საქართველოს პარლამენტში წარდგენილია კანონპროექტი, რომელიც სათამაშო ბიზნესისთვის სანქციებს ამკაცრებს. თუ კომპანია სანებართვო მოსაკრებელს დროულად არ გადაიხდის ნებართვა ავტომატურად გაუუქმდება, ნაცვლად აქამდე არსებული გასამმაგებული ჯარიმისა. ცვლილება ეხება: ონლაინ კაზინოებს, სათამაშო აპარატებს და ტოტალიზატორებს. იმ შემთხვევაში, თუ კომპანიას ნებართვა გაუუქმდება, მას ბაზარზე დასაბრუნებლად სანებართვო მოსაკრებლის სრული ოდენობით გადახდა თავიდან მოუწევს. განმარტებითი ბარათის მიხედვით, ეს თანხები ასე გამოიყურება: ონლაინ სამორინე წელიწადში 5 მლნ ლარი, ონლაინ სათამაშო აპარატები 1 მლნ და ონლაინ ტოტალიზატორი და თამაშების მიწოდება ასევე 1 მლნ ლარი. ამასთან, იზრდება თავად ჯარიმის ოდენობაც არსებული 7 000 ლარის ნაცვლად, სანქცია 20 000 ლარი გახდება, ხოლო მისი გასამმაგებული ოდენობა 60 000 ლარს მიაღწევს.

სტუმარი: გიორგი მამულაიშვილი - საქართველოს სათამაშო ბიზნესის ასოციაცია, ხელმძღვანელი

#ახალიამბები #BusinessMediaGeorgia