ბაზარი მშვიდდება, ლარის გაუფასურება ერთჯერადი ემოციური რეაქცია იყო - ასე აფასებს ეროვნული ბანკის პრეზიდენტის მოვალეობის შემსრულებელი ბიემჯისთან ბოლო პერიოდში სავალუტო ბაზარზე განვითარებულ მოვლენებს. ნათია თურნავა აცხადებს, რომ გასულ კვირას ლარის გაუფასურების მიზეზი მოკლევადიანი აჟიოტაჟით იყო გამოწვეული და არა ფუნდამენტური ფაქტორებით. #ახალიამბები #BusinessMediaGeorgia
გაუქმებული ჯავშნების ფონზე ბიზნესმა ზარალის დათვლა დაიწყო და პროგნოზირებს, რომ თუ რეალობა არ შეიცვლება ზაფხულის ტურისტულ სეზონს მნიშვნელოვანი საფრთხე ემუქრება. კანონმა უარყოფითი რეაქცია გამოიწვია ტურიზმის ინდუსტრიაში... საფრთხეშია ტურისტული სეზონის წარმატება- ეს ფრაზა კი ტურიზმის ალიანსის განცხადებაში იკითხება, რომელიც გუშინ გავრცელდა. ამის პარალელურად ეკონომიკის მინისტრის მოადგილე მარიამ ქვრივიშვილი ამბობს, რომ საქართველოში ტურიზმის ინდუსტრია წელს რეკორდულ ნიშნულზე იქნება. რა გავლენა აქვს მიმდინარე პროცესებს ტურიზმის სექტორზე, რამდენად მასშტაბურია ტურისტების მხრიდან საქართველოში დაგეგმილი ვიზიტების გაუქმება და რას უნდა ველოდოთ მიმდინარე სეზონზე? სტუმარი: თამუნა თანდაშვილი - საქართველოს ტურიზმის ალიანსის თანადამფუძნებელი; #ახალიამბები #BusinessMediaGeorgia
პორტებისა და ნავსადგურების ტვირთბრუნვა შემცირდა. საქსტატის თანახმად, წლის პირველ კვარტალში ქართული პორტები 3.4 მილიონ ტონა ტვირთებს მოემსახურა. კლება 8%-ია. შემცირებულია საჰაერო გადაზიდვებიც. პარალელურად, გაიზარდა სარკინიგზო ტვირთბრუნვა. 2024 წლის I კვარტალში, საქართველოს რკინიგზით გადატანილია 3.2 მლნ. ტონა ტვირთი1, რაც 2.5 პროცენტით მეტია გასული წლის შესაბამისი პერიოდის მაჩვენებელზე. გადამზიდავ კომპანიებში აცხადებენ, რომ გეოპოლიტიკურმა ვითარებამ ტვირთების გადაზიდვის მარშრუტები შეცვალა, რამაც რკინიგზაზე მოთხოვნა გაზარდა. რა მიზეზებით მცირდება საზღვაო გადაზიდვები და რა პერსპექტივა აქვს სარკინიგზო გადაზიდვების ზრდას? #ახალიამბები #BusinessMediaGeorgia
2024 წლის პირველ 4 თვეში საქართველოდან საქონლის ექსპორტი 10.1%-ით შემცირდა. უმსხვილესი სავაჭრო პარტნიორების პირველ სამეულში ყირგიზეთთან ერთად ადგილებს რუსეთი და ყაზახეთი ინაწილებენ. უმსხვილეს საექსპორტო მიმართულებებს შორის 4 თვის ჭრილში არც ერთ ევროკავშირის წევრ ქვეყანას არ ვხვდებით. როგორ შეიძლება აისახოს მიმდინარე მოვლენები ექსპორტზე და რა ტენდენციებია ვაჭრობაში საქართველოსა და მის პარტნიორ ქვეყნებს შორის? #ახალიამბები #BusinessMediaGeorgia
ინვესტორების ინტერესების გათვალისწინებით ხსნის მმართველი პარტია საგადასახადო კოდექსში ცვლილებებს რომელთან დაკავშირებით პრეზიდენტის მოტივირებული შენიშვნების გაუთვალისწინებლად ვეტოს დაძლევას მხარი საფინანსო საბიუჯეტო კომიტეტზე უკვე დაუჭირეს. სხდომის წევრებს პრეზიდენტის მოტივირებული შენიშვნები პრეზიდენტის საპარლამენტო მდივანმა, გიორგი მსხილაძემ წარუდგინა. პრეზიდენტი მიუთითებს, რომ კანონი საქართველოს საინვესტიციო სტატუსის შესახებ გარკვეულ რისკებს წარმოშობს. პრეზიდენტის წარმოდგენილ შენიშვნებში აღნიშნულია, რომ შეღავათი აჩენს შესაძლებლობას, რომ საქართველოში რუსეთიდან ოფშორებში გატანილი შაბი ფული და აქტივების გადმოიტანონ. ამასთან, დოკუმენტში მითითებულია, რომ ცვლილებები, შესაძლოა, რუსეთის ფედერაციისთვის დაწესებული სანქციების გვერდის ავლის საბაბად იქცეს. #ახალიამბები #BusinessMediaGeorgia
#ბიზნესსიახლეები bm.ge-სგან / 20.05.2024 "კანონმა უარყოფითი რეაქცია გამოიწვია...საფრთხეშია ტურისტული სეზონის წარმატება" - "ტურიზმის ალიანსი"; "ტოქსიკური გარემო, რომელიც დღესაა შექმნილი, ყველაზე მეტად აზიანებს ბიზნესს" - რესან ქიქავა; "წლიურად €100 მლნ-ზე მეტი იხარჯება ბიზნესების ცნობიერების და პროდუქციის ხარისხის გაზრდისთვის" - მეღვინე; "დონა" ბათუმში მესამე ფილიალს ხსნის; აკადემია IDEA ბიზნეს კონცეფციას ცვლის და სტომატოლოგიურ კლინიკას ხსნის; #ახალიამბები #BusinessMediaGeorgia
საპენსიო სააგენტოს საქმიანობის ცვლილებებზე პარლამენტმა კანონპროექტის განხილვა დაიწყო. ეკონომიკის სამინისტროს მომზადებული ცვლილების თანახმად, საპენსიო სააგენტოში დამოუკიდებლად არსებული საინვესტიციო და სამეთვალყურეო საბჭოების ნაცვლად, ერთი მმართველობითი ორგანო - მმართველობითი საბჭო შეიქმნება. იზრდება ლიმიტებიც, რომლის ფარგლებშიც საპენსიო ფონდი მსხვილი პროექტების დაფინანსებას შეძლებს და ეს შესაძლებლობა დაბალრისკიანი საინვესტიციო პორტფელის შემთხვევაშიც დარჩება. დღევანდელ საკომიტეტო სხდომაზე ყველაზე მეტი შენიშვნა სწორედ საპენსიო თანხებით მსხვილი პროექტების დაფინანსების საკითხზე ისმოდა. #ახალიამბები #BusinessMediaGeorgia
პარლამენტის საფინანსო-საბიუჯეტო კომიტეტმა ე.წ ოფშორების კანონზე პრეზიდენტის მოტივირებულ შენიშვნებს მხარი არ დაუჭირა. კომიტეტმა სალომე ზურაბიშვილის მოტივირებული შენიშვნები საგადასახადო კოდექსში შესულ ცვლილებებზე დღეს განიხილა. სხდომის წევრებს პრეზიდენტის მოტივირებული შენიშვნები პრეზიდენტის საპარლამენტო მდივანმა, გიორგი მსხილაძემ წარუდგინა.პრეზიდენტი მიუთითებს, რომ კანონი საქართველოს საინვესტიციო სტატუსის შესახებ გარკვეულ რისკებს წარმოშობს. როგორც სალომე ზურაბიშვილის შენიშვნებშია აღნიშნულია, დარგის ექსპერტთა აზრით, ეს შეღავათი აჩენს შესაძლებლობას, რომ საქართველოში რუსეთიდან ოფშორებში გატანილი შაბი ფული და აქტივების გადმოიტანონ. ამასთან, დოკუმენტში მითითებულია, რომ ცვლილებები, შესაძლოა, რუსეთის ფედერაციისთვის დაწესებული სანქციების გვერდის ავლის საბაბად იქცეს. რისთვის იღებს ქართული ოცნება ოფშორების კანონს და რა რისკებს ხედავს ოპოზიცია? სტუმარი: რომან გოცირიძე - დეპუტატი, ევროოპტიმისტები; #ახალიამბები #BusinessMediaGeorgia
საპენსიო სააგენტოს საქმიანობის ცვლილებებზე პარლამენტმა კანონპროექტის განხილვა დაიწყო. ეკონომიკის სამინისტროს მომზადებული ცვლილების თანახმად, საპენსიო სააგენტოში დამოუკიდებლად არსებული საინვესტიციო და სამეთვალყურეო საბჭოების ნაცვლად, ერთი მმართველობითი ორგანო - მმართველობითი საბჭო შეიქმნება. იზრდება ლიმიტებიც, რომლის ფარგლებშიც საპენსიო ფონდი მსხვილი პროექტების დაფინანსებას შეძლებს და ეს შესაძლებლობა დაბალრისკიანი საინვესტიციო პორტფელის შემთხვევაშიც დარჩება. ოპოზიციონერ დეპუტატებს ეკონომიკის სამინისტროს მიერ მომზადებულ საკანონმდებლო პაკეტზე არაერთი შენიშვნა აქვთ, მათ შორის აცხადებენ, რომ მსხვილ პროექტებში საპენსიო თანხების ჩადება არაერთ რისკს უკავშირდება. საკომიტეტო მოსმენაზე ასევე კითხვები დაისვა, თუ რატომ ეზღუდებათ მოქალაქეებს საპენსიო დანაზოგების კერძო აქტივების მმართველ კომპანიებში გადატანა. #ახალიამბები #BusinessMediaGeorgia
მთავრობის სხდომა მთავრობის ადმინისტრაციაში
ოფშორების კანონი ისევ პარლამენტშია. დღეს საფინანსო-საბიუჯეტო კომიტეტი პრეზიდენტის მოტივირებულ შენიშვნებს განიხილავს. სალომე ზურაბიშვილმა ე.წ ოფშორების კანონს ვეტო 3 მაისს დაადო და მოტივირებული შენიშვნებით "საგადასახადო კოდექსში" ცვლილებები პარლამენტს უკან დაუბრუნა. პრეზიდენტი მიუთითებს, რომ კანონი საქართველოს საინვესტიციო სტატუსის შესახებ გარკვეულ რისკებს წარმოშობს. როგორც სალომე ზურაბიშვილის შენიშვნებშია აღნიშნულია, დარგის ექსპერტთა აზრით, ეს შეღავათი აჩენს შესაძლებლობას, რომ საქართველოში რუსეთიდან ოფშორებში გატანილი შაბი ფული და აქტივების გადმოიტანონ. ამასთან, დოკუმენტში მითითებულია, რომ ცვლილებები, შესაძლოა, რუსეთის ფედერაციისთვის დაწესებული სანქციების გვერდის ავლის საბაბად იქცეს. შენიშვნებს კომიტეტზე პრეზიდენტის საპარლამენტო მდივანი წარადგენს. #ახალიამბები #BusinessMediaGeorgia
მინისტრის მოადგილეს სჯერა, თუმცა ე.წ რუსული კანონის 3 მოსმენით მიღების და სახელმწიფო დეპარტამენტიდან სანქციებთან დაკავშირებული გზავნილების, თუ ევროკავშირის წარმომადგენელთა კრიტიკის შემდეგ - ტურისტული ინდუსტრია კანონის ეფექტს უკვე გრძნობს. პროტესტის მიზეზის თუ მას მოყოლილი ქმედებების გავლენით განსაკუთრებით თბილისის ცენტრში მდებარე სასტუმროების ჯავშნები შემცირდა. ტურისტული სექტორის წარმომადგენლები კონკრეტულ ზარალებს უკვე ითვლიან. რა მდგომარეობაა სექტორში და მოვლენების ფონზე რა მოლოდინები აქვთ სასტუმრო ბიზნესის წარმომადგენლებს. #ახალიამბები #BusinessMediaGeorgia
ე.წ რუსული კანონის გავლენა სადეპოზიტო პორტფელზე. ექსპერტთა ნაწილი არ გამორიცხავს, რომ ქართული ოცნების კანონმა უცხო ქვეყნებისა და საქართველოს მოქალაქეებში შიში გამოიწვიოს. მათი თქმით, ქვეყანაში არსებული გაურკვეველი ვითარება და მთავრობის კურსის ცვლილება, სადეპოზიტო პორტფელზეც აისახება. #ახალიამბები #BusinessMediaGeorgia
როგორ დაკორექტირდება მოლოდინები შემდეგი ანგარიშისას ეს გამოჩნდება. მოკლევადიანად პროცესების შეფასებისას ინფლაციის ზრდის რისკი განახლდა. რა გავლენა ექნება ლარის კურსის ცვლილებას სამომხმარებლო პროდუქტზე და არა მხოლოდ - ბოლო დღეების განმავლობაში ეროვნული ვალუტის პოზიციების დაკარგვის გამო ბიზნესი ინფლაციის რისკებზე ალაპარაკდა. კერძო სექტორში ამბობენ, რომ თუ ტრენდი გაგრძელდება ინფლაციური პროცესებიო შეიძლება დაჩქარდეს. #ახალიამბები #BusinessMediaGeorgia
რუსული კანონის გავლენა სადეპოზიტო პორტფელზე. ექსპერტთა ნაწილი არ გამორიცხავს, რომ ქართული ოცნების კანონმა უცხო ქვეყნებისა და საქართველოს მოქალაქეებში შიში გამოიწვიოს. მათი თქმით, ქვეყანაში არსებული გაურკვეველი ვითარება და მთავრობის კურსის ცვლილება, სადეპოზიტო პორტფელზეც აისახება. #ახალიამბები #BusinessMediaGeorgia
როგორც ცნობილია, მთავრობა საპენსიო სააგენტოსთან მიმართებაში მნიშვნელოვანი ცვლილებების განხორციელებას გეგმავს. კერძოდ, პარლამენტში ინიცირებული საკანონმდებლო პაკეტის მიხედვით, დღეს საპენსიო სააგენტოში დამოუკიდებლად არსებული საინვესტიციო და სამეთვალყურეო საბჭოების ნაცვლად, ერთი მმართველობითი ორგანო - მმართველობითი საბჭო შეიქმნება. აღნიშნული საბჭო პასუხისმგებელი იქნება როგორც მენეჯმენტზე, ასევე აქტივების ინვესტირების პროცესზე. Ამასთან, იზრდება ლიმიტები, რომლის ფარგლებშიც საპენსიო ფონდი მსხვილი პროექტების დაფინანსებას შეძლებს და ეს შესაძლებლობა გაჩნდება დაბალრისკიანი საინვესტიციო პორტფელის შემთხვევაშიც. ასევე ცვლილებების მიხედვით, მოქალაქეები საპენსიო აქტივების დამოუკიდებელ აქტივების მმართველ კომპანიებში გადატანას ვეღარ შეძლებენ. რას შეცვლის მთავრობის მიერ ინიცირებული ცვლილებები? სტუმარი: ლევან სურგულაძე - ფინანსისტი; #ახალიამბები #BusinessMediaGeorgia
რა გავლენა ექნება ლარის გაუფასურებას ფასებზე - ბოლო დღეების განმავლობაში ეროვნული ვალუტის მკვეთრი გაუფასურების ფონზე ბიზნესი სამომხმარებლო პროდუქტების ფასების მოსალოდნელ ზრდაზე უკვე საუბრობს. კერძო სექტორის ნაწილის განცხადებით, თუ ლარი გაუფასურებას გააგრძელებს, კომპანიებს სამომხმარებლო პროდუქტებზე ფასის გადახედვა მოუწევს. ბიზნესი ამბობს, რომ ასევე საყურადღებოა საერთაშორისო ბირჟაზე ნავთობპროდუქტების გაზრდილი ღირებულებაც. მოსალოდნელია თუ არა ინფლაციური პროცესების დაჩქარება და სამომხმარებლო პროდუქციაზე ფასების ზრდა? #ახალიამბები #BusinessMediaGeorgia
რას წერს საერთაშორისო მედია საქართველოზე? #ახალიამბები #BusinessMediaGeorgia
გაურკვეველია ვითარება და რთულია მოლოდინებში კონკრეტიკის გარჩევა უძრავი ქონების ბაზრის მოთამაშეებისთვისაც. ბაზარზე ამ ბიზნესის წარმომადგენლები მოთხოვნის შემცირებას ელოდებიან. არაერთგვაროვანია მოლოდინები ფასთან დაკავშირებით, სამომავლოდ პროცესების გაუმჭვირვალობა ბიზნესისთვის ყველაზე რთულად დასაძლევ არასტაბილურობის განცდაშია. #ახალიამბები #BusinessMediaGeorgia
ინვესტორები პროექტებს აპაუზებენ - მიმდინარე მოვლენების გამო ბიზნესი უცხოელი პარტნიორების გაუარესებულ განწყობებზე საუბრობს. რა ეფექტი აქვს მიმდინარე მოვლენებს ბიზნეს კლიმატზე ქვეყანაში და რა მოლოდინი აქვთ კერძო სექტორის წარმომადგენლებს ? #ახალიამბები #BusinessMediaGeorgia
რა ახდენს ლარის გაუფასურებაზე გავლენას? #საქმისკურსი #ბიზნესმედია #საქმიანები #BMG #ახალიამბები #BusinessMediaGeorgia
ინვესტორები პროექტებს აპაუზებენ - მიმდინარე მოვლენების გამო ბიზნესი უცხოელი პარტნიორების გაუარესებულ განწყობებზე საუბრობს. რა ეფექტი აქვს მიმდინარე მოვლენებს ბიზნეს კლიმატზე ქვეყანაში და რა მოლოდინი აქვთ კერძო სექტორის წარმომადგენლებს? #ახალიამბები #BusinessMediaGeorgia
შოკური და გაურკვეველი სიტუაციაა უძრავი ქონების ბაზარზე. კერძო სექტორის ნაწილში აცხადებენ, რომ სამომავლოდ საცხოვრებელ უძრავ ქონებაზე მოთხოვნა შემცირდება. სააგენტოებში ამბობენ,რომ მოქალაქეები შიშობენ, რომ უძრავი ქონება გაძვირდება, განსხვავებული მოლოდინებია ბიზნესში. რა ვითარებაა უძრავი ქონების ბაზარზე და რა მოლოდინები აქვთ ბაზრის მოთამაშეებს? #ახალიამბები #BusinessMediaGeorgia
გამოიწვია თუ არა ეროვნული ვალუტის გაუფასურება ე.წ რუსული კანონის მიღებამ, ამაზე შეფასებისგან თავს იკავებს საქართველოს საბანკო ასოციაცია. ასოციაციის პრეზიდენტმა გუშინ BM.GE-სთან თქვა, რომ რამდენად მოქმედებს უკანასკნელი პროცესები ლარის კურსზე, ჯერ ადრეა ამაზე საუბარი. რამ იმოქმედა ეროვნულ ვალუტაზე? სტუმარი: აკაკი ცომაია - ეკონომისტი; #ახალიამბები #BusinessMediaGeorgia
16 მაისის ვაჭრობა Bloomberg-ის სავალუტო სისტემაში ლარის გამყარებით დაიწყო. ვაჭრობა 2.82-ის კურსზე გაიხსნა და ის რამდენიმე საათში 2.76-მდე შემცირდა. სავარაუდოდ, ეს შემცირება სწორედ ეროვნული ბანკის ინტერვენციას უკავშირდება. ამ დროისთვის Bloomberg-ის სავაჭრო სისტემაში, ერთი დოლარი 2,77 ლარად ივაჭრება. დღეს შედარებით დასტაბილურების ნიშნები აჩვენა ლონდონის საფონდო ბირჟაზე ქართული კომპანიების აქციების ღირებულებამაც. “საქმიანი საღამოს” წამყვანი გიორგი თოლორდავა შემოგვიერთდება ახლა პირდაპირ ეთერში და მეტს ის გვეტყვის, რა ვითარებაა ამ დროისთვის ბირჟებზე. #ახალიამბები #BusinessMediaGeorgia
ლეგენდარული მრბოლელის, აირტონ სენას შესახებ Netflix-ი მინი სერიალს გამოუშვებს #ახალიამბები #BusinessMediaGeorgia
გუშინ ბოლო პერიოდის ერთ-ერთი მკვეთრი გაუფასურების შემდეგ bloomberg-ის სავაჭრო სისტემაში ეროვნული ვალუტა გაუფასურებას დღესაც აგრძელებს. ამ დროისთვის 1 ამერიკული დოლარი 2.77 ლარად ივაჭრება. კიდევ უფრო ძვირადაა შესაძლებელი დოლარის ყიდვა სავალუტო ჯიხურებში. ეკონომისტების ნაწილი ლარის ბოლოდროინდელ მკვეთრ გაუფასურებას პარლამენტის მიერ ე.წ რუსული კანონის მესამე მოსმენით მიღებას და მიმდინარე მოვლენების ფონზე ბიზნესისა და ინვესტორების განწყობის გაუარესებას უკავშირებს. #ახალიამბები #BusinessMediaGeorgia
#ბიზნესსიახლეები bm.ge-სგან / 15.05.2024 „თუ გეოპოლიტიკური მდგომარეობა არ იძლევა ოპტიმიზმის საფუძველს, იქ ინვესტიციას არავინ ჩადებს“- „სიმეტრია“; "ბიზნეს აქტივობა გაჩერებულია" - ზურაბ ლალაზაშვილი „რუსული კანონის“ გავლენაზე; „საზღვარგარეთის დახმარებით ვცდილობთ დავაფინანსოთ ქართველი ფერმერები, რატომაა ეს უცხო ქვეყნის ინტერესების გამტარებელი საქმე?” EBRD-მა Gebrüder Weiss-ს თბილისთან ლოგისტიკური ტერმინალის გასაფართოებლად €3 მილიონის სესხი გამოუყო; #ახალიამბები #BusinessMediaGeorgia
საქსტატის მონაცემებით გასული წლის განმავლობაში წინა წელთან შედარებით უმუშევრობა 0.9 პროცენტული პუნქტით შემცირდა და 16.4 პროცენტი შეადგინა. ამავე დროს და ამ მონაცემების განხილვისას მნიშვნელოვანია გათვალისწინება, რომ 2023 წელს სამუშაო ძალის მონაწილეობის დონე წლიურად 1.4 პროცენტული პუნქტით გაიზარდა და 53.3 პროცენტით განისაზღვრა, ხოლო დასაქმების დონე 1.6 პროცენტული პუნქტით გაიზარდა და 44.5 პროცენტი შეადგინა. სამუშაო ძალის მონაწილეობის დონე ქალაქის ტიპის დასახლებებში 1.1 პროცენტული პუნქტითაა გაზრდილი, ხოლო სოფლის ტიპის დასახლებებში - 1.6 პროცენტული პუნქტით. დასაქმების დონე გაზრდილია როგორც ქალაქის ტიპის, ისე სოფლის ტიპის დასახლებებში, შესაბამისად 1.3 და 1.9 პროცენტული პუნქტით და 45.4 პროცენტს და 43.4 პროცენტს შეადგენს. 2023 წელს დაქირავებულთა წილი დასაქმებულთა საერთო რაოდენობის 69% პროცენტს შეადგენდა, რაც 1.1 პროცენტული პუნქტით მეტია წინა წელთან შედარებით. #ახალიამბები #BusinessMediaGeorgia
დაშორდება თუ არა საქართველო ევროკავშირს ეკონომიკურად? ე.წ. რუსული კანონის მიღების შემდეგ, ეკონომისტების და ბიზნესმენების ნაწილი აცხადებს, რომ კანონის მიღება eu-სთან ვაჭრობას შეაფერხებს. მათი თქმით, მთავრობაში არსებული ანტიდასავლური ნარატივი და ქმედებები, პოლიტიკურ კრიზისს ქმნის, რაც ეკონომიკაზეც აისახება. ბიზნესი მთავრობას ურჩევს, კანონზე უარი თქვას და დასავლეთი საქართველოს ევროპულ გზაზე ერთგულებაში დაარწმუნოს. #ახალიამბები #BusinessMediaGeorgia
პროგნოზების გაკეთება ზოგადად უმადური საქმეა და არსებულ ვითარებაში ეს შეუძლებელიც კი ჩანს, ის რაც ცხადია, პასუხისმგებლობა პროცესებზე 84 მა დეპუტატის მანდატის მატარებელმა თანაგუნდელებთან ერთად უკვე აიღო. საქართველოსნაირი მოწყვლადი ეკონომიკისათვის კი იზოლაციაში გადარჩენა არათუ განვითარება რთულად წარმოსადგენია. ბიზნესსექტორის წარმომადგენლები საინვესტიციო გარემოს გაუარესების მოლოდინში უკვე არსებულ პრობლემებზე საუბრობენ. #ახალიამბები #BusinessMediaGeorgia
რას აჩვენებს ლარის კურსი და ლონდონის ბირჟაზე ქართული კომპანიების აქციების ფასები; სტუმარი: ალეკო ძნელაძე - საბანკო ასოციაცია, პრეზიდენტი; #ახალიამბები #BusinessMediaGeorgia
რუსული კანონის მიღებით განვითარებულმა მოვლენებმა შესაძლოა დასაქმების ბაზარზე ნეგატიური გავლენა მოახდინოს და 2023 წელს არსებული პოზიტიური ტენდენცია შეცვალოს. Გასულ წელს საქართველოში უმუშევრობა რეკორდულ ნიშნულამდე შემცირდა- საქსტატის მონაცემებით, მიუხედავად გაზრდილი ემიგრაციისა და კადრების მკვეთრი დეფიციტისა, გაზრდილი იყო დასაქმებულთა რაოდენობა. რას უნდა ველოდოთ მიმდინარე პროცესებიდან გამომდინარე შრომით ბაზარზე, რა მოლოდინი აქვთ ამ კუთხით ბიზნესის წარმომადგენლებს და ანალიტიკოსებს? #ახალიამბები #BusinessMediaGeorgia
დაშორდება თუ არა საქართველო ევროკავშირს ეკონომიკურად? ე.წ. რუსული კანონის მიღების შემდეგ, ეკონომისტების და ბიზნესმენების ნაწილი აცხადებს, რომ კანონის მიღება eu-სთან ვაჭრობას შეაფერხებს. მათი თქმით, მთავრობაში არსებული ანტიდასავლური ნარატივი და ქმედებები, პოლიტიკურ კრიზისს ქმნის, რაც ეკონომიკაზეც აისახება. ბიზნესი მთავრობას ურჩევს, კანონზე უარი თქვას და დასავლეთი საქართველოს ევროპულ გზაზე ერთგულებაში დაარწმუნოს. #ახალიამბები #BusinessMediaGeorgia
მკაფიო გზავნილები ჰქონდა, გუშინ ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწეს ჯიმ ო'ბრაიენს, რომელმაც მთელი დღის განმავლობაში პრემიერთან, პოლიტიკურ პარტიებთან და სამოქალაქო სექტორთან გამართული შეხვედრები, საღამოს პრესკონფერენციაზე შეაჯამა. ობრაიენმა ხაზგასმით თქვა, რომ თუ „უცხოური გავლენის გამჭვირვალობის შესახებ“ კანონი არ მოვა ევროკავშირის სტანდარტებთან შესაბამისობაში, თუ ძალადობა განხორციელდება დემონსტრანტებზე და შესუსტდება დემოკრატია, აშშ-ის მხრიდან გარკვეული შეზღუდვები დაწესდება. ამერიკა -საქართველოს ურთიერთობების გადახედვაზე ისაუბრეს თეთრ სახლშიც. თეთრი სახლის სპიკერმა, კარინ ჟან-პიერმა განაცხადა, რომ თუკი ეს კანონი საბოლოოდ ამოქმედდება, ის აიძულებთ ფუნდამენტურად გადახედონ ურთიერთობას საქართველოსთან. რას ნიშნავს ჩვენი დასავლელი პარტნიორების გზავნილები, რა თქვა ობრაინემა სამოქალაქო სექტორთან შეხვედრაზე და არსებობს თუ არა შესაძლებლობა ე,წ რუსული კანონი გადაიხედოს? სტუმარი: გიორგი კლდიაშვილი - IDFI-ის აღმასრულებელი დირექტორი; #ახალიამბები #BusinessMediaGeorgia
პარლამენტის მიერ ე.წ. „რუსული კანონის“ მესამე მოსმენით დამტკიცების ფონზე, ლონდონის საფონდო ბირჟაზე ქართული კომპანიების აქციების ღირებულება მკვეთრად ეცემა. მიმდინარე დღის სავაჭრო სესიის გახსნიდან რამდენიმე საათში, Bank of Georgia Group-ის აქციების ღირებულება თითქმის 17%-ით დაეცა. ვარდნაა Georgia Capital-ის დაTBC Bank Group-ის შემთხვევაშიც. 15 მაისის ვაჭრობა ასევე დაიწყო ეროვნული ვალუტის გაუფასურებით.ბლუმბერგის სავაჭრო სისტემაში 1 დოლარი 2,73 ლარას ივაჭრება. როგორ შეიცვალა ქართული კომპანიების აქციების ღირებულება ლონდონის საფონდო ბირჟაზე და რა მდგომარეობაა ამ დროის მონაცემებით? #ახალიამბები #BusinessMediaGeorgia
ე.წ. რუსული კანონი, ქვეყანაში შექმნილი არასტაბილური გარემო და სახელმწიფო დეპარტამენტის გზავნილები იყო ბიზნესსა და ამერიკის ელჩს შორის შეხვედრის მთავარი თემა. შეხვედრას ამერიკის სავაჭრო პალატის წევრები ესწრებოდნენ და ის დახრულ ფორმატში მიმდინარეობდა. ბიზნესსექტორის წარმომადგენლები აცხადებენ, რომ მიმდინარე მოვლენები უარყოფითად აისახება საინვესტიციო გარემოზე. რა უთხრა ბიზნესმა ელჩს და რა გზავნილები მოისმინეს რობინ დანიგანისგან ამჩამის წევრებმა? #ახალიამბები #BusinessMediaGeorgia
#ბიზნესსიახლეები bm.ge-სგან / 14.05.2024 ევროპის გზიდან ვერავის გადავახვევინებთ... პირადად, გამოვალ და ვიდგები ქუჩაში - ლაშა პაპაშვილი ინვესტორები კითხვებს სვამენ. მნიშვნელოვანია, რაც შეიძლება სწრაფად დასტაბილურდეს სიტუაცია - ბესო ორთოიძე "რუსული კანონის" მიღება ტექნოლოგიური სექტორის განადგურებას გამოიწვევს - "კერნელი" "რუსეთი კლავს ინოვაციებს" - რა გავლენას მოახდენს "რუსული კანონი" სტარტაპ ეკოსისტემაზე? „რამდენიმე ფაქტორია, პირველი - შიში“- რატომ არ ისმის ტურიზმის ინდუსტრიის ხმა ე.წ რუსული კანონის წინააღმდეგ? #ახალიამბები #BusinessMediaGeorgia
მედიის ყურადღება ერთი თემით თუმცა სხვა და სხვა მიმართულებით იყო გაყოფილი. დედაქალაქში დღეს ევროპისა და ევრაზიის საკითხებში აშშ-ის სახელმწიფო მდივნის თანაშემწე მართავდა შეხვედრებს, რომელთა შორისაც არ იყო შეხვედრა ბიძინა ივანიშვილთან, რომელმაც როგორც პრემიერმა გუშინდელ ბრიფინგზე განმარტა, თავად თქვა უარი ობრაიანთან შეხვედრაზე და არგუმენტად დაასახელა ის, რომ პარტიის საპატიო თავმჯდომარე შანტაჟის რეჟიმში შეხვედრებს არ მართავს და შანტაჟის საგნად 2მილიარდი დოლარი დაასახელა, რომელიც მისივე თქმით ყოფილმა პრემიერმა დასავლეთს მიანდო. ირაკლი კობახიძემ ინფორმაციაში ბევრი ბუნდოვანება დატოვა, თუმცა თქვა, რომ თავად ამის შესახებ ინფორმაციას იმიტომ ფლობს, რომ ბიძინა ივანიშვილის თხოვნით მსგავსი შეხვედრების შეთავაზებისას ივანიშვილის თხოვნით თავად ითავსებდა შუამავლის როლს. ირაკლი კობახიძე ობრაიანს სახელმწიფო კანცელარიაში დღეს დილით შეხვდა. ეს საუბარი როგორც აღმოჩნდა წინასწარ გაწერილ გეგმაზე უფრო დიდხანს გაგრძელდა. #ახალიამბები #BusinessMediaGeorgia
საერთაშორისო მედია, დასავლელი პოლიტიკოსები, საქართველოთი დაინტერესებული საზოგადოება მსოფლიოში დღეს შეიტყობს რომ საქართველოს პარლამენტმა მესამე მოსმენით ე.წ რუსული კანონი „უცხოური გავლენის გამჭვირვალობის შესახებ“ სახელით დაამტკიცა. 84-მა დეპუტატმა 15 საათსა და 51 წუთზე მხარი დაუჭირა კანონს, რომელიც ბოლო ერთი თვეა ხმაურიანი განხილვების, დაპირისპირების, მასშტაბური აქციების, კრიტიკის და დასავლელი პარტნიორებისგან წუხილის, არაერთი მიმართვის და დასავლური კურსიდან გადახვევის ნიშნად იყო აღქმული. სხდომა პარლამენტში დროდადრო ფიზიკური დაპირისპირების და ხმაურიანი სიტყვიერი გარჩევებისა და შეურაწყოფის ფონზე მიმდინარეობდა. პროცესი 4 საათზე ნაკლებ დროში დასრულდა და მმართველმა უმრავლესობამ სასახლე დატოვა. #ახალიამბები #BusinessMediaGeorgia
ჯიმ ობრაიენი თბილისში შეხვედრებს მართავს. პრემიერთან შეხვედრის შემდეგ, ევროპისა და ევრაზიის საკითხებში აშშ-ის სახელმწიფო მდივნის თანაშემწე ამერიკა-საქართველოს ბიზნესპალატის, არასამთავრობო ორგანიზაციების და ოპოზიციის წარმომადგენლებს შეხვდა. “საერთაშორისო გამჭვირვალობა - საქართველოს” დირექტორი ეკა გიგაური შეხვედრის კონკრეტულ დეტალებზე არ საუბრობს, თუმცა კითხვაზე შესაძლო სანქციებთან დაკავშირებით ამბობს, რომ მოლოდინი არ უნდა გვქონდეს, რომ წინასწარ დაგვიანონსებენ შესაძლო სანქციების საკითხს, თუმცა მისი თქმით, მთავარი ისაა, რომ დასავლელი პარტნიორები ქართველი ხალხის გვერდით დგანან. #ახალიამბები #BusinessMediaGeorgia
84 მომხრე, 30 წინააღმდეგი- რუსული კანონი საქართველოს პარლამენტმა მესამე მოსმენით მიიღო. მესამე მოსმენით საკითხის განხილვა დღეს გაიმართა. მიუხედავად იმისა, რომ მესამე მოსმენით კანონპროექტის წარდგენა მხოლოდ ტექნიკურ საკითხებს, მის გრამატიკულ ჩასწორებას ითვალისწინებს, საკითხის განხილვა ხმაურის ფონზე მიმდინარეობდა, თავად განხილვის პროცესს 2 წუთი დასჭირდა. "მხარი დაუჭირეთ ჩვენი ქვეყნის სუვერენიტეტის გაძლიერებას და გამჭვირვალობას", - მიმართა კენჭისყრამდე ანრი ოხანაშვილმა დეპუტატებს. პროცედურის თანახმად, ახლა კანონპროექტი ხელმოსაწერად პრეზიდენტს უნდა გადაეგზავნოს. თავის მხრივ, სალომე ზურაბიშვილი მას ვეტოს დაადებს და კვლავ პარლამენტს დაუბრუნებს. ვეტოს დაძლევის შემთხვევაში კანონპროექტს, სავარაუდოდ, პარლამენტის თავმჯდომარე მოაწერს ხელს და საკანონმდებლო მაცნეზე გამოქვეყნების შემდეგ შევა ძალაში. #ახალიამბები #BusinessMediaGeorgia
"გამიშვეს სამსახურიდან რეორგანიზაციის საბაბით" - სოსო ბერიკაშვილი კავკასიის უნივერსიტეტიდან გაათავისუფლეს. შესაბამისი განცხადება კავკასიის უნივერსიტეტის ეკონომიკის სკოლის დეკანმა Facebook-ის პირად გვერდზე დაწერა. მისი თქმით, სამსახურიდან გათავისუფლებამდე რამდენიმე დღით ადრე, უნივერსიტეტის პრეზიდენტმა, კახა შენგელიამ უთხრა, რომ სახელმწიფო უსაფრთხოების სამსახური ბერიკაშვილის გათავისუფლებას მოითხოვდა. „კავკასიის უნივერსიტეტის“ რექტორის კახა შენგელიას განცხადებით, კი ტყუილია, რომ ეკონომიკის სკოლის დეკანი სოსო ბერიკაშვილი სამსახურიდან პოლიტიკური ნიშნით გაათავისუფლა. როგორც მან BMG-ის განუცხადა, ის სოსო ბერიკაშვილის მუშაობით უკმაყოფილო იყო. კავკასიის უნივერსიტეტში თანამდებობის დატოვების შესახებ განაცხადა ლექტორმა ნიკო ნერგაძემაც. “კავკასიის უნივერსიტეტის ხელმძღვანელობამ ბოლო დღეებში დაიჭირა პოზიცია, რის გამოც ჩემთვის მათთან ურთიერთობის გაგრძელდება შეუძლებელი ხდება.”- აცხადებს ნერგაძეც. რა პროცესები მიმდინარეობს კავკასიის უნივერსიტეტში, რომელიც სტუდენტების რუსული კანონის წინააღმდეგ სტუდენტების პროტესტს გუშინ შეუერთდნენ? სტუმარი: სოსო ბერიკაშვილი - „კავკასიის უნივერსიტეტის“ ეკონომიკის სკოლის ყოფილი დეკანი; #ახალიამბები #BusinessMediaGeorgia
საქართველოს მთავრობა ევროკავშირის ხუთი ქვეყნის პარლამენტის საგარეო საქმეთა კომიტეტების თავმჯდომარეებს არ შეხვდა. ამის შესახებ გერმანიის ბუნდესტაგის საგარეო საქმეთა კომიტეტის თავმჯდომარე, მიხაელ როთი სოციალურ ქსელში წერს. როგორც როთი აღნიშნავს, შეხვედრა მხოლოდ საქართველოს პარლამენტის საგარეო ურთიერთობათა კომიტეტის თავმჯდომარესთან შედგა და ისიც არა პარლამენტში, არამედ "ქართული ოცნების" ოფისში. "საქართველოს მთავრობამ უარი თქვა ჩვენთან საუბარზე. ჩვენ აქ არ ვართ ჭკუის სასწავლებლად, აქ ერთმანეთის მოსასმენად ვართ. მხოლოდ საგარეო ურთიერთობათა კომიტეტის თავმჯდომარემ, ნიკოლოზ სამხარაძემ მიგვიღო. მან პარლამენტის ნაცვლად, "ქართული ოცნების" სათავო ოფისში გვიმასპინძლა", - წერს როთი სოციალურ ქსელში. აშშ-ის სახელმწიფო მდივნის თანაშემწე ევროპისა და ევრაზიის საკითხებში ჯიმ ობრაიენი საქართველოს პრემიერ მინისტრ ირაკლი კობახიძეს შეხვდა. შეხვედრა დღეს დილით 11 საათზე დაიწყო და 2 საათზე მეტ ხანს გაგრძელდა. მთავრობის ადმინისტრაციის მხრიდან გავრცელებულ ინფორმაციაში ვკითხულობთ, ირაკლი კობახიძემ ჯიმ ო'ბრაიენს „უცხოური გავლენის გამჭვირვალობის შესახებ“ კანონის მიღების საჭიროებაც განუმარტა და კიდევ ერთხელ გამოთქვა მმართველი გუნდის მზაობა, ვეტოს პროცედურის ფარგლებში საერთაშორისო პარტნიორების ყველა სამართლებრივი შენიშვნა ყურადღებით განიხილოს. პრემიერ-მინისტრმა აღნიშნა, რომ საქართველოს ხელისუფლება დაინტერესებულია აშშ-სთან პარტნიორობის გაღრმავებით, რაც ორმხრივ ძალისხმევას და სამართლიან ურთიერთდამოკიდებულებას მოითხოვს. დღის განმავლობაში აუდიენცია ჩანიშნულია ოპოზიციასთან და არასამთავრობო სექტორის წარმომადგენლებთანაც. ჯიმ ობრაიენის პრესკონფერენცია დღეს საღამოს 9-ის ნახევარზეა ჩანიშნული. რას უნდა ველოდით ქვეყანაში მიმდინარე მოვლენების გათვალისწინებით, რა ეფექტი ექნება ამ პროცესებს საქართველოს სამოქალაქო სექტორზე და რა გზავნილებს უნდა ველოდოთ დღეს საერთაშორისო პარტნიორების მხრიდან? სტუმარი: ლევან ნატროშვილი - ISFED-ის აღმასრულებელი დირექტორის მოადგილე; #ახალიამბები #BusinessMediaGeorgia
16 მაისის ჩათვლით პროფესიულ საგანმანათლებლო პროგრამებზე რეგისტრაცია მიმდინარეობს. აღნიშნულთან დაკავშირებით დღეს საქართველოს ბიზნესის აკადემია SBA მასშტაბურ პროფორიენტაციის ღონისძიებას მასპინძლობს. პროფესიული კოლეჯის წარმომადგენლები დაინტერესებულ მოსწავლეებს აკადემიის მიერ შეთავაზებულ სხვადასხვა პროფესიული საგანმანათლებლო პროგრამების შესახებ ინფორმაციას აცნობენ. ია ერაძე - საქართველოს ბიზნესის აკადემია SBA-ის დირექტორი; #ახალიამბები #BusinessMediaGeorgia
რა ვიცით $2 მილიარდზე - პოლიტიკოსების გაცხადებები და ფაქტები შოთა ტყეშელაშვილი - #BMG-ის ანალიტიკოსი; #ახალიამბები #BusinessMediaGeorgia
საქართველოს პარლამენტის პლენარულ სხდომა ხმაურის და ფიზიკურ დაპირისპირების ფონზე მიმდინარეობს. დეპუტატებს შორის დაპირისპირება რუსული კანონის მესამე მოსმენაზე პოლიტიკური განცხადებების დროს დაიწყო. დღეს წესით პარლამენტში კანონპროექტის საპარლამენტო განხილვის პროცესი უნდა დასრულდეს და კანონპროექტი მიღების შემთხვევაში ხელმოსაწერად პრეზიდენტს გადაეგზავნოს. საკანონმდებლო ორგანოში კანონპროექტის ხმაურიანი განხილვის პარალელურად პარლამენტის შენობასთან დილიდან ,,არა რუსულ კანონს” საპროტესტო აქცია მიმდინარეობს. აქციის მონაწილეები გადანაწილებული არიან როგორც პარლამენტის სხვადასხვა შესასვლელთან, ისე რუსთაველის გამზირზე, მათ შორის გზის სავალ ნაწილზე. როგორც ცნობილია, კანონპროექტი უცხოური ძალის ინტერესების გამტარებელ ორგანიზაციად ისეთი არასამეწარმეო იურიდიული პირებისა და მედიასაშუალებების რეგისტრაციას ითვალისწინებს, რომელთა შემოსავლის 20%-ზე მეტი - უცხოეთიდან არის მიღებული. კანონპროექტის მიხედვით, ყველა, ვინც "უცხოური ძალის ინტერესების გამტარებელ ორგანიზაციად" მოიაზრება, საჯარო რეესტრში სავალდებულო წესით ამავე სახელწოდების ბაზაში უნდა დარეგისტრირდეს. #ახალიამბები #BusinessMediaGeorgia
საქართველოს სტარტაპ ეკოსისტემის წევრები საქართველოს პარლამენტის წევრ მარიამ ლაშხთან შეხვედრას ითხოვენ. სტარტაპერები დეპუტატს მიმართავენ “უცხოური გავლენის გამჭვირვალობის შესახებ” კანონპროექტი, დოკუმენტთან დაკავშირებული გამოწვევები და საქართველოს სტარტაპ-ეკოსისტემაზე მისი უარყოფითი გავლენა ღია დისკუსიის ფორმატში განიხილონ. სტარტაპერების ამ მოწოდებას ეკოსისტემის დიდი ნაწილი უერთდება, მათ შორის ის პირები, რომელთაც ათი დღის წინ გავრცელებულ განცხადებას ღიად დაუჭირეს მხარი. მარიამ ლაშხი ექვსი წლის განმავლობაში საქართველოს ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს (GITA) თავმჯდომარის მოადგილის პოსტს იკავებდა. ასევე, სამი წლის განმავლობაში მუშაობდა “მსოფლიო ბანკში” და ჩართული იყო სააგენტოს შექმნის პროცესშიც.დღეს ის დეპუტატია და პასუხი მისგან ქართული ოცნების ერთი დეპუტატისგან, რომელსაც სავარაუდოდ ხვალ არჩევანი ორი განსხვავებული ფერის ღილაკზე თითის დაჭერას შორის ექნება ჯერ არ არის. განცხადებები და პოზიციები ბოლო კვირებში მსხვილი თუ მცირე ბიზნესებისგან მათი პოზიციის შესაბამისად არაერთი იყო. მოვისმინეთ მიმართვები ბიზნეს გაერთიანებებისგანაც, რომელთაც დრეს ბიზნეს ფედერაცია ქალები მომავლისთვის შეუერთდა. ბიზნეს ლიდერი ქალები ხელისუფლებას რუსული კანონის გაწვევისაკენ მოუწოდებენ. #ახალიამბები #BusinessMediaGeorgia
რამდენიმე წუთის წინ დაიწყო დაანონსებული სტუდენტური აქცია მარში "რუსული კანონის" წინააღმდეგ. კერძო და სახელმწიფო უნივერსიტეტების სტუდენტები საქართველოს მასშტაბით დილიდან ბათუმში, ქუთაისში, ზუგდიდში და თბილისში დაანონსებული გეგმის მიხედვით გაფიცვის რეჟიმში საპროტესტო მსვლელობებს მართავენ. "ქართველი სტუდენტები/ახალგაზრდები არ დავუშვებთ საქართველოს გარუსებას, არ გაპატიებთ ჩვენს მეგობრებსა თუ ქვეყნის მოქალაქეებზე ძალადობრივი გზებით თავდასხმას. პასუხი ისევ ერთია - ვერ შეგვაშინებთ!",-წერენ სტუდენტები. მათ პროტესტს ლექტორების ნაწილიც შეუერთდა სხვა და სხვა უნივერსიტეტიდან. საპროტესტო გამოსვლები ჯერჯერობით ქვეყნის მასშტაბით არის გაშლილი. #ახალიამბები #BusinessMediaGeorgia
“რუსული კანონი”- პროტესტი და მთავრობის უცვლელი პოზიცია “რუსული კანონი”-ს თავსებადობა კონსტიტუციასთან რა სამართლებრივი მექანიზმებია “რუსული კანონის” დამტკიცების შესაჩერებლად სტუმარი: საბა ბრაჭველი, იურისტი #ახალიამბები #BusinessMediaGeorgia