დაზღვევის პროდუქტები ძვირდება. სადაზღვევო ასოციაცია ფასების, სულ მცირე, 15%-იან ზრდას ელოდება. სადაზღვევო კომპანიების ნაწილი კი ფასების 50-%-მდე ზრდას პროგნოზირებს. სადაზღვევო სექტორის წარმომადგენლები სადაზღვევო პაკეტების გაძვირებას არსებულ ეკონომიკურ გამოწვევებს უკავშირებენ. დაზღვევის ასოციაცია განმარტავს, რომ თუ ბოლო წლების განმავლობაში ფასების ზრდა 10-12%-იან ნიშნულზე ნარჩუნდებოდა, წელს რამდენიმე კრიტიკული ფაქტორი ერთდროულად მოქმედებს. მათ შორისაა ინფლაცია, გლობალური შოკები, ელექტროენერგიის და საწვავის გაძვირება და გაზრდილი საოპერაციო ხარჯები. ფასების ზრდის ფონზე, სექტორი მოთხოვნის შენელებას ელოდება. რაში ხედავს გამოსავალს სექტორი და რა ფაქტორები მოქმედებს დაზღვევის გაძვირებაზე.

#ახალიამბები #BusinessMediaGeorgia