ჩაის მწარმოებელთა ასოციაციამ დარგის განვითარების 3-წლიანი სტრატეგია შეიმუშავა. ასოციაცია განმარტავს, რომ სტრატეგია დარგში არსებული გამოწვევების კომპლექსურ გადაჭრას ისახავს მიზნად და დოკუმენტი უკვე წარედგინა გარემოს დაცვისა და სოფლის მეურნეობის სამინისტროს. ასოციაციის ხელმძღვანელის, თენგიზ სვანიძის თქმით, სახელმწიფო უწყებებთან აქტიური კონსულტაციების შედეგად, რამდენიმე პრიორიტეტული მიმართულება გამოიკვეთა. მათ შორის, უახლოეს პერიოდში განიხილება „ჩაის შესახებ რეგლამენტის“ მიღება და საკანონმდებლო ცვლილებები მწარმოებელთა ასოციაციების შესახებ, რაც დარგის წარმომადგენლებს პროცესებში უფრო აქტიურად ჩართვის შესაძლებლობას მისცემს.


#ახალიამბები #BusinessMediaGeorgia