ახლო აღმოსავლეთში კონფლიქტის ცხელი ფაზა გრძელდება. ირანში მდებარე ერთ-ერთ ბანკზე განხორციელებულ თავდასხმის შემდეგ, ირანი რეგიონში აშშ-სა და ისრაელთან დაკავშირებული ეკონომიკურ და საბანკო ობიექტებზე იერიშით იმუქრება. ბოლო დღეებია ახლა სხვებთან ერთად ყურის ქვეყნების ინვესტორები რეგიონში პროცესებს ყურადღებით ადევნებენ თვალს. აშშ-ისრაელის იერიშები და ირანის საპასუხო ნაბიჯები ყურის ქვეყნების ბიზნეს-კლიმატზე აისახა - ბიზნეს-რისკი გაიზარდა და კაპიტალის ნაწილი დროებით უფრო უსაფრთხო აქტივებში გადადის. განსაკუთრებით დაზიანდა არაბთა გაერთიანებული საამიროების „უსაფრთხო ჰაბის“ იმიჯი, მთავარი უპირატესობა - „უსაფრთხო, ნეიტრალური, კომფორტული ჰაბი“ - ახლა უფრო მეტად კითხვის ნიშნის ქვეშ დგას, რადგან ბოლო კვირის მოვლენებმა აჩვენა, რომ გეოპოლიტიკური რისკი მასაც პირდაპირ ეხება. ვერ ვიტყვით, რომ არაბულ ქვეყნებს, რომლებიც ბოლო წლებში მრავალფეროვან კაპიტალს იზიდავდა, ახლა ინვესტორები ტოვებენ, თუმცა გარკვეული ვოლატილობა შეინიშნება, რაც ბირჟებსაც ეტყობა. დღეს უფრო მეტად კაპიტალის „როტაცია ხდება, ვიდრე მასიური გაქცევა - ასე ფასდება ვითარება ახლო აღმოსავლეთის იმ ქვეყნებში, რომლებიც უცხოელ ინვესტორებს იზიდავდა. ისინი უკვე ეძებენ კლასიკურ უსაფრთხო აქტივებს და ყველაფერი იმაზე დამოკიდებული რამდენად სწრაფად მოხერხდება ვითარების დეესკალაცია - როგორია განწყობები ყურის ქვეყნებში და რამდენად რჩება ინვესტორთა ინტერესის სფეროში საქართველო?

სტუმარი: დავით ცირდავა - აზიისა და სპარსეთის ყურის ქვეყნების ბიზნეს პალატის პირველი ვიცე-პრეზიდენტი

#ახალიამბები #BusinessMediaGeorgia