ქართულმა საკონსულტაციო კომპანიამ, Salt Projects-მა, ნიუ-იორკის შტატში პირველი საერთაშორისო პროექტი განახორციელა. ქალაქ ჰადსონში 48-ნომრიანი სასტუმრო Pocketbook Hudson გაიხსნა, რომლის კონცეფციასა და მართვაზე ვალერი ჩეხერიასა და ლევან ბერულავას გუნდმა იზრუნა. სასტუმრო ნიუ-იორკის ხმაურიანი ცხოვრებისგან დასასვენებელ ადგილს წარმოადგენს. პროექტი მრავალფეროვან სივრცეებს აერთიანებს არტისტებისთვის, კულინარიისა და სხვადასხვა ივენთების მოყვარულებისთვის. Salt Projects-ის დამფუძნებლისა და გენერალური დირექტორის, ვალერი ჩეხერიას თქმით, პროექტმა უკვე მოიპოვა საერთაშორისო აღიარება და წამყვანი მედიასაშუალებების ყურადღება. კომპანიის დამფუძნებელი ლევან ბერულავა ხაზს უსვამს ნიუ-იორკის პროექტის მნიშვნელობას და ამბობს, რომ პროექტის სრული კონცეფცია Salt Projects-ის მიერ მომზადდა, თუმცა მიღმა ამისა მიმდინარე რეჟიმშია პროექტები იტალიაში, სომხეთში და საქართველოში.


#ახალიამბები #BusinessMediaGeorgia