მართალია, საქართველოში ვიზიტით მყოფი აზერბაიჯანის პრეზიდენტის და პრემიერ-მინისტრის, ირაკლი კობახიძის ერთობლივ ბრიფინგზე სატრანსპორტო კავშირები და შუა დერეფანი ახსენეს, თუმცა ორი ქვეყნის ლიდერს სატრანსპორტო დერეფანში არსებულ გამოწვევებზე არაფერი უთქვამთ. გადამზიდავების ნაწილი კი ამბობს, რომ შუა დერეფანში ბიუროკრატიულ ბარიერებთან დაკავშირებული პრობლემები გამწვავდა. ბიზნესის ინფორმაციით, კასპიის ზღვის მონაკვეთზე, ალიათის ნავსადგურში, აზერბაიჯანის კუთვნილ სარკინიგზო ბორნებზე, ქართველი ექსპედიტორების ვაგონები ხანგრძლივი ვადით ყოვნდება. მათი თქმით, მსგავსი გამოწვევები, შუა დერეფნის მიმზიდველობაზე ნეგატიურად აისახება.


#ახალიამბები #BusinessMediaGeorgia