მსოფლიო კინოინდუსტრიაში, სადაც ყოველწლიურად მილიარდობით ბილეთი იყიდება, განსაკუთრებით გამოირჩევა რამდენიმე კინოთეატრი, რომლებიც თვეში ასეულ ათასობით მაყურებელს იზიდავს. ლიდერთა შორის პარიზში მდებარე „იუჯისი სინე სიტე ლე ალია“, მადრიდის „კინეპოლის მადრიდ სიუდად დე ლა იმახენი“, ასევე პარიზის ისტორიული „ლე გრან რეკსი“, ნიუ-იორკის „ემპაიერ 25“ და სეულის „სიჯივი იონსან აი-პარკ მოლი“ სახელდება. თითოეული მათგანი განსხვავებული მოდელით მუშაობს - ზოგი ლოკაციით და მასშტაბით იზიდავს მაყურებელს, ზოგი კი ტექნოლოგიური ინოვაციებითა და უნიკალური გამოცდილებით. თუმცა საერთო ჯამში, ეს კინოთეატრები აჩვენებს ერთ ტენდენციას: თანამედროვე კინო აღარ არის მხოლოდ ფილმის ჩვენება, არამედ სრულფასოვანი გამოცდილება, სადაც მდებარეობა, ტექნოლოგია და ინფრასტრუქტურა განსაზღვრავს მაყურებლის ნაკადს და ინდუსტრიის ლიდერებს.

#ახალიამბები #BusinessMediaGeorgia