ფინანსური ზარალი, პროდუქციის მკვეთრი გაძვირება, კადრების ოპტიმიზაცია, და საწარმოების ნაწილის დახურვა -სასმელების ბიზნესი მასშტაბური ცვლილებების ნეგატიურ გავლენაზე საუბრობს. ბაზრის შეზღუდვაში, რომლის ანალოგი მსოფლიოს ერთ ქვეყანაში არ არის, საქართველო აპირებს რომ პიონერი იყოს. საუბარია პლასტმასის ბოთლებით სასმელების წარმოებს, იმპორტისა და რეალიზაციის აკრძალვაზე. კერძოდ, მცირე გამონაკლისების გარდა, 1 ივლისიდან აიკრძალება საზოგადოებრივი კვების ობიექტების მიერ მომხმარებლისთვის პლასტმასის ბოთლებით სასმლის მიწოდება, ხოლო 2027 წლის 1 თებერვლიდან კი, სრულად უნდა აიკრძალოს პლასტმასის ბოთლებით სასმელების წარმოება იმპორტი და ბაზარზე განთავსება. მთავრობა ამბობს, რომ ამ გადაწყვეტილების მთავარი მიზანი პლასტიკით ბუნების დაბინძურებასთან ბრძოლაა, თუმცა, არ მოგვისმენია გათვლები რა ინვესტიციების გაღება მოუწევს ბიზნესს ახალ რეგულაციაზე მოსარგებად, არის თუ არა საკმარისი დრო ახალი წარმოების, ან ლოგისტიკის გასამართად, ან როგორ აისახება ცვლილება წყლის, გაზიანები სასმელების თუ ლუდის ფასებზე, ან როგორ აისახება რეგულაცია დასაქმებაზე?

სტუმარი: ნიკოლოზ ხუნძაკიშვილი - „ეფეს საქართველოს“ კორპორაციულ საქმეთა დირექტორი

#ახალიამბები #BusinessMediaGeorgia