აზერბაიჯანის პრეზიდენტმა და საქართველოს პრემიერმა სატრანსპორტო კავშირები საჯარო განცხადებებისას ახსენეს, თუმცა დეტალებზე არაფერი თქმულა. შუა დერეფანი ნახსენები იყო, თუმცა ორი ქვეყნის ლიდერს ამ სატრანსპორტო დერეფანში არსებულ გამოწვევებზე არაფერი უთქვამთ. გადამზიდავების ნაწილი ამბობს, რომ შუა დერეფანში ბიუროკრატიულ ბარიერებთან დაკავშირებული პრობლემები გამწვავდა. ბიზნესის ინფორმაციით, კასპიის ზღვის მონაკვეთზე, ალიათის ნავსადგურში, აზერბაიჯანის კუთვნილ სარკინიგზო ბორნებზე, ქართველი ექსპედიტორების ვაგონები ხანგრძლივი ვადით ყოვნდება. მათი თქმით, მსგავსი გამოწვევები, შუა დერეფნის მიმზიდველობაზე ნეგატიურად აისახება. რა გამოწვევების წინაშე არიან გადამზიდავები და რა უნდა გაკეთდეს შუა დერეფნის მიმზიდველობის გასაზრდელად.


#ახალიამბები #BusinessMediaGeorgia