2026 წლის მაისში ტურიზმიდან მიღებული შემოსავლები წლიურად 3.5%-ით 380 მლნ დოლარამდე გაიზარდა. გალთ ენდ თაგარტის ცნობით, წინა ორი თვის შემცირების შემდეგ, წელს, იანვარ-მაისში ტურიზმის შემოსავლებმა ჯამურად, 1.5 მლრდ დოლარი შეადგინა. თიბისი კაპიტალის ცნობით კი, მაისში საქართველოს აეროპორტებში დატვირთულობა გააქტიურდა და ის 2025 წლის მაისის მაჩვენებლებთან ახლოსაა. ამასთან, აპრილთან შედარებით, ზრდა ფიქსირდება როგორც რეზიდენტების, ასევე არარეზიდენტების უნაღდო დანახარჯებშიც. ტურიზმში მზარდ დინამიკასა და აქტივობის გამოცოცხლებაზე საუბრობენ კერძო სექტორის წარმომადგენლებიც. მათი ნაწილი აცხადებს, რომ გაუქმებული ჯავშნებისა და ფრენების შემდეგ, მაისიდან სექტორი აღდგა და ამჟამად, აქტიურ ფაზაშია. შეფერხებული რჩება სამხრეთ აზიის ზოგიერთი ბაზრიდან ტურისტების შემოდინება. რა ვითარებაა სექტორში და როგორია აქტივობის დინამიკა ზაფხულის სეზონზე?


#ახალიამბები #BusinessMediaGeorgia