გუშინ წინანდლის ისტორიულ მამულში კლასიკური მუსიკის მსოფლიო ვარსკვლავებმა მოიყარეს თავი. წინანდლის ფესტივალის მერვე სეზონი ოფიციალურად გაიხსნა. პირველ კონცერტზე სცენა მსოფლიოში აღიარებულმა ქართველმა მევიოლინემ, ლიზა ბათიაშვილმა დაიკავა. პანკავკასიური ახალგაზრდული ორკესტრის თანხლებითა და მაესტრო ჯანანდრეა ნოზედას დირიჟორობით, მსმენელმა შიმანოვსკის სავიოლინო კონცერტი და რიმსკი-კორსაკოვის „შეჰერაზადა“ მოისმინა. სწორედ ამ კონცერტით მიეცა სტარტი რეგიონის გამორჩეულ კულტურულ მოვლენას, რომელსაც, ტრადიციულად, კომპანია „სილქნეტი“ წარადგენს. ორგანიზატორები ხაზს უსვამენ, რომ წლევანდელი სეზონი რეკორდულია თავისი მასშტაბით -ფესტივალი 300-ზე მეტ მუსიკოსს მასპინძლობს. კლასიკური მუსიკის მოყვარულებს წინ 11-დღიანი მუსიკალური დღესასწაული და 23 დღისა და საღამოს კონცერტი ელით. მათ შორის მსოფლიოში აღიარებული რეჟისორის, დმიტრი კრიმოვის მიერ დადგმული „კარმენი“ ანიტა რაჭველიშვილის მონაწილეობით და ნაციონალური ბალეტ „სუხიშვილების“ ტრადიციული გამოსვლა.


#ახალიამბები #BusinessMediaGeorgia