საქართველოსა და EU-ს შორის ტვირთბრუნვა გამარტივდა- 15 მაისიდან საქართველოდან გამავალ ტვირთებზე, ხოლო 1 ივნისიდან ტრანზიტულ ტვირთებზე ე.წ NCTS დეკლარაციის გამოყენება სავალდებულო ხდება, ახალი სისტემა გადამზიდავ კომპანიებს შესაძლებლობას მისცემს საქართველოს საბაჟოს მიერ გაცემული სატრანზიტო დოკუმენტაციით და გარანტიით, ტვირთი შეუფერხებლად 36 ქვეყანაში გადაზიდონ, თუმცა ამავე დროს 15 მაისიდან საქართველოდან გამავალ ტვირთებზე, ხოლო 1 ივნისიდან საქართველოზე ტრანზიტულად გამავალ ტვირთებზე ქართული გარანტიების სავალდებულო მოთხოვნაც დაწესდება. რა იცვლება გადამზიდავი კომპანიებისთვის, რას ცვლის ახალ კომპიუტერიზებულ სატრანზიტო სისტემაში საქართველოს ჩართვა და რა პოზიცია აქვთ საბანკო სექტორის წარმომადგენლებს? #ახალიამბები #BusinessMediaGeorgia
ეროვნულმა ბანკმა რეფინანსირების განაკვეთი უცვლელად 8%-ზე დატოვა. სებ-ი განმარტავს, რომ გრძელვადიანი ინფლაციური მოლოდინები სტაბილურია, რის გამოც მონეტარული პოლიტიკის კომიტეტმა ოპტიმალურად მიიჩნია განაკვეთის შემდგომი ნორმალიზების მიმართ ფრთხილი მიდგომის შენარჩუნება. სებ-ი კვლავ განიხილავს რამდენიმე ინფლაციურ სცენარს, მათ შორის ცენტრალური სცენარით, 2025 წელს ინფლაცია დროებით გადააჭარბებს მიზნობრივ მაჩვენებელს და საშუალოვადიან პერიოდში 3 პროცენტის გარშემო დასტაბილურდება. ცენტრალურ სცენარში, წინა სცენართან შედარებით, სებ-მა ეკონომიკური ზრდის პროგნოზი 2025 წელს 5%-დან 6.7%-მდე გაზარდა. რა სცენარებს განიხილავს ეროვნული ბანკი და როგორია შეფასებები? #ახალიამბები #BusinessMediaGeorgia
ჯო ვუილსონის სიაში, ვინც MEGOBARI აქტით უნდა დასანქცირდეს 5 ბიზნესმენი მოხვდა. სია ამერიკელმა კონგრესმენმა სოციალურ პლატფორმა X-ზე გამოაქვეყნა. დასასანქცირებელთა სიაში მოხვდა ბიძინა ივანიშვილის დეიდაშვილი უჩა მამაცაშვილი; ალექსანდრე ივანიშვილი, ივანე ჩხარტიშვილი; ოთარ რომანოვ-ფარცხალაძე და ნოშრევან ნამორაძე. ამასთან ბიზნესმენი ირაკლი რუხაძე იმ პირთა შორისაა, ვინც კონგრესმენის აზრით როგორც პროპაგანდისტი ისე უნდა დასანქცირდეს. მასთან ერთად მოიაზრებიან თინათინ ბერძენიშვილი, ვასილ მაღლაფერიძე, კახა ბექაური და ლაშა ნაცვლიშვილი. "MEGOBARI აქტი წარმომადგენელთა პალატამ მიიღო და ამერიკის მოძულე ივანიშვილის მაფიის ყველა ხელშემწყობი პირი ამის შესახებ უნდა იყოს გაფრთხილებული! მხარი დაუჭირეთ თავისუფალ და სამართლიან არჩევნებს, წინააღმდეგ შემთხვევაში, შედეგების წინაშე დადგებით",- წერს უილსონი. აღსანიშნავია, რომ MEGOBARI აქტი აშშ-ის წარმომადგენელთა პალატამ მიიღო. ახლა, შეერთებული შტატების კანონმდებლობის თანახმად, შემდეგი ორი ეტაპი კანონპროექტის სენატში განხილვა და პრეზიდენტის ხელმოწერაა. „ქართულ ოცნებაში“ აქტის მიღება მტრულ დამოკიდებულებად შეფასდა. რას ნიშნავს მმართველი პარტიისთვის მეგობარი აქტი და რა გაგრძელება შეიძლება ჰქონდეს აშშ-საქართველოს ურთიერთობებს? სტუმარი: კორნელი კაკაჩია - საქართველოს პოლიტიკის ინსტიტუტის დირექტორი; #ახალიამბები #BusinessMediaGeorgia
სადაზღვევო სექტორში ე.წ. დაშენებული პაკეტების აღდგენის საკითხი აქტიურდება. გასულ კვირას სადაზღვევო ინდუსტრიის წარმომადგენლები ჯანდაცვის მინისტრის მოადგილეს შეხვდნენ, სადაც მათ შორის საყოველთაო ჯანდაცვის პროგრამაში შესაძლო ცვლილებები და ე.წ. შემავსებელი პაკეტების დაბრუნების შესაძლებლობა განიხილეს. კერძო სექტორში თვლიან, რომ სახელმწიფოსა და სადაზღვევოების თანამშრომლობით საბიუჯეტო თანხების დაზოგვა და მოსახლეობისთვის ე.წ ჯიბიდან გადახდების, ხარჯების შემცირებაა შესაძლებელი. რა კომუნიკაცია შედგა ჯანდაცვის სამინისტროსა და სადაზღვევო ინდუსტრიის წარმომადგენლებს შორის და რამდენად რეალისტურია ჯანდაცვის სექტორში ე.წ დაშენებული პაკეტების დაბრუნება? #ახალიამბები #BusinessMediaGeorgia
სავალდებულო დაგროვებითი პენსიის პარალელურად კერძო დაგროვებითი საპენსიო სქემების განვითარებისთვის ახალი საკანონმდებლო ჩარჩო ძალაშია. 2025 წლის 1 იანვრიდან კერძო ნებაყოფლობითი პენსიის შესახებ კანონი ამოქმედდა, რომელიც თავისუფლებას აძლევს დასაქმებულებს, დამსაქმებლებსა და აქტივების მმართველ კომპანიებს, ისევე როგორც სადაზღვევო კომპანიებს დასაქმებულების კონკრეტული სეგმენტისთვის შექმნან საპენსიო პროდუქტი, რისთვისაც ახალ კანონმდებლობაში საგადასახადო სტიმულებია გათვალისწინებული. როგორია მესამე სვეტის პენსიების გავრცელება ქვეყანაში, რას ცვლის ჩარჩო კანონმდებლობის არსებობა და ვისთვის შეიძლება იყოს საინტერესო კერძო დაგროვებითი საპენსიო სქემების შექმნა? #ახალიამბები #BusinessMediaGeorgia
სავალდებულო დაგროვებითი პენსიის პარალელურად კერძო დაგროვებითი საპენსიო სქემების განვითარებისთვის ახალი საკანონმდებლო ჩარჩო ძალაშია. 2025 წლის 1 იანვრიდან კერძო ნებაყოფლობითი პენსიის შესახებ კანონი ამოქმედდა, რომელიც თავისუფლებას აძლევს დასაქმებულებს, დამსაქმებლებსა და აქტივების მმართველ კომპანიებს, ისევე როგორც სადაზღვევო კომპანიებს დასაქმებულების კონკრეტული სეგმენტისთვის შექმნან საპენსიო პროდუქტი, რისთვისაც ახალ კანონმდებლობაში საგადასახადო სტიმულებია გათვალისწინებული. როგორია მესამე სვეტის პენსიების გავრცელება ქვეყანაში, რას ცვლის ჩარჩო კანონმდებლობის არსებობა და ვისთვის შეიძლება იყოს საინტერესო კერძო დაგროვებითი საპენსიო სქემების შექმნა? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 06.05.2025 ბორჯომსა და თელავში ორი სასტუმროს მიმდინარე პროექტი გვაქვს, ინვესტიცია $21 მილიონია - HMG; ქართული ღვინის მიერ ევროპის დიდ ქსელებში დახლზე ადგილის დასაკავებლად მეტი სიჩქარე და შრომა გვჭირდება - გოჩა ჩხაიძე; “დაბალი ცნობადობის გამო, ევროპულ ქსელურ მარკეტებში ქართული ღვინის მოხვედრის მოტივაცია ნაკლებია” - თბილღვინო; საქართველოს ბანკის მხარდაჭერით, შპს „აგრომაცივარმა“ კახეთში ნუშისა და ხეხილის ბაღები გააშენა; #ახალიამბები #BusinessMediaGeorgia
ბათუმის გენერალური გეგმის კონცეფცია მიმდინარე დღეებში უნდა დამტკიცდეს- დოკუმენტი სითი ინსტიტუტმა მოამზადა და ქალაქის განვითარების გონივრულ სცენარებს გვთავაზობს. პროექტზე მუშაობა 2021 წელს დაიწყო და 1.5 წელში უნდა დასრულებულიყო, თუმცა გაჭიანურდა. დოკუმენტი აერთიანებს ბათუმის, როგორც ზღვაში არეკლილი ქალაქის განვითარების შესაძლო სცენარებს, ამოცანებს და გადაწყვეტებს. ქ. ბათუმის სივრცის დაგეგმვისა და გენერალური გეგმის კონცეფცია 4 ძირითადი კონცეპტუალური მიმართულებისგან შედგება, ისეთების როგორებიცაა თანაბრად განვითარებული, მულტიფუნქციური, მწვანე და მედეგი, უსაფრთხო ქალაქი. სითი ინსტიტუტი მუშაობს ასრულებს ბორჯომის გენერალურ გეგმაზე, ფოთში კი პროცესები აქტიურ ფაზაშია - რა აფერხებს ქვეყანაში გენერალური გეგმების მომზადების პროცესს და რა ეტაპზეა ბათუმის, ფოთისა და ბორჯომის განაშენიანების რეგულირების გეგმები? სტუმარი: ანდრო ქორთუა - „სითი ინსტიტუტი საქართველო“პროექტის კოორდინატორი, ურბანისტი #ახალიამბები #BusinessMediaGeorgia
სადაზღვევო სექტორში ე.წ. დაშენებული პაკეტების აღდგენის საკითხი აქტიურდება. გასულ კვირას სადაზღვევო ინდუსტრიის წარმომადგენლები ჯანდაცვის მინისტრის მოადგილეს შეხვდნენ, სადაც მათ შორის საყოველთაო ჯანდაცვის პროგრამაში შესაძლო ცვლილებები და ე.წ. შემავსებელი პაკეტების დაბრუნების შესაძლებლობა განიხილეს. კერძო სექტორში თვლიან, რომ სახელმწიფოსა და სადაზღვევოების თანამშრომლობით ასეულობით მილიონი ლარის დაზოგვა და მოსახლეობისთვის ე.წ ჯიბიდან გადახდების, ხარჯების შემცირებაა შესაძლებელი. რა კომუნიკაცია შედგა ჯანდაცვის სამინისტროსა და ინდუსტრიის წარმომადგენლებს შორის? #ახალიამბები #BusinessMediaGeorgia
წელს, აზიის განვითარების ბანკის (ADB) 58-ე წლიურ შეხვედრას იტალია, მილანი მასპინძლობს.კონფერენციის დღევანდელი დღის წესრიგის მიხედვით, მილანში ADB-ის მმართველი საბჭოს სესია შედგა და ADB-ის წევრი ქვეყნების წარმომადგენლები ოთხი მთავარი თემის განსახილველად შეიკრიბნენ: ციფრული ტრანსფორმაცია, ენერგორევოლუცია, საკვების უსაფრთხოება და მდგრადი განვითარება. #ახალიამბები #BusinessMediaGeorgia
მეღვინეები 8000 წლოვანი ისტორიის ქართული ღვინის ევროპულ ბაზარზე მოთხოვნის დეფიციტს უჩივიან და ამბობენ ქართული ღვინო ევროპული მაღაზიების დახლებზე ვერ ხვდება - ამ რეალობაში ბიზნესის ნაწილი თვლის, რომ სახელმწიფო პროდუქტის მარკეტინგთან ერთად გაყიდვების სტიმულირებაშიც უნდა ჩაერთოს. რა გზას გადის ქართული ღვინო დასავლეთის ბაზრებზე მოსახვედრად, რა დაბრკოლებებს აწყდება ბიზნესი და როგორ ხედავენ სახელმწიფოს სტრატეგიის ცვლილების საჭიროებას? #ახალიამბები #BusinessMediaGeorgia
ბოლო პერიოდში ბაზრობებზე გაჩენილმა რამდენიმე მასშტაბურმა ხანძარმა კიდევ ერთხელ გამოკვეთა ქონებასთან დაკავშირებული რისკების დაზღვევის საჭიროება. დაზღვევის ეს სახეობა ბოლო წლებში იზრდება, თუმცა არა სწრაფი ტემპით, როგორც ამაზე ბაზრის მოთამაშეები აცხადებენ. დაზღვევის სახეობებიდან ქონების დაზღვევა სექტორის პორტფელში წამყვანი არ არის, თუმცა ჯანმრთელობის და სახმელეთო ტრანსპორტის დაზღვევის სახეობების შემდეგ მოზიდული პრემიის მიხედვით ქონების დაზღვევას მესამე პოზიცია უჭირავს. მაგალითად, გასულ წელს სექტორმა ქონების დაზღვევიდან 132 მლნ ლარის პრემია მოიზიდა. როგორ მუშაობს ქონების დაზღვევის ბაზარი საქართველოში და როგორია მოთხოვნა ქონებასთან დაკავშირებული რისკების დაზღვევაზე? #ახალიამბები #BusinessMediaGeorgia
ჯანმრთელობის დაცვა ძვირდება. აპრილში ფასები ამ ჯგუფში შემავალ პროდუქციასა და მომსახურებაზე წლიურად 9.2%-ით იყო გაზრდილი. მათ შორის გაძვირებულია ამბულატორიული სამედიცინო მომსახურება და რიგი მედიკამენტები. ჰოსპიტალური სექტორის წარმომადგენლები ამბობენ, რომ სამედიცინო მომსახურების გაძვირება რამდენიმე ფაქტორითაა განპირობებული, მათ შორის სახარჯ მასალებზე ფასების ზრდით. სადაზღვევო სექტორის წარმომადგენლები კი აცხადებენ, რომ DRG სისტემის შემოღებამ კერძო დაზღვევისთვის ჰოსპიტალური სერვისები გააძვირა, რაც საბოლოოდ სადაზღვევო პაკეტების ფასებზეც აისახება. რა ტემპებით იზრდება ჯანდაცვასა და მედიკამენტებზე ფასები და რითია სამედიცინო ინფლაცია განპირობებული? #ახალიამბები #BusinessMediaGeorgia
ქართული ღვინო ევროპულ მაღაზიებში დახლებზე ვერ ხვდება - სექტორის ნაწილი თვლის, რომ სახელმწიფო, პროდუქტის მარკეტინგთან ერთად, გაყიდვების სტიმულირებაშიც უნდა ჩაერთოს. რა გზას გადის ქართული ღვინო იმისთვის, რომ დასავლეთის ბაზრებზე ხელმისაწვდომი იყოს, რა დაბრკოლებებს აწყდება ბიზნესი და როგორი უნდა იყოს სახელმწიფოს სტრატეგია? ანუკა ჯოხაძე ცდილობდა თემის დეტალების გარკვევას და შეფასებებს პირდაპირ ეთერში გაგვაცნობს. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 05.05.2025 უამინდობამ მოსავალი დააზიანა - რა მოლოდინი აქვთ მოცვის მწარმოებელთა ასოციაციაში? ["პეპსიკოს" ბაზრიდან გასვლა] ჩვენთვის არ იქნება არანაირი ზარალი, რადგან მოთხოვნა მაღალია - ლაშა პაპაშვილი; აბსურდული მარკეტინგული პოლიტიკის გამო დავკარგეთ დანია-შვედეთის ტურისტული ბაზარი - ლაშა ბერეკაშვილი; სუნამოს ხაზი, სტენდების რებრენდინგი... – რა გეგმები აქვს Piel Naturals-ს? The Cone Culture ქალაქგარეთაც გამოჩნდება - როგორია კომპანიის გეგმები? #ახალიამბები #BusinessMediaGeorgia
საარსებო შემწეობის მიმღებთა რაოდენობა იზრდება. მარტის მონაცემებით შემწეობა 700 470 პირს ჩაერიცხა.სოციალურ შემწეობებზე კი ყოველთვიურად ბიუჯეტიდან დაახლოებით 23 მლნ ლარის გაცემა ხდება. აღსანიშნავია, რომ მათ შორის 235 287 პირის ოჯახში ერთი პირი მაინც საზოგადოებრივი დასაქმების ხელშეწყობის პროგრამაშია ჩართული და ასეთ ოჯახებს 4 წლის განმავლობაში სტატუსი უნარჩუნდებათ. დასაქმების ხელშეწყობის სახელმწიფო პროგრამის მონაცემებით კი 2022 -24 წლებში საზოგადოებრივ სამუშაოებზე ღია შრომის ბაზარზე დასაქმდა 32 804 პირი. გარდა ამისა, 39 707 სოციალურად დაუცველ სამუშაოს მაძიებელს მიეცა შესაძლებლობა დასაქმებულიყო საზოგადოებრივ სამუშაოებზე. უშუალოდ 2024 წელს კი ღია შრომის ბაზარზე დასაქმდა 9393 სამუშაოს მაძიებელი სოციალურად დაუცველი პირი. რატომ იზრდება მაღალი ეკონომიკური ზრდის პირობებში სოციალური შემწეობის მიმღებთა რიცხვი და რამდენად სწორია ქვეყანაში არსებული სოციალური პოლიტიკა? სტუმარი: თეონა აბსნაძე - ,,ჯეოფაქტსის'' უფროსი ანალიტიკოსი; #ახალიამბები #BusinessMediaGeorgia
ბოლო პერიოდში ბაზრობებზე გაჩენილმა რამდენიმე მასშტაბურმა ხანძარმა კიდევ ერთხელ გამოკვეთა ქონებასთან დაკავშირებული რისკების დაზღვევის საჭიროება. დაზღვევის ეს სახეობა ბოლო წლებში იზრდება, თუმცა არა სწრაფი ტემპით, როგორც ამაზე ბაზრის მოთამაშეები აცხადებენ. როგორ მუშაობს ქონების დაზღვევის ბაზარი საქართველოში და როგორია მოთხოვნა ქონებასთან დაკავშირებული რისკების დაზღვევაზე? #ახალიამბები #BusinessMediaGeorgia
მაისში მოცვის მოსავლის აღება იწყება- წელს გარემოს დაცვისა და სოფლის მეურნეობის სამინისტროში პროდუქტის საექსპორტო მაჩვენებლების ზრდას ელოდებიან. მათი შეფასებით, მოცვის ძირითადი საექსპორტო ბაზარი რუსეთია, თუმცა ბოლო წლებში მცირე რაოდენობებით ექსპორტი ხორციელდება ევროკავშირის ბაზრებზეც. რა მოცულობის მოსავალს ელოდებიან წელს ფერმერები და როგორი იქნება 2025-ში ქართული მოცვის ექსპორტის გეოგრაფია? #ახალიამბები #BusinessMediaGeorgia
ბოლო 5 წელში სადაზღვეო სექტორის მიერ მოზიდული პრემიის პორტფელი თითქმის გაორმაგდა - ამის შესახებ დაზღვევის ზედამხედველობის სამსახურის უფროსმა დაზღვევის დღესთან დაკავშირებით გამართული ღონისძიების ფარგლებში განაცხადა. დავით ონოფრიშვილის თქმით, გასულ წელს სადაზღვევო სექტორი დამატებით 18%-ით გაიზარდა და მოზიდულმა პრემიამ მილიარდ 259 მლნ ლარი შეადგინა. ღონისძიების ფარგლებში საუბარი ისეთ საკითხებს შეეხო როგორიცაა დაზღვევის შესახებ ცნობიერების ამაღლება, ბაზრის პოპულარიზაციის მხარდაჭერა და მომხმარებლის უფლებებია. რა ტენდენციებია სადაზღვევო ბაზარზე და ზრდის რა პოტენციალი გააჩნია ინდუსტრიას? #ახალიამბები #BusinessMediaGeorgia
მაისში მოცვის მოსავლის აღება იწყება - წელს გარემოს დაცვისა და სოფლის მეურნეობის სამინისტროში პროდუქტის საექსპორტო მაჩვენებლების ზრდას ელოდებიან. მათი შეფასებით, მოცვის ძირითადი საექსპორტო ბაზარი რუსეთია, თუმცა ბოლო წლებში მცირე რაოდენობებით ექსპორტი ხორციელდება ევროკავშირის ბაზრებზეც. რა მოცულობის მოსავალს ელოდებიან წელს ფერმერები და როგორი იქნება 2025-ში ქართული მოცვის ექსპორტის გეოგრაფია? #ახალიამბები #BusinessMediaGeorgia
ბოლო 5 წელში სადაზღვევო სექტორის მიერ მოზიდული პრემიის მოცულობა თითქმის გაორმაგდა - ამის შესახებ დაზღვევის ზედამხედველობის სამსახურის უფროსმა დაზღვევის დღესთან დაკავშირებით გამართული ღონისძიების ფარგლებში განაცხადა. დავით ონოფრიშვილის თქმით, გასულ წელს სადაზღვევო სექტორი დამატებით 18%-ით გაიზარდა და მოზიდულმა პრემიამ მილიარდ 259 მლნ ლარი შეადგინა. ღონისძიების ფარგლებში საუბარი ისეთ საკითხებს შეეხო როგორიცაა დაზღვევის შესახებ ცნობიერების ამაღლება, ბაზრის პოპულარიზაციის მხარდაჭერა და მომხმარებლის უფლებებია. რა ტენდენციებია სადაზღვევო ბაზარზე და ზრდის რა პოტენციალი გააჩნია ინდუსტრიას? #ახალიამბები #BusinessMediaGeorgia
საპენსიო შენატანის ვალდებულების არაჯეროვან შესრულებაზე კონტროლი გამკაცრდა. 1 მაისიდან ძალაში შევიდა საკანონმდებლო ცვლილება, რომლის მიხედვით, საპენსიო ფონდის და შემოსავლების სამსახურის დეკლარაციის ბაზა ერთიანდება. დეკლარირება შემოსავლების სამსახურში მოხდება და ეს იქნება საპენსიო სააგენტოს ინფორმაციის წყარო. საპენსიო ფონდს კი შეეძლება დამსაქმებლის მიერ საპენსიო შენატანის ვალდებულების არაჯეროვანი შესრულებისთვის კომპანიები დააჯარიმოს. პირველ ჯერზე ჯარიმა 500 ლარია, განმეორების შემთხვევაში კი 1000 ლარი. კერძო სექტორის წარმომადგენლების ნაწილს ცვლილებებთან დაკავშირებით შენიშვნები აქვს და მიიჩნევს, რომ დაჯარიმების მექანიზმი დასახვეწია, რადგან არსებული მიდგომით შესაძლოა, როგორც დამრღვევი, ასევე კეთილსინდისიერი გადამხდელები დაჯარიმდნენ. რა შეიცვალა საპენსიო შენატანების ადმინისტრირების ნაწილში და რა პრობლემებს ხედავს ბიზნესი ახალ წესში? სტუმარი: დავით პაპიაშვილი - აუდიტორული კომპანია Kreston Georgia-ს მმართველი პარტნიორი #ახალიამბები #BusinessMediaGeorgia
საცალო ფასზე ყველაზე მეტად ქეშბექი მოქმედებს, რომელიც მზარდია - კონკურენციის სააგენტო FMCG ბაზრის მონიტორინგის შუალედური შედეგებს აქვეყნებს. მარეგულირებლის ცნობით, FMCG ბაზრის საცალო დონეზე, მნიშვნელოვან საკითხს წარმოადგენს რითეილის მიერ დისტრიბუტორებისთვის დაწესებული სხვადასხვა ტიპის არაპირდაპირი გადასახადები, როგორიცაა ქეშბექი, ქსელში/ახალ მაღაზიაში შესვლის გადასახადი, თარო, თუ მარკეტინგი. სააგენტოს პოზიციით, მიუხედავად იმისა, რომ ქეშბექის დიაპაზონი მსგავს პროდუქტებზე ცვალებადია, დისტრიბუტორების და რითეილის დონეზე, საბოლოო ჯამში, პროდუქტი საცალო დონეზე, მეტ-ნაკლებად, იდენტურ ფასად იყიდება. ანუ იმ შემთხვევაში, როდესაც რითეილში შედარებით დაბალი ქეშბექი ფიქსირდება - მაღალია უშუალოდ რითეილის შემდგომი ფასნამატი და პირიქით. რა მოცულობის არის დღეს FMCG ბაზარი და როგორ უნდა დარეგულირდეს ურთიერთობები მწარმოებელს, დისტრიბუტორსა და რითეილ სექტორს შორის? #ახალიამბები #BusinessMediaGeorgia
დამსაქმებლის მიერ საპენსიო შენატანის ვალდებულების არაჯეროვან შესრულებაზე კონტროლი მკაცრდება. დღეიდან ძალაში შევიდა საკანონმდებლო ცვლილება, რომელის მიხედვით, 1 მაისიდან საპენსიო ფონდის და შემოსავლების სამსახურის დეკლარაციის ბაზა ერთიანდება. დეკლარირება შემოსავლების სამსახურში მოხდება და ეს იქნება საპენსიო სააგენტოს ინფორმაციის წყარო. საპენსიო ფონდს კი შეეძლება დამსაქმებლის მიერ საპენსიო შენატანის ვალდებულების არაჯეროვანი შესრულებისთვის კომპანიები დააჯარიმოს. თავად კერძო სექტორს ცვლილებებთან დაკავშირებით შენიშვნები აქვს და მიიჩნევს, რომ დაჯარიმების მექანიზმი დასახვეწია, რადგან არსებული მიდგომით შესაძლოა, როგორც დამრღვევი, ასევე კეთილსინდისიერი გადამხდელები დაჯარიმდნენ. რა იცვლება კანონით, რამდენად არის მზად ბიზნესი და რა კითხვები რჩება კერძო სექტორს? #ახალიამბები #BusinessMediaGeorgia
პირველადი ჯანდაცვის რგოლის გასაძლიერებლად „ქართული ოცნება“ რეფორმას იწყებს. დაფინანსების ზრდა, შედეგზე ორიენტირებული დაფინანსების სქემის შემოღება და მოქალაქეებისთვის უფასო გამოკვლევების სპექტრის ზრდა -„ქართული ოცნების“ შემდეგი წლების გეგმის ნაწილია, რა მიზნითაც ის სექტორში 120 მილიონი ლარის ინვესტირებას გეგმავს. პირველადი ჯანდაცვის რეფორმა სარჯველაძის წინამორბედების პირობებშიც სამინისტროს პრიორიტეტულ მიმართულებას წარმოადგენდა, თუმცა ამ დრომდე პირველადი ჯანდაცვის რგოლში მნიშვნელოვანი ცვლილებები ამ დრომდე არ გატარებულა. როგორ აპირებს ჯანდაცვის სამინისტრო სისტემის ყველაზე სუსტი რგოლის გაძლიერებას და მათ შორის ოჯახის ექიმის ინსტიტუტის მიმართ ნდობის გაზრდას? #ახალიამბები #BusinessMediaGeorgia
დამსაქმებლის მიერ საპენსიო შენატანის ვალდებულების არაჯეროვან შესრულებაზე კონტროლი მკაცრდება. დღეიდან ძალაში შევიდა საკანონმდებლო ცვლილება, რომელის მიხედვით, 1 მაისიდან საპენსიო ფონდის და შემოსავლების სამსახურის დეკლარაციის ბაზა ერთიანდება. დეკლარირება შემოსავლების სამსახურში მოხდება და ეს იქნება საპენსიო სააგენტოს ინფორმაციის წყარო. საპენსიო ფონდს კი შეეძლება დამსაქმებლის მიერ საპენსიო შენატანის ვალდებულების არაჯეროვანი შესრულებისთვის კომპანიები დააჯარიმოს. თავად კერძო სექტორს ცვლილებებთან დაკავშირებით შენიშვნები აქვს და მიიჩნევს, რომ დაჯარიმების მექანიზმი დასახვეწია, რადგან არსებული მიდგომით შესაძლოა, როგორც დამრღვევი, ასევე კეთილსინდისიერი გადამხდელები დაჯარიმდნენ. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 01.05.2025 BOG-ის დაფინანსებით, Bene Group-ი გარდაბანში სასაწყობე კომპლექსს ააშენებს - პროექტის ღირებულება $5.5 მლნ-ია; „თეგეტამ“, „გალტ & თაგარტთან“ ექსკლუზიური პარტნიორობით, 10 მილიონი აშშ დოლარის ობლიგაციები წარმატებით განათავსა; უძრავი ქონების ბაზარზე გადავადებული მოთხოვნის აღდგენის პროცესი დაიწყო - „მონოლით ჯგუფი“; საქართველოში სატაცური იმპორტი 100%-ით გაიზარდა - სად ვყიდულობთ? "10 მაისიდან ოქტომბრის ბოლომდე არის ჯავშნები, თუ არ გაგვიუქმდა" - სასტუმროს "ფოსტა"; #ახალიამბები #BusinessMediaGeorgia
პროდუქტების უმრავლესობაზე ქეშბექის დინამიკა მზარდია - კონკურენციის სააგენტო FMCG ბაზრის მონიტორინგის შუალედურ ანგარიშს აქვეყნებს. ანგარიშის მიხედვით, საცალო ფასზე ყველაზე მეტად ქეშბექი მოქმედებს, რომელსაც დისტრიბუტორი მიწოდებული პროდუქციის ფასიდან იხდის, შესაბამისი პროცენტული ოდენობით. საკითხზე დისტრიბუტორები წლებია მთავრობას რითეილ სექტორთან არსებული ურთიერთობის დარეგულირებას სთხოვენ, თუმცა ბაზრის რეგულირებას არ ეთანხმებიან რითეილ სექტორის წარმომადგენლები. რა გამოწვევებთან არის დაკავშირებული მცირე და საშუალო მეწარმეებისთვის ქსელურ მაღაზიებში პროდუქციის განთავსება და რა არგუმენტები აქვთ რითეილერებს? #ახალიამბები #BusinessMediaGeorgia
როგორ მუშაობს დღეს დროის რეალურ რეჟიმში ანგარიშსწორების სისტემა და რას შეცვლის მომხმარებლებისთვის რეფორმა, რომელზეც ეროვნული ბანკი მუშაობს და რაც, სისტემაში საგადახდო პროვაიდერების ინტეგრირებას მოიაზრებს? სტუმარი: ნატალია ჭყოიძე - ეროვნული ბანკის საგადახდო სისტემების დეპარტამენტის უფროსი #ახალიამბები #BusinessMediaGeorgia
ერთთვიანი პაუზის შემდეგ დღეს ირაკლი კობახიძემ მინისტრები მთავრობის კანცელარიაში შეკრიბა. სხდომის დაწყებამდე ირაკლი კობახიძემ ყურადღება მარტის ეკონომიკური ზრდის მაჩვენებელზე გაამახვილა და თქვა, რომ ოპონენტების ნეგატიური პროგნოზები არ გამართლდა და ქვეყანამ პირველი კვარტალი 9.3%-იანი ზრდით დახურა. სხდომის შემდეგ მედიას და მათ შორის #BMG-ის ჰქონდა შესაძლებლობა მინისტრებისთვის კითხვები დაესვა. #ახალიამბები #BusinessMediaGeorgia
მარტში ეკონომიკა 9% ით გაიზარდა, I კვარტალის საშუალო რეალური ზრდა 9.3%-ია. ეკონომიკური ზრდა თებერვალთან შედარებით დაჩქარდა, გაზრდილია მსხვილ გადამხდელთა ბრუნვაც, რამაც 14 მილიარდს გადააჭარბა, წლიური ზრდის ტემპი კი 10.8% იყო. ზრდა დაფიქსირდა ინფორმაცია და კომუნიკაციის, პროფესიული სამეცნიერო და ტექნიკური საქმიანობების სექტორში, სამშენებლო, საფინანსო და სატრანსპორტო- ლოგისტიკურ სექტორში. კლებაა დამამუშავებელ მრეწველობაში. #ახალიამბები #BusinessMediaGeorgia
რამდენიმე მილიონის ზარალი დადგა ხანძრის შედეგად რომელიც ე.წ ბორჯომის ბაზრის ტერიტორიაზე გამთენიისას გაჩნდა. დაახლოებით 15 000 მდე კვადრატული მეტრი ფართი დაიწვა, ხანძრის გამომწვევი მიზეზები ჯერ ცნობილი არ არის. საბედნიეროდ ხანძარს მსხვერპლი არ მოჰყოლია თუმცა როგორც ადგილობრივი მოვაჭრეები ამბობენ დიდია ზარალი. მოვაჭრეების ფაქტობრივად სრულ უმრავლესობას დაზღვევა არ ჰქონია. ტერიტორია 49 წლიანი გრძელვადიანი იჯარით სააქციო საზოგადოება თბილისი ცენტრალს საქართველოს რკინიგზისგან აქვს აღებული. კომპანია ”თბილისი ცენტრალი” განცხადებაში განმარტავს, რომ არსებული საიჯარო ხელშეკრულების ქვეშ, ამ ტერიტორიაზე 2021 წლიდან ბაზრობის მოწყობას და ფუნქციონირებას ქვეიჯარის ხელშეკრულების საფუძველზე შპს ბაქანი ახორციელებს, რომელიც ადგილზე საქართველოს კანონმდებლობით გათვალისწინებული სახანძრო და სხვა უსაფრთხოების ნორმების დაცვას უზრუნველყოფდა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 30.04.2025 უახლოესი 20 წლის განმავლობაში, ქართული რძე ექსპორტზე ვერ გავა - ლაშა პაპაშვილი მიზეზებზე; წელს, სასტუმროს მშენებლობის 32 ნებართვა გაიცა, 11 სასტუმრო კი ექსპლუატაციაში მიიღეს; USAID - ის პროგრამების შეჩერება რასაკვირველია უკან დაგვხევს - “ტირიფონის ბაღები”; "იბერკომპანი ჰოლდინგმა" სამშენებლო კომპანია დააარსა - ინვესტიცია $3.5 მლნ; "ამხელა ბაზრიდან 5 ინფლუენსერის ჩამოყვანა არაგონივრული და არაეფექტური ხარჯია" - ლაშა ბერეკაშვილი ფრანგ ინფლუენსერებზე; #ახალიამბები #BusinessMediaGeorgia
საქართველოს ეკონომიკა მაღალი ტემპით ზრდას აგრძელებს. საქსტატის მონაცემებით, მარტში, ეკონომიკა 9%-ით გაიზარდა, ხოლო I კვარტალის საშუალო რეალური ზრდა 9.3 პროცენტი იყო. თებერვალთან შედარებით დაჩქარდა მსხვილ გადამხდელთა ბრუნვაც, დამამუშავებელ მრეწველობაში კი კლების ტენდენცია ფიქსირდება. მიუხედავად დაჩქარებული ზრდის ტემპისა, ბიზნეს სექტორის წარმომადგენლების ნაწილი ამბობს, რომ ცალკეულ სექტორებში ტენდენციები ნეგატიურია და ეკონომიკური აქტივობა დაბალი. როგორია ეკონომიკური ზრდის ტენდენციები და მოლოდინები? #ახალიამბები #BusinessMediaGeorgia
მშენებლობებზე გაცემული ნებართვები კი შემცირდა. საქსტატის მონაცემებით, პირველ კვარტალში საქართველოში 2 358 ნებართვა გაიცა, 5.4%-ით ნაკლები წინა წლის შესაბამის პერიოდთან შედარებით, თუმცა თითქმის 12% არის გაზრდილი ამ ნებართვების ფარგლებში ასაშენებელი ფართოს მოცულობა. ტრადიციულად ნებართვების უდიდესი წილი მოდის თბილისზე, სადაც ჩასატარებელი სამშენებლო სამუშაოების 47.4 პროცენტია დაგეგმილია, მას მოსდევს ქვემო ქართლი 13%-იანი წილით და მცხეთა მთიანეთი 8%-ით. აღსანიშნავია, რომ 2025 წლის იანვარ-მარტში 18% იყო შემცირებული ექსპლუატაციაში მიღებული ფართობის მოცულობაც. ჯამში 659.6 ათასი კვ.მ ფართობი შევიდა ექსპლუატაციაში. ეს არის 698 ობიექტი, კლება ამ შემთხვევაში 17%-ია. რა ტენდენციებია სექტორში და შეძლებს თუ არა სამშენებლო/ დეველოპერული სექტორი არსებული ნებართვების ფარგლებში დაგეგმილი პროექტების განხორციელებას? სტუმარი: თორნიკე მაისურაძე - "მონოლით ჯგუფის” გენერალური დირექტორი; #ახალიამბები #BusinessMediaGeorgia
დამწვარია, დაახლოებით 15 000 კვ.მ-მდე ბაზრობის ტერიტორია, სასაწყობე ინფრასტრუქტურა და მაღაზიები - ასეთია თბილისში, ე.წ. ბორჯომის ბაზრის ტერიტორიაზე გაჩენილი მასშტაბური ხანძრის შედეგი. გამთენიისას გაჩენილ ხანძარს მსხვერპლი არ მოჰყოლია, თუმცა საკმაოდ დიდ ზარალზე საუბრობენ მოვაჭრეები. აღნიშნული ტერიტორია 49 წლიანი გრძელვადიანი იჯარით აღებული აქვს სააქციო საზოგადოება თბილისი ცენტრალს საქართველოს რკინიგზისგან. ”თბილისი ცენტრალის” გავრცელებული განცხადებით, არსებული საიჯარო ხელშეკრულების ქვეშ, ამ ტერიტორიაზე 2021 წლიდან ბაზრობის მოწყობას და ფუნქციონირებას ქვეიჯარის ხელშეკრულების საფუძველზე ახორციელებს შპს ბაქანი, რომელიც ადგილზე საქართველოს კანონმდებლობით გათვალისწინებული სახანძრო და სხვა უსაფრთხოების ნორმების დაცვას უზრუნველყოფდა. რა ხდება ახლა ხანძრის ტერიტორიაზე, რა ტიპის ინფრასტრუქტურაა განადგურებული ხანძრის შედეგად. რა ზარალზე საუბრობენ მოვაჭრეები? #ახალიამბები #BusinessMediaGeorgia
პურის მწარმოებლებს ქართული წისქვილკომბინატების წარმოებული ფქვილის ხარისხთან დაკავშირებით შენიშვნები აქვს. ასოციაციის ხელმძღვანელი მალხაზ დოლიძე ამბობს, რომ ე.წ დამაბალანსებელი გადასახადის შემოღებამ რუსულ ფქვილზე ფინანსური ხელმისაწვდომობა შეზღუდა, პურის ქარხნები იძულებული არიან ადგილზე წარმოებული ფქვილი იყიდონ, რომელიც სხვადასხვა ხარისხობრივ პარამეტრს არ შეესაბამება. ფქვილის მწარმოებელთა ასოციაცია კი არ ეთანხმება მეპურეების პოზიციას. გაერთიანების ხელმძღვანელი ამტკიცებს, რომ იმპორტირებული რუსული ფქვილისა და ადგილობრივი წარმოებულის ხარისხობრივი მაჩვენებლები იდენტურია. რა არგუმენტები არსებობს როგორც პურის, ისე ფქვილის მწარმოებლების მხარეს და რა ხარისხის ფქვილით იწარმოება დღეს მთავარი სამომხმარებლო პროდუქტი - პური. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 29.04.2025 მიზანი, იმპორტის ჩანაცვლებასთან ერთად ექსპორტია - "იბერკომპანის" ნუშის ბაღების განვითარების გეგმა; საქართველოს ზეთის იმპორტი 39%-ით გაუძვირდა - სად ვყიდულობთ? საქართველოს ცხვრების ექსპორტი 163.3%-ით გაეზარდა - სად ვყიდით? აშშ, დიდი ბრიტანეთი, ისრაელი და იაპონია - საიდან სტუმრობენ ახმეტაში "ლაგვანის მარანს"? "არქიში" ერთ დღეში რეკორდული რაოდენობის 201 ბინა გაიყიდა; #ახალიამბები #BusinessMediaGeorgia
ევროკავშირთან ვიზალიბერალიზაციის შეჩერების რისკის პარალელურად შესაძლოა, დღის წესრიგში ევროპასთან გაფორმებული თავისუფალი ვაჭრობის ხელშეკრულების გადახედვის საფრთხეც დადგეს. საქართველოსთან გაფორმებული DCFTA-ის გადახედვის შესაძლებლობაზე რადიო თავისუფლებასთან ინტერვიუში გაფართოების ევროკომისარმა მარტა კოსიმ ისაუბრა. ეს კი ფონზე, რომ უკვე 10 წელზე მეტია ქართველ ექსპორტიორებს თავისუფალი ვაჭრობის ხელშეკრულების საფუძველზე პროდუქცია ევროპის ბაზარზე დამატებითი სატარიფო და საბაჟო ბარიერების გარეშე გააქვთ. ბიზნესის წარმომდგენლების ნაწილი ამბობს, რომ თუკი ევროკავშირი DCFTA-ის შეჩერებას გადაწყვეტს, ეს ქართული პროდუქციის ექსპორტისთვის მნიშვნელოვანი დაბრკოლება იქნება. რა სარგებელს იღებს საქართველო ევროკავშირთან თავისუფალი ვაჭრობის ხელშეკრულებით და რა საფრთხეს ქმნის მისი შეჩერება. #ახალიამბები #BusinessMediaGeorgia
ევროკავშირთან ვიზალიბერალიზაციის შეჩერების რისკის პარალელურად შესაძლოა, დღის წესრიგში ევროპასთან გაფორმებული თავისუფალი ვაჭრობის ხელშეკრულების გადახედვის საფრთხეც დადგეს. საქართველოსთან გაფორმებული DCFTA-ის გადახედვის შესაძლებლობაზე რადიო თავისუფლებასთან ინტერვიუში გაფართოების ევროკომისარმა მარტა კოსიმ ისაუბრა, თუმცა არც ქართულ ოცნებასთან კონტაქტების განახლება გამორიცხა. DCFTA 10 წელზე მეტია ქართველ ექსპორტიორებს პროდუქცია ევროპის ბაზარზე დამატებითი სატარიფო და სხვა ბარიერების გარეშე გააქვს. ბიზნესის წარმომდგენლების ნაწილი ამბობს, რომ თუკი ევროკავშირი DCFTA-ის შეჩერებას გადაწყვეტს, ეს ქართული პროდუქციის ექსპორტისთვის მნიშვნელოვანი დაბრკოლება იქნება. #ახალიამბები #BusinessMediaGeorgia
რამდენად სწორად წარიმართა პროცესები ჯანდაცვის სამინისტროს მხრიდან კლინიკების აკრედიტაციის ნაწილში, რომელიც 2022 წლიდან ანონსდება, რამდენად გამართლებული იყო პროცესის გადავადება და რა უნდა იყოს შემდეგი ნაბიჯები, რომელიც კლინიკებში ხარისხიანი მომსახურების მიწოდებას უზრუნველყოფს? სტუმარი: ქეთევან ჩხატარაშვილი - საზოგადოებრივი ჯანდაცვის სპეციალისტი; #ახალიამბები #BusinessMediaGeorgia
სტაციონარული დაწესებულებებისთვის საერთაშორისო აკრედიტაციის ვადა 3 დღეში იწურება. შესაბამისი ვალდებულების გადავადების გადაწყვეტილება ჯანდაცვის სამინისტრომ 2024 წლის ბოლოს მიიღო. საუბარია სამედიცინო დაწესებულების, მომსახურების ხარისხის, სამედიცინო პერსონალის კვალიფიკაციისა და ინფრასტრუქტურის მოწყობის სტანდარტებზე, რომელსაც ყველა ის კლინიკა უნდა აკმაყოფილებდეს, რომელიც საყოველთაო ჯანდაცვის პროგრამაშია ჩართული. რა ხდება ამ კუთხით ბაზარზე, მოასწრეს თუ არა კლინიკებმა შესაბამისი ვალდებულებების დაკმაყოფილება და ხომ არ დადგება დღის წესრიგში დადგენილი ვადის კიდევ ერთხელ გადავადების საკითხი? #ახალიამბები #BusinessMediaGeorgia
სტაციონარული დაწესებულებებისთვის საერთაშორისო აკრედიტაციის ვადა 3 დღეში იწურება. შესაბამისი ვალდებულების გადავადების გადაწყვეტილება ჯანდაცვის სამინისტრომ 2024 წლის ბოლოს მიიღო. საუბარია სამედიცინო დაწესებულების, მომსახურების ხარისხის, სამედიცინო პერსონალის კვალიფიკაციისა და ინფრასტრუქტურის მოწყობის სტანდარტებზე, რომელსაც ყველა ის კლინიკა უნდა აკმაყოფილებდეს, რომელიც საყოველთაო ჯანდაცვის პროგრამაშია ჩართული. რა ხდება ამ კუთხით ბაზარზე, მოასწრეს თუ არა კლინიკებმა შესაბამისი ვალდებულებების დაკმაყოფილება და ხომ არ დადგება დღის წესრიგში დადგენილი ვადის კიდევ ერთხელ გადავადების საკითხი? #ახალიამბები #BusinessMediaGeorgia
Caucasus Build, 3 დღიანი გამოფენა, რომელიც 200-მდე კომპანიას წარმოადგენდა დასრულებულია. ქართული, ისე საერთაშორისო მწარმოებლების და დისტრიბუტორების მასპინძელი სივრცე ექსპო ჯორჯია იყო. როგორ ჩაიარა სამშენებლო სექტორში წლის გამორჩეულმა ღონისძიებამ? სტუმარი: ირინა ბალანჩივაძე - „ექსპო ჯორჯიას“ პროდუქტის განვითარების და მარკეტინგის მენეჯერი #ახალიამბები #BusinessMediaGeorgia
საბანკო სექტორში განთავსებული დეპოზიტების მოცულობამ 58.5 მილიარდ ლარს მიაღწია. წლიური ზრდა 11%-ია, ბოლო 1 თვეში კი დეპოზიტების პორტფელი 468 მლნ ლარით ანუ 0.8%-ით გაიზარდა. მათ შორის ვადიან დეპოზიტებში დაახლოებით 68 მილიონიანი ზრდაა, მოთხოვნამდე დეპოზიტებში კი პორტფელი 400 მილიონით არის გაზრდილი. მარტის მონაცემებით დეპოზიტების 47% ლარშია განთავსებული. აღსანიშნავია, რომ 19 კომერციულ ბანკში განთავსებული 58 მილიარდიანი ანაბრების პორტფელიდან 10.5 მილიარდის დანაზოგები დაზღვეულია, მათ შორის, დაზღვევა ვრცელდება ფიზიკური პირების 9.6 მლრდ ლარის დეპოზიტებზე. როგორ მოქმედებს დღეს დეპოზიტების დაზღვევის სტრუქტურა, რა მოცულობის თანხაა მობილიზებული დეპოზიტების დაზღვევით და რა გეგმებია დანაზოგების დაზღვევის სისტემის გაფართოების კუთხით? სტუმარი: ლევან თოდუა - "დეპოზიტების დაზღვევის სააგენტოს" უფროსი #ახალიამბები #BusinessMediaGeorgia
ყაზახი ვიზიტორები შეურაცხმყოფელ ქცევას აწყდებიან საზღვარზე, კვების ობიექტებში, ბანკებში, ტრანსპორტში - ამის შესახებ „ყაზახურ-ქართული ეკონომიკური გაერთიანება" საგანგებო განცხადებას ავრცელებს, რომლის თანახმადაც 2024-2025 წლებში გახშირდა არაკორექტული მოპყრობა ყაზახი ტურისტებისადმი, რაც განსაკუთრებით თვალსაჩინოა მომსახურების სფეროში. ამასთანავე, განცხადებაში აღნიშნულია, რომ სასაზღვრო პუნქტებზე მკვეთრად გაიზარდა იმ შემთხვევათა რაოდენობა, როდესაც ყაზახეთის მოქალაქეები გაურკვეველი ან არაადეკვატური მიზეზით ვერ ახერხებენ ქვეყანაში შემოსვლას. #ახალიამბები #BusinessMediaGeorgia
ეკონომისტების ნაწილის შეფასებით, საქართველოში შრომის ბაზარი შენელდა. ხელფასის ამღებთა რაოდენობა ნელი ტემპით იზრდება, დასაქმების პლატფორმებზე კი განცხადებების რაოდენობა შემცირებულია. მაგალითად, jobs.ge-ზე პირველ კვარტალში 17 886 ვაკანსია გამოქვეყნდა, რაც წინა წლის ანალოგიურ პერიოდთან შედარებით 15,7%-ით შემცირებული მაჩვენებელია. სპეციალისტების ნაწილი ამბობს, რომ გადახურების ფაზა შრომის ბაზარზე სრულდება, რაც მიუთითებს იმაზე, რომ ვაკანსიებისა და ხელფასების მაღალი მაჩვენებლით ზრდის ტენდენცია დასასრულს მიუახლოვდა. რას აჩვენებს ოფიციალური მონაცემები, რა ტენდენციები ვითარდება შრომის ბაზარზე და არის თუ არა კადრების დეფიციტი დღეს ბიზნესისთვის კვლავ მთავარი გამოწვევა. #ახალიამბები #BusinessMediaGeorgia
ეკონომისტების ნაწილის შეფასებით, საქართველოში შრომის ბაზარი შენელდა. ხელფასის მიმღებთა რაოდენობა ნელი ტემპით იზრდება, დასაქმების პლატფორმებზე კი განცხადებების რაოდენობა შემცირებულია. მაგალითად, jobs.ge-ზე პირველ კვარტალში 17 886 ვაკანსია გამოქვეყნდა, რაც წინა წლის ანალოგიურ პერიოდთან შედარებით 15,7%-ით შემცირებული მაჩვენებელია. სპეციალისტების ნაწილი ამბობს, რომ გადახურების ფაზა შრომის ბაზარზე სრულდება, რაც მიუთითებს იმაზე, რომ ვაკანსიებისა და ხელფასების მაღალი მაჩვენებლით ზრდის ტენდენცია დასასრულს მიუახლოვდა. რას აჩვენებს ოფიციალური მონაცემები, რა ტენდენციები ვითარდება შრომის ბაზარზე და არის თუ არა კადრების დეფიციტი ბიზნესისთვის კვლავ მთავარი გამოწვევა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 25.04.2025
მიმდინარე წლის პირველ კვარტალში კონკურენციის და მომხმარებელთა დაცვის სააგენტოში შესული განაცხადების რაოდენობა 40%-ით გაიზარდა. სააგენტოს თანახმად, სამ თვეში მომხმარებლის უფლებების დაცვის მიმართულებით ჯამში 318 განაცხადი დაფიქსირდა. მომხმარებლის უფლებების დარღვევის გამო კი 13 მოვაჭრეს 13.5 ათასი ლარის ჯარიმა დაეკისრა. რაც შეეხება 2024 წელს, გასულ წელს მომხმარებელთა უფლებების დარღვევის 102 ფაქტი გამოვლინდა და დაკისრებული ვალდებულების შეუსრულებლობის გამო 56 მოვაჭრეს 92 საქმეზე 60 000 ლარი დაეკისრა. ამასთან, მომხმარებლის სასარგებლოდ ანაზღაურდა დაახლოებით 600 000 ლარი. როგორი იყო კონკურენციის სააგენტოს საქმიანობა გასულ წელს და რა ტენდენციები იკვეთება უკვე 2025 წლის პირველ კვარტალში? სტუმარი: ირაკლი ლექვინაძე - საქართველოს კონკურენციისა და მომხმარებლის დაცვის სააგენტოს თავმჯდომარე #ახალიამბები #BusinessMediaGeorgia