კერძო სექტორი კომპანიებისთვის საპენსიო ფონდის მიერ შეფარდებული და გადაუხდელი ადმინისტრაციული ჯარიმებისგან გათავისუფლების ინიციატივით გამოდის. ფინანსთა სამინისტროს მონაცემებით, წელს მხოლოდ 7 თვეში ბიზნესს საპენსიო შენატანის ვალდებულების შეუსრულებლობისთვის 6 მილიონ ლარზე მეტი დაეკისრა. იურიდიული კომპანიები ამბობენ, რომ ჯარიმების უდიდესი ნაწილი სისტემის ტექნიკური ხარვეზით არის გამოწვეული, შედეგად კერძო სექტორის საჩივრებით გადაიტვირთა როგორც სასამართლო სისტემა, ისე თავად საპენსიო ფონდი, რომელმაც თვენახევრის წინ ფონდში გასაჩივრების მექანიზმი აამოქმედა. შექმნილ სიტუაციაში არის თუ არა ამნისტია გამოსავალი, რა არგუმენტები არის ბიზნესის მხარეს და რას აპირებს სახელმწიფო?


#ახალიამბები #BusinessMediaGeorgia