ირანის წინააღმდეგ აშშ-ისრაელის სამხედრო ოპერაციის დაწყებიდან 10 დღე გავიდა, თუმცა დაძაბულობა არ ცხრება. კვლავ ბლოკირებულია ჰორმუზის სრუტე, რომელიც ნავთობის მსოფლიო მიწოდების 20% უზრუნველყოფს. „ირანის ისლამური რევოლუცია გუშაგთა კორპუსმა“ განაცხადა, რომ თუ აშშ-ისრაელის დარტყმები გაგრძელდება, ისინი ახლო აღმოსავლეთიდან „ერთი ლიტრი ნავთობის“ გადაზიდვასაც კი არ დაუშვებენ.

ამას აშშ-ის პრეზიდენტის, დონალდ ტრამპის გაფრთხილება მოჰყვა, რომ აშშ ირანს გაცილებით უფრო ძლიერ დარტყმას მიაყენებს, თუ ის სასიცოცხლოდ მნიშვნელოვანი ენერგომომარაგების რეგიონიდან ექსპორტს დაბლოკავს. “ჰორმუზის სრუტის დახურვის გაგრძელების შემთხვევაში ნავთობის ბაზრებზე გავლენა, შესაძლოა, „კატასტროფული“ იყოს, – ამბობს საუდის არაბეთის სახელმწიფო ნავთობგიგანტის, „არამკოს“ აღმასრულებელი დირექტორი, რომლის შეფასებით ეს ვითარება რეგიონის ნავთობისა და გაზის ინდუსტრიისთვის ყველაზე დიდი კრიზისია. ფაქტია, რომ გეოპოლიტიკა, მათ შორის ენერგეტიკული გეოპოლიტიკა დღეს უპრეცედენტო ტრანსფორმაციას განიცდის. რუსეთ-უკრაინის ომმა და ახლო აღმოსავლეთში მიმდინარე სამხედრო ოპერაცია, გლობალური ენერგოუსაფრთხოების არქიტექტურა ფუნდამენტურად შეცვალა. ამ კონფლიქტებმა აჩვენა რამდენად მოწყვლადია ენერგეტიკული ინფრასტრუქტურა და როგორ შეიძლება ენერგორესურსების იარაღად გამოყენება - რას გვიქადის „დიდი გადანაწილების ხანა“ იმ გლობალურ კონტექსტში, სადაც ძველი წესრიგი ინგრევა და ახალი ჯერ კიდევ ჩამოყალიბების პროცესში?

სტუმარი: სოფია ჭანუყვაძე - ქართულ ამერიკული უნივერსიტეტის ასოცირებული პროფესორი/ საერთაშორისო ურთიერთობების დოქტორი

#ახალიამბები #BusinessMediaGeorgia