სამშენებლო მასალების ფასები მაღალ ნიშნულზე რჩება, რაც ინფრასტრუქტურის განვითარებას აძვირებს - ამის შესახებ TBC Capital-ის კვლევაში იკითხება. კერძოდ, ორგანიზაციის მიერ მომზადებულ მიმოხილვაში წერია, რომ 2020-2022 წლებში სამშენებლო მასალების ფასები მკვეთრად გაიზარდა, რაც გლობალური მიწოდების შეფერხებებმა და ენერგორესურსებზე ფასების მატებამ განაპირობა. ამან მშენებლობის დანახარჯების მთლიანი ინდექსი დაახლოებით 45–50%-ით გაიზარდა. მიუხედავად იმისა, რომ 2023–2025 წლებში ფასები დასტაბილურდა, ისინი კვლავ მნიშვნელოვნად აღემატება პანდემიამდელ ნიშნულს. TBC Capital-ის თანახმად, სამშენებლო სეგმენტებს შორის, ფასის ყველაზე მკვეთრი მატება კომუნალურ ინფრასტრუქტურულ პროექტებში გამოვლინდა. საგზაო და სარკინიგზო მშენებლობის მიმართულებით ფასები შედარებით ზომიერად გაიზარდა, თუმცა კვლავ მნიშვნელოვნად აღემატება პანდემიამდელ მაჩვენებლებს. მათი თქმით, ვინაიდან საგზაო მშენებლობა მნიშვნელოვანწილად ბიტუმსა და ბეტონზეა დამოკიდებული, ამ სეგმენტში ფასების დინამიკა მჭიდროდ ასახავს ნავთობისა და ენერგორესურსების გლობალურ ბაზარზე განვითარებულ მოვლენებს. მთლიანობაში, სამშენებლო მასალების ფასები სტრუქტურულად მაღალ ნიშნულზე რჩება, რაც ინფრასტრუქტურული განვითარებისთვის კვლავ დიდ ხარჯებს წარმოადგენს. მიმოხილვაში წერია, რომ 2025 წლის 9 თვეში ბიტუმის მთლიანი იმპორტი წლიურ ჭრილში 27%-ით შემცირდა, რაც საინვესტიციო ბანკის შეფასებით, სავარაუდოდ, ინფრასტრუქტურული პროექტების შეფერხებას უკავშირდებოდა. ასევე 2025 წლის 9 თვეში ცემენტზე მოთხოვნა წლიურად მცირედით, 2%-ით შემცირდა და 2.29 მილიონი ტონა შეადგინა. ამავდროულად, ასფალტ-ბეტონის წარმოებამ 1.24 მილიონი ტონა შეადგინა, რაც 2024 წლის ანალოგიურ პერიოდთან შედარებით 14%-იანი კლებაა. ესეც ძირითადად ინფრასტრუქტურული პროექტების განხორციელების შეფერხებით აიხსნება. რაც შეეხება არმატურას, 2025 წლის 9 თვეში მოთხოვნა წლიურად 11%-ით შემცირდა. კვლევაში ვკითხულობთ, რომ 2022 წლიდან არმატურის იმპორტი ზრდის ტენდენციით ხასიათდებოდა, მხოლოდ 2024 წელს 395 ათასი ტონა არმატურა შევისყიდეთ, ძირითადი შემომტანი ქვეყნები კი რუსეთი და ირანი იყო. 2025 წლის 9 თვ

#ახალიამბები #BusinessMediaGeorgia