბიზნეს ასოციაციის წევრი გახდა. დღეს „ციტადელი“ მომხმარებლებთან ურთიერთობას რამდენიმე მიმართულებით ახორციელებს, მათ შორისაა: დისტრიბუცია, საცალო და კორპორაციული გაყიდვები, ასევე ონლაინ პლატფორმა. კომპანიის განვითარების პარალელურად და საერთაშორისო პარტნიორობის გაფართოებასთან ერთად, მუდმივად იზრდება პროდუქციის ასორტიმენტიც. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ნინო სეხნიაშვილი - "ციტადელი", ბიზნეს განვითარებისა და სტრატეგიული შესყიდვების ხელმძღვანელი #ახალიამბები #BusinessMediaGeorgia
ჩინურ ელექტრომობილებზე გლობალურად მოთხოვნა იზრდება. მთავარ მიზეზებს შორის კი ჩინური ავტომწარმოებლების პროგრესი და ეკონომიკური მიმზიდველობაა. Benchmark Mineral Intelligence-ის მონაცემებით დასტურდება, რომ 2025 წელს ჩინეთის შემდეგ, ყველაზე მეტი ჩინური ელექტრომობილი დიდ ბრიტანეთში გაიყიდა. რატომ იზრდება ჩინურ ავტომობილებზე მოთხოვნა? #ახალიამბები #BusinessMediaGeorgia
სერვისების გაუმჯობესება, თანამშრომელთა პროფესიული განვითარება და საერთაშორისო პრაქტიკების გაზიარება - მხოლოდ ბოლო ერთ წელში „თეგეტა აკადემიამ“ ტექნიკური და ბიზნეს ტრენინგების მიმართულებით 30-მდე კომპანიასთან ითანამშრომლა. აკადემია პარტნიორი კომპანიებისთვის ხელმისაწვდომს ხდის ისეთი მსოფლიო ბრენდების ტრენინგებს, როგორიც არის MAN, JCB.... ცოტა ხნის წინ ცნობილი გახდა, რომ „თეგეტა აკადემია“ Bridgestone-ის რეგიონალური პარტნიორი გახდა ტრენინგებისა და განვითარების მიმართულებითაც. რას სთავაზობს „თეგეტა ჰოლდინგის“ შვილობილი კომპანია „თეგეტა აკადემია“ ბიზნესს? სტუმარი: გიორგი ცინარიძე - „თეგეტა აკადემია“, დირექტორი #ახალიამბები #BusinessMediaGeorgia
მსოფლიოს საფინანსო სექტორში ბოლო ათწლეულში განსაკუთრებულად სწრაფი ზრდა ციფრულმა ბანკებმა, ანუ ნეობანკებმა განიცადა. ისინი მომხმარებლებს სრულად ონლაინ სერვისებს სთავაზობენ, რაც დაბალ საოპერაციო ხარჯებს, ანგარიშის სწრაფ გახნას და რეალურ დროში ტრანზაქციებს უზრუნველყოფს. 2025 წლისთვის ნეობანკების მომხმარებელთა რაოდენობა 350 მილიონს აღწევდა და წლიურად 16%-ით იზრდებოდა. ლიდერებს შორის არიან ბრაზილიური "ნუბანკი", ბრიტანული "რევოლუტი" და "მონზო", ამერიკული "ქაიმი" და გერმანული N26. ექსპერტების შეფასებით, 2025 წელს ფინტექ ბაზარი 121 მილიარდ დოლარს აღემატებოდა და მისი წლიური ზრდის ტემპი 38-45%-ს აღწევდა, რაც ტექნოლოგიური ინოვაციების, დაბალი ხარჯების და ახალგაზრდა მომხმარებელთა მზარდი აქტივობის გავლენას ასახავს. #ახალიამბები #BusinessMediaGeorgia
ციფრული ფინანსები ყოველდღიურად იცვლება და იმ ტემპით ვითარდება, რომ სულ უფრო ხშირად ჩნდება პროდუქტები, რომლებიც ტრადიციულ ბანკინგს და ინოვაციურ ტექნოლოგიებს ერთმანეთთან აერთიანებს. დღეს ფინანსურ სამყაროში უკვე აღარ არის მხოლოდ დაზოგვა მნიშვნელოვანი, უფრო და უფრო აქტუალური ხდება ინვესტირება, მათ შორის მცირე თანხებით და ყოველდღიური ხარჯების პარალელურად. საქართველოში სწორედ ამ იდეაზე დაფუძნებული ახალი შეთავაზება გაჩნდა. ჰეშბანკმა მომხმარებელს წარუდგინა სისტემა, რომელიც საშუალებას აძლევს მომხმარებელს, ყოველდღიური გადახდები ციფრული აქტივების დაგროვებად აქციოს. თუ აქამდე ქეშბექი მხოლოდ დაზოგვის საშუალება იყო, ახლა ის ბიტკოინში დაგროვების შესაძლებლობად იქცა. #ახალიამბები #BusinessMediaGeorgia
25 იანვარს ოფიციალურად გაიხსნა ნიკორას ხორცპროდუქტების ახალი, თანამედროვე საწარმო, რომელიც ტექნოლოგიური შესაძლებლობებითა და ინფრასტრუქტურით გამორჩეული პროექტია არა მხოლოდ რეგიონში, არამედ აღმოსავლეთ ევროპის მასშტაბით. კომპანია იუჯითიმ ნიკორას ახალ საწარმოში სრულად მოაწყო ელექტრომომარაგების, ხანძრის აღმოჩენისა და გახმოვანების, დაშვების კონტროლის, შენობის მართვის და ვიდეომეთვალყურეობის სისტემები. სტუმრები: კონსტანტინე შატაკიშვილი - "ნიკორას", წარმოების დირექტორი; მიხეილ ფანჩულიძე - UGT Electric-ის საოპერაციო მიმართულების ხელმძღვანელი #ახალიამბები #BusinessMediaGeorgia
ახლო აღმოსავლეთში მიმდინარე ომმა და მასშტაბურმა გეოპოლიტიკურმა კრიზისმა არაბეთის გაერთიანებული საემიროების ეკონომიკაზე პირველი სერიოზული დარტყმა უკვე მიიტანა. დუბაის უძრავი ქონების ბაზარი, რომელიც ბოლო წლების განმავლობაში საერთაშორისო ინვესტორებისთვის ერთ-ერთ ყველაზე საიმედო და მიმზიდველ ცენტრს წარმოადგენდა, მოულოდნელი შოკის წინაშე აღმოჩნდა. მოკლე დროში საფონდო ინდექსის მკვეთრმა, 25%-იანმა ვარდნამ წინა წლების რეკორდული ფინანსური მონაპოვარი სერიოზული საფრთხის ქვეშ დააყენა. კარგავს თუ არა ქალაქი უსაფრთხო ფინანსური ნავსაყუდელის სტატუსს და რა ბედი ელის მილიარდობით დოლარის უცხოურ ინვესტიციებს მზარდი რეგიონული დაძაბულობის ფონზე? #ახალიამბები #BusinessMediaGeorgia
სამყარო დაძაბული აკვირდება სპარსეთის ყურეს, სადაც ჰორმუზის სრუტის ბლოკირებამ ენერგეტიკული ბაზრები უკვე შეარყია. თუმცა, სანამ ბირჟებზე ნავთობისა და გაზის ფასებს ითვლიან, ნამდვილი კატასტროფა გაცილებით ახლოსაა ყოველდღიურობასთან, ვიდრე ერთი შეხედვით ჩანს. ეს არ არის მხოლოდ ომი საწვავისთვის - ეს არის დარტყმა მსოფლიოს სასურსათო უსაფრთხოებაზე. რატომ ნიშნავს ჩაკეტილი სრუტე გაჩერებულ სოფლის მეურნეობას და როგორ აისახება ეს სურსათის მიწოდებაზე? #ახალიამბები #BusinessMediaGeorgia
ახლო აღმოსავლეთში მიმდინარე სამხედრო დაპირისპირება მსოფლიო ეკონომიკისთვის ურთულეს გამოცდად იქცა. სტრატეგიული საზღვაო გზების ჩაკეტვამ და ენერგომატარებლებზე ფასების რადიკალურმა ნახტომმა, საერთაშორისო ბაზრებზე ინფლაციის ახალი, მძლავრი ტალღა მყისიერად წარმოშვა. სანამ ინვესტორებში პანიკა ნარჩუნდება და წამყვანი ცენტრალური ბანკები კრიზისიდან გამოსავალს ეძებენ, რიგითი მომხმარებლებისთვის საწვავი თუ პირველადი მოხმარების პროდუქტები ყოველდღიურად ძვირდება. შეძლებს თუ არა სისტემა ამ მასშტაბური შოკის გადატანას, სად გადის კრიტიკული ზღვარი და რა კონკრეტული ნიშნებით გვიახლოვდება გლობალური რეცესია? #ახალიამბები #BusinessMediaGeorgia
11 მარტი იმ დღედ შევიდა ისტორიაში, როდესაც მსოფლიო ჯანდაცვის ორგანიზაციამ COVID-19 გლობალურ პანდემიად გამოაცხადა. რამდენიმე თვეში ვირუსი, რომელიც პირველად ჩინეთის ქალაქ უხანიში გამოვლინდა, პრაქტიკულად მთელ მსოფლიოში გავრცელდა, ქვეყნები ლოქდაუნში გადავიდა, ეკონომიკური აქტივობა შეჩერდა და მილიონობით ადამიანის ყოველდღიური ცხოვრება სრულად შეიცვალა. პანდემიამ ასობით მილიონი ადამიანი დააინფიცირა და მილიონობით სიცოცხლე შეიწირა, მსოფლიო ეკონომიკას კი ტრილიონობით დოლარის ზარალი მიაყენა. როგორ დაიწყო ყველაფერი, რა გავლენა მოახდინა კრიზისმა გლობალურ ეკონომიკასა და ბიზნესზე და როგორ შეიცვალა მსოფლიო პანდემიის შემდეგ? #ახალიამბები #BusinessMediaGeorgia
თანამედროვე ბიზნესში თანამშრომელთა კმაყოფილება და ჩართულობა სულ უფრო მნიშვნელოვან სტრატეგიად ყალიბდება. სტატისტიკაც ადასტურებს, რომ ძლიერი გუნდი და სწორად შექმნილი სამუშაო გარემო პირდაპირ აისახება როგორც პროდუქტიულობაზე, ისე კომპანიის გრძელვადიან წარმატებაზე. სწორედ ამიტომ, თანამშრომელთა ლოიალობისა და ჩართულობის შეფასება დღეს ბევრი საერთაშორისო კომპანიისთვის ერთ-ერთი მთავარი ინდიკატორია. ამ მიმართულებით საინტერესო შედეგები აქვს დეველოპერულ კომპანიას არქის, სადაც თანამშრომელთა ლოიალობის ინდექსმა ბოლო წლებში მკვეთრად იმატა და 2026 წლის კვლევაში უკვე 84% შეადგინა. რას ნიშნავს ეს მაჩვენებელი კომპანიისთვის, რა პოლიტიკა და მიდგომები დგას ამ შედეგის უკან და როგორ მუშაობს არქი თანამშრომელთა განვითარებისა და ჩართულობის გასაძლიერებლად? სტუმრები: შიო ხეცურიანი - "არქის" გენერალური დირექტორი; ეთუნა ჟვანია - "არქის" HR დეპარტამენტის ხელმძღვანელი #ახალიამბები #BusinessMediaGeorgia
არქიტექტურის პრაქტიკის განვითარება საქართველოში - რიბასთან, ანუ ბრიტანეთის არქიტექტორთა სამეფო ინსტიტუტთან თანამშრომლობის ფარგლებში - ეს იყო ღონისძიების მთავარი თემა, რომელსაც გუშინ სასტუმრო ტელეგრაფმა უმასპინძლა. ღონისძიებაზე განსაკუთრებული ყურადღება გამახვილდა საქართველოში თანამედროვე არქიტექტურის განვითარებაზე, საერთაშორისო სტანდარტებთან ინტეგრაციასა და პროფესიული სტანდარტების ამაღლებაზე. ღონისძიება ბრიტანეთის საელჩოს და „შავი ზღვის არქიტექტურული საზოგადოების” თანამშრომლობით ჩატარდა, ეს ყველაფერი კი კომპანია კლიმაკომფორტის მხარდაჭერით. აღსანიშნავია, რომ ClimaComfort წარმოადგენს საქართველოში წამყვან ევროპულ ბრენდებს გათბობა-გაგრილებისა და კლიმატკონტროლის მიმართულებით. #ახალიამბები #BusinessMediaGeorgia
ვაგრძელებთ საუბარს თემებზე, რაც თანამედროვე ბიზნესში ლიდერობას განსაზღვრავს. საერთაშორისო ინიციატივაზე შევჩერდებით, რომელიც ლიდერშიფის განვითარებას და ორგანიზაციების ტრანსფორმაციას ეხება. ტრენინგების ჩატარება ტრანსფორმაციული ლიდერშიფის მიმართულებით არის შვეიცარიული კომპანიის, Insights-ის ხელმძღვანელის გლობალური ალიანსების მიმართულებით, მარკ ლეისეგანგის თბილისში ჩამოსვლის მიზანი. ტრენინგები, Insights-ის 25-წლიანი ისტორიის პარტნიორთან, „დეველორთან“ ერთად ტარდება. სტუმრები: მარიამ დულსკიენე - „დეველორ საქართველო“ ,მმართველი დირექტორი; მარკ ლეისეგანგი - Insights-ის ხელმძღვანელი გლობალური ალიანსების მიმართულებით საუბარს სინქრონულად თარგმნის NG Georgia #ახალიამბები #BusinessMediaGeorgia
ახლო აღმოსავლეთში მიმდინარე საომარი მოქმედებების გამო, მსოფლიოს მასშტაბით ბენზინგასამართ სადგურებზე ტარიფები რეკორდულად იზრდება. სპარსეთის ყურეში ნავთობის ტრანსპორტირების შეფერხებამ, ამერიკისა და ევროპის კონტინენტებზე, საწვავის ღირებულება ბოლო პერიოდის უმაღლეს ნიშნულებამდე აიყვანა. მიუხედავად იმისა, რომ მძღოლები მოულოდნელ ფინანსურ წნეხს ყოველდღიურად სულ უფრო მწვავედ განიცდიან, ექსპერტები მოსახლეობას სიმშვიდისკენ მოუწოდებენ და პანიკური შესყიდვების აუცილებლობას კატეგორიულად გამორიცხავენ. რეალურად რა უჯდებათ მომხმარებლებს ეს გლობალური კრიზისი, რამდენ ხანს გასტანს ბენზინის ფასების მკვეთრი ნახტომი და რა პროგნოზებს აკეთებენ წამყვანი ანალიტიკოსები უახლოესი კვირებისთვის? #ახალიამბები #BusinessMediaGeorgia
საქართველოში საწვავის ბაზარზე ახალი ქსელი გამოჩნდა. კომპანია Wissol-მა ბიუჯეტური ავტოგასამართი სადგურების ქსელის Vigo-ს განვითარება დაიწყო. ახალი ბრენდი მომხმარებელს მაღალი ხარისხის საწვავს შედარებით დაბალ, ბიუჯეტურ ფასად სთავაზობს და უკვე ეტაპობრივად ჩნდება ქვეყნის სხვადასხვა რეგიონში. დღეს ვიგო დაახლოებით 15 ავტოგასამართი სადგურით არის წარმოდგენილი, თუმცა კომპანიის გეგმა ბევრად უფრო მასშტაბურია. 2026 წლის ბოლომდე ქსელი 50-ზე მეტ ობიექტს გააერთიანებს და საქართველოს თითქმის ყველა რეგიონს მოიცავს. სადგურები ძირითადად მცირე ფორმატით შენდება და გათვლილია სწრაფ, მარტივ და კომფორტულ მომსახურებაზე. სტუმარი: ვასილ ხორავა - "ვისოლი" გენერალური დირექტორი #ახალიამბები #BusinessMediaGeorgia
ნეპალის პოლიტიკაში შესაძლოა სრულიად ახალი ეპოქა დაიწყოს. ქვეყნის პრემიერ-მინისტრის პოსტზე ერთ-ერთ მთავარ ფავორიტად განიხილება ადამიანი, რომელიც პოლიტიკაში ტრადიციული გზით არ მოსულა - ის მუსიკიდან და სოციალურ აქტივიზმიდან გახდა ცნობილი. საუბარია ნეპალელ რეპერზე და პოლიტიკოსზე ბალენდრა შაჰზე, რომელსაც საზოგადოება ხშირად უბრალოდ „ბალენ შაჰის“ სახელით იცნობს. ბალენ შაჰი ფართო საზოგადოებამ პირველად მუსიკის საშუალებით გაიცნო - მისი ტექსტები კორუფციას, სოციალურ უთანასწორობას და პოლიტიკურ სისტემას აკრიტიკებდა. მოგვიანებით მან პოლიტიკაში შესვლა გადაწყვიტა და დიდი პოპულარობა მოიპოვა, როდესაც დამოუკიდებელ კანდიდატად მოიგო არჩევნები და გახდა კატმანდუს მერი. სწორედ ამ წარმატებამ და ახალგაზრდა ამომრჩევლის მხარდაჭერამ მისი სახელი ქვეყნის უმაღლესი პოლიტიკური თანამდებობის კონტექსტშიც გაახმაურა. თუ ბალენ შაჰი მართლაც გახდება პრემიერ-მინისტრი, ეს შეიძლება უპრეცედენტო შემთხვევა იყოს ნეპალის თანამედროვე პოლიტიკაში, როდესაც რეპერი და საზოგადოებრივი აქტივისტი ქვეყნის მთავრობის სათავეში აღმოჩნდება. გადაიქცევა თუ არა მუსიკალური სცენის ვარსკვლავი ნეპალის ახალი პოლიტიკური ეპოქის სიმბოლოდ ამას უახლოესი პოლიტიკური პროცესები გვაჩვენებს. #ახალიამბები #BusinessMediaGeorgia
2025 წელს, დუბაიში საცხოვრებლად 9,800 მილიონერი გადავიდა. უმდიდრესმა ადამიანებმა ქვეყანაში ჯამურად 63 მილიარდი დოლარის სიმდიდრე შეიტანეს, რაც მსოფლიოში ყველაზე მაღალი მაჩვენებელი იყო. დღეს როდესაც დუბაი საომარი მოქმედებების ეპიცენტრშია მდიდარი ადამიანები საცხოვრებელს იცვლიან. ამჟამად დუბაიდან ხალხის გადინება მასშტაბურ სახეს იძენს. მიუხედავად იმისა, რომ ზუსტი სტატისტიკის დადგენა საომარი მოქმედებების ფონზე რთულია, უსაფრთხოების კომპანიები და კერძო ავიახაზები უპრეცედენტო მოთხოვნაზე საუბრობენ. ტოვებენ თუ არა დუბაის მილიონერები? #ახალიამბები #BusinessMediaGeorgia
#საქმიანიდილა - 11 მარტი - პროლოგი #ახალიამბები #BusinessMediaGeorgia
სასტუმრო აფიშაზე უნდა მოგიყვეთ, რომელიც დედაქალაქის ცენტრში, მელიქიშვილის ხუთ ნომერში, ფილარმონიის მახლობლად მდებარეობს. სასტუმრო როგორც შოუ - ეს არის აფიშას ძირითადი კონცეფცია, რომლის დიზაინიც და ავთენტური დეტალებიც 60-70იანი წლების კინოს ეხმაურება. ყველა ტიპის, მოთხოვნისა თუ საჭიროების სტუმარს სასტუმრო შესაბამის სერვისს სთავაზობს. სტუმარი: ქეთი ნადარეიშვილი - სასტუმრო "აფიშა", დირექტორი #ახალიამბები #BusinessMediaGeorgia
ის არის გარემო, სადაც ბავშვი სწავლობს აზროვნებას, თანამშრომლობას და საკუთარი შესაძლებლობების აღმოჩენას. სწორედ ასეთ მოდელს ეფუძნება აზროვნების აკადემია, სადაც კლასიკური და თანამედროვე განათლების პრინციპები ერთიანდება და განსაკუთრებული ყურადღება ეთმობა კრიტიკული აზროვნების, შემოქმედებითობისა და სოციალური პასუხისმგებლობის განვითარებას. სტუმრები: პაატა პაპავა - აზროვნების აკადემიის სკოლის აკადემიური დირექტორი; სალომე დარსალია - აზროვნების აკადემიის ბაღის ხელმძღვანელი #ახალიამბები #BusinessMediaGeorgia
ციფრული ტრანსფორმაცია ბიზნესისთვის დღეს უკვე აუცილებლობაა და განსაკუთრებით მაშინ, როცა ხელოვნური ინტელექტი კომპანიებს აძლევს შესაძლებლობას, მნიშვნელოვნად გაამარტივონ ფინანსური პროცესები, დაზოგონ დრო და შექმნან სრულიად ახალი ბიზნეს მოდელები. ქართულ ბაზარზე სწორედ ამ მიმართულებით გასულ წელს გამოჩნდა ფინტექ კომპანია Adviso, რომელიც ბიზნესებს ფინანსური ოპერაციების ავტომატიზებაში ეხმარება. როგორ შეიძლება AI ინსტრუმენტებმა კომპანიებს შემოსავლების ზრდასა და პროცესების ოპტიმიზაციაში დაეხმაროს? სტუმრები: თორნიკე ჩხაიძე - Adviso, მმართველი პარტნიორი, დირექტორი; ნიკა ქოიავა - Adviso, თანადამფუძნებელი, Product Owner #ახალიამბები #BusinessMediaGeorgia
ლოგისტიკის საერთაშორისო გამოფენა 12 და 13 მარტს გაიმართება. Logistics Expo 2026 გამოფენა და კონფერენცია გააერთიანებს ინდუსტრიის ლიდერებს, ექსპერტებსა და ლოგისტიკური პარტნიორების პოვნით დაინტერესებულ კომპანიებს მთელი რეგიონიდან. სტუმრები: ირაკლი ფაცია - MSZ, სტრატეგიული განვითარების მენეჯერი; დავით დავითაშვილი - "თბილისი კარგო სერვისი", მმართველი პარტნიორი; თამარ გოგოლაშვილი - Onway, დამფუძნებელი, დირექტორი; ლევან ბერძენიშვილი - Dry port, კომერციული მენეჯერი #ახალიამბები #BusinessMediaGeorgia
გლობალური ბირჟები Galt & Taggart-ის მიმოხილვა / Global Markets Weekly Update სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი #ახალიამბები #BusinessMediaGeorgia
ახლო აღმოსავლეთის ომის გავლენა საქართველოს ეკონომიკაზე საქართველოს ეკონომიკა - Galt & Taggart-ის მიმოხილვა სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
რატომ კარგავს ორგანიზმი კოლაგენს & როგორ შევინარჩუნოთ ახალგაზრდობა? - #რჩევები “ავერსის” რუბრიკაში რუბრიკის ავტორი&წამყვანი: ლალი ბრეგვაძე - "ავერსის" საზოგადოებასთან ურთიერთობის სამსახურის ხელმძღვანელი; სტუმარი: ნინო ლომსაძე - ავერსის კლინიკის ექიმ-დერმატოლოგი #ახალიამბები #BusinessMediaGeorgia
გუშინ, BMG-ის ეთერში, ალექსი პეტრიაშვილმა მის საავტორო გადაცემაში "მსოფლიო, როგორც ასეთი", არაბეთის გაერთიანებული საემიროების ეროვნული თავდაცვის კოლეჯის პროფესორს ასევე ნატოსა და თურქეთში საქართველოს ყოფილ ელჩს, გეგა მგალობლიშვილს უმასპინძლა და მასთან ერთად, ახლო აღმოსავლეთში მიმდინარე ომი და ირანის გარშემო განვითარებული მოვლენები გაანალიზა. რა გზავნილს ატარებს ალი ხამენეის შვილის სულიერ ლიდერად დანიშვნა, რატომ გამორიცხავენ ექსპერტები ამერიკის ფართომასშტაბიან სახმელეთო ოპერაციას და როგორ იყენებს თეირანი ნავთობის ფასებს გლობალური შანტაჟისთვის? #ახალიამბები #BusinessMediaGeorgia
5–7 მარტს ბაკურიანში, Crystal Hotel & Spa-ში შპს „კომუნიკომი“-სა და Motorola Solutions-ის ერთობლივი კონფერენცია შედგა, რომლის ფარგლებშიც საკომუნიკაციო ტექნოლოგიებისა და უსაფრთხოების სისტემების უახლესი ინოვაციები იქნა წარდგენილი. ღონისძიება მიემართებოდა სახელმწიფო და კერძო სექტორის წარმომადგენლებსა და უსაფრთხოების მიმართულების სპეციალისტებს. კონფერენციის მთავარ მიზანს კი ტექნოლოგიური სიახლეების უშუალოდ დამკვეთებისთვის გაცნობა, სფეროში არსებული თანამედროვე შესაძლებლობების გაზიარება და სამომავლო თანამშრომლობის გაღრმავება წარმოადგენდა. #ახალიამბები #BusinessMediaGeorgia
#ავიაციისსიახლეები: ✈ Wizz Air ისრაელისა და ახლო აღმოსავლეთის მიმართულებით ფრენებს 16 მარტამდე წყვეტს ✈ საავიაციო კრიზისი ახლო აღმოსავლეთში - რომელი ქვეყნების ცაა ჩაკეტილი? ✈ გუშინ თბილისის და ბათუმის აეროპორტებიდან ახლო აღმოსავლეთით 14 ფრენა გაუქმდა ✈ ავიაკომპანიები შეზღუდულ რეისებს ასრულებენ - გიორგი შენგელია ✈ “ჩვენი მგზავრები, რომლებიც ტაილანდში იყვნენ, საქართველოში ბრუნდებიან” - გიორგი შენგელია ✈ ავიაბილეთების გაძვირება გარდაუვალია - გიორგი შენგელია კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ახალიამბები #BusinessMediaGeorgia