კრისტინა კილის სახელობის ონკოლოგიის ცენტრის ორგანიზებით, ჰოსპიტალურ ქსელ ვიანსა და ევროპის ონკოლოგიის სკოლას (ESO) შორის, ერთობლივ პროექტს ჩაეყარა საფუძველი. პროექტის ფარგლებში, ონკოლოგიის ქართველ რეზიდენტებს ექნებათ შესაძლებლობა, ონკოლოგიის ძირითადი პრინციპების შესახებ საერთაშორისო კურსი გაიარონ. ევროპელი ონკოლოგების პირველი ვიზიტი და 2 დღიანი კონფერენცია, 18-19 ივლისს, უკვე ჩატარდა ქალაქ ქუთაისში. პროექტის მიზანია, ონკოლოგიური დაავადებების მკურნალობის ევროპული სტანდარტებისა და მეთოდების გაზიარების საფუძველზე მოამზადოს ახალგაზრდა ექიმები, რათა ხელი შეუწყოს მტკიცებულებებზე დაფუძნებულ სამედიცინო სერვისებზე წვდომას სიმსივნით დაავადებული პაციენტებისთვის. ევროპის ონკოლოგიის სკოლას (ESO), რომელიც ონკოლოგიური სწავლების ლიდერად არის აღიარებული, განათლებისა და ტრენინგის მიწოდებაში მრავალწლიანი გამოცდილება აქვს.


#ახალიამბები #BusinessMediaGeorgia