15 031 285
ნახვა
2 785
ვიდეო

დიღმის მასივში გეი ძმები მოკლეს - კიდევ ერთი სიძულვილით მოტივირებული დანაშაული

გაზიარება შექმენი ლუპი
იანვარი 16, 2015
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

2 იანვარს დიღმის მასივში მოკლული ძმების ბინაში 120 000 დოლარი იპოვეს. ინფორმციას გაზეთ „კვირის პალიტრასთან“ ინტერვიუში მკვლელობაში ბრალდებულის, ბესიკ ფიოლიას ადვოკატი ხათუნა ხურცილავა ადასტურებს.

„ამოღებულია 120. 000 დოლარი. კედელზე ეკიდა დიდი სურათი. სწორედ ამ სურათის უკან იპოვეს სეიფი, რომელშიც თანხა იყო. ხითარიშვილი ამბობს, რომ მცოდნოდა, ფული იქ იყო, ხომ წამოვიღებდიო. იმდენად ეკონომიურად ცხოვრობდნენ, ამას ვერ წარმოიდგენდა“, - ამბობს ხურცილავა.

ადვოკატი იმ დღეს იხსნებეს, როდესაც ტრაგიკული შემთხვევა მოხდა.

„გიორგი ხათირიშვილმა ტრაგედიის დღეს ერთ-ერთი ძმას საშას ოფისშიც მიაკითხა. თანამშრომლებმა უთხრეს, საშა სახლშიაო, სახლში კი დენისი დახვდათ, მან შეიპატიჟა ბიჭები. ყავა დალიეს, საშას ელოდებოდნენ. გიორგი ამბობს, ძმები ერთ სახლში ცხოვრობდნენ, მაგრამ ერთმანეთს არ ელაპარაკებოდნენ, ცუდი ურთიერთობა ჰქონდათო. ამის მიზეზი ერთ-ერთი ძმის განსხვავებული ორიენტაცია იყო. ხითარიშვილი ამბობს, დენისმა მითხრა, მაგარი კინო გავჩითე, მოდი, გაყურებინოო. თავის საძინებელში შემიყვანა და პორნოგრაფია ჩამირთოო. მამაკაცების ურთიერთობაზე იყო და გადავირიე, ვუთხარი, ამას რას მაყურებინებ-მეთქი, ამ დროს შარვალი ჩაიხადა და მითხრა, მოდიო. გიორგი ამტკიცებს, რომ სწორედ ამას მოჰყვა მკვლელობა... მერწმუნეთ, იგი ძალიან ნანობს მომხდარს. ტიროდა, არ მახსოვს, როგორ ჩავიდინეო“, - იხსენებს ადვოკატი.

დიღომში ალექსანდრე და დენის ატარშიკოვები საკუთარ ბინაში სადისტურად მოკლეს. მათი ცხედრები დეიდამ და კომპანია"ჯეო ლიფტის" თანამშრომლებმა მეორე დღეს ბინაში აღმოაჩინეს. შინაგან საქმეთა სამინისტრომ დანაშაულში ბრალდებული სამი პირი დააკავა. გამოძიება დამამძიმებელ გარემოებებში ორი ან რამდენიმე პირის განზრახ მკვლელობის ფაქტზე მიმდინარეობს.


ალექსანდრე და დენის ატარშიკოვების მკვლელობის ბრალდებით, სამართალდამცველებმა 3 პირი დააკავეს.

გამოძიების ინფორმაციით, ბრალდებულებმა მათივე ყოფილ თანამშრომლებს, ძმებ ატარშიკოვებს საკუთარ ბინაში ბლაგვი საგნით სხეულის დაზიანებები მიაყენეს და გაგუდეს, რის შემდეგაც კომპანია „ჯეო ლიფტის“ ოფისის გასაღებები წაიღეს, სადაც ერთ-ერთი მოკლული მუშაბდა.

მაჩვენე მეტი