ქართულ კომპანიებს სახელმწიფო შესყიდვებში შესაძლოა, საფასო უპირატესობა მიენიჭოთ. აღნიშნულს ითვალისწინებს კანონპროექტი, რომელზეც ინფრასტრუქტურის სამინისტრო მუშაობს და ცვლილება სახელმწიფო შესყიდვების შესახებ კანონში უნდა შევიდეს. შესაბამისი პროექტი იმ 65 კანონპროექტის სიაშია, რომლის წარდგენასაც მთავრობა პარლამენტისთვის მიმდინარე საშემოდგომო სესიაზე გეგმავს. როგორც შესაბამის გეგმაშია ნათქვამი, ინიციატივის მიღების შემთხვევაში, შეიქმნება სამართლებრივი საფუძველი, რომელიც გარკვეულ შემთხვევებში, საქონლის, მომსახურების ან სამშენებლო სამუშაოს შესყიდვისას, სატენდერო წინადადებების შეფასებისას ადგილობრივი პრეტენდენტებისათვის ფასობრივი უპირატესობის მინიჭების შესაძლებლობას უზრუნველყოფს. აღსანიშნავია, რომ ადგილობრივი ინფრასტრუქტურული კომპანიები უკვე არაერთი წელია, სახელმწიფო შესყიდვებში ფასის უპირატესობის კომპონენტის შემოღებას და ადგილობრივი მომწოდებლებისთვის გარკვეული შეღავათის მინიჭებას ითხოვენ. რა ტიპის შეღავათები შეიძლება მიენიჭოთ ქართულ კომპანიებს სახელმწიფო ტენდერებში და როგორ მუშაობს ინფრასტრუქტურის დარგში ამოქმედებული ბოლოდროინდელი ცვლილებები პრაქტიკაში?

#ახალიამბები #BusinessMediaGeorgia