4 სექტემბერს კურორტ გოდერძიზე პირველი საინვესტიციო კონფერენცია გაიმართა, რომელშიც 70-ზე მეტი ადგილობრივი და უცხოელი ინვესტორი მონაწილეობდა. აჭარის მთავრობის თავმჯდომარემ, ზურაბ პატარაძემ აღნიშნა, რომ კურორტზე უკვე 9 სასტუმრო მოქმედებს და კიდევ 20-მდე ახალი კომპლექსის მშენებლობაა დაგეგმილი. ფორუმის მონაწილეებს ასევე სიტყვით მიმართეს თიბისის ბანკის გენერალურმა დირექტორმა გიორგი თხელიძემ, აჭარის ფინანსთა და ეკონომიკის მინისტრმა ედნარ ნატარიძემ და თიბისი კაპიტალის უფროსმა ვიცე პრეზიდენტმა ირინა კვახაძემ. თიბისის გუნდმა ინვესტორებსა და ბიზნესსექტორის წარმომადგენლებს საქართველოსა და აჭარის მაკროეკონომიკური დინამიკის და ძირითადი სექტორების მიმოხილვა, ასევე კურორტ გოდერძის განვითარების გეგმები და საინვესტიციო შესაძლებლობები გააცნო.


#ახალიამბები #BusinessMediaGeorgia