ინტერვიუ ოთარ ნადარაიასთან სტუმარი: ოთარ ნადარაია - Nadaraia Advisory, დამფუძნებელი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ევროპული ბიზნესასოციაციის ეკონომიკური პოლიტიკის კომიტეტის საქმიანობას შევაჯერებთ დღეს ამ ეთერში. ამ კომიტეტმა, ევროპული ბიზნესასოციაციის წევრების და უფრო ფართოდ, ევროპული ბიზნესების - პრაქტიკულად სრული პროფილი მოამზადა. ორ კვლევად - და რაც ძალიან მნიშვნელოვანია ამ პროცესში ჩართო ახალგაზრდა მკვლევრები, EBA-ის აკადემიის კურსდამთავრებულები. ამ კვლევებს ანალიტიკა კიდევ მიუბრუნდება უფრო სიღრმისეულად, თუმცა, ამ ეტაპზე, მინდა თავად წევრების და კვლევებში ჩართული ადამიანების არგუმენტები და შეფასებები მოვისმინოთ იმასთან დაკავშირებით, თუ რა არის დღეს ეკონომიკური პოლიტიკის კომიტეტის დღის წესრიგი და რა არის ის კონკრეტული საჭიროებები, რომელთა დაკმაყოფილებასაც ეს კომიტეტი ცდილობს თავისი წევრებისთვის. სხვათა შორის, უახლესი დისკუსია სულ რამდენიმე დღის წინ შედგა ევროპული ბიზნესასოციაციის ორგანიზებით. სახელწოდებაც ჩვენი საუბრის შესაბამისია: ევროპული ბიზნესი საქართველოში - ზრდა, გამოწვევები და სამომავლო პერსპექტივები. დისკუსიის მთავარი თემები იყო საქართველოს კონკურენტუნარიანობა და ინვესტიციების მოზიდვისა და შენარჩუნების შესაძლებლობები, პროგნოზირებადი მარეგულირებელი გარემო, ბიზნესის გრძელვადიანი ზრდისთვის საჭირო პირობები, ფინანსებზე ხელმისაწვდომობა, კვალიფიციური კადრების განვითარება, ტექნოლოგიები და ხელოვნური ინტელექტი, ასევე საქართველოს ეკონომიკური კავშირები ევროპულ ბაზრებთან. სწორედ ამ შეხვედრაზე მოხდა ჩემს მიერ ნახსენები ორი კვლევის პრეზენტაციაც: „European Business Presence in Georgia 2026“ და „EBA Members Business Outlook 2026“. სტუმრები: მარიამ ქუჩულორია - მმართველი დირექტორი, EBA; პაატა შურღაია - მმართველი პარტნიორი - Grant Thornton; დავიდ აშოტიანი - მკვლევარი, EBA #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & Solar Auto წარმოგიდგენთ #BMGDRIVE-ს:
დედაქალაქის ურბანულ ცენტრში, „სითიზენ ცენტრალ პარკის“ პროექტით ახალი სტანდარტის დამკვიდრების შემდეგ, IG Development თბილისის კიდევ ერთ ისტორიულ არეალს ითვისებს. 22 ოქტომბრიდან სითიზენ ექსპოს პროექტზე ოფიციალური პრისეილი იწყება, სადაც მთავარი საინვესტიციო აქცენტი 10 ჰექტარი საუკუნოვანი ტყე-პარკისა და ავთენტური არქიტექტურის გადარჩენაზე კეთდება. თუმცა, ჰოლდინგის მასშტაბი ბევრად სცდება კლასიკურ დეველოპმენტს. კაპიტალის ბაზარზე განთავსებული მილიონობით დოლარის ობლიგაციები სავაჭრო ცენტრების განვითარება, დივერსიფიცირებული ენერგეტიკული პორტფელი და ქვეყნის სასურსათო უსაფრთხოებაზე გათვლილი აგრომიმართულება - ეს იმ საინვესტიციო ეკოსისტემის არასრული ჩამონათვალია, რომლითაც კომპანია ოპერირებს. რა დეტალებზე საუბრობს მინდია საბანაძე და როგორ აფასებს თავად ამ მასშტაბურ საინვესტიციო პორტფელს? მინდია საბანაძე - IG Development-ის დამფუძნებელი, ბიზნესმენი ლიკა მეგუთნიშვილი - BMG, რეპორტიორი #ახალიამბები #BusinessMediaGeorgia
Hilton-ის ხუთვარსკვლავიანი სასტუმროს, Wyndham-ის რეზიდენციებისა და საერთაშორისო გუნდების წარდგენით არქი გრანდ ავენიუს განვითარების ახალი ეტაპის პრეზენტაცია გაიმართა გუშინ საღამოს. 2 მილიარდ ლარიანი პროექტის პრეზენტაციის ერთ-ერთი მთავარი ნაწილი Hilton-ის ხუთვარსკვლავიანი სასტუმროს წარდგენა და ხელმოწერის ცერემონია იყო, რომელზეც Wyndham-ის რეზიდენციებსა და საერთაშორისო არქიტექტურული და საკონსულტაციო გუნდების როლი იყო წარმოდგენილი, რაც მათ პროექტის განვითარებაში აქვთ და ექნებათ. ქარხნის რენოვაციას ლონდონური არქიტექტურული სტუდია Benoy უძღვება. პროცესში ასევე ჩართულია საკონსულტაციო კომპანია Alkaş, რომელიც სავაჭრო და სოციალური თავშეყრის სივრცეების განვითარებაზე სხვადასხვა ქვეყანაში მუშაობს. გრანდ ავენიუს გენერალური გეგმის შექმნასა და Hilton-ის ხუთვარსკვლავიანი სასტუმროს არქიტექტურაზე Chapman Taylor-ის მადრიდის სტუდია მუშაობს. არქი გრანდ ავენიუ განვითარების ახალ ეტაპზე გადადის. 2 მილიარდიან პროექტში რომელიც გრანდ ავენიუს სახელით ვითარდება, Hilton-ის ხუთვარსკვლავიანი სასტუმრო და Wyndham-ის რეზიდენციები უნდა გაკეთდეს. თბილისის ისტორიულ მემკვიდრეობას არქი ქალაქის ახალ ცენტრად გარდაქმნის და გეგმაშია ისეთი უბნის შექმნან, რომელიც მათვე გათვლით ქალაქს ახალ შესაძლებლობებს მოუტანს. სტუმრები: შიო ხეცურიანი - არქი, გენერალური დირექტორი; დევიდ გესტო - Wyndham Hotels & Resorts-ის ფრანჩაიზინგული ოპერაციების დირექტორი; #ახალიამბები #BusinessMediaGeorgia
საქართველოში თხილის ბაღები მასობრივად ხმება. განსაკუთრებით მძიმეა ვითარება გურიასა და სამეგრელოში, სადაც განადგურებული ფართობები უკვე 9 ათას ჰა-ს აღწევს. ბაქტერიულ დაავადებას, რომელსაც უკვე წლებია თურქეთიც ებრძვის, ფერმერები საკუთარი ძალებით ვეღარ უმკლავდებიან – მცენარეების გადარჩენა ძვირადღირებულ წამლობას, ხშირ შემთხვევაში კი ბაღების ამოძირკვას მოითხოვს. პრობლემამ სავალალო შედეგამდე მიიყვანა მოსავლის ხარისხი და საექსპორტო ფასებიც, რაც არა მხოლოდ ფერმერების ფინანსურ სტაბილურობას, არამედ საერთაშორისო ბაზარზე საქართველოს პოზიციებსაც საფრთხეს უქმნის. რა ზომებს ატარებს სახელმწიფო და რას ითხოვენ დაზარალებული ფერმერები? #ახალიამბები #BusinessMediaGeorgia
მხოლოდ ქართულის დღევანდელი გმირი უკვე 11 წელია, რაც ქართულ ჩაის კულტურას, გემოვნურ თვისებებს და უპირატესობებს ქართულ ბაზარს აცნობს. ხარისხი და ესთეტიკა - როგორც კონას დამფუძნებელი გვიყვება ეს არის ის ძირითადი მახასიათებლები რაც ბრენდს გამოარჩევს. ნედლეული სრულად გურულია, ეს კი ხარისხზე თავისთავად მეტყველებს. სტუმარი: ნატალია ფარცხალაძე - "კონა", დამფუძნებელი მარიამ იზორია - #მხოლოდქართული, ავტორი&წამყვანი; #ახალიამბები #BusinessMediaGeorgia
საქართველოს ბიზნეს ასოციაცია შავიზღვისპირეთში წევრ კომპანიებში ვიზიტებს განაგრძობს. BAG-ის წარმომადგენლები ამჯერად საზღვაო-ლოგისტიკური სექტორის ერთ-ერთ წამყვან მოთამაშეს, PRIME MARINE-ს ესტუმრნენ და ადგილზე კომპანიის სამუშაო სპეციფიკასთან ერთად, განვითარების დინამიკასა და სიახლეებს დეტალურად გაეცნენ. როგორ იმართება ასეულობით გემის სანავიგაციო ციკლი, რა მიმართულებით მოძრაობს საერთაშორისო ტვირთები და რა დამატებით შესაძლებლობებს უხსნის საზღვაო სექტორს უმსხვილეს ბიზნეს გაერთიანებასთან თანამშრომლობა? #ახალიამბები #BusinessMediaGeorgia
8 ოქტომბერს საერთაშორისო ფორუმი Fusion Georgia 2026: Banking & Retail გაიმართა, რომელმაც 300-ზე მეტი მონაწილე გააერთიანა საქართველოდან, უზბეკეთიდან, ყაზახეთიდან, აზერბაიჯანიდან, ყირგიზეთიდან და ლიეტუვადან. საერთაშორისო ტექნოლოგიური კომპანია BS/2-ის ორგანიზებით, ფორუმი საქართველოში პირველად გაიმართა და ქვეყანაში კომპანიის ყველაზე მასშტაბურ ღონისძიებად იქცა. Fusion-ის სერიის მეექვსე ფორუმმა საბანკო და რითეილ სექტორებს მოუყარა თავი; ორი თემატური ბლოკი მათ გამოწვევებსა და ტექნოლოგიურ შესაძლებლობებს დაეთმო. სერიის წინა ღონისძიებები ყაზახეთსა და უზბეკეთში გაიმართა. ფორუმი მისასალმებელი სიტყვით გახსნა საქართველოში ლიეტუვის რესპუბლიკის საგანგებო და სრულუფლებიანმა ელჩმა, დარიუს ვიტკაუსკასმა. #ახალიამბები #BusinessMediaGeorgia
40 წელი სიცოცხლე, მაგრამ ათწლეულები მუსიკაში, ჯონ ლენონის ისტორია მხოლოდ The Beatles-ისა და მსოფლიო მუსიკის ისტორიას არ უკავშირდება. ლივერპულელი ბიჭიდან, რომელმაც გიტარა მოზარდობისას აიღო, ის ერთ-ერთი ყველაზე გავლენიანი მუსიკოსი, კომპოზიტორი და კულტურული სიმბოლო გახდა. მისი კარიერა სავსე იყო მსოფლიო ჰიტებით, ექსპერიმენტებით, დაპირისპირებებითა და მოულოდნელი გარდატეხებით. ლენონის გარდაცვალებიდან ათწლეულების შემდეგ კი მის მიერ შექმნილი მუსიკა კვლავ მილიონებს გამოიმუშავებს და ახალი თაობებისთვისაც აქტუალური რჩება. დღეს ლეგენდარულ მუსიკოსს 86 წელი შეუსრულდებოდა. #ახალიამბები #BusinessMediaGeorgia
#საქმიანიდილა - 9 ოქტომბერი - პროლოგი #ახალიამბები #BusinessMediaGeorgia
რაჭაში რთველისთვის ემზადებიან, - უხვნალექიანი გაზაფხულისა და ზაფხულის გამო, რეგიონში ყურძნის კრეფა წელს რამდენიმე დღით გადაიწევს და მოსავლის აღება, სავარაუდოდ, 12–15 ოქტომბრის შუალედში დაიწყება. უამინდობამ გარკვეული გავლენა იქონია ყურძნის შაქრიანობის მაჩვენებელზე, რის გამოც, შარშანდელი რეკორდული მოსავლისგან განსხვავებით, წელს რაჭაში 10–15%-ით ნაკლებ მოსავალს ელოდებიან. რაც შეეხება სახელმწიფო პოლიტიკას, რაჭაში სუბსიდირების მოქმედი მოდელი შენარჩუნებულია: კომპანიები ვალდებულნი არიან მევენახეს 1 კილოგრამ ყურძენში არანაკლებ 8 ლარი გადაუხადონ, სახელმწიფო კი თითოეულ გადამუშავებულ კილოგრამ ალექსანდროულსა და მუჯურეთულზე 4 ლარის სუბსიდიას გასცემს. როგორ მიმდინარეობს მზადება რეგიონში და რას ელოდებიან ადგილობრივი მეღვინეები? სტუმარი: გიორგი სხირტლაძე - მეღვინეობა “მელიტონი”, დამფუძნებელი #ახალიამბები #BusinessMediaGeorgia
თბილისის გზაჯვარედინებზე მოძრაობის განტვირთვის მიზნით, ე.წ. Yellow box-ის - ანუ საგზაო კვადრატების ქსელის დანერგვა იწყება. მერიის ტრანსპორტისა და ურბანული განვითარების სააგენტო შინაგან საქმეთა სამინისტროსთან ერთად უკვე მუშაობს პროექტზე, რომელიც გადატვირთული გზაჯვარედინების ჩაკეტვას აარიდებს თავიდან. საქმე ეხება სიტუაციას, როდესაც შუქნიშანზე მწვანე ანთია, თუმცა წინ საცობია -მძღოლები მაინც შედიან გზაჯვარედინზე, ჭედავენ მას და სხვა მიმართულებით მოძრავ ტრანსპორტს გზას უბლოკავენ, რაც ჯაჭვურ საცობს იწვევს. „საგზაო მოძრაობის შესახებ“ კანონით ასეთი ქმედება აკრძალულია, თუმცა აღსრულება აქამდე ჭირდა. ახალი მონიშვნა კი მძღოლებს მკაფიოდ მიუთითებს იმ ზონაზე, სადაც გაჩერება აკრძალული იქნება. კახა კალაძის განცხადებით, მეთოდი საერთაშორისოდ აპრობირებულია. მერმა ყურადღება გაამახვილა გაზრდილ სატრანსპორტო ნაკადებზეც — თუ 2012 წლამდე თბილისში 180 ათასი კერძო ავტომობილი მოძრაობდა, დღეს პიკის საათში გზებზე 900 ათასამდე მანქანა გადაადგილდება. მერიაში აცხადებენ, რომ „ყვითელი ბადეების“ გარდა, მოძრაობის მოწესრიგება „ჭკვიანი“ შუქნიშნებითა და პრობლემური საგზაო კვანძების რეაბილიტაციითაც გაგრძელდება. რას შეცვლის პრაქტიკაში ახალი ინიციატივა? სტუმარი: ეკა ლალიაშვილი - "საქართველოს ალიანსი უსაფრთხო გზებისთვის“, თავმჯდომარე #ახალიამბები #BusinessMediaGeorgia
შავი ჭირი რუსეთში - რა ვიცით ირკუტსკის ინციდენტზე? სტუმარი: ზაზა წერეთელი - საზოგადოებრივი ჯანდაცვის საერთაშორისო სპეციალისტი; #ახალიამბები #BusinessMediaGeorgia
საქართველოს ბიზნეს ასოციაციას ახალი წევრი ჰყავს. საზღვაო და ლოგისტიკურ სექტორში მოქმედი კომპანია PRIME MARINE, რომელიც 2009 წლიდან საქართველოს ნავსადგურებში გემების აგენტირებისა და ტვირთების ექსპედირების მომსახურებას სთავაზობს მომხმარებლებს. რა მნიშვნელობა აქვს კომპანიისთვის ასოციაციაში გაწევრიანებას, როგორია PRIME MARINE-ის საქმიანობის მასშტაბი და განვითარების გეგმები? სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ზაზა ვარშანიძე - შპს "პრაიმ მარინის" დირექტორი #ახალიამბები #BusinessMediaGeorgia
„თეგეტა ჰოლდინგმა“ საირმეში კორპორაციული მომხმარებლებისთვის ღონისძიება გამართა, სადაც პარტნიორ ბიზნესებს სატვირთო ავტომობილების საბურავების მიმართულებით არსებული სიახლეები და „ფასი კილომეტრზე“ მოდელის შედეგები გააცნო. შეხვედრაზე ასევე წარადგინეს „თეგეტას“ პორტფელში შემავალი ახალი იაპონური ბრენდი UD Trucks და ისაუბრეს ავტოპარკების საოპერაციო ხარჯების შემცირებისა და ეფექტიანობის გაზრდის გზებზე. ღონისძიებაზე მონაწილეებს ელექტრო კომერციული ავტომობილიც დაათვალიერებინეს. #ახალიამბები #BusinessMediaGeorgia
„თეგეტასა“ და „გალფს“ შორის ურთიერთთანამშრომლობის მემორანდუმი გაფორმდა. შეთანხმების ფარგლებში ორ ბრენდს შორის არსებული მრავალწლიანი პარტნიორობა ახალ, სტრუქტურირებულ ფორმატში გაგრძელდება და მომხმარებელს ერთიან საავტომობილო გამოცდილებას შესთავაზებს. ხელმოწერის ღონისძიება „თეგეტა მოტორსის“ მულტიფუნქციურ სივრცეში გაიმართა. შეთანხმებას ხელი მოაწერეს „თეგეტა ჰოლდინგის“ მთავარმა აღმასრულებელმა ოფიცერმა და „გალფის“ გენერალურმა დირექტორმა. „თეგეტასა“ და „გალფს“ შორის შეთანხმება ერთი წლის ვადით გაფორმდა. გრძელვადიან პერსპექტივაში მხარეებს სურთ, თანამშრომლობა მდგრად პარტნიორულ ეკოსისტემად ჩამოყალიბდეს, სადაც ორი ძლიერი ბრენდის შესაძლებლობების გაერთიანებით მომხმარებელი დამატებით ბენეფიტებს მიიღებს. #ახალიამბები #BusinessMediaGeorgia
ფოთის საზღვაო ნავსადგურის ოპერაციული მაჩვენებლები ზრდას აჩვენებს. 2026 წლის პირველ 9 თვეში ეიპიემ ტერმინალს ფოთმა 525 ათასზე მეტი TEU კონტეინერი დაამუშავა, მნიშვნელოვნად გაიზარდა გენერალური და საბორნე ტვირთების მოცულობაც. სატრანსპორტო და ლოგისტიკურ სექტორში რეკორდულ მაჩვენებლებზე ისაუბრა გუშინ პრემიერ-მინისტრმაც, მისი თქმით, საზღვაო ნავსადგურებსა და ტერმინალებში გადამუშავებული ტვირთების მოცულობამ 15.4 მილიონი ტონა შეადგინა, რაც 24%-იანი ზრდაა. რა განაპირობებს ფოთის პორტის მზარდ დატვირთვას, რა ტენდენციებია საზღვაო გადაზიდვებში და როგორია ეიპიემ ტერმინალს ფოთის განვითარების გეგმები? სტუმარი: ზვიად ჩხარტიშვილი - “ფოთის საზღვაო ნავსადგურის” ადმინისტრაციის ხელმძღვანელი #ახალიამბები #BusinessMediaGeorgia
ფიზიკური პირებისთვის სესხის აღების პირობები მკაცრდება. ეროვნული ბანკის ფინანსური სტაბილურობის კომიტეტის მიღებული გადაწყვეტილება განსაკუთრებით იმ მსესხებლებს შეეხება, რომელთა ყოველთვიური წმინდა შემოსავალი 1500-დან 2500 ლარამდეა. რა გავლენას იქონიებს სებ-ის გადაწყვეტილება საფინანსო სექტორსა და მსესხებლებზე? #ახალიამბები #BusinessMediaGeorgia
საკრედიტო ბაზარზე სებ-ის გასულ კვირაში დაანონსებულ ცვლილებებს ვეხმიანებით. შეგახსენებთ, ეროვნულმა ბანკმა სესხის მომსახურების კოეფიციენტის ეტაპობრივი გამკაცრების გადაწყვეტილება მიიღო. თუ დღეს 25%-იანი ზღვარი 1500 ლარამდე შემოსავლის მქონე პირებზე ვრცელდება, 2027 წლის 1 თებერვლიდან ეს ზღვარი 2000 ლარამდე, ხოლო სექტემბრიდან 2500 ლარამდე შემოსავალზეც გავრცელდება. შესაბამისად, ამ კატეგორიის მსესხებლებისთვის სესხის დასაშვები მოცულობა შემცირდება. რა გავლენას მოახდენს ეს ცვლილება დაბალი და საშუალო შემოსავლის მქონე მსესხებლებზე, როგორია ამ ეტაპზე მათი საკრედიტო მდგომარეობა და რას აჩვენებს „კრედიტინფო საქართველოს“ სექტემბრის სტატისტიკა? სტუმარი: ლაშა ბაღათურია - "კრედიტინფო საქართველოს" ბიზნესის განვითარების ხელმძღვანელი #ახალიამბები #BusinessMediaGeorgia
„ავერსის“ შეუქცევადი განვითარების რუკას კიდევ ერთი მნიშვნელოვანი წერტილი შეემატა - კომპანიამ გორში ძმები რომელაშვილების 177 ნომერში ახალი, თანამედროვე კონცეფციის ფილიალი გახსნა. ფილიალმა პირველ მომხმარებლებს ტრადიციულად საზეიმო ვითარებაში უმასპინძლა და ადგილზე უამრავი სიურპრიზიც დაახვედრა. როგორ გამოიყურება „ავერსის“ ახალი სივრცე და რას სთავაზობს კომპანია გორელებს? #ახალიამბები #BusinessMediaGeorgia
ჯანდაცვის მსოფლიო ორგანიზაციამ გამოაქვეყნა რუკა, რომელიც დეტალურად ასახავს ჭირის გავრცელების გეოგრაფიას ბოლო 7 წლის განმავლობაში. რუკის მიხედვით, 2019-დან 2025 წლამდე პერიოდში მსოფლიოში ჭირის 4 000-მდე საეჭვო ან დადასტურებული შემთხვევა აღირიცხა. მონაცემები აჩვენებს, რომ ეპიდემიური აფეთქებები ძირითადად სამ კონტინენტზე: აფრიკაში, აზიასა და სამხრეთ ამერიკაში ფიქსირდება. ჯანმრთელობის საერთაშორისო წესების შესაბამისად WHO-ს მიერ გაგზავნილი გადამოწმების მოთხოვნის საპასუხოდ, რუსეთის ჯანდაცვის უწყებებმა განაცხადეს, რომ ბოლო პერიოდში ირკუტსკის ოლქში შავი ჭირის არცერთი შემთხვევა არ დაფიქსირებულა. მათ WHO-ს აცნობეს, რომ ჩატარდა ეპიდემიოლოგიური მოკვლევა, გატარდა პრევენციული და კონტროლის ზომები, ხოლო იდენტიფიცირებული კონტაქტები სამედიცინო მეთვალყურეობის ქვეშ მოექცნენ და გაიტესტნენ. მათივე ინფორმაციით, კონტაქტებს შორის მაღალი საფრთხის შემცველი პათოგენები არ გამოვლენილა და ყველა იდენტიფიცირებულ პირზე სამედიცინო დაკვირვება დასრულებულია. მართალია, რუსეთის ხელისუფლება ფაქტს, შავი ჭირის გავრცელებასთან დაკავშირებით კატეგორიულად უარყოფს და მიზეზად უცნობი ეტიოლოგიის პნევმონიას ასახელებს, თუმცა საერთაშორისო საზოგადოება და ეპიდემიოლოგები მოსკოვისგან სრულ გამჭვირვალობას მოითხოვენ. ექსპერტები არ გამორიცხავენ, რომ საქმე გვქონდეს ლაბორატორიულად მოდიფიცირებულ, ანტიბიოტიკებისადმი რეზისტენტულ შტამთან. #ახალიამბები #BusinessMediaGeorgia
თბილისის მერია, შინაგან საქმეთა სამინისტროსთან ერთად, დედაქალაქის გზაჯვარედინებზე საგზაო კვადრატების ქსელის, ე.წ. Yellow box-ის დანერგვაზე მუშაობას იწყებს. თბილისის ქუჩებში, სადაც პიკის საათში გადაადგილება უკვე მთავარ ყოველდღიურ გამოწვევად იქცა, მერია საცობების სამართავად ახალი საგზაო რეგულაციის ამოქმედებას გეგმავს. თბილისის გზაჯვარედინებზე ეგრეთ წოდებული Yellow Box-ის, ანუ ყვითელი კვადრატების ქსელი გაჩნდება. მუნიციპალიტეტის მიზანი სატრანსპორტო კვანძების განტვირთვაა, თუმცა სიახლე, რომელიც მძღოლებისგან სრულიად ახალ მიდგომას მოითხოვს, საზოგადოებაში კითხვებსაც აჩენს. რა შეცვალა ამ სისტემამ იმ ქვეყნებში, სადაც ის უკვე წლებია მოქმედებს და რა უნდა გაითვალისწინოს სახელმწიფომ იმისთვის, რომ ურბანული მოდელი გაუმართლებელი ჯარიმების მიზეზად არ იქცეს? #ახალიამბები #BusinessMediaGeorgia
ტრამპის მოოქროვილი ქანდაკება - ევროპარლამენტის შენობაში გამოფინეს #ახალიამბები #BusinessMediaGeorgia
#საქმიანიდილა - 8 ოქტომბერი - პროლოგი #ახალიამბები #BusinessMediaGeorgia
სოციალური დიზაინის დღეები წელს უკვე მეხუთედ ტარდება და ამჯერად მთავარი თემა ურბანული კულტურაა. სამი დღის განმავლობაში დიზაინის ინსტიტუტი არქიტექტურას, მუსიკას, ფოტოგრაფიას, ისტორიასა და ქალაქის სუბკულტურებს გააერთიანებს. რა თემებს დაეთმობა წლევანდელი კონფერენცია, ვინ არიან მისი მონაწილეები და რას უნდა ელოდონ სტუმრები? სტუმრები: ტამი ბარნოვი - დიზაინის ინსტიტუტის მარკეტინგის ხელმძღვანელი; ნინო ეგაძე - დიზაინის ინსტიტუტის შემოქმედებითი ლიდერი #ახალიამბები #BusinessMediaGeorgia
გაეროს გენერალური ასამბლეის მაღალი დონის კვირეულის ფარგლებში, ნიუ-იორკში გამართულ საერთაშორისო შეხვედრებში სელფი ორი მომხსენებლით იყო წარმოდგენილი. კომპანიის წარმომადგენლებმა მონაწილეობა მიიღეს დისკუსიებში, რომლებიც ხელოვნური ინტელექტის პასუხისმგებლიან გამოყენებას, ბიზნესის კეთილსინდისიერებასა და შესაბამისობის საკითხებს შეეხებოდა. რა გამოცდილება და გზავნილები გაუზიარა სელფიმ საერთაშორისო აუდიტორიას და რა მნიშვნელობა აქვს ქართული კომპანიისთვის ასეთ გლობალურ პლატფორმებში მონაწილეობას? სტუმარი: ია მამეიშვილი - სელფი მობაილი, რისკების და შესაბამისობის დირექტორი #ახალიამბები #BusinessMediaGeorgia
თბილისი ოქტომბერში ახალ სამდღიან ღონისძიებას WELCOME TBILISI-ს უმასპინძლებს, რომელიც ქალაქის განვითარებას სხვადასხვა მიმართულებით გააერთიანებს. 23, 24 და 25 ოქტომბერს საკრებულოს შენობაში არქიტექტურის, ურბანული განვითარების, ბიზნესის, ტურიზმის, კინოს, გასტრონომიისა და თანამედროვე ხელოვნების სფეროს წარმომადგენლები შეიკრიბებიან. რა არის ღონისძიების მთავარი მიზანი, რა თემებს დაეთმობა სამი დღე და რას მოუტანს WELCOME TBILISI ქალაქს? სტუმრები: სოფო ელოშვილი - "ნექსთის" უფროსი მარკეტერი; ლინდა კიკოლაშვილი - Welcome Tbilisi-ს თანადამფუძნებელი #ახალიამბები #BusinessMediaGeorgia
მომავლის პროფესიები და შრომის ბაზრის ცვლილებები - რომელი სამუშაოები შეიძლება შეიცვალოს ან გაქრეს, სად გაჩნდება ახალი შესაძლებლობები და რა უნარებზე გაიზრდება მოთხოვნა. განსაკუთრებით მნიშვნელოვანია ეს საკითხი ახალგაზრდებისთვის, რომლებიც პროფესიულ არჩევანს დღეს აკეთებენ. როგორ უნდა მოემზადონ ისინი შრომის ბაზრისთვის, რომლის ფორმირებაზეც ხელოვნური ინტელექტი და ტექნოლოგიური ცვლილებები სულ უფრო დიდ გავლენას ახდენს? სტუმარი: თამარ კერძაია - განათლების ტრანსფორმაციის ექსპერტი და ასოცირებული პროფესორი #ახალიამბები #BusinessMediaGeorgia
„თეგეტა ჰოლდინგმა“ და საქართველოს ხელოვნური ინტელექტის ასოციაციამ AI წიგნიერების პირველი ერთობლივი ეროვნული სასკოლო პროგრამა დაიწყეს, რომელიც 2026-2027 წლების განმავლობაში, ეტაპობრივად, 50-ზე მეტ სკოლაში დაინერგება - როგორც თბილისში, ისე რეგიონებში. მხარეებს შორის ურთიერთთანამშრომლობის მემორანდუმი გაფორმდა. პარტნიორობა პროგრამის ფინანსურ მხარდაჭერას, სასწავლო რესურსების შემუშავებას, მასწავლებლების გადამზადებასა და მოსწავლეებთან, მშობლებთან თუ პედაგოგებთან ერთობლივ კომუნიკაციას მოიცავს. #ახალიამბები #BusinessMediaGeorgia
აკადემიური განათლების, სპორტისა და ველბიინგის ინტეგრაცია - თბილისში, ჯანო ბაგრატიონის სახელობის ახალი საგანმანათლებლო სივრცე, JBS სკოლა გაიხსნა. დაწესებულება, რომელსაც 33-წლიანი გამოცდილების მქონე ამერიკელი დირექტორი უძღვება, საერთაშორისო საგანმანათლებლო სტანდარტებსა და ბავშვის ჰოლისტურ განვითარებაზეა ორიენტირებული. როგორ ამზადებენ მოსწავლეებს რეალური ცხოვრებისთვის და რა ინოვაციურ მიდგომებს სთავაზობს სკოლა მშობლებს? სტუმარი: ლევან ახვლედიანი - JBS სკოლის თანადამფუძნებელი #ახალიამბები #BusinessMediaGeorgia
დიდუბეში, ყოფილი მაუდის ქარხნის ტერიტორიაზე, 500 მილიონი დოლარის საინვესტიციო პროექტი იწყება. „Biograpi Living“-ი მსოფლიოში ცნობილ არქიტექტურულ სტუდია MVRDV-სთან თანამშრომლობით 11 ჰექტარზე 500 მილიონი დოლარის ღირებულების თანამედროვე, მრავალფუნქციური ურბანული გარემოს შექმნას გეგმავს. როგორ გარდაიქმნება ინდუსტრიული წარსულის მქონე ტერიტორია მომავლის ქალაქის ნაწილად და რა ხედვა დგას ამ მასშტაბური პროექტის უკან? #ახალიამბები #BusinessMediaGeorgia
ქართული საბანკო სისტემა აგრძელებს ქართულ მცირე და საშუალო ბიზნესში ინვესტირებას. ბაზისბანკმა, ქართული ბიზნესის მხარდასაჭერად,შავი ზღვის ვაჭრობისა და განვითარების ბანკისგან 25 მილიონი ევროს დაფინანსება მიიღო. შეთანხმების თანახმად, შავი ზღვის ვაჭრობისა და განვითარების ბანკი გრძელვადიან დაფინანსებას გამოუყოფს ბაზისბანკს ქართული მცირე და საშუალო საწარმოების დასაკრედიტებლად, რაც ქვეყნის მასშტაბით ბიზნესებს ინვესტირების, საბრუნავი კაპიტალისა და საქმიანობის გაფართოების დაფინანსების შესაძლებლობას მისცემს.დაფინანსებაზე ხელმისაწვდომობის გაზრდით, ახალი საკრედიტო რესურსი ბიზნესებს დაეხმარება პროდუქტიულობისა და კონკურენტუნარიანობის ამაღლებაში, ახალი საინვესტიციო შესაძლებლობების ძიებასა და რეგიონულ და საერთაშორისო ბაზრებზე წვდომის გაზრდაში. აღნიშნული შეთანხმება კიდევ უფრო ამყარებს შავი ზღვის ვაჭრობისა და განვითარების ბანკისა და ბაზისბანკს შორის არსებულ მრავალწლიან პარტნიორობას და აფართოებს ბანკის მხარდაჭერას საქართველოს კერძო სექტორის მიმართ. იგი ასევე ხელს უწყობს ბანკის უფრო ფართო მანდატის განხორციელებას, რომელიც შავი ზღვის რეგიონში მდგრადი ეკონომიკური განვითარების, ეკონომიკური მედეგობისა და მჭიდრო საქმიანი კავშირების გაძლიერებას ითვალისწინებს. #ახალიამბები #BusinessMediaGeorgia
ხელოვნური ინტელექტის სწავლება უკვე სკოლიდან იწყება - თიბისისა და საქართველოს ხელოვნური ინტელექტის ასოციაციის პარტნიორობით, საქართველოში ხელოვნური ინტელექტის წიგნიერების ეროვნული პროექტი იწყება. ინიციატივა საპილოტე ეტაპიდან ფართო დანერგვაზე გადადის და 2026-2027 სასწავლო წლიდან მოსწავლეებს შესაძლებლობა ექნებათ, ხელოვნური ინტელექტის სწორად, ეფექტიანად და უსაფრთხოდ გამოყენება ისწავლონ. პროექტი თავდაპირველად 30-მდე სკოლასა და 500-მდე მოსწავლეს მოიცავს, პარალელურად კი 80-ზე მეტი პედაგოგის გადამზადებაა დაგეგმილი. #ახალიამბები #BusinessMediaGeorgia
ხელოვნური ინტელექტი უკვე აღარ შემოიფარგლება მხოლოდ კითხვებზე პასუხის გაცემით და რეალურ ციფრულ თანამშრომლად ყალიბდება, რისი ნათელი მაგალითიცაა BTU-ში ახლად შექმნილი „AI აგენტების აკადემია“. უნივერსიტეტი იწყებს პროფესიული AI აგენტების სპეციალიზებულ მომზადებას ისეთი მიმართულებებისთვის, როგორიცაა მათ შორის, მენეჯმენტი, მარკეტინგი, HR, სამართალი და გაყიდვები. მათი მომზადება მსოფლიოს წამყვანი უნივერსიტეტებისა და ბიზნესსკოლების მეთოდოლოგიებს ეფუძნება, თუმცა პროექტის მთავარი უპირატესობა, როგორც უნივერსიტეტში აღნიშნავენ, გლობალური ცოდნისა და ლოკალური კონტექსტის გაერთიანებაა. მათვე შეფასებით, BTU-ში მომზადებული აგენტები უნიკალურ ცოდნას იღებენ საქართველოს ეკონომიკის, ბაზრის სპეციფიკისა და მომხმარებლების შესახებ, რაც მათ საშუალებას აძლევს, 24-საათიან რეჟიმში გააანალიზონ ინფორმაცია, შესთავაზონ გადაწყვეტილებები და ადამიანთან ერთად შეასრულონ პროფესიული დავალებები. შესაბამისად, ბიზნესისა და ტექნოლოგიების უნივერსიტეტი აგენტს უბრალოდ კი არ ქმნის, არამედ მას კონკრეტულ პროფესიას ასწავლის, საქართველოს ბაზრისთვის ამზადებს და რეალურ სამუშაოში მხოლოდ ამის შემდეგ უშვებს. #ახალიამბები #BusinessMediaGeorgia
General Motors-მა და Lynx Motors-მა საქართველოში ლეგენდარული ამერიკული ავტომობილების ბრენდის - Cadillac-ის ოფიციალური შემოსვლა დააანონსეს. ეს ანონსი იმის წინაპირობაა, რომ სულ მალე უნივერსიტეტის ქუჩაზე, კადილაკის ახალი შოუ-რუმი გაიხსნება. რას ნიშნავს საქართველოში ამ ბრენდის შემოსვლა ცალკე თემაა და თავად ჯენერალ მოტორსისათვის Cadillac-ის საქართველოში შემოსვლა რეგიონული გაფართოების სტრატეგიის ნაწილია და ცენტრალური აზიისა და კავკასიის ბაზრებზე პრემიუმ და ლუქს საავტომობილო ბრენდების განვითარებას უკავშირდება. საქართველოზე არჩევანის შეჩერება აქაური პარტნიორების დამსახურებაცაა. როგორი იქნება კადილაკოს შოურუმი თბილისში და რას მოიცავს ჯენერალ მოტორსთან თანამშრომლობა? #ახალიამბები #BusinessMediaGeorgia
საქართველოს №1 დეველოპერული კომპანიის, „არქის“, პოდკასტის მეხუთე ეპიზოდს წარმოგიდგენთ. ჩვენი სტუმარია გიორგი კინწურაშვილი — TBC-ის ეკოსისტემის ინოვაციების ლიდერი. ვისაუბრებთ იმაზე, თუ რა მნიშვნელობა აქვს თანამედროვე საერთო სამუშაო სივრცეებს IT და ტექნოლოგიური სფეროების განვითარებისთვის, რა როლს შეასრულებს ამ პროცესში Archi Grand Avenue-ის კონცეფცია და რა ახალ შესაძლებლობებს შესთავაზებს ის სფეროს. ➡️ გიორგი ისაკაძე - BMG, გენერალური პროდიუსერი ➡️ გიორგი კინწურაშვილი - TBC-ის ეკოსისტემის ინოვაციების ლიდერი #ArchiGrandAvenue #GrandAvenue #TheNewHeartOfTheCity #CityWithinTheCity #ახალიამბები #BusinessMediaGeorgia
ყველაზე ზარალიანი სახელმწიფო კომპანიები - გიორგი ისაკაძე-საავტორო პროლოგი #ახალიამბები #BusinessMediaGeorgia
გაგუას კლინიკა დაარსებიდან 30 წლის იუბილეს აღნიშნავს. საიუბილეო ღონისძიებაზე კლინიკის განვითარების 30-წლიანი გზა შეაჯამეს, ისაუბრეს მიღწევებზე და სამომავლო გეგმებიც წარადგინეს. 30 წლის განმავლობაში კლინიკა საქართველოში სამეანო-გინეკოლოგიური მიმართულების ერთ-ერთ მნიშვნელოვან სამედიცინო დაწესებულებად ჩამოყალიბდა. საიუბილეო ღონისძიებას ჯანდაცვის მინისტრი მიხეილ სარჯველაძეც დაესწრო და კლინიკის გუნდს მნიშვნელოვანი თარიღი მიულოცა. რა ეტაპზეა დღეს გაგუას კლინიკა, როგორ შეიცვალა სამედიცინო მომსახურება სამი ათწლეულის განმავლობაში და განვითარების რა გეგმები აქვს კლინიკას მომავალში? სტუმარი: ირაკლი გაგუა - "გაგუას კლინიკა", აღმასრულებელი დირექტორი #ახალიამბები #BusinessMediaGeorgia
საქართველოს ეროვნული ბანკის მონაცემებით, 2026 წლის აგვისტოში საქართველოში საბანკო დაკრედიტების მოცულობა გაიზარდა. ბანკების მიერ გაცემული სესხების ჯამურმა მოცულობამ, ბანკთაშორისი სესხების გამოკლებით, აგვისტოს ბოლოს 76.45 მილიარდი ლარი შეადგინა, რაც ივლისის ბოლოს არსებულ მაჩვენებელზე 836.34 მილიონი ლარით, ანუ 1.11%-ით მეტია. სტუმარი: დავით რუსია - საქართველოს საბანკო ასოციაცია, ანალიტიკური დირექტორი #ახალიამბები #BusinessMediaGeorgia
ციფრული ტექნოლოგიები და ინტერნეტთან წვდომა თანამედროვე ეკონომიკის მთავარ მამოძრავებელ ძალად იქცა, თუმცა გლობალური ციფრული უთანასწორობა კვლავ მნიშვნელოვან გამოწვევად რჩება. საერთაშორისო სატელეკომუნიკაციო კავშირმა 159 ეკონომიკის ახალი ინდექსი გამოაქვეყნა, რომელიც ქვეყნებში ქსელის ხელმისაწვდომობასა და ციფრული ინფრასტრუქტურის განვითარებას აფასებს. გლობალურ ლიდერებთან ერთად, რეიტინგში საქართველოს შედეგიც მოხვდა - ჩვენმა ქვეყანამ 90-ქულიანი ზღვარი გადალახა და მოწინავე სახელმწიფოების ჯგუფში დამკვიდრდა. ვინ ლიდერობს მსოფლიო რეიტინგში? #ახალიამბები #BusinessMediaGeorgia
გლობალური ბაზრები - Galt&Taggart;-ის მიმოხილვა სტუმარი: მარიამ ზურაბაშვილი - Galt & Taggart-ის პორტფოლიო მენეჯერი #ახალიამბები #BusinessMediaGeorgia
საქართველოს ეკონომიკა - Galt&Taggart;-ის მიმოხილვა სტუმარი: ლაშა ქავთარაძე - Galt&Taggart;-ის ეკონომისტი #ახალიამბები #BusinessMediaGeorgia
ომეგა 3-ის მნიშვნელობა ჯანმრთელობისთვის - “ავერსის” რუბრიკა საქმიან დილაში
საქართველოს ბანკის გენერალური დირექტორი ლიდერატორის პროგრამის მონაწილეებს შეხვდა. შეხვედრის ფარგლებში არჩილ გაჩეჩილაძე ახალგაზრდებს ბანკის საქმიანობის, განვითარების შესაძლებლობებისა და პროფესიული ზრდის შესახებ ესაუბრა. საქართველოს ბანკის ლიდერატორის პროგრამა 2017 წლიდან ხორციელდება და მიზნად ისახავს მოტივირებული ახალგაზრდების პროფესიულ განვითარებასა და მათთვის კარიერული შესაძლებლობების შექმნას. რვათვიანი, სრულად ანაზღაურებადი პროგრამა სტუდენტებსა და უნივერსიტეტის ახალ კურსდამთავრებულებს შესაძლებლობას აძლევს, ბანკის სხვადასხვა დეპარტამენტში პრაქტიკული გამოცდილება მიიღონ, იმუშაონ პროფესიონალებთან ერთად და აღმოაჩინონ საკუთარი ძლიერი მხარეები. პროგრამის მონაწილეთა 78%-ზე მეტი კარიერას საქართველოს ბანკში აგრძელებს. #ახალიამბები #BusinessMediaGeorgia
უკრაინული AYA Home Space-ის ერთ-ერთ ყველაზე მასშტაბური პროექტი - ბათუმის ახალ ბულვარში მდებარე 112-ნომრიან OPUS-ის სასტუმრო. აქ კომპანიამ ინტერიერის კონცეფციიდან დაწყებული, ავეჯითა და სხვა დეტალებით დამთავრებული, სივრცის სრულ მოწყობაზე იმუშავა. რა დგას ამ ყველაფრის უკან და როგორ იქმნება სასტუმროსთვის ერთიანი, დასრულებული სივრცე? #ახალიამბები #BusinessMediaGeorgia
ბიომი ჰოლდინგი, რომელიც 2006 წლიდან გათბობის, გაგრილების, ვენტილაციისა და წყალმომარაგების საინჟინრო სისტემებზე მუშაობს, განვითარების ახალ ეტაპზე გადადის. კომპანია განახლებულ სტრატეგიასა და ვიზუალურ იდენტობას წარადგენს. რას გულისხმობს ბრენდის ახალი კონცეფცია და რა მასშტაბის პროექტებს ახორციელებს ბიომი ჰოლდინგი? #ახალიამბები #BusinessMediaGeorgia
დისტანციური მუშაობის ეპოქაში პროფესიული საქმიანობისთვის ოფისი, ქალაქი და ქვეყანაც კი აღარ არის აუცილებელი საზღვარი. ციფრული ნომადებისთვის სულ უფრო მნიშვნელოვანი ხდება არა მხოლოდ ინტერნეტის სისწრაფე და ცხოვრების ღირებულება, არამედ ისიც, რამდენად მარტივია უცხო ქვეყანაში ყოველდღიური ცხოვრების მოწყობა. სწორედ ამ კრიტერიუმებით შეფასდა 17 პოპულარული მიმართულება და პირველ ადგილზე საქართველო გავიდა. რა უპირატესობები აქვს ქვეყანას და რატომ აღმოჩნდა საქართველო ციფრული ნომადებისთვის მსოფლიოში ყველაზე მარტივი მიმართულება? #ახალიამბები #BusinessMediaGeorgia
როგორ ებრძვის მსოფლიო დიზელზე შექმნილ ვითარებას. თან სხვადასხვა კონტინენტებზე სხვადასხვა წესებით. დიზელის ფასი მკვეთრად გაზრდილია ყველგან, ევროპა არ არის გამონაკლისი. როგორ ებრძვის ევროპა დიზელის დეფიციტს და მაღალ ფასებს? #ახალიამბები #BusinessMediaGeorgia