"თეგეტა ჰოლდინგი" ზრდა განვითარების კიდევე ერთ ნაბიჯს დგამს და „თეგეტა მოტორსი“ ExxonMobil-ს, საქართველოსა და სომხეთის შემდეგ, ამიერიდან უკვე უზბეკეთშიც ოფიციალურად წარმოადგენს. „თეგეტა მოტორსმა“ Mobil-ის სატესტო გაყიდვები უზბეკეთის ბაზარზე მიმდინარე წელს დაიწყო. საქმიან დასაწყისს და ამ საქმეში ხარისხიან პარტნიორობას ეფექტიც შესაბამისი მოჰყვა და ოფიციალური სადილერო ხელშეკრულების გაფორმება რამდენიმე თვეში გადაწყდა. სამომავლო გეგმები მასშტაბური და საინტერესო უკვე ჩანს, 2024 ში კომპანიის გეგმაშია 1,5 მილიონი ლიტრი საცხებ-საპოხი პროდუქტის რეალიზება. ExxonMobil-ის პროდუქციის ფართო სპექტრი 1000-ამდე დასახელების პროდუქტს მოიცავს და სრულად აკმაყოფილებს უზბეკეთის ბაზრის მოთხოვნებს, მათ შორის, მსუბუქი ავტომობილების, კომერციული ტრანსპორტის, სპეცტექნიკისა და ყველაზე მასშტაბურ ინდუსტრიულ მიმართულებებს. უზბეკეთის ბაზარზე უკვე შეტანილია ExxonMobil-ის 70 დასახელების პროდუქტი, მომდევნო წლისთვის კი ასორტიმენტის გაორმაგებაა დაგეგმილი. სტუმარი: ვახტანგ ღულაძე - „თეგეტა მოტორსის“ კომერციული დირექტორი #ახალიამბები #BusinessMediaGeorgia
საქართველოში სულ უფრო მეტად მზარდია იმ ბიზნესების რაოდენობა, რომლებიც განახლებადი ენერგიის მოხმარებაზე გადადიან და ცდილობენ წარმოება ენერგოეფექტური გახადონ. სწორედ ასეთ კომპანიებს გრინ ენერჯი მზის პანელების დაპროექტებასა და მონტაჟს სთავაზობს. ამჯერად გრინ ენერჯის მომსახურებით ბოსტნეულისა და ბაღჩეულის მწარმოებელი კომპანია “იმერი” ისარგებლებს, რომელიც საწარმო ტერიტორიაზე 225 კილოვატ საათის სიმძლავრის მზის ელექტრო სადგურს მოაწყობს. იმერია გრინ ენერჯის დახმარებით სამ წელიწადში სრულად ენერგოდამოუკიდებელი გახდება, რითაც წარმოების ხარჯებს შეამცირებს. #ახალიამბები #BusinessMediaGeorgia
ბიზნეს ინსაიდერმა ამერიკის ეკონომიკის შესახებ კვლევა გამოაქვეყნა, რომელშიც ნათქვამია, რომ ამერიკა სამ წლიანი რთული პერიოდის შემდეგ ერთგვარ ეკონომიკურ ნირვანას მიაღწია, რაც იმას გულისხმობს, რომ ქვეყანაში ეკონომიკური მდგომარეობა სტაბილურ ნიშნულს მიუახლოვდა, თუმცა ამას წინ საკმაოდ რთული პროცესები უძღოდა. რეალურად რას მოიაზრებს ამერიკის ეკონომიკის დასტაბილურება? #ახალიამბები #BusinessMediaGeorgia
2023 წელი ელექტრომობილებისთვის კიდევ ერთი ისტორიული წელი იყო, როდესაც წლიურმა წარმოებამ პირველად 14 მილიონ ერთეულს გადააჭარბა. უნდა აღინიშნოს, რომ ეს მაჩვენებელი 2022 წელს მხოლოდ 10 მილიონი იყო, რაც იმას ნიშნავს, რომ მხოლოდ 1 წლის განმავლობაში ელექტრომობილების წარმოება დაახლოებით 40%-ით გაიზარდა. ამ მონაცემების პარალელურად, საინტერესოა თუ რომელი ელექტრომობილები არის მთელ მსოფლიოში ყველაზე გაყიდვადი? - ამ კითხვაზე საპასუხოდ CleanTechnica-მ უახლესი მონაცემები გამოაქვეყნა. #ახალიამბები #BusinessMediaGeorgia
2023 წლის ნოემბერში წინა თვესთან შედარებით ინფლაციის დონემ საქართველოში -0.2%, ხოლო წლიური ინფლაციის დონემ 0.1% შეადგინა. საქსტატის მონაცემებით, ყოველთვიური ინფლაციის მაჩვენებლის ფორმირებაზე ძირითადი გავლენა სურსათისა და უალკოჰოლო სასმელების ჯგუფმა იქონია, სადაც საანგარიშო პერიოდში 0.5%-იანი კლება დაფიქსირდა. ავეჯი, საოჯახო ნივთები, სახლის მოვლა - ფასები შემცირდა 1.7%-ით, ჯანმრთელობის დაცვაზე კი კლება 0.8% იყო. როგორია მონაცემები წლიურ ჭრილში? #ახალიამბები #BusinessMediaGeorgia
#საქმიანიდილა - 5 დეკემბერი - პროლოგი #ახალიამბები #BusinessMediaGeorgia
გასული კვირის ბოლოს შრომის ინსპექციის სამსახურის უფროსი ბექა ფერაძე საქართველოს დამსაქმებელთა ასოციაციის წევრ კომპანიებს შეხვდა. შეხვედრის ფარგლებში მხარეებმა განიხილეს როგორც შრომის უსაფრთხოების, ისე შრომითი უფლებების საკითხები საკანონმდებლო მოთხოვნებისა და ინსპექტირების პროცესების ჭრილში. კერძოდ, შრომის ინსპექციის სამსახურის წარმომადგენლებმა წარადგინეს პრეზენტაცია შრომის ინსპექციის მანდატის, ინსპექტირების შედეგების, გამოვლენილი დარღვევების, შრომითი მიგრაციის კანონისა და სხვა აქტუალური თემების შესახებ. შეხვედრას 100-მდე მონაწილე ესწრებოდა და ის კითხვა-პასუხის რეჟიმში წარიმართა. სტუმარი: ელგუჯა მელაძე - დამსაქმებელთა ასოციაციის პრეზიდენტი; #ახალიამბები #BusinessMediaGeorgia
TBC Capital-ის ინფორმაციით, საქართველოში 2023 წელს გაუმჯობესებულმა ბიზნეს აქტივობამ და დაჩქარებულმა მიგრაციამ ხელი შეუწყო ეკონომიკურ ზრდას და გაააქტიურა მოთხოვნა კომერციულ უძრავ ქონებაზე, მათ შორის საცალო და საოფისე ფართებზე. შედეგად ქუჩის სავაჭრო ობიექტების იჯარის ფასი 2023 წლის 9 თვეში თბილისში წლიურად საშუალოდ 11.2%-ით გაიზარდა და კვადრატულ მეტრის ფასმა $19.3- ს მიაღწია. TBC Capital-ის პროგნოზით, 2024 წელს თბილისის ქუჩის საცალო სავაჭრო ობიექტებში ქირის ფასი საშუალოდ 8%-ით კიდევ გაიზრდება. იჯარის ფასები 2023 წლის 9 თვეში 7.5%-ით გაიზარდა თბილისის სავაჭრო ცენტრებში და აქაც მოლოდინია, რომ მომავალი წლისთვის ეს ზრდა გაგრძელდება. თიბისი კაპიტალი მიმოხილვაში წერს, რომ ბიზნესცენტრებში იჯარის ფასები 2024 წელს დაახლოებით 5%-ით გაიზრდება. კომერციულ ფართებზე ყველაზე მაღალი ფასი ვაკეში და მთაწმინდაზე ფიქსირდება, ყველაზე იაფი კი სამგორშია. სტუმარი: ლაშა ბაღათურია - „კრედიტინფო საქართველოს“ ბიზნესის განვითარების ხელმძღვანელი #ახალიამბები #BusinessMediaGeorgia
სახელმწიფო ტენდერებში ფასთა ინდექსაციის გათვალისწინების კვლევის პრეზენტაცია ინფრასტრუქტურის მშენებელთა ასოციაციამ გამართა, სადაც ამ მიმართულებით ევროპის სხვადასხვა ქვეყნებში არსებული გამოცდილება იყო თავმოყრილი. სტუმარი: ანა საბახტარაშვილი - ინფრასტრუქტურის მშენებელთა ასოციაციის თავმჯდომარე #ახალიამბები #BusinessMediaGeorgia
#ავიაციისსიახლეები: ✈ თელავის აეროპორტის ტერმინალის პროექტირებაზე კონკურსი გამოცხადდა; ✈ #WizzAir-ი ქუთაისის აეროპორტში 1 ბაზირებულ ხომალდს ამატებს; ✈ Georgian Airways-ი თბილისიდან სანქტ-პეტერბურგში ფრენებს იწყებს; ✈ სააგენტო სამოქალაქო ავიაციის გარემოზე მავნე ზეგავლენის რეგულირებას იწყებს; ✈ Air Cairo თბილისიდან შარმ ელ-შეიხის მიმართულებით ფრენებს 3 მარტიდან განაახლებს; ✈ Virgin Atlantic-მა 100%-ით მდგრადი საავიაციო საწვავით მსოფლიოში პირველი კომერციული ფრენა შეასრულა; ✈ ლონდონის ჰითროუს აეროპორტის 25%-იანი წილი იყიდება; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ავიამიმოსვლა #ახალიამბები #BusinessMediaGeorgia
ეს არ არის კონფლიქტი სახელმწიფოებს შორის; ესაა ბრძოლა მშვიდობასა და ბოროტებას შორის! მსოფლიო უნდა გაერთიანდეს ტერორიზმის ყველა ფორმის წინააღმდეგ!ვუთხრათ არა ტერორიზმს, დავუჭიროთ მხარი ისრაელს - ჩვენს მოკავშირეს უფრო ნათელი, უსაფრთხო მომავლისთვის ბრძოლაში. - ასეთია გზავნილი და ახსნაც შემცირებული აქტივობისა რაც ფონდი კეტარის მხრიდან ბოლო პერიოდში იყო. სტუმრები: სერგი გვარჯალაძე- საინვესტიციო ფონდი “კეტარის" განვითარების დირექტორი; ზაქარია ზალიკაშვილი - “შემოქმედებითი ინდუსტრიების ასოციაციის” აღმასრულებელი დირექტორი. #ახალიამბები #BusinessMediaGeorgia
საზღვრისპირა რეგიონში, მავთულხლართებთან ძალიან ახლოს, კოოპერატივი ხილის გადამუშავება ქართული სნექის წარმოებას ახერხებს და დღევანდელი დღიური 500 სნექის მაჩვენებელს ძალიან მარტივად გაზრდიან, თუკი მოთხოვნა იქნება და მსხვილ რითელ ბიზნესის წარმომადგენლებთან შეთანხმებას შეძლებენ. 30 მდე ადამიანი კოოპერატივში სხვა და სხვა წვენისგან დამზადებულ ჩურჩხელის მსგავს პროდუქტს ამზადებს და წარმოებაც აეწყო. სტუმარი: იური კოპაძე - კოოპერატივი "ხილის გადამუშავება", თავმჯდომარე; #ახალიამბები #BusinessMediaGeorgia
„ადამიანები ბიზნესის უკან“ წელს უკვე მეორედ ბიზნესგამოფენას გაყიდვების ასოციაცია მართავს, რომელიც სასტუმრო პულმანში 5 დეკემბერს 15:00-დან 21:00-მდე გაიმართება და რომელშიც მონაწილეობას 55-მდე კომპანია მიიღებს. ბიზნესგამოფენის გენერალური სპონსორი ბლაუენშტაინია და მასზე ფაქტობრივად ყველა სექტორიდან ელოდებიან კომპანიებს, მათ შორის, სამშენებლო-დეველოპერული, საფინანსო, IT და ტექნოლოგიების, სტამბა-სარეკლამო, აგრარული, ლოგისტიკა-გადაზიდვები, საინჟინრო, ჰორეკა და სხვ ა მიმართულებებიდან. ვისთვის არის ეს გამოფენა და როგორია მოლოდინები? სტუმრები: თათია არაბიძე - "ბლაუენშტაინის" დირექტორი; ჯემიკო კაკაბაძე - გაყიდვების ასოციაციის კომერციული დირექტორი; #ახალიამბები #BusinessMediaGeorgia
✔ WMO: 2023 რეკორდულად ყველაზე ცხელი წელი იქნება; ✔ გაერო-ს გენმდივანი: „ჩვენ ვცხოვრობთ კლიმატური კატასტროფის ეპოქაში”; ✔ კლიმატის ცვლილებების გამოწვევები; ✔ საქართველო იპოთეკური სესხის სიძვირით N19-ე ადგილზეა - NUMBEO-ს რეიტინგი; სად ღირს იპოთეკური სესხი ყველაზე ძვირი? - TOP-10 ქვეყანა; ✔ უცხოელების მიერ საქართველოში შესყიდული ბინების რაოდენობა (2022); ✔ რუსეთის მოქალაქეებმა საქართველოში 1,550 კომპანია დააფუძნეს (2022); ✔ საქართველოში ბინადრობის უფლება რუსეთის 15 506 მოქალაქემ მოითხოვა; ✔ ქალაქები, სადაც წელს ცხოვრება ყველაზე ძვირია. #ახალიამბები #BusinessMediaGeorgia
2023 წლის მესამე კვარტლის მონაცემებით, საქართველოში მოქმედი მიკროსაფინანსო ორგანიზაციების წმინდა მოგებამ 90 მლნ ლარს გადააჭარბა, რაც წინა წლის პერიოდის მაჩვენებლებს 9,1 მლნ ლარით აღემატება. ეროვნული ბანკის ვებ-გვერდზე გამოქვეყნებული კონსოლიდირებული ფინანსური ანგარიშგების მიხედვით, საანგარიშო პერიოდში მისოების მთლიანი აქტივები 1,953 მლრდ ლარს, მთლიანი კაპიტალი კი 729,309 მლნ ლარს უტოლდებოდა. რომელ სექტორებში იზრდება დაკრედიტების მაჩვენებლები და როგორ აფასებს თავად დარგი 2023 წელს? #ახალიამბები #BusinessMediaGeorgia
ოქროს მოპოვება მცირდება. სტატისტიკის მიხედვით, 2011წლიდან 2020 წლის პერიოდში შემცირება გასულ ათეულ წლებთან შედარებით თითქმის 70%-ს შეადგენს. ამ მონაცემებზე დაყრდნობით, ვარაუდია, რომ ოქროს მიწოდება მოთხოვნას ვერ დააკმაყოფილებს. რომელ წლებში აჩვენებდა ძვირფასი ლითონის მოპოვება განსაკუთრებულ ზრდას და ვინ არიან 2022 წლის მონაცემებით ყველაზე მსხვილი მწარმოებლები? #ახალიამბები #BusinessMediaGeorgia
იტალიის რამდენიმე ძველ ქალაქს მოსახლეობა აქტიურად ტოვებს. ამის ძირითადი მიზეზი კი ის არის, რომ ადამიანები შედარებით დიდ ქალაქებში უკეთესი სამუშაოს ძიების მიზნით ამჯობინებენ. ასეთ ქალაქებს შორის პრესისე-აქუარიქაა, რომელიც ბოლო წლების განმავლობაში განსაკუთრებით დაიცალა, შედეგად მომრავლდა მიტოვებული სახლები. სწორედ ამ სახლების აღდგენის და ახალი მოსახლეების შეძენის მიზნით, ქალაქის მთავრობამ ახალი ინიციატივა წამოიწყო. იმ ადამიანებისთვის, რომლებიც ამ პატარა ქალაქში ცხოვრებას გადაწყვეტენ, ფულადი გრანტი დაწესდა. როგორ იმუშავა ინიციატივამ და რას გულისხმობდა ეს სქემა? #ახალიამბები #BusinessMediaGeorgia
ყოველწლიური ტრადიცია, რომელსაც საფუძველი კომპანია სილქნეტმა ჩაუყარა, იმ ორგანიზაციების და დონორების შეკრებაა, რომლებიც დაჭრილ მებრძოლთა ფონდს თანადგომას უცხადებენ. ყოველი წლის ბოლოს ფონდი თავისი საქმიანობის შესახებ ანგარიშს წარადგენს და მომავალი წლის გეგმებს დამსწრე საზოგადოებას აცნობს. 2 დეკემბერს სწორედ ეს ტრადიციული ღონისძიება გაიმართა, რომელიც გალა ვახშმით დასრულდა და მასში მონაწილეობას საჯარო და კერძო პირები, ასევე ფონდის ბენეფიციარები იღებდნენ. #ახალიამბები #BusinessMediaGeorgia
#საქმიანიდილა - 4 დეკემბერი - პროლოგი #ახალიამბები #BusinessMediaGeorgia
როკფელერის ცენტრთან ნაძვის ხე აინთო; როკფელერის ცენტრის ნაძვის ხის ისტორია; ჰოლივუდის დიდების ხეივანში მაკოლეი კალკინის ვარსკვლავი გაიხსნა. #ახალიამბები #BusinessMediaGeorgia
როგორ მივაღწიოთ ქვეყანაში უფრო მეტად ინკლუზიურ ეკონომიკურ ზრდას? ეს ტერმინი – ინკლუზიურობა – პანდემიის შემდეგ დამკვიდრდა არა მხოლოდ, ლოკდაუნგამოვლილ ქვეყნებში, არამედ, საერთაშორისო საფინანსო ინსტიტუტების პოლიტიკაშიც – ინვესტირება მოახდინონ ისეთ სექტორებში, რომლებიც სწორედ ამ ინკლუზიურობის ზრდას შეუწყობს ხელს. ჯეოქეისის კვლევის მიხედვით, საქართველოს უკვე აქვს რამდენიმე ინსტრუმენტი, რასაც ხელისუფლება შეიძლება უფრო ეფექტიანად იყენებდეს იმისთვის, რომ ინკლუზიურობა გაიზარდოს – მათ შორის: DCFTA; დიაგონალური კუმულაცია; საქართველოს ლოგისტიკური შესაძლებლობები. ჯეოქეისი მთავრობისგან მკაფიო საინვესტიციო ხედვას და სტრატეგიას მოითხოვს. სტუმარი: გურამ ბააკაშვილი - Geocase-ის ეკონომიკური მიმართულების მკვლევარი; #ახალიამბები #BusinessMediaGeorgia
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 2023 წლის იანვრიდან დღემდე მოქალაქეებს ელექტროენერგიის, ბუნებრივი გაზისა და წყალმომარაგების კომუნალური კომპანიების მიერ უსაფუძვლოდ დარიცხული თანხები ჩამოაწერა, ჯამში 621 972 ლარის ოდენობით. ამ წლის განმავლობაში, კომუნალური კომპანიების წინააღმდეგ სემეკს მიმართა 1904 მოქალაქემ, რომელთა საჩივრებიც შეეხებოდა უსაფუძვლოდ დარიცხულ თანხებს, ხანდაზმულ დავალიანებებს, გამანაწილებელ ქსელებზე მიერთების პროცედურებსა და ვადებს. კომისიის გადაწყვეტილებებით, დაკმაყოფილდა მოქალაქეთა მოთხოვნები მოქმედი კანონმდებლობის შესაბამისად. სტუმარი: დავით ნარმანია - სემეკ-ის თავმჯდომარე; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
Reform-Talks: ევროპული სტანდარტები სამშენებლო სექტორში ✔ “ელემენტ ჰოლდინგი” საგანმანათლებლო პროგრამებს შექმნის სტუმრები: ნინო ჩოხელი - USAID - საქართველოს ეკონომიკური მმართველობის პროგრამის ხელმძღვანელის მოადგილე / The USAID Economic Governance Program; საბა სარიშვილი - USAID-ის პროგრამა დამსაქმებლები პროფესიული განათლებისთვის, ხელმძღვანელის მოადგილე / The USAID Industry-led Skills Development Program; ზაქრო ებელაშვილი - ELEMENT HOLDING - ელემენტ ჰოლდინგი-ის აღმასრულებელი დირექტორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
უნივერსიტეტის ქუჩაზე მდებარე, ე.წ. ზაკვოს შენობის ადგილას აუცილებლად შეამჩნევდით მიმდინარე მშენებლობას, რომელიც კიდევ უფრო შესამჩნევი მისი დასრულების შემდეგ უნდა გახდეს და ამაზე პროექტი და გეგმა წინასწარ მოლოდინს ლეგიტიმური არგუმენტებით აჩენს. 46 000 კვ/მეტრზე მშენებარე პროექტი 300 მლნ დოლარის ინვესტიციით ოთხ საცხოვრებელ ბლოკს , 1200 მდე ბინას, საცურაო აუზს, რესტორნებს, სავარჯიშო დარბაზს- ერთი სიტყვით სრულ კომპლექსს დაიტევს. სტუმარი: გოგა მაჭავარიანი - “სითი დეველოპმენტის” დირექტორი #ახალიამბები #BusinessMediaGeorgia
მიკროსაფინანსო ორგანიზაცია "ევრო კრედიტმა" გასული თვის მიწურულს პირველი ობლიგაციები განათავსა და დღეიდან ათი მილიონი დოლარის საინაუგურაციო სავალო ფასიანი ქაღალდის ემისია საცალო ინვესტორებისთვის ხელმისაწვდომია. მინიმალური ინვესტიციის მოცულობა დაინტერესებული საზოგადოებისთვის ამ განთავსებაზე 50 ათასი დოლარია. როგორია განთავსების დანარჩენი პირობები? სტუმრები: მიხეილ ნონიკაშვილი - "ევროკრედიტის" გენერალური დირექტორი; ირაკლი ელაშვილი - „ალფა კაპიტალ ედვაიზორის“ მმართველი პარტნიორი. #ახალიამბები #BusinessMediaGeorgia
საერთაშორისო ბაზრების მიმოხილვა “თიბისი კაპიტალისგან” სტუმარი: თორნიკე მჭედლიშვილი - "თიბისი კაპიტალის" საბროკერო მიმართულების ვიცე-პრეზიდენტი; #ახალიამბები #BusinessMediaGeorgia
ერთად გავიმარჯვებთ... 26 მაისი - მომავალი ჩვენია... ამ ვიდეორგოლებს და კამპანიებს მინიმუმ ერთი რამ აერთიანებს, კრეატიული სააგენტო „ფლეიმეიქერს“, რომელიც 1 წლის წინ დაფუძნდა და სიცოცხლის პირველ წელს, უამრავი საქმის გაკეთება მოასწრო. ვინ არიან „ფლეიმეიქერები“, როგორ ვითარდებიან და რა ღირებულებებს აერთიანებენ და ზოგადად რას ფიქრობენ... რა არის ბრენდი. ნუკა შევარდნაძე - Playmakers მმართველი პარტნიორი, მარკეტერი. ავტორები: ბექა ბაციკაძე, გიორგი მაისურაძე, რევაზ ნასიძე. #BrandVoice #ბრენდისხმა #BMG #BMGTV #ახალიამბები #BusinessMediaGeorgia
საქართველოს ელ-კომერციის ასოციაციამ, The USAID Economic Governance Program საგრანტო პროგრამის ფარგლებში ელექტრონული კომერციის ბაზრის მიმართ სანდოობის გასაზრდელად, მომხმარებლების უფლებების დაცვისთვის და ბიზნესის წარმოების ხარისხის გასაუმჯობესებლად სანდოობის ნიშნის პროექტი შექმნა. Trustmark- თავის მხრივ მოიაზრებს საერთაშორისო ბაზარზე საუკეთესო მაგალითებზე დაყრდნობით, ელექტრონული ვაჭრობის ეთიკის კოდექსის შემუშავებას და ნდომის ნიშნის დანერგვას და მისი მიზანია გააძლიეროს ელექტრონული კომერციის სექტორის სანდოობა რაც ადგილობრივი ელექტრონული კომერციის გაზრდის სტიმულატორი გახდება. რას წარმოადგენს, ვინ ანიჭებს და რის საფუძველზე ნდობის ნიშანს ელ კომერციის წარმომადგენელ კომპანიებს? სტუმარი: ლადო კანდელაკი - ელექტრონული კომერციის ასოციაციის ხელმძღვანელი #ახალიამბები #BusinessMediaGeorgia
ამერიკის შეერთებული შტატები დღეს მსოფლიოში საცალო ვაჭრობის ნომერ პირველი ბაზარია. ამ სექტორის ღირებულება შტატებში 7 ტრილიონ დოლარს აღემატება, რაც გლობალური საცალო ინდუსტრიის თითქმის მეოთხედს შეადგენს. აღსანიშნავია ისიც, რომ აშშ ამ მაჩვენებლით მნიშვნელოვნად უსწრებს მის მთავარ კონკურენტებს, ჩინეთსა და ინდოეთს. რომელი კომპანიები არიან აშშ-ის საცალო ვაჭრობის ყველაზე მსხვილი მოთამაშეები და რა არის მათი ყოველწლიური შემოსავალი? #ახალიამბები #BusinessMediaGeorgia
ტექნოლოგიური სიახლეები რეგიონში - რა ხდება სომხეთსა და აზერბაიჯანში? #ახალიამბები #BusinessMediaGeorgia
ორბელიანის ბაზარში "ალკორიუმის" პირველი ღვინის მაღაზია-ბარი გაიხსნა, რომელიც აერთიანებს როგორც ქსელში არსებულ ღვინის მწარმოებლებს, ისე კონკრეტულად ღვინის ბარისთვის შერჩეულ მცირე მარნებს და უცხოურ ღვინოს. #ახალიამბები #BusinessMediaGeorgia
#საქმიანიდილა - 1-ელი დეკემბერი - პროლოგი #ახალიამბები #BusinessMediaGeorgia
გუშინ, USAID-ის ეკონომიკური უსაფრთხოების პროგრამის ორგანიზებით ქართულ ამერიკული უნივერსიტეტის სტუდენტებისთვის პანელური დისკუსია გაიმართა, რომელშიც ფილმის, ანიმაციის, ვიდეო თამაშებისა და სარეკლამო ინდუსტრიაში არსებული ბიზნესების წარმომადგენლები მონაწილეობდნენ და სტუდენტებს ამ სექტორის შესახებ დეტალები გააცნეს, ასევე ის შესაძლებლობები, რაც ამ პროფესიის არჩევის შემთხვევაში საქართველოში არსებობს. #ახალიამბები #BusinessMediaGeorgia
კონკურენციის ეროვნულმა სააგენტომ, ბათუმში, მომხმარებლის უფლებების დაცვის შესახებ კანონის შესაძლო დარღვევის ფაქტებზე გამოძიება დაასრულა. 11 მოვაჭრის მიმართ დაწყებული საკითხის შესწავლის შემდეგ, კვების 9 ობიექტს დარღვევა დაუდგინდა, დარღვევის მიზეზი მხოლოდ არასახელმწიფო ენაზე შედგენილი მენიუ იყო. მოვაჭრეებს სავაჭრო პოლიტიკის კანონთან შესაბამისობაში მოსაყვანად 1 თვიანი პერიოდი განესაზღვრათ. სტუმარი: მარიამ შაიშმელაშვილი - კონკურენციის ეროვნული სააგენტოს ადმინისტრაციული დეპარტამენტის უფროსი; #ახალიამბები #BusinessMediaGeorgia
2023 წლის მაისიდან ოქტომბრის ჩათვლით, jobs.ge-ზე 45 954 ვაკანსია გამოქვეყნდა. 2022 წლის შესაბამის პერიოდთან შედარებით, მაჩვენებელი 5.1%-ით გაიზარდა - ამის შესახებ PMC კვლევითი ცენტრი დასაქმების თრექერში წერს. რაც შეეხება თვის ჭრილში მონაცემებს, 2023 წლის ოქტომბერში გამოქვეყნებული ვაკანსიების რაოდენობა, 6.1%-ით ნაკლებია სექტემბერში გამოქვეყნებული ვაკანსიების რაოდენობაზე. კერძოდ, 2023 წლის მაისი-ოქტომბრის პერიოდში 11 941 ვაკანსია გამოქვეყნდა - გაყიდვების/შესყიდვების კატეგორიაში, 10 808 ვაკანსია - ადმინისტრაციის/მენეჯმენტის კატეგორიაში, 8 365 ვაკანსია კი - ფინანსების/სტატისტიკის კატეგორიაში. სტუმარი: გიორგი ხიშტოვანი - PMC კვლევითი ცენტრის დირექტორი; #ახალიამბები #BusinessMediaGeorgia
სრულ განაკვეთზე მომუშავე მასწავლებლებს ხელფასი საშუალოდ 500 ლარით გაეზრდებათ. მასწავლებელთა ხელფასების გაზრდის ახალი ფორმულა 2024 წლის პირველი ივლისიდან ამოქმედდება. როგორც მინისტრმა გიორგი ამილახვარმა განაცხადა, ეს 6 თვის პირობებშიც კი პედაგოგებისთვის იქნება ოთხჯერ მეტი გაზრდილი შემოსავალი წლიურ ჭრილში, ვიდრე იანვრიდან გაზრდილი 125-ლარიანი დანამატი. მინისტრის თქმით, ახალი სახელფასო პოლიტიკა ანალიზის, კვლევებისა და მასწავლებლებთან აქტიური კომუნიკაციის შედეგად მიიღეს, თუმცა პედაგოგების დიდი ნაწილი მოითხოვს, რომ ხელფასი ყველა პედაგოგს თანაბრად დაემატოს. წინააღმდეგ შემთხვევაში კი ისინი საპროტესტო გამოსვლების დაწყებასაც აანონსებენ. სტუმარი: მანანა რატიანი - USAID საბაზისო განათლების პროგრამის მასწავლებლის მომზადების კომპონენტის დირექტორი #ახალიამბები #BusinessMediaGeorgia
ეროვნული ბანკის ფინანსური სტაბილურობის კომიტეტმა კომერციული ბანკებისთვის კონტრციკლური ბუფერის 1%-მდე შევსების ვადა 2024 წლის 15 მარტის ნაცვლად, 2027 წლის 15 მარტამდე გადაწია. გადაწყვეტილების შედეგად, ქვეყანაში მოქმედ ბანკებს მილიონობით ლარი გამოუთავისუფლდებათ, რომელსაც სხვა შემთხვევაში ამ ბუფერის დაცვისთვის განათავსებდნენ. სები განმარტავს, რომ გადაწყვეტილება გლობალურად გამკაცრებული მონეტარული პოლიტიკით არის განპირობებული, რამაც სავალუტო აქტივების მოზიდვის ღირებულება გააძვირა. აშშ-ის FED-ის განაკვეთი ბოლო 20 წლიან მაქსიმუმზეა და 5%-ს აღწევს. ამის გათვალისწინებით, ეროვნული ბანკი ბანკებისთვის კაპიტალის მოთხოვნებს ამსუბუქებს. გუშინ მიღებული კიდევ ერთი გადაწყვეტილებით, უცხოურ ვალუტაში ერთ წლამდე ვადით მოზიდული სახსრებისთვის სარეზერვო მოთხოვნა 25%-დან 20%-მდე შემცირდა. რა გავლენას იქონიებს ეროვნული ბანკის გადაწყვეტილებები საბანკო სექტორზე? სტუმარი: ოთარ ნადარაია - თიბისის მთავარი ეკონომისტი #ახალიამბები #BusinessMediaGeorgia
სან ფრანცისკოში, სილიკონის ველზე ყოფნისას ნინი ლონგურაშვილმა, გლობალაიზის კონფერენციის პარალელურად, ინტერვიუ ჩაწერა უკრაინელ ინვესტორთან, რომლის კომპანიაც სილიკონის ველზე ხელოვნური ინტელექტის მიმართულებით ოპერირებს.. ინვესტორი მარიანა ბონეჩი, ქართული სტარტაპ ეკოსისტემით დაინტერესებულია და მათ განვითარების გზებზე bmg-სთან საუბრობს. რა არის საჭირო სტარტაპების განვითარებისთვის და როგორია სილიკონის ველამდე მისასვლელი გზა? მარიანა ბონეჩი - ინვესტორი, “Slava Ventures” თანადამფუძნებელი; #ახალიამბები #BusinessMediaGeorgia
BAG-ის ახალი წევრი - “ჯითისი ჯგუფი” სტუმრები: აკაკი საღირაშვილი - საქართველოს ბიზნეს ასოციაციის აღმასრულებელი დირექტორის პირველი მოადგილე; დავით ჟღენტი - "ჯითისი ჯგუფის" ფინანსური დირექტორი #ახალიამბები #BusinessMediaGeorgia
„არქი“ ამერიკაში მულტიფუნქციურ საცხოვრებელ კომპლექსს ააშენებს. „არქი მაიამის“ პროექტი ამერიკულ დეველოპერულ კომპანია „ელიტ გრუპთან“ პარტნიორობით ფლორიდის შტატში, პომპანოს სანაპიროზე, მაიამის სანაპიროდან 30 წუთის სავალზე შენდება, რომლის ჯამური ინვესტიცია 50 მლნ დოლარია. სტუმარი: შიო ხეცურიანი - "არქის" გენერალური დირექტორი #ახალიამბები #BusinessMediaGeorgia
იდეათეკების გეოგრაფია კიდევ ფართოვდება - ამჯერად თანამედროვე, ნათელი და ნათელ მომავალზე ორიენტირებული სივრცე ბოლნისში გაჩნდა. საქართველოს ბანკის ამ პროექტის ფარგლებში ბოლნისის მეხუთე საჯარო სკოლაში გახსნილი სივრცე მეოცეა, რომელიც საზღვრისპირა რეგიონებში მცხოვრებ მომავალ თაობას აძლევს გარემოს და შესაძლებლობას გახდნენ უფრო კონკურენტუნარიანები და უკეთესი მომავლისათვის შეიქმნან საფუძველი. ავტორები: მანანა მანჯგალაძე, ედგარ ყაზახაშვილი, ლადო ცხადაია. #ახალიამბები #BusinessMediaGeorgia
ერის პრიორიტეტების იდენტიფიცირების ერთ-ერთი ყველაზე მარტივი გზა მისი ხარჯებისთვის თვალყურის დევნებაა და გამონაკლისს, არც სამხედრო ხარჯების ანალიზი წარმოადგენს. ჩვეულებრივ, სამხედრო ხარჯები აბსოლუტური ოდენობით იზომება და ფასდება. მაგალითად, 2022 წელს მსოფლიოს ქვეყნებმა სამხედრო შეიარაღებაზე ერთობლივად 2.2 ტრილიონი დოლარი დახარჯეს. სტოკჰოლმის საერთაშორისო მშვიდობის კვლევის ინსტიტუტის უახლესი კვლევა სამხედრო შეიარაღების გლობალურ ვაჭრობას მიმოიხილავს და მათ შორის უმსხვილეს ექსპორტიორ და იმპორტიორ ქვეყნებს გვაცნობს. როგორია კვლევის შედეგი? ლიკა მეგუთნიშვილი - BMG-ის რეპორტიორი #ახალიამბები #BusinessMediaGeorgia
უძრავი ქონების დეველოპერულმა კომპანიამ ,,ბიოგრაფი ლივინგმა“ ,,საქართველოს ბანკთან“ და სამშენებლო კომპანია ,,ანაგთან“ თანამშრომლობის მემორანდუმი გააფორმა, რომლის საფუძველზეც ვაჟა-ფშაველას #25-ში კომპანიის პირველი მრავალფუნქციური საცხოვრებელი პროექტის ,,საკენის“ მშენებლობას ,,ანაგი“ განახორციელებს. პროექტი ,,საქართველოს ბანკის“ მიერ არის დაფინანსებული და მისი მშენებლობა, რომელიც აქტიურ ფაზაშია, 2026 წელს დასრულდება. როგორ მიდის სამშენებლო სამუშაოები და რას მოიცავს სამმხრივი თანამშრომლობის მემორანდუმი? სტუმარი: ვასილ ფხაკაძე - ,,ბიოგრაფი ლივინგის” აღმასრულებელი დირექტორი; #ახალიამბები #BusinessMediaGeorgia
მთელი მსოფლიოს მასშტაბით დიდი თუ საშუალო ზომის კომპანიები საშობაო კამპანიებისთვის ემზადებიან, ახლა ზუსტად ის პერიოდია, როცა ისინი ერთმანეთთან აქტიურ კონკურენციაში შედიან, რომ საზოგადოების ყურადღება მიიპყრონ და მათ თავი დაამახსოვრონ. ამ პროცესში კი საკმაოდ დიდი ფინანსები იხარჯება. რა რაოდენობის თანხებს ხარჯავენ კომპანიები საშობაო კამპანიებში? #ახალიამბები #BusinessMediaGeorgia
საქსტატის მონაცემების მიხედვით, 2023 წლის 10 თვეში, გასული წლის ანალოგიურ პერიოდთან შედარებით ლოკოკინის ექსპორტი, როგორც ღირებულების, ასევე მოცულობების მიხედვით ზრდას აჩვენებს. უცვლელია საექსპორტო ბაზრები. 2022 წლის მსგავსად, მიმდინარე წელსაც სარეალიზაციო ქვეყნებს შორის იტალია და საფრანგეთია. როგორ აფასებენ სექტორში წლევანდელ წელს და როგორია ლოკოკინის წარმოების პოტენციალი? #ახალიამბები #BusinessMediaGeorgia
#საქმიანიდილა - 30 ნოემბერი - პროლოგი #ახალიამბები #BusinessMediaGeorgia
ექთნისა და მეანი ექთნის საქმიანობა რეგულირებული ხდება. პარლამენტი „ჯანმრთელობის დაცვის შესახებ“ კანონში ცვლილებებს განიხილავს, რომელიც ექთნისა და მეანი ექთნის საქმიანობის რეგულირებას და პროფესიული განვითარების მდგრადი სისტემის ჩამოყალიბებას ითვალისწინებს. ჯანდაცვის სისტემაში მოქმედი ყველა ექთანი, მეანი ექთანი და ექთნის თანაშემწე 2025 წლის 1-ელ იანვრამდე ვალდებულია, ჯანდაცვის სამინისტროს შესაბამის რეესტრში დარეგისტრირდეს. 2025 წლის 1 იანვრიდან კი ყველა ახლად კურსდამთავრებულს სასერტიფიკაციო გამოცდის ჩაბარება მოუწევს. ] კანონი დაადგენს ასევე, თუ რა საგანმანათლებლო ეტაპების გავლა მოუწევს ადამიანს იმისთვის, რომ გახდეს ექთანი. შემოდის ექთნის სხვადასხვა კატეგორიები განათლების დონიდან გამომდინარე.. კანონქვემდებარე აქტის დონეზე დადგინდება ასევე საექთნო სპეციალობები, როგორც არის დადგენილი ექიმის პროფესიის კუთხით. მაგალითად ანესთეზიოლოგიის ექთანი, პედიატრიის ექთანი და ა.შ ექთნები, ვინც დღეს სისტემაში მუშაობს და აქვთ პროფესიული განათლების დამადასტურებელი დიპლომი, ანუ დამთავრებული აქვთ კოლეჯი, შესაბამისი დოკუმენტის სამინისტროში წარდგენის შემდეგ შეუძლიათ რეესტრში დარეგისტრირდნენ, რის საფუძველზეც ისინი 5 წლის ვადით შეძლებენ საქმიანობას. ექთნებისა და მეანი ექთნების გარდა რეგისტრაცია მათ თანაშემწეებს და ასევე იმ ადამიანებისაც შეეძლებათ, რომლებიც სისტემაში არ არიან დასაქმებული. ჯანდაცვის სამინისტროს ინფორმაციით, დაახლოებით 20 000-მდე ექთანია სისტემაში, რომელსაც რეგისტრაცია შეეხება. რას ცვლის ექთნის საქმიანობის რეგულირება და პროფესიული განვითარების სისტემის შექმნა ამ საკმაოდ დეფიციტურ პროფესიაში? სტუმარი: ნათია ნოღაიდელი - “ჯეო ჰოსპიტალსის” სტრატეგიული განვითარების და ხარისხის დეპარტამენტის უფროსი; #ახალიამბები #BusinessMediaGeorgia
„ნარჩენების მართვის კოდექსში“ ცვლილებები შედის. მწარმოებლის გაფართოებული ვალდებულების სისტემის დანერგვისა და მისი ეფექტიანი აღსრულების მიზნით საჯარიმო სანქციები წესდება. კერძოდ, "ნარჩენების მართვის კოდექსში" ცვლილებების პროექტის მიღების შედეგად მწარმოებლის გაფართოებული ვალდებულების მარეგულირებელი ტექნიკური რეგლამენტების მოთხოვნების დარღვევებისთვის დადგინდება შესაბამისი ადმინისტრაციული პასუხისმგებლობა. დარღვევების შინაარსისა და სიმძიმის გათვალისწინებით, ნარჩენების მართვის ორგანიზაციებს ვალდებულების შეუსრულებლობის შემთხვევაში 5 000-დან 20 000 ლარამდე ჯარიმა დაეკისრებათ. დგინდება ასევე პასუხისმგებლობა ნარჩენების არაუფლებამოსილი პირისთვის გადაცემისთვის, რაც 1000-დან 2000 ლარამდე ჯარიმას ითვალისწინებს. 1000-დან 3000-ლარამდე ჯარიმას დაექვემდებარება სახიფათო ნარჩენების შეგროვებისა და დამუშავების სპეციალური მოთხოვნების დარღვევა, მუნიციპალური ნარჩენების მართვის მოთხოვნების შეუსრულებლობა კი 3000-დან 5000 ლარამდე დაჯარიმებას გამოიწვევს. როგორც ბიზნესი ამბობს, ერთ-ერთი მიზეზი, რის გამოც ორგანიზაციები გეგმას ვერ ასრულებენ და შეგროვება უჭირთ „შავი ბაზარია“. მათი თქმით, ისეთ სპეციფიკურ ნარჩენებს, როგორიც ზეთი და აკუმულატორებია, ბევრი ფიზიკური პირი სამართლებრივი და შეგროვების პრინციპის დარღვევით აგროვებს. როგორც გარემოს დაცვისა და სოფლის მეურნეობის მინისტრის მოადგილე განმარტავს, სამინისტროსთვის ეს ინფორმაცია ცნობილია და წარმოდგენილი კანონპროექტი მათ შორის არაუფლებამოსილი პირის ადმინისტრაციულ პასუხისმგებლობასაც ითვალისწინებს. სტუმრები: ვანო მთვრალაშვილი - "ნარჩენების მართვის ბიზნეს ასოციაციის" აღმასრულებელი დირექტორი; გიორგი გულიაშვილი - "საქართველოს მწარმოებლის გაფართოებული ვალდებულების ასოციაციის" თავმჯდომარე; #ახალიამბები #BusinessMediaGeorgia
საქართველოს მთავრობა თხილის სექტორს მომავალ წელსაც დაასუბსიდირებს. ფერმერები თხილის ხარისხიანი მოსავლის მისაღებად, ფინანსური მხარდაჭერის სახით ჯამში 20 მილიონ ლარს მიიღებენ. თხილის წარმოების ხელშეწყობის პროგრამა თხილის მოვლა-მოყვანისთვის საჭირო აგროქიმიკატებისა და პესტიციდების ღირებულების სუბსიდირებას ითვალისწინებს. ამ მიზნით, ფერმერები, რომელთაც საკუთრებაში ან/და ფაქტობრივ მფლობელობაში აქვთ თხილის ბაღი, არანაკლებ 0.2 ჰა და არაუმეტეს 3 ჰა სახელმწიფოსგან ჰექტარზე 500 ლარიან დახმარებას მიიღებენ. პროგრამაში ჩართულ პირებზე სუბსიდია გაიცემა ლიბერთი ბანკის აგრობარათზე შესაბამისი ქულების დარიცხვით, რომელთა განაღდებას საქართველოს მასშტაბით 500-ზე მეტ სპეციალიზებულ აგრომაღაზიაში შეძლებენ. სუბსიდირების პროგრამა გასული წლის ნოემბერში დაიწყო. მიმდინარე წელს ფერმერებმა დაახლოებით 21 მლნ ლარის დახმარება მიიღეს. რატომ დადგა სუბსიდირების პროგრამის გაგრძელების საჭიროება დღის წესრიგში და რამდენად მიზნობრივად იქნა გამოყენებული წელს პროგრამის ფარგლებში გამოყოფილი ფინანსური დახმარება. სტუმარი: მერაბ ჭითანავა - "თხილის მწარმოებელთა ასოციაციის" აღმასრულებელი საბჭოს თავმჯდომარე; #ახალიამბები #BusinessMediaGeorgia
მიმდინარე წლის გაზაფხულზე Lexus-მა ახალი მდიდრული მინივენი LM წარმოადგინა. მოდელის „სრულიად ახალი ვერსიის“ პრემიერა შანხაის ავტოსალონზე შედგა, სადაც მას გლობალური მანქანის სტატუსი მიენიჭა. ლექსუსის უახლესი მინივენი საქართველოში უკვე ხელმისაწვდომია და მომხმარებელს მისი შეძენა, ასევე ტესტ დრაივის გამოცდა, ლექსუს თბილისის შოურუმში შეუძლია. მიმდინარე თვის განმავლობაში, ლექსუს LM წინანდლის მამულშიც იყო წარმოდგენილი, სადაც რადისონ ქოლექშენის მიერ დაგეგმილი სხვადასხვა ღონისძიები პარტნიორი იყო და სასტუმროს სტუმრებს, შესაძლებლობა ჰქონდათ ლექსუსის მინივენის უპირატესობები თავად გამოეცადათ. სტუმარი: შალვა ციხელაშვილი - "ლექსუს თბილისის" დირექტორი; #ახალიამბები #BusinessMediaGeorgia