ტაილანდის ახალ კონსტიტუციაში „მესამე სქესის“ ადამიანების დაცულობა გარანტირებული იქნება

ტაილანდის ახალ კონსტიტუციაში, რომელზე მუშაობაც დამამთავრებელ სტადიაზეა, მოხსენიებულ იქნებიან „მესამე სქესის“ადამიანები. ამის შესახებ განაცხადა ტაილანდის ძირითადი კანონის შედგენაზე მომუშავე ჯგუფის წარმომადგენელმა.

ქამნუნ სიტისამარნმა (Kamnoon Sittisamarn), კონსტიტუციის სარედაქციო კომიტეტის პრესმდივანმა, რომელიც ქვეყნის ახალ კონსტიტუციაზე მუშაობს, იმის შესახებ ისაუბრა, რომ ყველა სექსუალური იდენტობა კანონის წინაშე თანასწორი იქნება. „კონსტიტუციაში „მესამე სქესს“ მოვიხსენიებთ, რადგან ჩვენი საზოგადოება შეიცვალა. იგი არა მხოლოდ ქალებისა და კაცებისგან შედგება, და კანონი ყველას თანასწორად უნდა იცავდეს“.

შეგახსენებთ, რომ ტაილანდი დიდი და მრავალფეროვანი ლგბტ თემით არის ცნობილი, მათ შორის ტრანსგენდერებით, ანუ კატოიებით. ამ საკმაოდ ჩვეულებრივ მოვლენას წარმოადგენენ და ქვეყნის კულტურაში თავიანთი ადგილით: კატოიები არიან პოპულარული მოდელები, მომღერლები და კინოვარსკვლავები.

ტაილანდის გეი საზოგადოება მიესალმება კონსტიტუციაში „მესამე სქესის“ არსებობას. გეი აქტივისტთა აზრით, ეს „ხელს შეუწყობს ადამიანების ყველა სფეროში დისკრიმინაციას, ბიზნესიდან დაწყებული, პირადი ცხოვრებით დამთავრებული“.