ინფლაცია შემცირდა. საქსტატის მონაცემებით, თებერვალში წლიური ინფლაციის ტემპი 4.6%-მდე შენელდა. წინა თვესთან შედარებით ინფლაციის დონემ 0.2 პროცენტი შეადგინა, რაც ასევე შემცირებული ტემპია. ფასების ზრდის მთავარი მდგენელი კვლავ სურსათის გაძვირებაა, სადაც ფასები წლიურად 9.5%-ით არის გაზრდილი. ფასები წლიურ ჭრილში მომატებულია ისეთ პროდუქციაზე როგორიცაა თევზეული, პურპროდუქტები, ხილი და ბოსტნეული. სადისტრიბუციო სექტორის წარმომადგენლები და ეკონომისტების ნაწილი არ გამორიცხავს, რომ ახლო აღმოსავლეთში მიმდინარე ომის და ნავთობის მზარდი ფასის ფონზე, საქართველოში მომდევნო პერიოდში ინფლაცია კვლავ დაჩქარდეს. რა ტენდენციები იყო თებერვალში და როგორია მოლოდინები ფასებთან მიმართებაში?

#ახალიამბები #BusinessMediaGeorgia