Google-მა პრემიუმ კლასის ლეპტოპები გამოუშვა #ახალიამბები #BusinessMediaGeorgia
Apple-მა უეკრანო ფიტნეს-სამაჯურის შექმნაზე დაიწყო მუშაობა #ახალიამბები #BusinessMediaGeorgia
Meta-მ ახალი $1,300-იანი სათვალე და AI-მოწყობილობა წარადგინა #ახალიამბები #BusinessMediaGeorgia
MAIZEN - კომპანია და სივრცე, რომელიც ორი წლის წინ ფალიაშვილის 110 ში მრავალფუნქციური სივრცე გაიხსნა და სადაც მაღაზიის, ბარისა და არტ-პლატფორმის კონცეფცია ერთიანდება. მოგზაურობის დროს დაბადებული ინსპირაციით დაწყებული საქმე, როცა ნატალი და დავით გურიელებმა ჯერ კიდევ 2022 წელს, ოსაკაში მოგზაურობისას იაპონური ესთეტიკით შთაგონებულებმა საინტერესო ბიზნეს იდეის ჩანაფიქრის განხორციელებაზე მსჯელობა დაიწყეს. როგორ გახდა MAIZEN პირველი მატჩას ბარი საქართველოში, რომელიც მომხმარებელს ტრადიციულ და საავტორო სასმელებს სთავაზობს? სტუმარი: ნატალი გურიელი - MAIZEN-ის თანადამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
IT სექტორში ვაკანსიების კლების პარალელურად, ანაზღაურება მცირედით, თუმცა მაინც იზრდება რიტეილსა და სასტუმრო-რესტორნების სექტორში. დასაქმების პლატფორმების მონაცემებით, ხელფასების 15-20%-იანი ზრდის მიუხედავად, ბაზარზე არსებული მწვავე საკადრო დეფიციტი მაინც გადაუჭრელ პრობლემად რჩება, ბარმენებისა და მიმტანების მოძიება უჭირთ. პარალელურად, კრიტიკულ ზღვარზეა მომსახურების ხარისხი საცალო ვაჭრობაში. უსასრულო რიგები სალაროებთან, პერსონალის დეფიციტი დარბაზში და მოუმზადებელი კადრები — ეს იმ პრობლემების მცირე ჩამონათვალია, რასაც მომხმარებელი ყოველდღიურად აწყდება. ექსპერტების შეფასებით, დაბალი ანაზღაურებისა და მძიმე სამუშაო პირობების გამო სექტორში კადრების მაღალი დენადობაა, კომპანიები კი იძულებულნი არიან, სამუშაოზე არაკვალიფიციური პერსონალი აიყვანონ, თუმცა საკადრო დეფიციტი აქვს სამშენებლო სექტორს, სადაც ხელფასები ერთ-ერთი ყველაზე მაღალია - ბოლო საშუალო ხელფასი დარგში - 3 496.6 ლარია. სტუმრები: შალვა ალავერდაშვილი - სასტუმროების ფედერაცია, დამფუძნებელი; სოფო ქაშაკაშვილი - "რითეილ ასოციაციის“ ხელმძღვანელი; ბესო ორთოიძე - „არსი“, გენერალური დირექტორი #ახალიამბები #BusinessMediaGeorgia
შრომის ბაზარი ეიაის პირობებში გლობალურ თუ ლოკალურ დონეზე მკვეთრად იცვლება. პირველ რიგში ბოლო სტატისტიკურ მონაცემებს გაგაცნობთ, რომელიც მეორე კვარტლის მონაცემებს ასახავს და რომლის მიხედვითაც, საშუალო თვიური ხელფასი 8%-ით 2 389 ლარამდე ზრდას აჩვენებს. საქმიანობის სახეების მიხედვით, ყველაზე მაღალი ხელფასი კვლავ ინფორმაციისა და კომუნიკაციების სექტორშია და 4 400 ლარს შეადგენს, რაც წინა წლის შესაბამის პერიოდთან შედარებით 5.4%-ით გაზრდილი მაჩვენებელია. ტრადიციულად შედარებით მაღალი ხელფასებია საფინანსო და სადაზღვევო საქმიანობებში - 4 074 ლარით, მშენებლობაში - 3 496.6 ლარით და პროფესიულ, სამეცნიერო და ტექნიკურ საქმიანობებში - 3 304.8 ლარის ოდენობით. II კვარტალში ქალების საშუალო ხელფასი 1 927 ლარი, ხოლო კაცების - 2 856 ლარი იყო. ხელფასების წლიურმა ზრდამ ქალებში 157.5 ლარი (9%) შეადგინა, ხოლო კაცებში - 200.5 ლარი (7.6%). საქმიანობის სახეების მიხედვით კაცების ხელფასი ტრადიციულად და სამწუხაროდ ყველა სექტორში აღემატებოდა ქალების ხელფასს. საქართველოში დასაქმებულთა ხელფასები იზრდება, ყოველ შემთხვევაში სტატისტიკურად, თუმცა შრომის ბაზარზე ტენდენციები სექტორების მიხედვით მკვეთრად განსხვავებულია. პმსგის დასაქმების თრექერის 2026 წლის ივლისის მონაცემებით, თვიურ ხელფასს მილიონზე მეტი ადამიანი იღებდა, რაც გასული წლის იმავე პერიოდთან შედარებით 2.7%-ით გაზრდილი მაჩვენებელია. პარალელურად, მცირდება დაბალანაზღაურებადი კადრების წილი და იზრდება იმ ადამიანების რაოდენობა, ვისი ანაზღაურებაც 2,400 ლარს აჭარბებს — ასეთი დღეს დასაქმებულთა 41%-ზე მეტია. რაც შეეხება ვაკანსიებს, Jobs.ge-ზე გამოქვეყნებული განცხადებების მიხედვით, ყველაზე დიდი ზრდა გაყიდვებსა და ფინანსების სექტორში ფიქსირდება, ხოლო ყველაზე მკვეთრი კლება 28%-ზე მეტი, სწორედ ყველაზე მაღალანაზღაურებად ინფორმაციულ ტექნოლოგიებსა და პროგრამირებაში. HR.ge-ის მონაცემებით, თუ ადრე ტექნოლოგიური მიმართულება მთლიანი განცხადებების 7-8%-ს შეადგენდა, დღეს ეს მაჩვენებელი მხოლოდ 1.5%-ია. შრომის ბაზრის ექსპერტები ამ ტენდენციას ხელოვნური ინტელექტის აქტიურ დანერგვას უკავშირებენ. AI-მ არა მხოლოდ შეცვალა სამუშაო აღწერილ#ახალიამბები #BusinessMediaGeorgia
გლობალური ბაზრების მიმოხლვა 24//9/2026 #ახალიამბები #BusinessMediaGeorgia
ლარის კურსი & გლობალური საფონდო ბირჟების მიმოხილვა / 23.09.2026 გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia
არმატურის იმპორტზე დაწესებული მოსაკრებელი მთავრობამ კიდევ ერთხელ, ამჯერად 2027 წლის 1 მარტამდე გაახანგრძლივა. ტონაზე 420 ლარის ოდენობით მოსაკრებელი თავდაპირველად 2025 წლის იანვარში დაწესდა და მისი მთავარი მიზანი დემპინგური იმპორტისგან ადგილობრივი წარმოების დაცვა იყო. ოფიციალური სტატისტიკა აჩვენებს, რომ როგორც გასულ წელს, ასევე წელს 8 თვის მონაცემებით, არმატურის იმპორტი კლების ტენდენციით ხასიათდება, თუმცა სექტორის წარმომადგენლები აცხადებენ, რომ მხოლოდ მოსაკრებლის დაწესება ადგილობრივი არმატურის წარმოების განვითარებისთვის მნიშვნელოვანი ბიძგი ვერ იქნება. მეორე მხრივ კი იმპორტირებულ არმატურაზე გადასახადის დაწესებამ სამშენებლო სექტორს პროდუქციის თვითღირებულება გაუზარდა. რა შეცვალა არმატურის ბაზარზე მოსაკრებლის დაწესებამ და რა ტენდენციებია ბაზარზე? #ახალიამბები #BusinessMediaGeorgia
ენერგეტიკის კერძო სექტორში CFD აუქციონებში დაფიქსირებული ტარიფების გადახედვას ითხოვენ. ჰიდროგენერაციის სექტორის წარმომადგენლები აცხადებენ, რომ 6.5 ცენტი პროექტების განსახორციელებლად საკმარისი აღარ არის. მათი შეფასებით, 2022 წლის აუქციონის შემდეგ გაზრდილმა ინფლაციამ და მშენებლობის გაძვირებულმა ღირებულებამ დღის წესრიგში დააყენა ტარიფებისა და პირობების კორექტირების საჭიროება. ამიტომ, სექტორის წარმომადგენლების ნაწილი მიიჩნევს, რომ ეკონომიკის სამინისტრომ CFD აუქციონებში დაფიქსირებულ ტარიფებს უნდა გადახედოს და ენერგოკომპანიებთან გაფორმებულ მემორანდუმებში ცვლილებები შეიტანოს. ამის დაპირება აქვს სექტორს ეკონომიკის სამინისტროს მხრიდანაც, თუმცა, ჯერჯერობით, სექტორი კვლავ მოლოდინის რეჟიმშია. #ახალიამბები #BusinessMediaGeorgia
საბანკო აუქციონზე უძრავი ქონების შეძენა ბევრისთვის საკმაოდ მიმზიდველი ინვესტიციაა, რადგან ხშირად შესაძლებელი ხდება ბინის თუ კომერციული ფართის საბაზრო ღირებულებაზე ბევრად დაბალ ფასად ყიდვა თუმცა, რეალურად, ეს პროცესი მარტივი სულაც არ არის და უამრავ იურიდიულ ნიუანსს, სამართლებრივ ბარიერსა თუ ფარულ ფინანსურ რისკს მოიცავს. როგორ ტარდება ელექტრონული აუქციონები, რამდენად რეალურია ქონების ხელსაყრელ ფასად ხელში ჩაგდება და რა ტიპის დოკუმენტაცია უნდა შევამოწმოთ აუცილებლად ყიდვის გადაწყვეტილებამდე?
როდესაც ქალაქში ბუნებრივ სინათლესა და მწვანე სივრცეს ბეტონის კედლები ცვლის, ეს პირდაპირ აისახება ჩვენს განწყობაზე, სტრესის დონესა და ჯანმრთელობაზე. თბილისის მჭიდროდ ჩაშენებულ უბნებში მოსახლეობის სიმჭიდროვე დასაშვებ ნორმას უკვე რამდენჯერმე აღემატება, რასაც თან სდევს სატრანსპორტო კოლაფსი და პარკინგის მწვავე პრობლემა. რატომ იქცა დედაქალაქის განვითარების გეგმა ფორმალობად და რა საფრთხეს უქმნის ქაოტური მშენებლობები როგორც ჩვენს ფსიქიკას, ისე უძრავი ქონების რეალურ ღირებულებას? #ახალიამბები #BusinessMediaGeorgia
საერთაშორისო ამბები უძრავ ქონებაში:
ადგილობრივი ამბები უძრავ ქონებაში:
კვირის მთავარი ამბავი: რა ღირს მიწის ნაკვეთები თბილისის შემოგარენში? #უძრავიქონებისპროსპექტი თათია ჩაფიჩაძე & გუგა კობახიძესთან ერთად #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 21.09.2026
⚔️ OpenAI-იმ Anthropic-ის სისტემა გატეხა? ➡️გადაცემის პარტნიორია - Geosoft Cloud • ჯეოსოფტი #TECHINFORM #BMG #ბიზნესმედია #საქმიანები #ახალიამბები #BusinessMediaGeorgia
⚠️ Google Gemini-მ სისტემა გაარღვია და 3 კომპანია დაჰაკა; ➡️გადაცემის პარტნიორია - Geosoft Cloud • ჯეოსოფტი #TECHINFORM #BMG #ბიზნესმედია #საქმიანები #ახალიამბები #BusinessMediaGeorgia
ხელოვნური ინტელექტი განათლებაში ✔️სად გადის ზღვარი ხელოვნური ინტელექტის დამხმარე ინსტრუმენტად გამოყენებასა და აზროვნების მისთვის გადაბარებას შორის? ✔️როგორ უნდა გამოვიყენოთ AI სწავლისთვის ისე, რომ მან თავად სწავლის პროცესი არ ჩაანაცვლოს? ✔️რას ცვლის ხელოვნური ინტელექტი განათლების სისტემაში და როგორ მოქმედებს ის ბავშვის კოგნიტურ უნარებზე? სტუმარი: პაატა გოგიშვილი — ინფორმატიკის დოქტორი, ილიას სახელმწიფო უნივერსიტეტის ასოცირებული პროფესორი; დავით სამნიაშვილი - სამეცნიერო ჟურნალისტი; #მედსკრიპტუმი ეკა სარიასთან ერთად #ახალიამბები #BusinessMediaGeorgia
ტექნოლოგიური სიახლეები არსენ სებისკვერაძისგან
წვრილი ნაწლავის ენდოკაფსულური კვლევა ✔️როდის ინიშნება წვრილი ნაწლავის ენდოკაფსულური კვლევა და როგორ ტარდება პროცედურა? ✔️რა უპირატესობა აქვს ინოვაციურ მეთოდს და რა დაავადებების გამოვლენის შესაძლებლობას იძლევა კამერიანი კაფსულა? ✔️უსაფრთხო დიაგნოსტიკა „ნიუ ჰოსპიტალსში“ — როდის უნდა მივმართოთ ექიმს ხანგრძლივი და გაურკვეველი ჩივილების დროს? სტუმარი: ზანდა კუტივაძე — ექიმი-ენდოსკოპისტი, „ნიუ ჰოსპიტალსის“ ენდოსკოპიური განყოფილების ხელმძღვანელი; #მედსკრიპტუმი ეკა სარიასთან ერთად #ახალიამბები #BusinessMediaGeorgia
დათო სამნიაშვილის საავტორო ბლოგი „რატომ?“ რატომ ვბრაზდებით?. #ახალიამბები #BusinessMediaGeorgia
ეს კაცი ისეთ ზღაპრებს წერდა იფიქრებ, ცხოვრებაც ასეთი ექნებოდაო. მაგრამ ცხოვრებამ მისთვის არაფერი გაიმეტა ზღაპრული გარდა მისი განსაკუთრებული ნიჭისა... პატივცემულ ჰანს ქრისტიან ანდერსენზე ვლაპარაკობთ .დანიელი მწერალი ქალთევზას, ყინულის დედოფლის, ნამცეცას, კალის ჯარისკაცის და მახინჯი იხვის ჭუკის ავტორია, რომელმაც ნოვატორული ცვლილებები მოახდინა ამ დარგში და ზოგადად თხრობაში. ისე უცნაურზე უცნაური კაცი ყოფილა. საკუთარ ნიჭსაც კი სხვა ძალებს მიაწერდა. გარდა იმისა რომ ღარიბი მეწაღისა და მრეცხავის ოჯახში დაბადებული პლანეტის გამორჩეული მეზღაპრე ყოველთვის უფროსებისთვის წერდა, მაგრამ აღმოჩნდა და საზოგადოებამ გამოარჩია როგორც საუკეთესო საბავშვო მწერალი. სამი ათასზე მეტი ზღაპარი დაწერა, მსოფლიოს 125 ენაზეა თარგმნილი და მგონი, ერთერთი გამორჩეული რეკორდსმენი, ნუ იყო მაინც, ვიდრე წიგნებზე და ზღაპრეზე იყო მოთხოვნა. თუმცა, არაფერი იმაზე ზარმაცი არსება ვიდრე ანდერსენი იყო, მგონი არც დაბადებულა, და ამ უდისციპლინობის თუ სიზარმაცის გამო პრობლემები ყტველგან ჰქონდა სკოლიდან დაწყებული სამსახურთ დასრულებული. სიზარმაცეს კიდევ ეშველებად და ჰანს ქრისტიან ანდერსენს გიჟად მიიჩნევდნენ და კოპენჰაგენის ლამის ყველა თეატრიდან გამოაგდეს. აი ასეთი იყო მსოფლიოს გამორჩეულ მეზღაპრე რომელიც დამსახურებლად თვლიდა რომ არ არსებობს იმაზე უკეთესი ზღაპარი, რომელსაც თვით ცხოვრება ქმნის. დიახ, ანდერსენს ეკუთვნის სიტყვები, რომ თვითონ ცხოვრება ყველაზე მშვენიერი ზღაპარია. თუმცა, იქვე აგრძელებს: მარტო ცხოვრება არ არის საკმარისი... ადამიანს ჰაერი, თავისუფლება და პატარა ყვავილი უნდა ჰქონდეს. #ახალიამბები #BusinessMediaGeorgia
ჩვენს ყოველვკირეულ რუბრიკაში - "მხოლოდ ქართული", რომელსაც კომპანია ჯი ემ ფარმასთან ერთად ვახორციელებთ, ლოგისტიკური კომპანია "გიანთი ლოჯისტიკსის" შესახებ გიყვებით, რომელიც ქართულ ბაზარზე 2005 წლიდან ოპერირებს და მომხმარებელს ყველა ტიპის ლოგისტიკურ მომსახურებას ერთ სივრცეში სთავაზობს - იქნება ეს საბროკერო მომსახურება, თუ არა გაბარიტული ტვირთების გადაზიდვა. ორ ათეულ წელზე მეტი ხნის წინ, რამდენიმე თანამშრომლით და დაქირავებული ტექნიკით დაწყებული ბიზნესი ეტაპობრივად გაფართოვდა და დღეს მხოლოდ საქართველოში 300-მდე თანამშრომელს ასაქმებენ, მათ მფლობელობაში 100 ერთეული ტექნიკა, თბილისსა და ფოთში საბაჟო და არა საბაჟო საწყობები და რაც ასევე, მნიშვნელოვანია, ოფისები აზერბაიჯანში, უზბეკეთში, ყაზახეთში და თურქეთშია. თამამად შეიძლება ითქვას, რომ საქართველოში დაბადებული ბიზნესი დღეს საერთაშორისო კომპანიაა, რომელიც ჩვენს კორიდორში ერთ-ერთ მნიშვნელოვან როლს თამაშობს. #ახალიამბები #BusinessMediaGeorgia
ჰოლივუდში მსახიობის წარმატების ერთ-ერთი მთავარი საზომი უკვე არა მხოლოდ ჯილდოები და ჰონორარებია, არამედ იმ ფილმების კომერციული შედეგიც, რომლებშიც ის მონაწილეობს. ამ მაჩვენებლით 2026 წელს ახალი ლიდერი ტომ ჰოლანდი გახდა. მისი ფილმოგრაფიის მსოფლიო სალარო შემოსავალმა 15,5 მილიარდ დოლარს მიაღწია. 30 წლის ბრიტანელი მსახიობის რეკორდულ შედეგში განსაკუთრებული როლი მისმა ორ ახალმა პროექტმა ითამაშა - „Spider-Man: Brand New Day“-მ და კრისტოფერ ნოლანის „The Odyssey“-მ. თუმცა ჰოლანდის წარმატების მთავარი საფუძველი Marvel-ის კინოსამყაროში შექმნილი პიტერ პარკერის პერსონაჟია, რომელმაც მსახიობი გლობალურ ვარსკვლავად აქცია. ჰოლანდის უკან კი კინოს კიდევ ოთხი დიდი სახელი მოდის, რომელთა ფილმოგრაფიის კოლოსალური შემოსავლების უკან, პირველ რიგში, ჰოლივუდის ყველაზე წარმატებული ფრენჩაიზები დგას.ვინ დააგროვა მილიარდობით დოლარის სალარო, რომელი ფილმები აღმოჩნდა ამ წარმატების მთავარი წყარო და რატომ იქცა თანამედროვე ჰოლივუდში ფრენჩაიზული კინო მსახიობების კომერციული წარმატების უმნიშვნელოვანეს ფაქტორად, #ახალიამბები #BusinessMediaGeorgia
სულ ცოტა დრო რჩება ყველა დროის ერთ-ერთი ყველაზე პოპულარული ვიდეოთამაშის, GTA-ს უახლესი, მეექვსე ნაწილის გამოსვლამდე და კულუარებიდან ირკვევა, რომ საგის გასაგრძელებლად სტუდიამ უკვე დახარჯა კოლოსალური რესურსი. რა ჯდება ათწლეულის ყველაზე გახმაურებული პროდუქტის შექმნა და კიდევ რომელი პროექტები ავსებენ ისტორიაში ყველაზე ძვირად ღირებული ვიდეოთამაშების ათეულს. #ახალიამბები #BusinessMediaGeorgia
მთელი მსოფლიო და ევროპაც არ არის გამონაკლისი,მუდმივ მზადყოფნაში არიან რომ დაუპირისპირდნენ სხვდასხვასხვა ფინასურ სქემებს რომლებსაც მნიშვნელოვანი სოციალური შფოთის მოტანა შეუძლიათ. ფინანსური პირამიდები და პონცის სქემები 2026 წელსაც ახერხებენ მოსახლეობაში ეკონომიკური შფოთვის ჩანერგვას და ამისთვის თანამედროვე ციფრულ ინსტრუმენტებსაც წარმატებით იყენებენ. თუმცა ყველაფერი 1919 წელს დაიწყო და იტალიელი მიგრანტის სქემამ საფუძველი საუკუნოვან თაღლითობას დაუდო #ახალიამბები #BusinessMediaGeorgia
ევროკავშირმა შესაძლოა ახალი გეოპოლიტიკური ცენტრი შექმნას - ტრამპის ამერიკისა და სი ძინპინნის ჩინეთისაგან ბოლო პერიოდში განსაკუთრებით შევიწროებულმა ევროპამ გადაწყვიტა, აირჩიოს არა მხარე, არამედ თავად გახდეს მიზიდულობის ცენტრი და დაიახლოვოს ყველა, ვინც არსებულ და ესოდენ მოსუსტებულ მსოფლიო წესრიგს ემხრობა. გასულ კვირას ბრიუსელმა პირველი გაბედული ნაბიჯი გადადგა და ახლო პარტნირობა კონტინენტსგადაღმა მყოფ კანადას შესთავაზა. მალევე მოსაწვევები გაეგზავნათ ავსტრალიასა და ახალ ზელანდიასაც. რა პროცესები დაიძრა ბებერი ევროპის გულში? #ახალიამბები #BusinessMediaGeorgia
აშშ-ის ფედერალურმა რეზერვმა პრეზიდენტ დონალდ ტრამპის გაფრთხილებები არ გაითვალისწინა და მონეტარული პოლიტიკა გაამკაცრა. ქვეყნის მთავარმა საფინანსო ორგანომ, გასულ კვირას, რეფინანსირების განაკვეთი 25 საბაზისო პუნქტით გაზარდა. ეს გადაწყვეტილება ამჟამად განსაკუთრებულ ყურადღებას იპყრობს, რადგან FED-ს ახალი თავმჯდომარე, კევინ უორში უდგას სათავეში, რომელიც პოსტზე სწორედ ტრამპმა შეარჩია. როგორ ჩააბარა ფედერალურმა რეზერვმა ინსტიტუციური დამოუკიდებლობის ტესტი, რატომ დაუჭირა საბჭომ ცვლილებას ერთსულოვნად მხარი და როგორი იყო უოლ-სტრიტისა და თავად დონალდ ტრამპის რეაქცია? #ახალიამბები #BusinessMediaGeorgia
მობილური ქსელის გაფართოებასთან ერთად ქალაქებსა და დასახლებებში საკომუნიკაციო ანძების რაოდენობაც იზრდება, თუმცა მათი განთავსება ხშირად მოსახლეობის პროტესტს და ჯანმრთელობის შესაძლო რისკებზე კითხვებს იწვევს. რამდენად საშიშია საბაზო სადგურების მიერ გამოსხივებული რადიოსიხშირული ენერგია, არსებობს თუ არა კიბოსთან ან სხვა დაავადებებთან მისი კავშირის დამადასტურებელი მტკიცებულება და რა მნიშვნელობა აქვს უსაფრთხოების საერთაშორისო სტანდარტების დაცვას. #ახალიამბები #BusinessMediaGeorgia
5-ჯი ქსელი ზღვის დონიდან 3 650 მეტრზეც, თბილისის მეტროს ყველა ბაქანზე და 6 000 კილომეტრის დისტანციაზე, უხანიდან თბილისში, დისტანციური რობოტული ოპერაციისთვის უზრუნველყოფილი სტაბილური ინტერნეტკავშირი და მრავალი სხვა, მასშტაბური პროექტი. ამ ფონზე კი კვლავ აქტუალურია კითხვა მობილური საბაზო სადგურების უსაფრთხოებაზე - რას ამბობს სამეცნიერო მტკიცებულებები და რატომ არის საკომუნიკაციო ინფრასტრუქტურის განვითარება მნიშვნელოვანი როგორც ყოველდღიური კომუნიკაციისთვის, ისე უსაფრთხოებისა და მაღალტექნოლოგიური სერვისებისთვის. #ახალიამბები #BusinessMediaGeorgia
პარლამენტი დაჩქარებული წესით განიხილავს „დაგროვებითი პენსიის შესახებ“ კანონში ცვლილებებს თანმხლებ კანონპროექტებთან ერთად, რომელიც საპენსიო შენატანის ვალდებულების შეუსრულებლობაზე ადმინისტრაციული პასუხისმგებლობის დაკისრების წესს ცვლის და ასევე, საპენსიო ფონდის ჯარიმების ამნისტიას ითვალისწინებს. აღსანიშნავია, რომ ამნისტია 2025 წლის 1 მაისიდან დაკისრებულ ჯარიმებზე ვრცელდება. დოკუმენტის თანახმად, 2026 წლის 9 სექტემბრის მდგომარეობით, კანონპროექტი ეხება 48 069 ჯარიმას, 13 488 დამსაქმებელსა და შესაბამისად, ჯამში 42 903 000 ლარის მოცულობის ჯარიმას. სტუმარი: გიორგი კობიაშვილი - Cora Consulting, საგადასახადო ექსპერტი; ინტერვუერი: გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
ხელისუფლებაში მოსვლამდე „ქართული ოცნება“ მოსახლეობას კომუნალური გადასახადების, დენისა და გაზის ტარიფების კლებას ჰპირდებოდა, თუმცა მოკლევადიანი კლების შემდეგ ფასებმა კვლავ ზრდა დაიწყო. რატომ არ გამოვიდა ტარიფების განახევრება, რამდენად გაძვირდა 2012 წლის შემდეგ საქართველოში კომუნალური მომსახურება და რა მიზეზებმა განაპირობა გაზისა და ელექტროენერგიის გაძვირება ქვეყანაში? #ახალიამბები #BusinessMediaGeorgia
გასული კვირის მთავარი მოვლენა ქართულ ბიზნესში "ტრამპ თაუერის" პროექტის პრეზენტაცია გახლდათ. პროექტს დიდი გამოხმაურება მოჰყავს მსოფლიო მედიაში და ამის მიზეზი არა მხოლოდ დეველოპერული პროექტის დასახელებაა. ამჟამინდელი სასტარტო შეფასებით ეს დედაქალაქში ქვეყნის ყველაზე მასშტაბური საინვესტიციო პროექტია, და Trump Tower Tbilisi წარმოადგენს 62-სართულიან, 280-მეტრიან ცათამბჯენს, რომელსაც საერთაშორისო არქიტექტურული გიგანტი Gensler-ი აპროექტებს, არქისა და ინვიას 2-მილიარდიანი მეგაპროექტის, Downtown Tbilisi-ის ცენტრალური ნაწილი იქნება. პროექტმა დიდი ინტერესი გამოიწვია საერთაშორისო მედიაში, და მისი მესვეურების, ინვესტორების განცხადებით თბილისი ტრამპ თაუერი იქნება ახალი მსოფლიო მისამართი, რაც საქართველოს საინვესტიციო პოტენციალის ზრდას მნიშვნელოვნად შეუწყობს. პროექტის მესვეურები იმედოვნებენ რომ ტრამპ თაუერი საქართველოს პოზიციონირებას ახალ საფეხურზე აიყვანს პრემიუმ უძრავი ქონების მიმართულებით, რაც ხელს შეუწყობს საერთაშორისო ინვესტორების მოზიდვას. გლობალური ბრენდის შემოსვლა, მსხვილი საერთაშორისო ინვესტორები და ახალი სტანდარტი უძრავი ქონების ბაზარზე - რა იცვლება ქალაქის ეკონომიკურ რუკაზე? #ახალიამბები #BusinessMediaGeorgia
გიორგი ისაკაძის საავტორო პროლოგი / 20.09.2026
გასული კვირის მნიშვნელოვანი ამბების მიმოხილვა / 13 - 20 სექტემბერი
#დღისრიცხვი: 18 სექტემბერი - 191 ათასი დოლარიდან 35 ტრილიონამდე; ➡ბექა ბაციკაძე - "საქმიანი საღამოს" წამყვანი; #ახალიამბები #BusinessMediaGeorgia
რთველი აქტიურ ფაზაში შედის. დღეის მდგომარეობით კახეთში 15,2 ათასი ტონა ყურძენია გადამუშავებული. მევენახეები კვლავ ყურძნის ფასებზე ჩივიან. მათი განმარტებით, სახელმწიფოს მიერ განსაზღვრული ტარიფები მევენახეების შრომასა და გაწეულ ხარჯებს ვერ ანაზღაურებს, რადგან გასულ წელთან შედარებით მკვეთრად გაზრდილია როგორც მუშახელის, ისე შხამქიმიკატებისა და საწვავის ღირებულება. დარგის სპეციალისტების შეფასებით კი, წელს გამოწვევად კვლავ ჭარბი ყურძნის პრობლემა რჩება - მაღალი ხარისხის მოსავლის მიუხედავად, სახელმწიფოს სავარაუდოდ 150 000-დან 200 000 ტონამდე ჭარბი ყურძნის ჩაბარება მოუწევს, რომელსაც შემდეგ სპირტად გადაამუშავებს. როგორ დაიწყო რთველი 2026 და რა მოლოდინებია სექტორში? #ახალიამბები #BusinessMediaGeorgia
რთველი აქტიურ ფაზაში შედის. დღეის მდგომარეობით კახეთში 15,2 ათასი ტონა ყურძენია გადამუშავებული. წელს რეგიონში 320 ათასი ტონის ყურძნის მოსავალს ელოდებიან. მევენახეები კვლავ ყურძნის ფასებზე ჩივიან. მათი განმარტებით, სახელმწიფოს ტარიფები მევენახეების შრომასა და გაწეულ ხარჯებს ვერ ანაზღაურებს, რადგან გასულ წელთან შედარებით მკვეთრად გაზრდილია როგორც მუშახელის, ისე შხამქიმიკატებისა და საწვავის ღირებულება. დარგის სპეციალისტების შეფასებით კი, წელს გამოწვევად კვლავ ჭარბი ყურძნის პრობლემა რჩება - მაღალი ხარისხის მოსავლის მიუხედავად, სახელმწიფოს სავარაუდოდ 150 000-დან 200 000 ტონამდე ჭარბი ყურძნის ჩაბარება მოუწევს, რომელსაც შემდეგ სპირტად გადაამუშავებს. როგორ დაიწყო რთველი 2026 და რა მოლოდინებია სექტორში? #ახალიამბები #BusinessMediaGeorgia
ლარის კურსი & გლობალური საფონდო ბირჟების მიმოხილვა / 17.09.2026 გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia