მთავრობა ენერგო პოლიტიკის ცვლილებას აანონსებს. ირაკლი კობახიძე ამბობს, რომ გეგმაში მოაზრებულ არაერთ პროექტში ხარვეზები იყო და ზოგადად, ენერგეტიკის სექტორიში მიდგომები შესაცვლელია. კობახიძის გადაწყვეტილებას სექტორში იწონებენ, თუმცა აღნიშნავენ, რომ გენერაციის ობიექტების, განსაკუთრებით მსხვილი მარეგულირებელი ჰესების მშენებლობის ტემპი დასაჩქარებელია. როგორი უნდა იყოს განახლებული ენერგო პოლიტიკა და რა პრობლემებს ქმნიდა მხოლოდ ქაღალდზე არსებული პროექტები? #ახალიამბები #BusinessMediaGeorgia
კრიპტო ბირჟა Bybit Georgia-მ თბილისის ფინანსურ სამიტში მიიღო მონაწილეობა. კომპანიის წარმომადგენლები სადისკუსიო პანელში ჩაერთნენ, რომელიც ისეთ საკითხებს ეხებოდა როგორიცაა გლობალური ინოვაციები, ხელოვნური ინტელექტი, ტოკენიზაცია. აღსანიშნავია, რომ გლობალურმა კრიპტო ბირჟამ საქართველოში ოპერირება მიმდინარე წლის ივლისში დაიწყო. Bybit Georgia-მ უკვე მიიღო ლიცენზია ახალ პროდუქტზე, „ბაიბით“ ბარათზე, რომლის შეთავაზებასაც მომხმარებლებისთვის უახლოეს ხანებში გეგმავს. #ახალიამბები #BusinessMediaGeorgia
რა ნიშნავს მმართველი პარტიის ყოფილი გავლენიანი მაღალჩინოსნების მილიონობით დაუსაბუთებელი შემოსავლის მიღებაში მხილება ქვეყნის იმიჯისთვის, არის თუ არა ეს კორუფციასთან რეალური ბრძოლა და რატომ დაიწყო ეს პროცესი სწორედ ახლა, მაშინ როცა ქართული ოცნება 13 წელია ხელისუფლებაშია და მხილებული პირები რამდენიმე თვის წინაც მმართველ გუნდში ყველაზე მაღალ თანამდებობებს იკავებდნენ? სტუმარი: გიორგი ქობულია - ეკონომიკისა და განვითარების ყოფილი მინისტრი #ახალიამბები #BusinessMediaGeorgia
ეროვნული ბანკის პრეზიდენტი დეველოპერული სექტორის დაკრედიტების მიმართ რეგულაციების შერბილებას არ გამორიცხავს. როგორც ცნობილია, ეს არის ერთ-ერთი საკითხი, რაზეც ბიზნესი ცენტრალურ ბანკთან კონსულტაციებს აწარმოებს. განცხადება ნათია თურნავამ თბილისის ფინანსურ სამიტზე გააკეთა #ახალიამბები #BusinessMediaGeorgia
შავი ზღვის ფსკერზე ელექტროენერგიის გადამცემი კაბელის პროექტის მომზადება აქტიურ ფაზაშია და უახლოეს პერიოდში ზღვის ფსკერის კვლევა დაიწყება. საქართველოს სახელმწიფო ელექტროსისტემის დირექტორთა საბჭოს წევრის, ზვიად გაჩეჩილაძის პროგნოზით, მარშრუტის დაზუსტების შემდეგ პროექტი სამშენებლო ეტაპზე გადავა. #ახალიამბები #BusinessMediaGeorgia
აზერბაიჯანი და საქართველო წამყვან როლს თამაშობენ, ავითარებენ და ფორმას აძლევენ შუა დერეფანს - ეს განცხადება აზერბაიჯანის პრემიერ-მინისტრმა ალი ასადოვმა დღეს თბილისის აბრეშუმის გზის ფორუმზე სიტყვით გამოსვლისას გააკეთა. ასადოვი ამბობს, რომ დღეს ორი ქვეყანა სანდო პარტნიორია როგორც პოლიტიკურ, ისე ეკონომიკურ, ენერგეტიკულ და სატრანსპორტო მიმართულებებში.შუა დერეფანს და მის პარალელურ მარშუტებს დღევანდელ ფორუმზე გამოეხმაურა სომხეთის პრემიერ-მინისტრიც, რომელმაც ტრამპის მარშრუტის, ასევე შუა დერეფნისა და ირანის მიმართულებით არსებულ სატრანსპორტო დერეფანზე გაამახვილა ყურადღება და აღნიშნა, რომ მიმდინარე წელს ვაშინგტონში სომხეთსა და აზერბაიჯანს შორის მიღწეული შეთანხმება რეგიონის დაკავშირებადობას მნიშვნელოვნად გაზრდის. რა პოტენციალი აქვს შუა დერეფანს, როგორია აღნიშნულ მარშუტში საქართველოს როლი და რა გამოწვევებს ხედავენ მარშუტის მონაწილე ქვეყნები? #ახალიამბები #BusinessMediaGeorgia
საქართველოს სახელმწიფო ელექტროსისტემის დირექტორთა საბჭოს წევრის, ზვიად გაჩეჩილაძის განცხადებით, შავი ზღვის ფსკერზე ელექტროენერგიის გადამცემი კაბელის პროექტის მომზადება აქტიურ ფაზაშია და უახლოეს პერიოდში ზღვის ფსკერის კვლევა დაიწყება. მარშრუტის დაზუსტების შემდეგ კი პროექტი სამშენებლო ეტაპზე გადავა. შავი ზღვის ელექტროკაბელის პროექტზე საუბარი იყო თბილისის აბრეშუმის გზის ფორუმის ფარგლებში. #ახალიამბები #BusinessMediaGeorgia
მთავრობა ენერგეტიკის სექტორის მიმართ პოლიტიკის წარმოებას მთლიანად ახლიდან იწყებს. ასე უპასუხა გუშინ BMG-ის კითხვას პრემიერმა ირაკლი კობახიძემ. მისი თქმით, პირდაპირი კონტრაქტირების მექანიზმი რაც წარსულში აღდგა არასწორი იყო და სახელმწიფომ სექტორს განვითარებისთვის ახალი ხედვა უნდა წარუდგინოს. სტუმარი: მაია მელიქიძე - GREDA-ს აღმასრულებელი დირექტორი; #ახალიამბები #BusinessMediaGeorgia
თბილისი აბრეშუმის გზის რიგით მეხუთე ფორუმს მასპინძლობს, რომელშიც მაღალი რანგის პოლიტიკური პირები, ბიზნესსექტორის და საერთაშორისო ორგანიზაციების წარმომადგენლები იღებენ მონაწილეობას. ფორუმის ფარგლებში თბილისს 70-ზე მეტი ქვეყნის 2300-ზე მეტ დელეგატი სტუმრობს. დილიდან ფორუმის ფარგლებში პანელური დისკუსიები მიმდინარეობს. დღის განმავლობაში ჯამში 7 პანელი გაიმართება, რომელიც საერთაშორისო ვაჭრობის, „შუა დერეფნის“, ენერგეტიკის, ინვესტიციების, ინოვაციებისა და ტექნოლოგიების საკითხებს დაეთმობა. #ახალიამბები #BusinessMediaGeorgia
ციფრულ ეპოქაში, ტექნოლოგიური პროგრესი შესაძლებლობებთან ერთად, არაერთ გამოწვევასაც აჩენს, განსაკუთრებით მაშინ, როცა საქმე ბავშვებსა და მოზარდებს ეხება. სოციალური მედიის პლატფორმები, როგორებიცაა TikTok, Instagram თუ Snapchat, უკვე დიდი ხანია ახალგაზრდების ყოველდღიურობის ნაწილი გახდა. თუმცა, საზოგადოებაში სულ უფრო აქტიურად ისმის კითხვა - უნდა ჰქონდეთ თუ არა ბავშვებს ინტენსიური წვდომა სოციალურ მედიის პლატფორმებზე? - სწორედ ამ კითხვაზე საპასუხოდ, საერთაშორისო კვლევითმა ორგანიზაცია იფსოსმა გლობალური მასშტაბით, ჩაატარა კვლევა, რომლის შედეგებიც აჩვენებს, რომ არაერთ ქვეყანაში მოსახლეობა 14 წლამდე ბავშვებისთვის სოციალური მედიის აკრძალვას მხარს უჭერს. რა მიზეზები განაპირობებს საზოგადოებაში ამგვარ განწყობას და რომელმა ქვეყნებმა მიღეს უკვე აკრძალვის გადაწყვეტილება? #ახალიამბები #BusinessMediaGeorgia
აბრეშუმის ფორუმის გახსნამდე ერთი დღით ადრე თბილიში აწარმოე ბიზნესი საქართველოსთან ერთად დუბაის სავაჭრო პალატის ორგანიზებით თბილისმა ბიზნეს ფორუმს უმასპინძლა რომელიც, მიზნად ისახავს დუბაისა და საქართველოს შორის საინვესტიციო და სავაჭრო შესაძლებლობების გამოკვეთას. როგორც ღონისძიების ფარგლებში აღინიშნა, როგორც დუბაიდან, ასევე არაბთა გაერთიანებული საამიროებიდან საქართველოში სხვადასხვა სექტორებში ინვესტირების მიმართ ინტერესი მზარდია როგორც ლოგისტიკის, ასევე ენერგეტიკის მიმართულებით. #ახალიამბები #BusinessMediaGeorgia
Eagle Hills-მა თბილისში საპრეზენტაციო ცენტრი გახსნა, სადაც 6.5 მილიარდი აშშ დოლარის ინვესტიციის - “Tbilisi Waterfront” და “Gonio Yachts & Marina”-ა წარმოდგენილი. ოფისში პრეზენტაციისას, რომელიც კინო რუსთაველის ისტორიულ შენობაში შედგა, ითქვა, რომ როგორც გონიოში, ისე კრწანისისა და ფონიჭალის მიმდებარედ პროექტების განხორციელება 6-9 თვეში დაიწყება. პროექტების დეტალები უკვე ატვირთულია Eagle Hills-ის ვებ გვერდზეც, თუმცა სამშენებლო ნებართვები ჯერ გაცემული არ არის. 2023 წლიდან დაანონსებული პროექტის არაპირდაპირ ეკონომიკურ ეფექტად დღეს 15 მილიარდი დოლარიც დასახელდა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 21.10.2025 საქართველოს ბანკსა და „ქრონომეტრს“ შორის თანამშრომლობის მემორანდუმი გაფორმდა; თიბისის მხარდაჭერით, ბაკურციხეში “ასკანელის” ქარხანა გაიხსნა; "ინტენსიურად მივიწევთ TOP 10-სკენ" - რა პოზიცია აქვს „თიბისის“ უზბეკეთის ბაზარზე? 2024 წელს საფოსტო-საკურიერო სექტორის შემოსავალმა ₾228.7 მილიონს მიაღწია #ახალიამბები #BusinessMediaGeorgia
GMP სერტიფიკატის წარუდგენლობის გამო ჯანდაცვის სამინისტრომ 3000-მდე მედიკამენტის რეგისტრაცია გააჩერა. მიზეზი ისაა, რომ 1 ოქტომბრიდან ევროპული GMP-ის გარეშე წამლის სუბსტანციის იმპორტიც აიკრძალა. ნებისმიერ სამკურნალო საშუალებას, რომელიც საქართველოში რეგისტრირდება ან ხელახალ რეგისტრაციას გადის, 1 ოქტომბრიდან ევროპული GMP სტანდარტის შესაბამისობის დამადასტურებელი დოკუმენტი უნდა გააჩნდეს როგორც საბოლოო პროდუქტზე, ასევე იმ სუბსტანციებზე, რომელიც მის დასამზადებლად გამოიყენება. აღნიშნული მოთხოვნის დაკმაყოფილება სავალდებულოდ შესასრულებელი გახდა როგორც დისტრიბუტორებისთვის, ისე ადგილობრივი მწარმოებლებისთვის. საქართველოს რეგულატორი საბოლოო ფარმაცევტულ პროდუქტზე, GMP სერტიფიკატს რამდენიმე წელია ითხოვს, თუმცა ამ შემთხვევაში საუბარია, რომ წარმოებაში გამოყენებულ აქტიურ ნივთიერებაზეც იქნეს წარმოდგენილი შესაბამისი სერტიფიკატი. დარგობრივი ასოციაცია აცხადებს, რომ მომწოდებლების უმრავლესობას მოთხოვნილი ევროპული GMP არ აქვს, ამიტომ საკმაოდ დიდი პროცენტი იქნება მედიკამენტების, რომელიც აღნიშნული რეგულაციის გამო ქართულ ბაზარზე ვეღარ შემოვა. რა გავლენა აქვს წარმოდგენილ ცვლილებებს ფარმაცევტულ სექტორზე და არსებობს თუ არა ბაზარზე წალმების დეფიციტის შექმნის რისკი? სტუმარი: ლევან გოგიბერიძე - ფარმაცევტთა ასოციაციის თავმჯდომარე #ახალიამბები #BusinessMediaGeorgia
აწარმოე ბიზნესი საქართველოსთან - დუბაის სავაჭრო პალატის ორგანიზებით თბილისი დღეს ბიზნეს ფორუმს მასპინძლობს. რომლის მიზანი დუბაისა და საქართველოს შორის საინვესტიციო და სავაჭრო შესაძლებლობების გამოკვეთაა. ფორუმის ფარგლებში საქართველოს საინვესტიციო პოტენციალი წარადგინეს და ასევე განიხილეს დუბაის, როგორც გლობალური ბიზნეს ცენტრის როლი. ფორუმზე აღნიშნა, რომ როგორც დუბაიდან, ასევე არაბთა გაერთიანებული საამიროებიდან საქართველოში სხვადასხვა სექტორებში ინვესტირების მიმართ ინტერესი მზარდია როგორც ლოგისტიკის, ასევე ენერგეტიკის მიმართულებით.აღინიშნა საქართველოსა და საამიროებს შორის ვაჭრობის ზრდის პოტენციალიც. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 20.10.2025 ხინკალი ამერიკულ სუპერმარკეტებში – NAMU 2026 წელს Walmart-ში, Target-სა და ქსელებში გამოჩნდება; “ფაქტობრივად, ტექსტილის დარგი მოკვდა”- კომპანია “უნისტილი”; ქართული წვენების ბრენდი Pomona Organic-ი მომავალ წელს აშშ-ის ქსელურ მარკეტებში შევა; საქართველოში ფსტის წარმოება იზრდება – ფასი კი იკლებს; #ახალიამბები #BusinessMediaGeorgia
აგვისტოში კლების შემდეგ, სექტემბერში უძრავი ქონების ბაზარზე გააქტიურება ფიქსირდება. Colliers Georgia-ს მონაცემებით, გასულ თვეს თბილისში სულ 4054 ბინა გაიყიდა, რაც წლიურად 15%-ით გაზრდილი მაჩვენებელია. ზაფხულის შემდეგ გააქტიურებულ მოთხოვნაზე საუბრობენ უძრავი ქონების ბაზრის წარმომადგენლებიც, რომლებიც ამბობენ, რომ რეალიზაციის ზრდა მათ შორის დეველოპერების მხრიდან გააქტიურებულ შიდა განვადებებს უკავშირდება. ეროვნულ ბანკში კი აცხადებენ, რომ ბაზარზე ბოლო პერიოდში მომრავლებული გრძელვადიანი შიდა განვადებები ჯანსაღი პრაქტიკა არაა. რა ტენდენციებია უძრავი ქონების ბაზარზე და ქმნის თუ არა რისკებს შიდა განვადებების მზარდი ტენდენცია. #ახალიამბები #BusinessMediaGeorgia
2025 წლის 9 თვეში ექსპორტი 7.7%-ით გაიზარდა. საქსტატი განახლებულ სტატისტიკას აქვეყნებს. ექსპორტის ზრდაზე ყველაზე დიდი გავლენა ავტოექსპორტს ჰქონდა, ზრდა არის ძვირფასი ლითონების მადნების ექსპორტშიც. ექსპორტის მიმართულებით კლების ტენდენცია გრძელდება ღვინის, სპირტიანი სასმელებისა და ფეროშენადნობების მოცულობებში. როგორი იყო საქართველო საგარეო ვაჭრობის 9 თვის მაჩვენებლები? #ახალიამბები #BusinessMediaGeorgia
აგვისტოში კლების შემდეგ, სექტემბერში უძრავი ქონების ბაზარზე გააქტიურება ფიქსირდება. Colliers Georgia-ს მონაცემებით, გასულ თვეს თბილისში სულ 4054 ბინა გაიყიდა, რაც წლიურად 15%-ით გაზრდილი მაჩვენებელია. ზაფხულის შემდეგ გააქტიურებულ მოთხოვნაზე საუბრობენ უძრავი ქონების ბაზრის წარმომადგენლებიც, რომლებიც ამბობენ, რომ რეალიზაციის ზრდა მათ შორის დეველოპერების მხრიდან გააქტიურებულ შიდა განვადებებს უკავშირდება. რა ტენდენციებია უძრავი ქონების ბაზარზე და ქმნის თუ არა რისკებს გააქტიურებული შიდა განვადებები? #ახალიამბები #BusinessMediaGeorgia
უზბეკეთისთვის მნიშვნელოვანია კარგად იყოს ინტეგრირებული ქართულ სატრანსპორტო და ლოგისტიკურ სისტემასთან - ამის შესახებ Bmg-სთან ინტერვიუში უზბეკეთის ინვესტიციების ხელშეწყობის სააგენტოს დირექტორი, მანსურჯონ რასულევი აცხადებს. მისი თქმით, უზბეკეთის მთავრობა აქტიურად მუშაობს საქართველოს მთავრობასთან ამ მიმართულებით და უზბეკური მზარე აქტიურად იკვლევს საინვესტიციო შესაძლებლობებს საქართველოს ლოგისტიკურ ინფრასტრუქტურაში. უზბეკეთის ინვესტიციების ხელშეწყობის სააგენტოს დირექტორი ამბობს, რომ როგორც საქართველო, ასევე უზბეკეთი შუა დერეფნის მნიშვნელოვანი რგოლია. როგორია საქართველოსა და უზბეკეთის როლი შუა დერეფნის პროექტში და რატომ ინტერესდება სულ უფრო მეტი ქართული კომპანია უზბეკეთის ბაზრით? ინტერვიუ: მანსურჯონ რასულევი - უზბეკეთის ინვესტიციების ხელშეწყობის სააგენტოს დირექტორი #ახალიამბები #BusinessMediaGeorgia
მთავრობა ორთაჭალაში სამინისტროების ერთ სივრცეში გადატანის პროექტს დაუბრუნდა - პროექტზე მუშაობა კი, მუნიციპალური განვითარების ფონდმა დაიწყო, თუმცა ფონდს დეტალური საპროექტო-სახარჯთაღრიცხვო დოკუმენტაციის მოსამზადებლად ჯერ ახალი ტენდერი არ გამოუცხადებია. პროექტისთვის დაფინანსების გამოყოფას არ ითვალისწინებს არც მომავალი წლის ბიუჯეტი, რომლის პირველადი ვერსია პარლამენტმა უკვე განიხილა. რამდენად რეალურია 8 წლის შემდეგ ე.წ სამთავრობო ქალაქის მშენებლობა და როგორ აფასებენ პროექტს ურბანისტები? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 16.10.2025 საქართველოში შაქრის ერთადერთი მწარმოებლის - აგარის შაქრის შემოსავალი შემცირდა; ბოლო სამ წელში უზბეკეთიდან საქართველოში 30 000 ტურისტი ჩამოვიყვანეთ, დაინტერესება მზარდია - Check-in Travel; პური 5-10 თეთრით გაძვირდა; „პლასმასის ხით ან ქაღალდით ჩანაცვლება ძალიან გაჭირდება”- 1 იანვრიდან პლასტიკის ერთჯერადი ჭურჭლის ნაწილი იკრძალება; #ახალიამბები #BusinessMediaGeorgia
მთავრობა ორთაჭალაში სამინისტროების ერთ სივრცეში გადატანის პროექტს დაუბრუნდა - პროექტზე მუშაობა კი, მუნიციპალური განვითარების ფონდმა დაიწყო, თუმცა ფონდს დეტალური საპროექტო-სახარჯთაღრიცხვო დოკუმენტაციის მოსამზადებლად ჯერ ახალი ტენდერი არ გამოუცხადებია. პროექტისთვის დაფინანსების გამოყოფას არ ითვალისწინებს არც მომავალი წლის ბიუჯეტი, რომლის პირველადი ვერსია პარლამენტმა უკვე განიხილა. რამდენად რეალურია 8 წლის შემდეგ ე.წ სამთავრობო ქალაქის მშენებლობა და როგორ აფასებენ პროექტს ურბანისტები? #ახალიამბები #BusinessMediaGeorgia
ფინანსურ დანაშაულთან დაკავშირებით კანონმდებლობა უფრო მკაცრდება - დღეს ქართული ოცნება დაჩქარებული წესით მეორე მოსმენით განიხილავს კანონპროექტს განხილვა, რომლის მიხედვით, ფინანსურ დანაშაულში მსჯავრდებულ პირს ქვეყნის დატოვება სამუდამოდ აეკრძალება, თუ დაზარალებულს მიყენებული ზიანი არ აუნაზღაურა. 3 სექტემბერს მიღებული ცვლილებით, კი ამ დანაშაულში მსჯავრდებულებისთვის ქვეყნის დატოვებაზე აკრძალვა სასჯელის მოხდიდან 16 წლით იყო განსაზღვრული. როგორც პროექტის ავტორები განმარტავენ, "ფინანსურ დანაშაულში" მსჯავდებულ პირს ქვეყნის დატოვება მხოლოდ დაზარალებულის თანხმობით ან/და კომპენსაციის გადახდის შემდეგ შეეძლება. ხოლო ცვლილებების მიზანია, ეს მექანიზმი დაზარალებულთა კომპენსაციის მიზნით უფრო ეფექტიანად გამოიყენებოდეს. რამდენად მართებულია ამ ფორმით ფინანსურ დანაშაულთან დაკავშირებით კანონის გამკაცრება და არის თუ არა მორგებული დაგეგმილი ცვლილებები კონკრეტულ პიროვნებებზე? სტუმარი: ფატი ჩაფიჩაძე - საიას სისხლის სამართლის მიმართულების ანალიტიკოსი #ახალიამბები #BusinessMediaGeorgia
1 იანვრიდან რამდენიმე დასახელების ერთჯერადი გამოყენების პლასტიკის ჭურჭლის წარმოება, ბაზარზე განთავსება და იმპორტი აიკრძალება. გარემოს დაცვისა და სოფლის მეურნეობის სამინისტროში ბიზნესთან გამართული რამდენიმე შეხვედრის შემდეგ რეგულაციის ამოქმედების გარკვეულ ვადებზე შეთანხმდნენ. ბიზნესი ამბობს, რომ დრო ძალიან შემჭიდროვებულია და ფიზიკურად რამდენიმე თვეში არსებული ნაშთების რეალიზაცია და სხვა ალტერნატიული პროდუქტების წარმოებაზე გადასვლა შეუძლებელია. რით უნდა ჩანაცვლდეს პლასტიკის ნაწარმი, რომელ პროდუქტებს შეეხება იანვრიდან აკრძალვა და რას ამბობს ბიზნესი? #ახალიამბები #BusinessMediaGeorgia
საქართველოში პური გაძვირდა- მაღაზიებში პროდუქტზე ფასები დღეიდან უკვე დაკორექტირდა. პურის მწარმოებელთა ასოციაციაში ამბობენ, რომ ფასები 10 თეთრით არის გაზრდილი, თუმცა გაძვირება ყველა სახეობის პროდუქტს არ შეხებია. რა ფაქტორების გათვალისწინებით გაძვირდა პური ქვეყანაში და რა მოლოდინები არსებობს ამ კუთხით? #ახალიამბები #BusinessMediaGeorgia
1 იანვრიდან რამდენიმე დასახელების ერთჯერადი გამოყენების პლასტიკის ჭურჭლის წარმოება, ბაზარზე განთავსება და იმპორტი აიკრძალება. გარემოს დაცვისა და სოფლის მეურნეობის სამინისტროში ბიზნესთან გამართული რამდენიმე შეხვედრის შემდეგ რეგულაციის ამოქმედების გარკვეულ ვადებზე შეთანხმდნენ. ბიზნესი ამბობს, რომ დრო ძალიან შემჭიდროვებულია და ფიზიკურად რამდენიმე თვეში არსებული ნაშთების რეალიზაცია და სხვა ალტერნატიული პროდუქტების წარმოებაზე გადასვლა შეუძლებელია. #ახალიამბები #BusinessMediaGeorgia
საქართველო უზბეკეთს შორის სავაჭრო-ეკონომიკური კავშირები მზარდია. ამ დროისთვის უზბეკეთი საქართველოს მეცხრე უმსხვილესი საექსპორტო ბაზარია, სადაც 2025 წლის 8 თვეში ექსპორტი 55.9%-ით გაიზარდა და 126.3 მლნ დოლარი შეადგინა. მასზე ქვეყნის მთლიანი ექსპორტის 2.8% მოდის. უზბეკეთი იმ გამონაკლის ქვეყნებს შორისაა, რომლებთანაც საქართველოს დადებითი სავაჭრო ბალანსი აქვს, ანუ თავად იმაზე მეტს ყიდის ამ ბაზარზე, ვიდრე ყიდულობს. აღსანიშნავია, რომ ექსპორტის დიდი წილი, 70%-ზე მეტი რეექსპორტზე მოდის. უზბეკეთთან სავაჭრო ბრუნვა 2021 წლიდან მზარდია, 2024 წელს კი რეკორდულ 242.3 მლნ დოლარს მიაღწია. მიმდინარე წლის 8 თვეში ექსპორტი და იმპორტი ჯამურად 181.4 მლნ დოლარი იყო. ორ ქვეყანას შორის ეკონომიკური კავშირების კიდევ ერთი მიმართულება ტურიზმია. 9 თვის მონაცემებით, უზბეკეთი Top 15 ქვეყანას შორისაა, საიდანაც საქართველოში ყველაზე მეტი ვიზიტი შედგა. კერძოდ, რაოდენობამ 61 949 შეადგინა, რაც წლის ჭრილში თითქმის 23%-იანი ზრდაა. რა განაპირობებს ორ ქვეყანას შორის გაზრდილ სავაჭრო-ეკონომიკურ კავშირებს და როგორია ზრდის პოტენციალი, განსაკუთრებით იმ ფონზე, რომ ბოლო წლებში არაერთი ქართული კომპანია გავიდა უზბეკეთის ბაზარზე - ამ თემებზე უზბეკეთში საქართველოს ელჩთან, დავით კოტარიასთან ინტერვიუ ჩვენმა გადამღებმა ჯგუფმა გასულ კვირას ტაშკენტში, გაყიდვების ასოციაციის მიერ ორგანიზებული საქართველო-უზბეკეთის ბიზნეს გამოფენის ფარგლებში ჩაწერა. ინტერვიუ: დავით კოტარია - საქართველოს ელჩი უზბეკეთში #ახალიამბები #BusinessMediaGeorgia
საქართველოში პური გაძვირდა - მაღაზიებში პროდუქტზე ფასები დღეიდან უკვე დაკორექტირდა. პურის მწარმოებელთა ასოციაციაში ამბობენ, რომ ფასები 10 თეთრით არის გაზრდილი, თუმცა გაძვირება ყველა სახეობის პროდუქტს არ შეხებია. რა ფაქტორების გათვალისწინებით გაძვირდა პური ქვეყანაში და რა მოლოდინები არსებობს ამ კუთხით? #ახალიამბები #BusinessMediaGeorgia
ტექსტილის დარგში კრიზისია. საქართველოში წარმოებული ტანსაცმლის ექსპორტი თვიდან თვემდე იკლებს, მიზეზი უცხოელი დამკვეთების ინტერესის კლებაა და როგორც კერძო სექტორში ამბობენ, შედეგად ბევრი სამკერვალო საწარმო ან უკვე დაიხურა ან კადრებს ამცირებენ. რა ტენდენციებია ტექსტილის დარგში, რატომ იკლებს ინტერესი უცხოური კომპანიების მხრიდან და სად არის გამოსავალი? #ახალიამბები #BusinessMediaGeorgia
შემოსავლების სამსახურმა საგადასახადო შემოწმებით დარიცხული ჯარიმის 50%-ის გაუქმების წესი დაამტკიცა. საუბარია კომპანიებისთვის საგადასახადო შემოწმებების შედეგად დაკისრებული ჯარიმების 50%-ის გაუქმების წესზე, რაც სავარაუდოდ, მიზნად საგადასახადო დავალიანებების ნებაყოფლობით გადახდის წახალისებას ისახავს.საგადასახადო კოდექსში მსგავსი ჩანაწერი აქამდეც არსებობდა. რამდენად იყენებდა ბიზნესი ამ მექანიზმს და რატომ გახდა საჭირო საგადასახადო კოდექსში მიღებული ცვლილებებიდან 7 წლის თავზე მსგავსი მეთოდური მითითების გამოცემა? #ახალიამბები #BusinessMediaGeorgia
ტექსტილის დარგში კრიზისი გრძელდება- საქართველოში წარმოებული ტანსაცმლის ექსპორტი თვიდან თვემდე იკლებს, რადგან უცხოელი დამკვეთებისთვის საქართველო საინტერესო აღარ არის. ბიზნესის წარმომადგენლები ამბობენ, რომ საექსპორტო შემოსავლების კლების გამო ბევრი სამკერვალო საწარმო უკვე დაიხურა და სექტორი მნიშვნელოვანი პრობლემების წინაშეა. რა ტენდენციებია ტექსტილის დარგში, რატომ იკლებს ინტერესი უცხოური კომპანიების მხრიდან და სად არის გამოსავალი? #ახალიამბები #BusinessMediaGeorgia
წელს 9 თვეში საქართველოს 4 მლნ 300 ათასზე მეტი საერთაშორისო ტურისტი სტუმრობდა, რაც წლიურად 7.9%-იანი ზრდაა. უშუალოდ 2025 წლის III კვარტალში საქართველოში ჩამოსულმა ტურისტების რაოდენობამ კი 2 მილიონს გადააჭარბა, რაც 2024 წელთან შედარებით 9%-ით გაზრდილი მაჩვენებელია. ტოპ 15 ქვეყანას შორის მოწინავე ადგილებზე კვლავ ისეთია ქვეყნებია როგორიცაა რუსეთი, თურქეთი, სომხეთი, ამ ჩამონათვალშია ასევე აზიური ბაზრები მათ შორის ჩინეთი და ინდოეთი. 9 თვეში ვიზიტების რაოდენობა გაზრდილია ევროკავშირის ქვეყნებიდანაც, კერძოდ, ევროკავშირიდან ვიზიტების რაოდენობამ 394,496 შეადგინა, რაც წლიურად 13.3%-იანი ზრდაა. რამდენად უზრუნველყოფს ტურისტების რაოდენობის ამ ტემპით ზრდა სასტუმროების და განთავსების ობიექტების დატვირთულობას და რომელი ბაზრებიდან სტუმრობენ საქართველოს? სტუმარი: მაია წერეთელი - სასტუმროების მმართველი კომპანია McInerney Hospitality International-ის ვიცე-პრეზიდენტი #ახალიამბები #BusinessMediaGeorgia
შემოსავლების სამსახურმა საგადასახადო შემოწმებით დარიცხული ჯარიმის 50%-ის გაუქმების წესი დაამტკიცა. საუბარია კომპანიებისთვის საგადასახადო შემოწმებების შედეგად დაკისრებული ჯარიმების 50%-ის გაუქმების წესზე, რაც სავარაუდოდ, საგადასახადო დავალიანებების ნებაყოფლობით გადახდის წახალისებას ისახავს მიზნად. აღსანიშნია, რომ საგადასახადო კოდექსში მსგავსი ჩანაწერი აქამდეც არსებობდა. რამდენად იყენებდა ბიზნესი ამ მექანიზმს და რატომ გახდა საჭირო საგადასახადო კოდექსში მიღებული ცვლილებებიდან 7 წლის თავზე მსგავსი მეთოდური მითითების გამოცემა? #ახალიამბები #BusinessMediaGeorgia
ჯერ ისევ ვიზალიბერალიზაციის და ძველი სამოგზაურო წესების მიხედვით სკანდინავიაში მივლინებით წასული გიორგი ისაკაძე ნობელის პრემიის ლაურეატების ამბებს ვერ გამოაკლდა და ვიდრე ოსლოდან ამ ვიზიტის მიზეზებზე მოგიყვებით თვალი გადავავლოთ 5 სხვადასხვა ნომინაციაში გამორჩეულ მეცნიერებსა თუ მსოფლიო დონის მოღვაწეებს და რა თქმა უნდა ჩვენი ინტერესი იყო ეკონომიკის დარგში ნობელის პრემიის ლაურეატების ვინაობაც, - ნობელის პრემიის ამბებით სკანდინავიიდან საქმის კურსის შემაჯამებელ გამოშვებაში გიორგი ისაკაძე გვიერთდება. #ახალიამბები #BusinessMediaGeorgia
სოფლის მეურნეობის სამინისტროს ცნობით, 13 ოქტომბრის მონაცემებით, კახეთის რეგიონში ღვინის საწარმოებმა დაახლოებით 283 ათასი ტონა ყურძენი გადაამუშავეს. ამ ეტაპზე, კახეთსა და რაჭაში მოსავალი 20 ათასამდე მევენახე-ფერმერმა დააბინავა, ხოლო რთველის პროცესში 521 ღვინის საწარმო მონაწილეობს. რაჭაში რთველი გამოწვევების ფონზე მიმდინარეობს- მევენახეები ჩასაბარებელ პუნქტებთან არსებული რიგების გამო ყურძნის ჩაბარებას ვერ ახერხებენ. ადგილობრივი მარნების წარმომადგენლების ნაწილი ამბობს, რომ რთველი წელს არაორგანიზებული იყო, ჩასაბარებელი პუნქტები კი მაღალ დატვირთვას ვერ გაუმკლავდა. მათივე ინფორმაციით, ადგილზე მარნები ყურძენს ვერ იბარებენ, რადგან ცისტერნები სავსე აქვთ, შესაბამისად, მევენახეებს ყურძენი უფუჭდებათ. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 13.10.2025
რაჭაში რთველი გამოწვევების ფონზე მიმდინარეობს- მევენახეები ჩასაბარებელ პუნქტებთან არსებული რიგების გამო ყურძნის ჩაბარებას ვერ ახერხებენ. შესაბამისი ინფორმაცია აქტიურად ვრცელდება სოციალურ ქსელში. ადგილობრივი მარნების წარმომადგენლების ნაწილი ამბობს, რომ რთველი წელს არაორგანიზებული იყო, ჩასაბარებელი პუნქტები კი მაღალ დატვირთვას ვერ გაუმკლავდა. მათივე ინფორმაციით, ადგილზე მარნები ყურძენს ვერ იბარებენ, რადგან ცისტერნები სავსე აქვთ, შესაბამისად, მევენახეებს ყურძენი უფუჭდებათ. #ახალიამბები #BusinessMediaGeorgia
2024 წელს ბიუჯეტმა საგადასახადო შეღავათების გამო 6.4 მილიარდი ლარი ვერ მიიღო. ფინანსთა სამინისტროს მომზადებული საგადასახადო დანახარჯების ანალიზის თანახმად, თუკი 2023 წელს საგადასახადო შეღავათების ჯამური ეფექტი 5.9 მილიარდ ლარს შეადგენდა, 2024 წელს ის 6.4 მილიარდ ლარამდე გაიზარდა, თუმცა უშუალოდ მშპ-სთან მიმართებით საშემოსავლო დანახარჯები 7.3%-დან, 7%-მდე შემცირდა. ყველაზე მეტი საგადასახადო შეღავათი დამატებული ღირებულების გადასახადს უკავშირდება 2024 წელს დღგ-ს საგადასახადო დანახარჯებმა მთლიანი დანახარჯების 94% შეადგინა. დღგ-ს დანახარჯები ძირითადად მოდის განათლების, ჯანდაცვის, სოფლის მეურნეობისა და ფარმაცევტული სექტორებიდან, რომლებიც დაბეგვრისგან ნაწილობრივ ან სრულად თავისუფლდებიან. ჯანდაცვის სექტორში დღგ-ს დანახარჯმა 2024 წელს 845 მილიონი ლარი შეადგინა, განათლებაში - 808 მილიონი ლარი, სოფლის მეურნეობაში - 617 მილიონი ლარი, ხოლო ფარმაცევტულ სფეროში - 598 მილიონი ლარი. რაც შეეხება სხვა შეღავათებს - მოგებისა და საშემოსავლო გადასახადების დანახარჯების საერთო მოცულობამ 2024 წელს 405 მილიონი ლარი შეადგინა, მათ შორის საშემოსავლო გადასახადის შეღავათით ეკონომიკაში 216 მლნ ლარი დარჩა. ფინანსთა სამინისტროს განმარტებით, საგადასახადო დანახარჯები მთავრობის მიზანმიმართული პოლიტიკის შედეგია, რომლის მიზანია გარკვეული სოციალური მიზნების მიღწევა და ეკონომიკური აქტივობის მხარდაჭერა. თუმცა მეორეს მხრივ, შეღავათების გაზრდა საბიუჯეტო შემოსავლების დაკარგვას ნიშნავს. რამდენად ეფექტიანია საგადასახადო შეღავათები და რა ნაწილში საჭიროებს გადახედვას? სტუმარი: ზურაბ ძნელაშვილი - Tax & Legal Solutions-ის დამფუძნებელი #ახალიამბები #BusinessMediaGeorgia
მთის კურორტებზე ზამთრის სეზონისთვის სამზადისი არ დაწყებულა, კურორტები სეზონს მოუმზადებელი ხვდება- ასეთი შეფასებები კეთდება ბიზნესის მხრიდან, რომლებიც ბაკურიანში, გუდაურსა და მესტიაში ტურისტულ ობიექტებს ფლობენ. კერძო სექტორში ამბობენ, რომ შესაბამისი უწყებები პრობლემების საქმის კურსში არიან, თუმცა რეაგირება არ აქვთ. რა ხდება ზამთრის კურორტებზე, რა გამოწვევები აქვს კერძო სექტორს? #ახალიამბები #BusinessMediaGeorgia
ბიზნესი კადრებს ეძებს. კერძო სექტორი ამბობს, რომ მზად არის ახალი თანამშრომლები აიყვანოს, თუმცა შრომის ბაზარზე საჭირო კადრს ისევ ვერ პოულობს. ეს სურვილი გამოჩნდა BAG ინდექსის დასაქმების ბარომეტრშიც, კერძოდ, მიმდინარე წლის III კვარტალში დასაქმების ბარომეტრის მაჩვენებელი ყველა სექტორში დადებითია, გარდა სამშენებლო სექტორისა. მიუხედავად იმისა, რომ გაზრდილია ანაზღაურებაც, კერძო სექტორის შესაბამისი კადრის მოძიება მაინც უჭირს. #ახალიამბები #BusinessMediaGeorgia
მთის კურორტებზე ზამთრის სეზონისთვის სამზადისი არ დაწყებულა, კურორტები სეზონს მოუმზადებელი ხვდება- ასეთი შეფასებები კეთდება ბიზნესის მხრიდან, რომლებიც ბაკურიანში, გუდაურსა და მესტიაში ტურისტულ ობიექტებს ფლობენ. კერძო სექტორში ამბობენ, რომ შესაბამისი უწყებები პრობლემების საქმის კურსში არიან, თუმცა რეაგირება არ აქვთ. რა ხდება ზამთრის კურორტებზე, რა გამოწვევები აქვს კერძო სექტორს და როგორია მოლოდინები სეზონთან მიმართებით? #ახალიამბები #BusinessMediaGeorgia
საკომისიოს ზედა ზღვარი სავაჭრო ობიექტებში ბარათით გადახდისას - ბანკების და საგადახდო მომსახურების პროვაიდერების ნაწილი შესაძლოა, ახალი რეგულაციის ქვეშ მოექცეს. საუბარია სისტემური მნიშვნელობის კომერციულ ბანკებს ანდა ასეთი ბანკის ჯგუფში შემავალ საგადახდო მომსახურების პროვაიდერებზე. “ქართულმა ოცნებამ” უკვე დაარეგისტრირა საკანონმდებლო ცვლილება, რომლის მიხედვით, თუკი სავაჭრო ობიექტში ბარათით გადახდას ასეთი სუბიექტები ემსახურებიან, საკომისიოს ზედა ზღვარი თითოეული გადახდის ოპერაციისას თანხის არაუმეტეს 0,5 % იქნება, ამ დროისათვის კი საკომისიოს მოცულობა განსაზღვრული არ არის. ასეთი განაკვეთი კი სისტემურად და გამორჩეულად მნიშვნელოვან სუბიექტებზე გავრცელდება. სტატუსი კი იმ პირს მიენიჭება, რომელიც რამდენიმე კრიტერიუმს აკმაყოფილებს. მათ შორის, სისტემურად მნიშვნელოვანი შეიძლება იყოს საგადახდო სისტემა, რომლის დღიური საშუალო ბრუნვა 200 მლნ ლარს აღემატება, გამორჩეულად მნიშვნელოვანი კი არის პირი, თუ მის მიერ წლის განმავლობაში განხორციელებული ტრანზაქციების საშუალო დღიური ბრუნვა აღემატება სებ-ის რეალურ რეჟიმში ანგარიშსწორების სისტემის შესაბამისი მაჩვენებლის 10%-ს; რატომ გახდა ცვლილებები აუცილებელი ჯერ არც ეროვნულ ბანკში საუბრობენ, არც საბანკო ასოციაციაში და არც პარლამენტში. კანონპროექტის განმარტებით ბარათში კი წერია, დღეს არსებული ვითარება არაპროგნოზირებად საფასო გარემოს ქმნის მცირე და საშუალო ბიზნესისთვის. როგორია დღეს სავაჭრო ობიექტებში ბარათით გადახდისას საკომისიოს პრაქტიკა და რა შეიძლება შეიცვალოს? სტუმარი: მირანდა მანჯგალაძე - რითეილ ექსპერტი #ახალიამბები #BusinessMediaGeorgia
ბიზნესი კადრებს ეძებს. კერძო სექტორი ამბობს, რომ მზად არის ახალი თანამშრომლები აიყვანოს, თუმცა შრომის ბაზარზე საჭირო კადრს ისევ ვერ პოულობს. ეს სურვილი გამოჩნდა BAG ინდექსის დასაქმების ბარომეტრშიც, კერძოდ, მიმდინარე წლის III კვარტალში დასაქმების ბარომეტრის მაჩვენებელი ყველა სექტორში დადებითია, გარდა სამშენებლო სექტორისა. მიუხედავად იმისა, რომ გაზრდილია ანაზღაურებაც, კერძო სექტორის შესაბამისი კადრის მოძიება მაინც უჭირს. რა ტენდენციებია შრომის ბაზარზე და რა ტიპის კადრებს ეძებს დღეს ბიზნესი? #ახალიამბები #BusinessMediaGeorgia
საქართველოში საქონლის ხორცი გაძვირდა. პროგნოზი ახალ წლამდე ფასის კიდევ უფრო მატებაზე მიანიშნებს. ბაზრის მოთხოვნას ადგილობრივი წარმოება სანახევროდაც ვერ აკმაყოფილებს და მზარდია იმპორტი - რატომ ვახერხებთ ხორცის ადგილობრივი წარმოების ზრდას და რა ზრდის ფასს? #ახალიამბები #BusinessMediaGeorgia
ნეტო აღრიცხვიდან ნეტო დარიცხვამდე - 1 ოქტომბრიდან 100 კვტ-მდე დადგმული სიმძლავრის მიკროსიმძლავრის ელექტროსადგურების ნეტო დარიცხვის სქემაში ჩართვა უკვე შესაძლებელია. ახალი სქემით, ნეტო დარიცხვის სქემაში, მიკროსიმძლავრის ელექტროსადგურის მფლობელი, ქსელში მიწოდებული კილოვატ საათების მოხმარებულ ელექტროენერგიასთან გაქვითვის ნაცვლად, მიწოდებულ თითოეულ კილოვატზე მიიღებს შესაბამის საფასურს, ხოლო ქსელიდან მოხმარებულ ელექტროენერგიაზე გადაიხდის როგორც ელექტროენერგიის მიწოდების მომსახურების, ისე ბაზრის ოპერირების მომსახურების საფასურს. #ახალიამბები #BusinessMediaGeorgia
ნეტო აღრიცხვიდან ნეტო დარიცხვამდე - 1 ოქტომბრიდან 100 კვტ-მდე დადგმული სიმძლავრის მიკროსიმძლავრის ელექტროსადგურების ნეტო დარიცხვის სქემაში ჩართვა უკვე შესაძლებელია. ახალი სქემით, მიკროსიმძლავრის ელექტროსადგურის მფლობელს ქსელში მიწოდებული თითოეულ კილოვატზე შესაბამის საფასურს გადაუხდიან, რომელიც საშუალო შეწონილ ფასს შეადგენს, ხოლო თავად ქსელიდან მოხმარებულ ელექტროენერგიაზე ელექტროენერგიის მიწოდების, ასევე ბაზრის ოპერირების საფასურს გადაიხდის. რა ფასად მოხდება მცირე სადგურებიდან ელექტროენერგიის შეძენა და ტოვებს თუ არა ახალი წესები მიმზიდველს მიკროსიმძლავრის სადგურების განვითარებას? #ახალიამბები #BusinessMediaGeorgia
ევროკავშირში უვიზო მიმოსვლის შეჩერება-გაუქმების კანონმდებლობა იცვლება - მექანიზმი, რომელიც ევროპარლამენტმა უკვე დაამტკიცა და ახლა ევროსაბჭოს დამტკიცების მოლოდინშია, შესაძლებლობას აძლევს ევროკომისიას, ხელახლა დაუწესოს სავიზო მოთხოვნები ცალკეულ ქვეყანას. უვიზო მიმოსვლის შეჩერებისა და გაუქმების საფუძველთა ჩამონათვალშია უსაფრთხოების საკითხები, ჰიბრიდული საფრთხეები, საერთაშორისო სამართლის დარღვევა და ასევე საერთაშორისო სასამართლოს გადაწყვეტილებების შეუსრულებლობა. ევროპარლამენტის ოფიციალური ინფორმაციით, განახლებული კანონი ევროკავშირს ანიჭებს მეტ მოქნილობას მთავრობის იმ ჩინოსნებისთვის ვიზების შეჩერებაში, რომლებიც შესაძლოა პასუხისმგებელნი იყვნენ მთავრობის მიერ ადამიანის უფლებებისა და სხვა სახის დარღვევებზე. რას ნიშნავს ახალი წესები იმ 61 ქვეყნისთვის, მათ შორის საქართველოსთვის, ვინც ევროპასთან უვიზო მიმოსვლით სარგებლობს და რა შემთხვევაში შეიძლება ამოქმედდეს მექანიზმი საქართველოსთან დაკავშირებით? სტუმარი: დიმიტრი ცქიტიშვილი - პოლიტიკოსი, პარლამენტის ყოფილი წევრი #ახალიამბები #BusinessMediaGeorgia
საქართველოში საქონლის ხორცი გაძვირდა, ფერმერები ბაზარზე ადგილობრივი პროდუქციის დეფიციტზე საუბრობენ და ახალ წლამდე პროდუქციის მნიშვნელოვან ზრდას პროგნოზირებენ. ბაზარზე არსებული დეფიციტის შესავსებად იზრდება საქონლის ხორცის იმპორტიც. წელს 8 თვეში ხორცის იმპორტი თითქმის 45%-ით არის გაზრდილი. რატომ ვერ ახერხებს ქვეყანა ხორცის წარმოების გაზრდას, რა ქმნის ბაზარზე ადგილობრივი პროდუქციის დეფიციტს და როგორი შეიძლება დაკორექტირდეს ფასები? #ახალიამბები #BusinessMediaGeorgia