შეხვედრა #5 - სურსათისა და მედიკამენტების შემდეგ ფასების სამთავრობო კომისია დღეს ნავთობპროდუქტების ფასების სამსჯელოდ შეიკრიბა. შეხვედრას, რომელიც მთავრობის ადმინისტრაციაში 13:00 საათზე დაიწყო არაერთი ნავთობიმპორტიორი ეწერება. რამდენად არსებობს საწვავის გაიაფების რესურსი და რა არგუმენტებით მივიდა ბიზნესი ფასების სამთავრობო კომისიაზე? #ახალიამბები #BusinessMediaGeorgia
"ქართული ოცნება" მორიგ შეზღუდვებს აანონსებს - სხვადასხვა კანონში წარდგენილი ცვლილებებით ქვეყანაში პოლიტიკური პარტიების და სამოქალაქო ორგანიზაციების საქმიანობას კიდევ უფრო ართულებს. ზუსტდება გრანტების განმარტება და გრანტად მიიჩნევა ნებისმიერი პირის მიერ ნებისმიერი პირისთვის ფულადი ან ნატურალური ფორმით გადაცემული სახსრები. სისხლის სამართლის წესით დასჯადი ხდება გარე ლობიზმი. ასევე, მეწარმე სუბიექტის მიერ ისეთი საჯარო პოლიტიკური აქტივობის განხორციელება, რომელიც არ არის დაკავშირებული მის ძირითად სამეწარმეო საქმიანობასთან, გამოიწვევს მეწარმე სუბიექტის დაჯარიმებას. ამასთან, პირს, რომელიც შრომითი ხელშეკრულებით არის დასაქმებული იმ ორგანიზაციაში, რომლის წლის განმავლობაში მიღებული შემოსავლის 20%-ზე მეტი მიღებულია უცხოური ძალისგან, აეკრძალება პოლიტიკური პარტიის წევრობა 8 წლის განმავლობაში. იურისტების ნაწილის შეფასებით, დაანონსებული ცვლილებები ფართო ინტერპრეტირების შესაძლებლობას იძლევა და მისი მთავარი მიზანი „ქართული ოცნების“ მიერ ფულის არასასურველი მოძრაობის გაკონტროლებას ემსახურება. #ახალიამბები #BusinessMediaGeorgia
ცვლილებებია დაგეგმილი განათლების მიმართულებით და მათ შორის სიახლეები უმაღლესი სასწავლებლების გაერთიანების მიმართულებითაც. გივი მიქანაძის განცხადებით, თბილისის სახელმწიფო უნივერსიტეტისა და ტექნიკური უნივერსიტეტების გაერთიანება მოხდება. განათლების მინისტრის თქმით, ერთიანი უნივერსიტეტის სახელი ჯავახიშვილის სახელობის იქნება და დიპლომიც შესაბამისი გაიცემა. რა მოჰყვება გაერთიანების პროცესს, სად მიდის ერთი და იგივე დასახელების ფაკულტეტების აკადემიური პერსონალი, სტუდენტები, უნივერსიტეტების ქონება და ა.შ - კითხვები თემის გარშემო უკვე ტრადიციულად იმაზე მეტი დაგროვდა ვიდრე პრესკონფერენციაზე შერჩევით დასწრების უფლების თუ ინფორმაციის მიმღები მედიების წარმომადგენლებისთვის მიცემული მოკლე კომენტარი იყო. ინფორმაციას როგროც გაირკვა არც თავად უნივერსიტეტების სტუდენტები და არც ამ უმაღლეს სასწავლებლებში დასაქმებული პროფესორ მასწავლებლები ფლობდნენ. უნივერსიტეტს რომელსაც ხელმძღვანელობს შემდეგი სასწავლო წლიდან რომ აღარ იარსებებს ამაზე ინფორმაცია ტექნიკური უნივერსიტეტის რექტორმაც როგორიც გადაწყვეტილება პირდაპირი ეთერით მიიღო. თსუს- რექტორთა კომუნიკაცია ვერ შედგა. ჯაბა სამუშიამ მოკლე კითხვებზე მოკლე პასუხებისთვის ვერ მოიცალა. #ახალიამბები #BusinessMediaGeorgia
ლონდონის საფონდო ბირჟაზე საქართველოს $500 მილიონის ევროობლიგაციების რეფინანსირება დასრულდა. კუპონის განაკვეთი 5.125% ოდენობით დაფიქსირდა. ფინანსთა სამინისტროს ინფორმაციით, დაფიქსირებული კუპონი საქართველოს მსგავსი და ერთი საფეხურით მაღალი საკრედიტო რეიტინგის მქონე სუვერენული ევროობლიგაციებისთვის, ყველაზე დაბალი განაკვეთია ბოლო 4 წელიწადში. ახლად გამოშვებული ევროობლიგაციებით 2021 წლის ობლიგაციების რეფინანსირება განხორციელდა. რაზე მეტყველებს 5.125%-იანი კუპონის განაკვეთი - რამდენად კონკურენტუნარიანია ის სხვა მსგავსი რეიტინგის მქონე ქვეყნებთან შედარებით, რამდენად გაუძვირდა ან გაუიაფდა საქართველოს ამ ვალის მომსახურება. #ახალიამბები #BusinessMediaGeorgia
ლონდონის საფონდო ბირჟაზე საქართველოს $500 მილიონის ევროობლიგაციების რეფინანსირება დასრულდა. კუპონის განაკვეთი 5.125% ოდენობით დაფიქსირდა. ფინანსთა სამინისტროს ინფორმაციით, ახლად გამოშვებული ევროობლიგაციებით 2021 წლის ობლიგაციების რეფინანსირება განხორციელდა. რაზე მეტყველებს 5.12%-იანი კუპონის განაკვეთი - რამდენად კონკურენტუნარიანია ის სხვა მსგავსი რეიტინგის მქონე ქვეყნებთან შედარებით და რამდენად გაუძვირდა ან გაუიაფდა საქართველოს ამ ვალის მომსახურება. #ახალიამბები #BusinessMediaGeorgia
თბილისის სახელმწიფო უნივერსიტეტისა და ტექნიკური უნივერსიტეტების გაერთიანება მოხდება - ამის შესახებ განათლების მინისტრმა გივი მიქანაძემ დღეს ბრიფინგზე განაცხადა. მისი თქმით, უნივერსიტეტის სახელი დარჩება ივ. ჯავახიშვილის სახელობის თბილისის სახელმწიფო უნივერსიტეტი და დიპლომების ამ უნივერსიტეტის სახელით გაიცემა. როგორ შეხვდა აკადემიური პერსონალი გადაწყვეტილებას და რა განმარტებას აკეთებს ტექნიკური უნივერსიტეტის რექტორი? #ახალიამბები #BusinessMediaGeorgia
არის თუ არა წამლების გაიაფების რესურსი და რატომ იყო ფოკუსი სააფთიაქო ქსელებთან თავის მოვლის თუ ჰიგიენის საშუალებების ფასებზე, რომლებიც ირაკლი კობახიძის შეფასებით ევროპულ ფასებთან შედარებით 35-40%-ით ძვირად იყიდება. “ესეც საინტერესოა, რამდენად ეფუძნება ეს მაღალი ფასები მიწოდების ლოგიკურ ჯაჭვს”, - თქვა 25 ფარმაცევტული კომპანიის წარმომადგენელთან შეხვედრაზე ირაკლი კობახიძემ. მან ამ შეხვედრაზეც თქვა, რომ საქართველოში ბიზნესი თავისუფალია და ფასწარმოქმნა საბაზრო პრინციპებს უნდა ეფუძნებოდეს, თუმცა მედიკამენტებისა და სააფთიაქო პროდუქციის შემთხვევაშიც მთავრობა „სოციალური ინტერესების დაცვას“ პრიორიტეტად მიიჩნევს. რატომ არის საუბარი წამლის მაღალ ფასზე იმ ფონზე, როდესაც 2023 წლიდან ეს ბაზარი რეგულირებულია და რეგისტრირებული მედიკამენტების 70%-ზე ფასის ზედა ჭერს თავად სახელმწიფო განსაზღვრავს. რა სივრცე არსებობს წამლების გაიაფებისთვის და რა წამოიღო შეხვედრიდან ბიზნესმა? სტუმარი: ილონა კოკიაშვილი - "ფარმაცევტული კომპანიების ასოციაციის” აღმასრულებელი დირექტორი #ახალიამბები #BusinessMediaGeorgia
საქართველოდან თხილის ექსპორტის მოცულობა მზარდია, თუმცა სექტორი სერიოზული გამოწვევის წინაშე დგას - გახშირდა შემთხვევები, როდესაც საერთაშორისო ბაზრიდან, განსაკუთრებით ევროკავშირიდან, პროდუქცია უკან ბრუნდება. მიზეზი აფლატოქსინით დაბინძურებაა, რაც ექსპორტიორებს უდიდეს ზარალს აყენებს. დარგის წარმომადგენლების განმარტებით, ერთი 22-ტონიანი კონტეინერის ღირებულება დაახლოებით 750 000 ლარია, ხოლო მისი უკან დაბრუნება ან განადგურება ზოგიერთ კომპანიას გაკოტრების საფრთხის წინაშე აყენებს. სექტორის წარმომადგენლების ინფორმაციით, ბოლო პერიოდში ამ ტენდენციამ საგანგაშო სახე მიიღო, რადგან, მოსავლის ხარისხში პრობლემები გასულ წელს განსაკუთრებით გახშირდა. რა ვითარებაა დარგში და რაში ხედავენ გამოსავალს თხილის სექტორში მომუშავე მეწარმეები? #ახალიამბები #BusinessMediaGeorgia
ენერგეტიკის სექტორი დაანონსებული 1 მილიარდიანი ჯარიმების ჩამოწერის მოლოდინშია - სექტორმა ამ დრომდე არ იცის ჯერჯერობით, კრიტერიუმები თუ რა ტიპის ინვესტორებს/პროექტებს და ასევე როგორ ჩამოეწერებათ სანქციების სახით დაგროვებული თანხები. ამის პარალელურად მკაფიო განმარტებებს არ აკეთებს არც ირაკლი კობახიძე, რომელიც მხოლოდ ამბობს , რომ ჯარიმები ჩამოეწერება ყველას. რა იცის 1 მილიარდი ლარის ოდენობის ჯარიმების ჩამოწერაზე ბიზნესმა და რას ითხოვს ენერგეტიკის სექტორი? #ახალიამბები #BusinessMediaGeorgia
არის თუ არა ქვეყანაში მედიკამენტების გაიაფების რესურსი - ირაკლი კობახიძის ხელმძღვანელობით შექმნილი ე.წ. ფასების კომისია ამ ჯერზე ფარმა სექტორის წარმომადგენლებს შეხვდა. ფარმაცევტული კომპანიების წარმომადგენლები ამბობენ, რომ ბაზარზე კონკურენციაა და მედიკამენტები რიგ შემთხვევაში იყიდება უფრო იაფად, ვიდრე ამჟამად მთავრობის მიერ დადგენილი რეფერენტული ფასების ზედა ჭერია. როგორც შეხვედრის შემდეგ გაკეთებული კომენტარებიდან ირკვევა, მოსალოდნელია, რომ რეფერენტული ფასების რეგულაცია გაფართოვდება და ის უფრო მეტ მედიკამენტზე გავრცელდება. ამასთან, ფარმა ბიზნესის წარმომადგენლები აცხადებენ, რომ არსებობს რიგი რეგულაციები, რაც ხელს უშლის ბაზარზე შედარებით იაფი მედიკამენტების განთავსებას. რა საკითხები დააყენა ბიზნესმა შეხვედრაზე და რამდენად არსებობს მედიკამენტების გაიაფების რესურსი? #ახალიამბები #BusinessMediaGeorgia
ენერგეტიკის სექტორი დაანონსებული 1 მილიარდიანი ჯარიმების ჩამოწერის მოლოდინშია - სექტორმა ამ დრომდე არ იცის ჯერჯერობით, კრიტერიუმები თუ რა ტიპის ინვესტორებს/პროექტებს და ასევე როგორ ჩამოეწერებათ სანქციების სახით დაგროვებული თანხები. ამის პარალელურად მკაფიო განმარტებებს არ აკეთებს არც ირაკლი კობახიძე, რომელიც მხოლოდ ამბობს , რომ ჯარიმები ჩამოეწერება ყველას. რა იცის 1 მილიარდი ლარის ოდენობის ჯარიმების ჩამოწერაზე ბიზნესმა და რას ითხოვს ენერგეტიკის სექტორი? #ახალიამბები #BusinessMediaGeorgia
საქართველოდან თხილის ექსპორტის მოცულობა მზარდია, თუმცა სექტორი სერიოზული გამოწვევის წინაშე დგას - გახშირდა შემთხვევები, როდესაც საერთაშორისო ბაზრიდან, განსაკუთრებით ევროკავშირიდან, პროდუქცია უკან ბრუნდება. მიზეზი აფლატოქსინით დაბინძურებაა, რაც ექსპორტიორებს უდიდეს ზარალს აყენებს. დარგის წარმომადგენლების განმარტებით, ერთი 22-ტონიანი კონტეინერის ღირებულება დაახლოებით 750 000 ლარია, ხოლო მისი უკან დაბრუნება ან განადგურება ზოგიერთ კომპანიას გაკოტრების საფრთხის წინაშე აყენებს. სექტორის წარმომადგენლების ინფორმაციით, ბოლო პერიოდში ამ ტენდენციამ საგანგაშო სახე მიიღო, რადგან, მოსავლის ხარისხში პრობლემები გასულ წელს განსაკუთრებით გახშირდა. რა ვითარებაა დარგში და რაში ხედავენ გამოსავალს თხილის სექტორში მომუშავე მეწარმეები? #ახალიამბები #BusinessMediaGeorgia
ხორბალი, საწვავი და ახლა უკვე თხევადი გაზი - აზერბაიჯან - სომხეთის შორის დამთბარი ურთიერთობებს უკვე ჩანს,რომ საქართველოზე გამავალი სატრანსპორტო დერეფნის გადაწყობა მოჰყვება. სომხეთის ეკონომიკის მინისტრის ინფორმაციით, სომხეთსა და აზერბაიჯანს შორის მიღწეულია მნიშვნელოვანი შეთანხმება, რომელიც აზერბაიჯანის ტერიტორიაზე რკინიგზის მეშვეობით თხევადი გაზის ტრანსპორტირებასაც მოიცავს. ამ დრომდე თხევადი გაზი სომხეთში ლარსის გავლით შედიოდა. ახალი შეთანხმება კი, იმას ნიშნავს, რომ ავტომობილებიდან ტვირთი რკინიგზაზე გადამისამართდება. თუმცა რადგანაც ორ ქვეყანას შორის ამჟამად სარკინიგზო მიმოსვლა არ არის, ტვირთი კვლავ საქართველოს გაივლის, თუმცა რკინიგზის მეშვეობით. თუ დღეს ტვირთი მაინც საქართველოს დერეფანში რჩება, მომავალში შესაძლოა ამ კუთხით სხვა მოცემულობა იყოს, რაც ე.წ ტრამპის გზის ანუ TRIPP-ის გახსნამ შეიძლება მოიტანოს, ეს საქართველოს გვერდის ავლით ახალი დერეფნის ფორმირებას მოიაზრებს - როგორია შეცვლილი გეოპოლიტიკური მოვლენების გავლენა საქართველოს სატრანსპორტო დერეფანზე და როგორ მივიღოთ რეგიონში მშვიდობისგან მაქსიმალურად უდანაკარგო სარგებელი? სტუმარი: სალომე დანელია - ეკონომიკის დოქტორი/ Hegelmann Multimodal Georgia ბიზნესის განვითარების მენეჯერი #ახალიამბები #BusinessMediaGeorgia
არის თუ არა ქვეყანაში მედიკამენტების გაიაფების რესურსი - ფასების სამთავრობო კომისიასა და ფარმა სექტორის წარმომადგენლებს შორის შეხვედრა დასრულდა. ფარმა კომპანიები ამბობენ ბაზარზე კონკურენციაა და მედიკამენტები რიგ შემთხვევაში იყიდება უფრო იაფად ვიდრე რეფერენტული ფასების ზედა ჭერია. რა საკითხები დააყენა ბიზნესმა შეხვედრაზე? რა თქვეს შეხვედრიდან გამოსულმა სექტორის წარმომადგენლებმა? #ახალიამბები #BusinessMediaGeorgia
რატომ ვერ იაფდება მეტად მედიკამენტები - ფასების სამთავრობო კომისია ამ წუთებში ფარმა სექტორის წარმომადგენლებს ხვდება. ბიზნესი ვარაუდობს, რომ საუბარი მედიკამენტების რეფერენტული ფასის რეგულირებაში გეგმურ ცვლილებებს შეეხება. ბიზნესის ნაწილი ამბობს, რომ რომ რეფერენტული ფასწარმოქმნის შემოღება მათთვის მტკივნეული იყო, ფასები ნამდვილად გაიაფებულია და მეტიც ამ კუთხით მაქსიმალურია გაკეთებული - რა განწყობით მივიდა ფარმაინდუსტრია შეხვედრაზე? #ახალიამბები #BusinessMediaGeorgia
რა კავშირია სურსათის მაღალ ფასებსა და სუპერმარკეტების რაოდენობას შორის ? სურსათის ფასებზე ზეწოლის ერთ-ერთ მიზეზად, მთავრობა სუპერმარკეტების გაფართოებას მიიჩნევს. ირაკლი კობახიძის განცხადებით, 100 ათას ადამიანზე გაანგარიშებით, საქართველოში მეტი მარკეტია ვიდრე ევროპაში. მისი თქმით, საქართველოში ეს მაჩვენებელი 113-ია, გერმანიაში კი 60. რა კავშირშია სუპერმარკეტების რაოდენობა და რითეილ ქსელების გაფართოება - როგორ აისახება ეს ფასებზე და რამდენი საცალო ვაჭრობის ობიექტი უნდა იყოს დედაქალაქში, რომ ეს სურსათის ფასებისთვის წნეხად არ იქცეს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 27.01.2026
2025 წლის დეკემბერში, თიბისი ბანკის არხებით, რესტორნებში უნაღდო დანახარჯებზე წლიურად 42%-იანი ზრდა დაფიქსირდა. თიბისი კაპიტალის მიმოხილვის მიხედვით, საშუალო ტრანზაქციის მოცულობამ 36 ლარი შეადგინა. საინვესტიციო ბანკის მონაცემებით, უნაღდო ტრანზაქციების ნაწილში უფრო დიდი წილი რეზიდენტებზე მოდის, თუმცა ზრდა 2024 წლის დეკემბერთან შედარებით ტრანზაქციების რაოდენობაში ბევრად უფრო მაღალი არარეზიდენტების შემთხვევაშია. რას აჩვენებს თიბისი კაპიტალის კვლევა და როგორია სამომხმარებლო აქტივობა რესტორნებში? #ახალიამბები #BusinessMediaGeorgia
გასულ წელს ენერგეტიკულ ბირჟაზე დღით ადრე ბაზარზე მონაწილეებმა 129 ათას 753 მგვტ.სთ ელექტროენერგია ივაჭრეს, რაც 2024 წელს ნავაჭრ ელექტროენერგიას თითქმის 7.5-ჯერ აღემატება. ენერგეტიკული ბირჟის 2025 წლის ანგარიშის თანახმად, გასულ წელს პლატფორმაზე ელექტროენერგიის საშუალო შეწონილი ფასი 1 მეგავატზე 131.4 ლარი, ანუ 1 კვტ სთ-ზე 13.14 თეთრი იყო. ბირჟაზე ნავაჭრი ელექტროენერგიის რაოდენობა კვლავ მცირეა, რის უმთავრეს მიზეზი ბაზრის გარდამავალ მოდელში ყოველთვიური დაბალანსების ვალდებულების არსებობა. აღსანიშნავია ისიც, რომ უმეტესწილად, ელექტროენერგიაზე მოთხოვნა ბირჟაზე იყო გაცილებით მეტი, ვიდრე მისი მიწოდება. რა განაპირობებს ენერგეტიკულ ბირჟაზე შედარებით ნაკლებ აქტიურობას და როგორია მოლოდინები? #ახალიამბები #BusinessMediaGeorgia
სურსათის ფასებზე ზეწოლის ერთ-ერთ მიზეზად, მთავრობა სუპერმარკეტების გაფართოებას მიიჩნევს. ირაკლი კობახიძის განცხადებით, 100 ათას ადამიანზე გაანგარიშებით, საქართველოში მეტი მარკეტია ვიდრე ევროპაში. მისი თქმით, საქართველოში ეს მაჩვენებელი 113-ია, გერმანიაში კი 60. რა კავშირშია სუპერმარკეტების რაოდენობა და რითეილ ქსელების გაფართოება - როგორ აისახება ეს ფასებზე და რამდენი საცალო ვაჭრობის ობიექტი უნდა იყოს დედაქალაქში, რომ ეს სურსათის ფასებისთვის წნეხად არ იქცეს? #ახალიამბები #BusinessMediaGeorgia
გასულ წელს ენერგეტიკულ ბირჟაზე დღით ადრე ბაზარზე მონაწილეებმა 129,753 მგვტ.სთ ელექტროენერგია ივაჭრეს, რაც 2024 წელს ნავაჭრ ელექტროენერგიას თითქმის 7.5-ჯერ აღემატება. ენერგეტიკული ბირჟის 2025 წლის ანგარიშის თანახმად, წლის პლატფორმაზე ელექტროენერგიის საშუალო შეწონილი ფასი 1 მეგავატზე 131.4 ლარი, ანუ 1 კვტ სთ-ზე 13.14 თეთრი იყო. ბირჟაზე ნავაჭრი ელექტროენერგიის რაოდენობა კვლავ მცირეა, რის უმთავრეს მიზეზად კვლავ რჩება ბაზრის გარდამავალ მოდელში ყოველთვიური დაბალანსების არსებობა. აღსანიშნავია ისიც, რომ უმეტესწილად, ელექტროენერგიაზე მოთხოვნა ბირჟაზე იყო გაცილებით მეტი, ვიდრე მისი მიწოდება. რა განაპირობებს ბირჟაზე შედარებით ნაკლებ აქტიურობას და როგორია მოლოდინები? #ახალიამბები #BusinessMediaGeorgia
საერთაშორისო მზის პანელების ბაზარი როგორც ჩანს, მნიშვნელოვან გარდამტეხ წერტილს გადის. წლების განმავლობაში ფასების ვარდნის შემდეგ, 2026 წელი მზის პანელებზე ფასის ზრდით დაიწყო. კორექტირების ახალი ციკლის პირველ ეტაპზე პანელების ღირებულება 20%-ით უკვე გაიზარდა და 1 აპრილიდან ფასების მეტად ზრდას ელიან. ფერადი ლითონების, მათ შორის ვერცხლის რეკორდული გაძვირება და ჩინეთის პოლიტიკის ცვლილება, ეს ის ძირითადი ფაქტორებია რაც ფოტოელექტრულ პანელებზე ფასების ზრდის მაპროვოცირებელია. უფრო კონკრეტულად, ჩინეთი მზის პანელებზე დღგ-ს შეღავათიან რეჟიმს აუქმებს და შემოაქვს ექსპორტის გადასახადი. “ეს სცენარი მნიშვნელოვან ცვლილებას ნიშნავს სექტორისთვის, სადაც 2023 წლიდან ჭარბი მიწოდების და წარმოების შემცირებულის ხარჯების ფონზე, ფასები საბოლოო პროდუქტზეც დაბალი იყო. როგორ აისახება საერთაშორისო ბაზრის ტენდენციები საქართველოზე და იმ პროექტებზე რომელიც მზის ენერგიის ათვისებისთვის არის დაანონსებული - რა ტენდენციებია მზის ენერგიის ათვისების ბაზარზე? სტუმარი: თორნიკე დარჯანია - “ჰელიოს ენერჯის” დამფუძნებელი #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 26.01.2026 "ოპერირებას თბილისის ოფისი გაუძღვება“ - „სისტემეარ საქართველო“ სომხეთის ბაზარზე შედის; „თეგეტა ჰოლდინგი“ უზბეკეთის ბაზარზე ფართოვდება - რა გეგმები აქვს კომპანიას შუა აზიაში? “რუსთავის ფოლადი“ უნაკერო მილების წარმოების განვითარებისთვის $10 მილიონამდე ინვესტიციას გეგმავს; „ნიკორამ” ახალი, მაღალტექნოლოგიური ქარხანა გახსნა, რომლის საინვესტიციო ღირებულება 45 მილიონი ლარია; ‘’ერბორიანმა’’ მსოფლიოში პირველი Pop-Up მაღაზია საქართველოში გახსნა; #ახალიამბები #BusinessMediaGeorgia
მეორადი საბურავების რეალიზატორები ალტერნატიული ფართების მოსაძებნად 6 თვიან გარდამავალ პერიოდს ითხოვენ. 1 იანვრიდან, მათ დედაქალაქის გარკვეულ ტერიტორიაზე რეალიზაციის უფლება შეეზღუდათ. მეორეული საბურავების, შავი და ფერადი ლითონების ჯართის, ექსპლუატაციიდან გამოსული სატრანსპორტო საშუალებებისა და მათი ნაწილების, ადვილად აალებადი, ფეთქებადი ან ამტვერებადი მასალის განთავსება ან/და რეალიზაციის სრულად აკრძალვა ეხება დედაქალაქის მასშტაბით არსებულ საცხოვრებელ, რეკრეაციულ, სატყეო, სპეციალურ, სატრანსპორტო და სანიტარული დაცვის ზონებს. მეორადი საბურავების რეალიზატორების ნაწილი უკვე დაჯარიმდა. ახლა ისინი გარდამავალ პერიოდს ითხოვენ. შესაბამისი თხოვნით, დღეს ავტოიმპორტიორთა ასოციაციამ საკრებულოს წერილობითაც მიმართა. #ახალიამბები #BusinessMediaGeorgia
კიდევ ერთი შეხვედრა სახელმწიფო კანცელარიაში სურსათის ფასების შემცირების სახელით. პრემიერ მინისტრმა და შესაბამისი კომისიის წევრებმა ინგოროყვას 7-ში მწარმოებლებთან შეხვედრა გამართეს. მთავრობის ადმინისტრაციაში გამართულ მორიგ შეხვედრაზე ირაკლი კობახიძემ კიდევ ერთხელ გაიმეორა, რომ საქართველოს საზღვრიდან მაღაზიის თარომდე 86 პროცენტიანი ფასნამატი წარმოიქმნება, თუმცა პრემიერმა აღნიშნა ისიც, ბაზარზე არსებული თამაშის წესები ადგილობრივ მწარმოებლებს, ქსელურ მარკეტებში პროდუქციის რეალიზაციაში ხელს უშლის. თავად მწარმოებლები კი მაღალ ფასნამატს სწორედ საცალო ვაჭრობის ქსელების პირობებს უკავშირებენ. დღესვე ბიზნესის მხრიდან სურსათზე არსებული მაღალი ფასის კონტექსტში გაჟღერდა ისეთი საკითხებიც როგორიცაა საბანკო კრედიტები და წარმოების მცირე მასშტაბები. რა აძვირებს სურსათს და პროდუქტების გაიაფების რა რესურსი არსებობს? #ახალიამბები #BusinessMediaGeorgia
მეორადი საბურავების რეალიზატორები ალტერნატიული ფართების მოსაძებნად 6 თვიან გარდამავალ პერიოდს ითხოვენ. 1 იანვრიდან, მათ დედაქალაქის გარკვეულ ტერიტორიაზე რეალიზაციის უფლება შეეზღუდათ. მეორეული საბურავების, შავი და ფერადი ლითონების ჯართის, ექსპლუატაციიდან გამოსული სატრანსპორტო საშუალებებისა და მათი ნაწილების, ადვილად აალებადი, ფეთქებადი ან ამტვერებადი მასალის განთავსება ან/და რეალიზაციის სრულად აკრძალვა ეხება დედაქალაქის მასშტაბით არსებულ საცხოვრებელ, რეკრეაციულ, სატყეო, სპეციალურ, სატრანსპორტო და სანიტარული დაცვის ზონებს. მეორადი საბურავების რეალიზატორების ნაწილი უკვე დაჯარიმდა. ახლა ისინი გარდამავალ პერიოდს ითხოვენ. შესაბამისი თხოვნით, დღეს ავტოიმპორტიორთა ასოციაციამ საკრებულოს წერილობით მიმართა. #ახალიამბები #BusinessMediaGeorgia
1-ლი მარტიდან, საქართველოში უცხოელთა დასაქმება იზღუდება - აღნიშნულს კანონის ამოქმედებამდე მცირე დრო რჩება, თუმცა კომპანიებმა დღემდე არ იციან თამაშის კონკრეტული წესები, რადგან ჯანდაცვის სამინისტროს კანონქვემდებარე აქტები ჯერჯერობით, არ გამოუქვეყნებია. როგორ ფასდება ახალი რეგულაცია კერძო სექტორის მხრიდან და რა შენიშვნები აქვთ დარგის სპეციალისტებს? #ახალიამბები #BusinessMediaGeorgia
რა პროცესის მაყურებლები გავხდით დაანონსებული ფასების რეგულირების სცენარში. როგორ ფუნქციონირებს ბაზარი განვითარებულ ქვეყნებში, მათ შორის ევროკავშირში და რა შეიძლება იყოს ამ პროცესის სავარაუდო შედეგები? სტუმარი: გიორგი ცერცვაძე - იურიდიული ფირმა "ჯეი ენდ თი ქონსალთინგის" მმართველი პარტნიორი #ახალიამბები #BusinessMediaGeorgia
რითეილ სექტორისა და დისტრიბუტორების შემდეგ ფასების კომისია დღეს მწარმოებლებს ხვდება. ქართული ოცნება სურსათის მაღალ ფასებში დამნაშავეებს ეძებს. კომპანიებიდან სუსის და შემოსავლების სამსახურის მიერ დოკუმენტაციის ამოღების პარალელურად, ფასების კომისია ბოლო დღეებია ბაზრის სხვადასხვა მონაწილის შეხედულებებს ისმენს. პრემიერი კობახიძე ყველა შეხვედრაზე ირწმუნება, რომ ბიზნესი თავისუფალია და ასეც დარჩება, თუმცა აქვე ამბობს, რომ ამ ბიზნესმა სოციალური ფაქტორები უნდა გაითვალისწინოს. პროცესს თან გასდევს შესაძლო კარტელური გარიგებების თემაც, თუმცა კონკრეტიკის გარეშე, გუშინ ირაკლი კობახიძემ თქვა, რომ ერთ-ერთ კონკრეტულ პროდუქტზე რამდენიმე მწარმოებელმა ერთდროულად 25% გაზარდა გასი, რაც აჩენს ეჭვს, რომ კარტელური გარიგებების საფუძველზე ხდება კონკრეტულ პროდუქტებზე ფასის მომატება. დეტალების დაზუსტება დღეს მედიამ სცადა, თუმცა დამატებითი განმარტება ვერ მივიღეთ.. რა შეფასებები გაკეთდა შეხვედრის დაწყებამდე? #ახალიამბები #BusinessMediaGeorgia
არმატურის საიმპორტო გადასახადის შემდეგ პროდუქციის იმპორტი 40%-ით შემცირდა - ასეთია საქსტატის მონაცემები, რომელიც 2025 წლის მონაცემებს აჩვენებს. გადასახადი 1 მარტამდე მოქმედებს, თუმცა ინფრასტრუქტურის მშენებელი კომპანიები ამბობენ, რომ მისი მოქმედება აღარ უნდა გაგრძელდეს, რადგან სამშენებლო კომპანიებს პროდუქცია გაუძვირდათ, ადგილობრივი ბაზარი კი მოთხოვნას ვერ აკმაყოფილებს. რა ეფექტი ჰქონდა არმატურის იმპორტზე გადასახადის შემოღებას და როგორია როგორც თავად მწარმოებლების ისე მომხმარებლების შეფასებები? #ახალიამბები #BusinessMediaGeorgia
ვისი ბრალია სურსათის სიძვირე და მაღალი ფასნამატი - ირაკლი კობახიძის ხელმძღვანელობით შექმნილმა ე.წ. ფასების კომისიამ ამ საკითხის გამოსაკვლევად, ამჯერად დისტრიბუტორები დაიბარა. მთავრობის ადმინისტრაციაში გამართულ მორიგ შეხვედრაზე ირაკლი კობახიძემ კიდევ ერთხელ თქვა, რომ საქართველოს საზღვრიდან მაღაზიის თარომდე 86 პროცენტიანი ფასნამატი წარმოიქმნება, საიდანაც 44% სწორედ დისტრიბუტორებზე მოდის. დისტრიბუტორები კი მაღალი ფასნამატის პრობლემას საცალო ვაჭრობის ქსელების პირობებს უკავშირებენ. ფასების კომისია სუპერმარკეტებისა და დისტრიბუტორების შემდეგ, მწარმოებლებთან შეხვედრასაც გეგმავს. პარალელურად კი, ბიზნესის წარმომადგენლებს სახელმწიფო უსაფრთხოების სამსახური ამოწმებს. ვისგან მოდის მთავრობის მიერ გაჟღერებული 86%-იანი ფასნამატი და რა არგუმენტები აქვთ მხარეებს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 23.01.2026
შეცვლილი მიდგომა შემოსავლების სამსახურის მხრიდან - აუდიტორულ კომპანიებში აცხადებენ, რომ ბიზნესი სესხის კაპიტალში შენატანად გადაკვალიფიცირების პროცესში გარკვეულ გამოწვევებს აწყდება. კერძოდ, საუბარია შემთხვევებზე, როდესაც დამფუძნებელს კომპანიაში თანხა შეაქვს. როგორც ირკვევა, რიგ შემთხვევებში შემოსავლების სამსახური კომპანიას უთითებს, რომ მსგავსი ოპერაცია სესხის ნაცვლად დივიდენდად დააკვალიფიციროს, რაზეც საგადასახადო განაკვეთი 5%-ის ნაცვლად 15%-ია. სტუმარი: დავით პაპიაშვილი - „კრესტონ ჯორჯიას“ მმართველი პარტნიორი; #ახალიამბები #BusinessMediaGeorgia
არმატურის საიმპორტო გადასახადის შემდეგ პროდუქციის იმპორტი 40%-ით შემცირდა - ასეთია საქსტატის მონაცემები, რომელიც 2025 წლის მონაცემებს აჩვენებს. გადასახადი 1 მარტამდე მოქმედებს, თუმცა ინფრასტრუქტურის მშენებელი კომპანიები ამბობენ, რომ მისი მოქმედება აღარ უნდა გაგრძელდეს, რადგან სამშენებლო კომპანიებს პროდუქცია გაუძვირდათ, ადგილობრივი ბაზარი კი მოთხოვნას ვერ აკმაყოფილებს. რა ეფექტი ჰქონდა არმატურის იმპორტზე გადასახადის შემოღებას და როგორია როგორც თავად მწარმოებლების ისე მომხმარებლების შეფასებები? #ახალიამბები #BusinessMediaGeorgia
მთავრობის ადმინისტრაციაში, ფასების კომისიისა და დისტრიბუტორების შეხვედრა დასრულდა. ირაკლი კობახიძემ შეხვედრაზე კიდევ ერთხელ გაიმეორა, რომ საქართველოს საზღვრიდან თარომდე სურსათზე საკმაოდ მაღალი ფასნამატი წარმოიქმნება, რომელიც 86 პროცენტს შეადგენს. დისტრიბუტორების განმარტებით, კი კომისიას ინფორმაცია იმ პრობლემატური საკითხების შესახებ მიაწოდეს, რაც საცალო ვაჭრობის ქსელურ ობიექტებთან ურთიერთობის ფარგლებში არსებობს. რა გაირკვა შეხვედრაზე და ვისგან მოდის მთავრობის მიერ გაჟღერებული 86%-იანი ფასნამატი? #ახალიამბები #BusinessMediaGeorgia
როგორია დღეს ურთიერთობა მწარმოებლებს, დისტრიბუტორებს და სავაჭრო ქსელებს რგოლს შორის, რეალურად რა განაპირობებს საქართველოში სურსათზე მაღალ ფასებს და რა რესურსი არსებობს პროდუქციის გაიაფების მიმართულებით? სტუმარი: ალექსანდრე რატიშვილი - „ემბისი ჯორჯიას“ დირექტორი #ახალიამბები #BusinessMediaGeorgia
მთავრობის ადმინისტრაციაში ამ წუთებში სურსათის ფასებზე შექმნილი სამთავრობო კომისიის წარმომდგენლები სადისტრიბუციო კომპანიებს ხვდებიან. როგორც შეხვედრის დაწყებამდე დისტრიბუტორთა ბიზნესასოციაციის თავმჯდომარემ მედიასთან განაცხადა, მთელი რიგი პრობლემებია, რომლებიც ფასზე მნიშვნელოვნად მოქმედებს, მათ შორის სავაჭრო ქსელების მიერ დაწესებული გადასახადები. დისტრიბუტორებთან შეხვედრას წინ უძღოდა მთავრობის ადმინისტრაციაში გამართული შეხვედრა სუპერმარკეტების წარმომადგენლებთან. გუშინ კი როგორც სასურსათო, ასევე სადისტრიბუციო კომპანიებიდან დოკუმენტაციის ამოღება დაიწყო სუსმა და საგამოძიებო სამსახურმა. რა განცხადებები გაკეთდა შეხვედრის დაწყებამდე? #ახალიამბები #BusinessMediaGeorgia
მთავრობამ 2021 წელს გამოშვებული ევროობლიგაციის წინმსწრებად დაფარვის პროცესი დაიწყო. მიმდინარე წლის აპრილში დასაფარი $500-მილიონიანი ევროობლიგაციები 19 იანვარს დაიფარა და ამასთან ერთად, ახალი $500-მილიონიანი ობლიგაციის განთავსების პროცესიც დაიწყო. ინვესტორებს შესაბამისი შეთავაზება უკვე გაეგზავნათ. უნდა განისაზღვროს ახალი ფასიანი ქაღალდის საპროცენტო განაკვეთიც. რა პროცენტში გადაწყდება ახალი ფასიანი ქაღალდის გამოშვება, რა შემოსავლიანობით და როგორია ფინანსისტების მოლოდინები და პროგნოზები. #ახალიამბები #BusinessMediaGeorgia
მთავრობის განკარგულებით სახელმწიფო ტენდერებში შესასყიდი სამუშაოების სარეკომენდაციო საბაზრო ფასს სასამართლო ექსპერტიზის ეროვნული ბიურო დაადგენს- ამის შესახებ ინფორმაცია მთავრობის ეფექტიანობის დეპარტამენტზე დაყრდნობით ვრცელდება. როგორც ცნობილია, ბიზნესი სახელმწიფო შესყიდვების ფასწარმოქმნაში არსებულ გამოწვევებზე წლებია საუბრობს და ამბობენ, რომ მეთოდოლოგია შესაცვლელია. რამდენად პასუხობს დღეს დაანონსებული ცვლილებები იმ პრობლემებს, რაზეც ინფრასტრუქტურის მშენებლები საუბრობენ. #ახალიამბები #BusinessMediaGeorgia
სახელმწიფო უსაფრთხოების სამსახურმა ათობით განჩინების საფუძველზე FMCG სექტორის ათობით კომპანიიდან საბუთების ამოღების პროცედურა დაიწყო. სახელმწიფო უსაფრთხოების სამსახურის პარალელურად, სადისტრიბუციო და სარეალიზაციო კომპანიებიდან დოკუმენტების ამოღების მიზნით პროცედურები დაიწყო ფინანსთა სამინისტროს საგამოძიებო სამსახურმაც. სახელმწიფო კანცელარიაში გამართული შეხვედრიდან რამდენიმე საათში საგამოძიებო უწყების წარმომადგენლებს თავად უმასპინძლეს. როგორც უსაფრთხოების სამსახურში განმარტავენ, დოკუმენტების ამოღება შემდგომი საგამოძიებო მოქმედებების ჩატარების მიზნით ხდება. როგორც ტვ პირველთან აგროჰაბის დირექტორი აღნიშნავს, უსაფრთხოების სამსახურის წარმომადგენლებმა პროგრამული ბაზები მოითხოვეს, რასაც კომპანია თარიღების მიხედვით მოამზადებს და საგამოძიებო სტრუქტურას გადასცემს. გიორგი ჯაშიაშვილის თქმით, ინტერესი ყველა ტიპის დოკუმენტაციის მიმართ არის, მათ შორის რა ფასად იყიდება თითოეული პროდუქტი. განცხადება გაავრცელა “რითეილ ასოციაციამაც, რომელშიც აღნიშნულია, რომ 22 იანვარს, სახელმწიფო უსაფრთხოების სამსახურის ანტიკორუფციულმა სააგენტომ, კანონმდებლობით დადგენილი წესისა და შესაბამისი განჩინების საფუძველზე, ასოციაციის წევრ კომპანიებს მიმართა და გარკვეული დოკუმენტაცია, მათ შორის ხელშეკრულებები, პირველადი საბუღალტრო დოკუმენტები, ფაქტურები და ინვოისები გამოითხოვა. ეფემსიჯი სექტორის წარმომადგენლებთან აქტიური მუშაობა პრემიერმა დეკემბერში დააანონსა. ირაკლი კობახიძის განცხადებით საქართველოში სურსათის ფასები ევროპის ქვეყნებთან შედარებით მნიშვნელოვნად მაღალია, რაც სადისტრიბუციო კომპანიებისა და საცალო ქსელების მაღალი ფასნამატით არის გამოწვეული. გასული წლის მიწურულს კობახიძემ სამართალდამცავ უწყებებს ბაზრის მოთამაშეების მხრიდან სისხლის სამართლის დანაშაულის ნიშნების აღმოფხვრის მიზნით, საკითხის სიღრმისეული შესწავლა დაავალა. მანვე აღნიშნა, რომ საჭიროების შემთხვევაში, ანტიმონოპოლიურ მექანიზმებსაც გამოიყენებენ. პარლამენტს კი საკითხის შესაფასებლად შესაბამისი საპარლამენტო ბერკეტების გამოყენების მიზნით საპარლამენტო კომისიის შექმნის თხოვნით მიმართა. პარალელურად, სასურსათო პროდ#ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 22.01.2026
მთავრობის განკარგულებით სახელმწიფო ტენდერებში შესასყიდი სამუშაოების სარეკომენდაციო საბაზრო ფასს სასამართლო ექსპერტიზის ეროვნული ბიურო დაადგენს - ამის შესახებ ინფორმაცია მთავრობის ეფექტიანობის დეპარტამენტზე დაყრდნობით ვრცელდება. როგორც ცნობილია, ბიზნესი სახელმწიფო შესყიდვების ფასწარმოქმნაში არსებულ გამოწვევებზე წლებია საუბრობს და ამბობენ, რომ მეთოდოლოგია შესაცვლელია. რამდენად პასუხობს დღეს დაანონსებული ცვლილებები იმ პრობლემებს, რაზეც ინფრასტრუქტურის მშენებლები საუბრობენ? #ახალიამბები #BusinessMediaGeorgia
არის თუ არა საქართველოს სატრანსპორტო დერეფანი ტვირთების ნაწილის დაკარგვის საფრთხის წინაშე - სტატისტიკა აჩვენებს, რომ ტრაილერების გატარებით ბიუჯეტში მიღებული შემოსავალი მესამე წელია მცირდება. სახელმწიფო ხაზინის მონაცემებით, გასულ წელს ბიუჯეტში გზათსარგებლობის გადასახადიდან 171.2 მლნ ლარის მობილიზება მოხდა, რაც 2024 წელთან შედარებით 8.1 მლნ-ით ანუ 4.5%-ით შემცირებული მაჩვენებელია. 2023 წელს კი ეს მაჩვენებელი 182 მლნ-ს აღწევდა. აღსანიშნავია, რომ საქართველოს სატრანსპორტო დერეფანთან დაკავშირებით განცხადებები დავოსის მსოფლიო ეკონომიკური ფორუმის ფარგლებშიც გაკეთდა. აზერბაიჯანის პრეზიდენტმა, ილჰამ ალიევმა განაცხადა, რომ დღეს არსებული საქართველოს დერეფნით ტვირთების გადაზიდვა, სულ მალე სომხეთის დერეფანზე გადაინაცვლებს. ილჰამ ალიევმა შეახსენა დამსწრეებს, რომ აზერბაიჯანმა ყაზახეთიდან და რუსეთიდან სომხეთში ტვირთების ტრანზიტზე ყველა შეზღუდვა მოხსნა. დაკარგავს თუ არა საქართველო სახმელეთო ტვირთების ნაწილს რეგიონში შექმნილი ვითარების ფონზე და რა სჭირდება ქვეყანას კონკურენტუნარიანობის შესანარჩუნებლად? სტუმარი: ირაკლი ნემსაძე - საქართველოს სახმელეთო გადამზიდავთა ასოციაციის ხელმძღვანელი #ახალიამბები #BusinessMediaGeorgia
უძრავი ქონების ბაზარმა ზღვისპირა ქალაქში 1 მილიარდიან ნიშნულს გადააჭარბა - ამის შესახებ recov.ge -ის განახლებულ ანგარიშშ წერია. კოლიერს ჯორჯიას ინფორმაციით, ბათუმში უძრავი ქონების ტრანზაციები 17%-ით გაიზარდა, მაშინ როდესაც 2023-2024 წლებში კლების ტენდენცია იყო. გაზრილია უძრავი ქონების საშუალო შეწონილი ფასიც. რამ დაასტიმულირა ბათუმში უძრავი ქონების ბაზარი, რომელი ქვეყნის მოქალაქეები ჭარბობენ გაყიდვებში და როგორია ფასების დინამიკა? #ახალიამბები #BusinessMediaGeorgia
ფასების სამთავრობო საკოორდინაციო კომისიამ სუპერმარკეტებისა და რითეილ სექტორის წარმომადგენლებთან პირველი შეხვედრა გამართა. მიზანი სურსათზე მაღალი ფასების წარმომავლობის დადგენა და შესაძლებლობის შემთხვევაში, ფასების შემცირებაა. პრემიერმა ბიზნესმენებთანაც გაიმეორა რომ ფასნამატი პროდუქტზე 86%-იანი. ბრენდული ქსელების წარმომადგენლებიო შეხვედრის შემდეგ ფასების შემცირების სურვილს იზიარებენ,. თუმცა აღნიშნავენ, რომ უნდა გაირკვეს საიდან მოდის მაღალი ფასები სურსათსა და პროდუქტებზე. როგორი იყო პირველი შეხვედრა კერძო სექტორთან და მხარეთა მოსაზრებით ფასების შემცირების რა რესურსი არსებობს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 21.01.2026 Tbilisi Open Air: Winter Edition 28 თებერვალსა და 1 მარტს გუდაურში ჩატარდება; 2025 წელს გაყიდვები მინიმუმ 30%-ით გაიზარდა - DRESSCODE; 2025 წელს ღვინის საექსპორტო ფასი გაგვეზარდა, თუმცა მოცულობაში 14%-იანი კლება გვაქვს - "ასკანელი"; ღვინის ექსპორტით საქართველომ $268 მილიონი მიიღო - კლება 3%-ია; #ახალიამბები #BusinessMediaGeorgia
უძრავი ქონების ბაზარმა ზღვისპირა ქალაქში 1 მილიარდიან ნიშნულს გადააჭარბა - ამის შესახებ recov.ge -ის განახლებულ ანგარიშში წერია. კოლიერს ჯორჯიას ინფორმაციით, ბათუმში უძრავი ქონების ტრანზაქციები 17%-ით გაიზარდა, მაშინ როდესაც 2023-2024 წლებში კლების ტენდენცია იყო. გაზრდილია უძრავი ქონების საშუალო შეწონილი ფასიც. რამ დაასტიმულირა ბათუმში უძრავი ქონების ბაზარი, რომელი ქვეყნის მოქალაქეები ჭარბობენ გაყიდვებში და როგორია ფასების დინამიკა? #ახალიამბები #BusinessMediaGeorgia
დღეს მთავრობის ადმინისტრაციაში ირაკლი კობახიძე და ფასების სამთავრობო საკოორდინაციო კომისიის წევრები სუპერმარკეტების ქსელების წარმომადგენლებს შეხვდნენ. შეხვედრის მთავარი მიზანი სურსათის ფასები და მისი შემცირების პერსპექტივები იყო. #ახალიამბები #BusinessMediaGeorgia
2025 წლის დეკემბერში საქართველომ 300 მლნ კვტ.სთ ელექტროენერგია იყიდა. დეკემბერში იმპორტი განხორციელდა ყველა მეზობელი ქვეყნიდან რუსეთიდან, აზერბაიჯანიდან, სომხეთიდან და თურქეთიდანაც. ელექტროენერგიის გამომუშავება 2021 წლიდან მინიმალურ მაჩვენებელზეა. სახელმწიფო ელექტროსისტემის მონაცემებით, 2025 წელს ენერგოსისტემამ სულ 13.837 მლრდ კვტ.სთ ელექტროენერგია გამოიმუშავა. წლიურ ჭრილში კლება თითქმის 3%-ია. ამასთან, 3 %-ით გაზრდილია მოხმარება, რამაც დანაკარგების ჩათვლით 14.8 მლრდ კვტ.სთ შეადგინა. მათ შორის მომხმარებლებზე მიწოდებამ 14.3 მლრდ კვტ.სთ შეადგინა. რა ტენდენციებია ელექტროენერგიის წარმოება მოხმარება/ მიწოდების კუთხით და შეიცვალა თუ არა საქართველოსთვის ელექტროენერგიის იმპორტიორების გეოგრაფია? #ახალიამბები #BusinessMediaGeorgia
საქართველოს ნომერ პირველ საექსპორტო პროდუქტად კვლავ მსუბუქი ავტომობილები რჩება. გასულ წელს საზღვარგარეთ საქართველოდან რეექსპორტზე სულ 2.8 მილიარდი დოლარის ღირებულების 111.6 ათასი ავტომობილი გავიდა, რაც წლიურად ღირებულებაში 16%-იანი მატებაა. საქსტატის თანახმად, ყველაზე დიდი მოცულობით ავტომობილების რეექსპორტი კვლავ ყირგიზეთში ფიქსირდება, სადაც შარშან მილიარდ 424 მილიონი დოლარის ღირებულების ავტომობილები გავიდა, რაც 19%-იანი მატებაა. მეორე ადგილზე, 784 მილიონი დოლარის ღირებულების ავტო ექსპორტით ყაზახეთია, ამ შემთხვევაში ზრდა 4%-ია. მესამეზე აზერბაიჯანი, სადაც ავტომობილების რეექსპორტი წლიურად 26%-ითაა შემცირებული. მეოთხეზე კი ტაჯიკეთი, სადაც როგორც აღინიშნა, შარშან $162 მილიონის ავტომობილები გაიყიდა.. აღსანიშნავია, რომ 2025 წლის განმავლობაში მზარდი იყო ავტომობილების იმპორტიც. გასულ წელს საქართველოში სულ 3.9 მლრდ დოლარის ღირებულების ავტომობილები შემოვიდა, რაც წლიურად 11,5%-იანი მატებაა. რა ტენდენციებია საავტომობილო ბაზარზე და როგორია მოლოდინები უკვე 2026 წლისთვის?