წელს პირველად, The Lake თბილისის არქიტექტურის ფორუმის ოქროს პარტნიორია - ღონისძიების, რომელიც ქალაქის განვითარების, თანამედროვე არქიტექტურისა და ურბანული გამოწვევების გარშემო სფეროს წარმომადგენლებს აერთიანებს. ფორუმში მონაწილეობამ კომპანიას შესაძლებლობას მისცა ინდუსტრიისთვის მნიშვნელოვან საკითხებზე საკუთარი ხედვები გაეზიარებინა და ყურადღება თანამედროვე საცხოვრებელი სივრცეების განვითარებასა და ქალაქში ახალი პროექტების როლზე გაემახვილებინა. ფორუმის ფარგლებში The Lake-ის წარმომადგენლები პანელურ დისკუსიებშიც ჩაერთნენ. საუბარი შეეხო როგორც სექტორის წინაშე არსებულ გამოწვევებსა და განვითარების მიმართულებებს, ისე იმ შესაძლებლობებს, რომლებიც სფეროს მომავალს განსაზღვრავს. როგორც კომპანიაში აცხადებენ, მსგავსი ფორმატის ღონისძიებების მხარდაჭერა მათთვის მნიშვნელოვანია, რადგან ის პროფესიული გამოცდილების გაზიარებას, ახალი ხედვების გაცნობასა და სექტორის წარმომადგენლებს შორის თანამშრომლობის გაძლიერებას უწყობს ხელს.


#ახალიამბები #BusinessMediaGeorgia