დღეიდან, 24 სექტემბრიდან ინოვაციური სტარტაპებისთვის საგადასახადო შეღავათები ამოქმედდა. კერძოდ, ინოვაციური სტარტაპის სტატუსის მინიჭებიდან პირველი 3 წლის განმავლობაში კომპანიის მიერ გაცემული ხელფასი მთავრობის დადგენილებით განსაზღვრული ოდენობის ფარგლებში საშემოსავლო გადასახადისგან გათავისუფლდება. სტატუსის მინიჭების მე-4 წლიდან მომდევნო 3 წლის განმავლობაში კი მის მიერ გაცემული ხელფასი საშემოსავლო გადასახადის 5%-იანი განაკვეთით იბეგრება, ხოლო იმავე პერიოდში ინოვაციური სტარტაპის მოგების გადასახადის განაკვეთი 5% იქნება. სხვადასხვა შეღავათები გავრცელდება ინოვაციური მცირე და საშუალო კომპანიის, ასევე კვლევებისა და განვითარების მომსახურების გამწევი კომპანიის სტატუსის მქონე პირებისთვისაც. რა პირობები უნდა დააკმაყოფილონ კომპანიებმა შესაბამისი სტატუსის მისაღებად და რა ეფექტი შეიძლება ჰქონდეს საგადასახადო შეღავათებს ბიზნესზე?

სტუმარი: დავით პაპიაშვილი - "კრესტონ ჯორჯიას“ მმართველი პარტნიორი

#ახალიამბები #BusinessMediaGeorgia