რა გავლენა აქვს ახლო აღმოსავლეთის კონფლიქტს ტურიზმის სექტორზე და როგორ უნდა შემცირდეს ნეგატიური გავლენები - ამ საკითხებზე ტურიზმის ეროვნული ადმინისტრაციის ხელმძღვანელმა სტუმარმასპინძლობის სექტორის წარმომადგენლებთან სამუშაო შეხვედრა გამართა. როგორც ბიზნესის ნაწილი აცხადებს, შეხვედრაზე უწყებისგან დაპირება რამდენიმე მიმართულებით მიიღეს, მათ შორის ის რომ კიდევ უფრო გააქტიურდება მარკეტინგული აქტივობები სხვადასხვა სამიზნე ბაზრებზე, ამასთან, იგეგმება ახალი ფრენების დამატება და სიხშირეების გაზრდა აზიის ქვეყნებიდან. ბიზნესის წარმომადგენლები აღნიშნავენ, რომ ახლო აღმოსავლეთის კონფლიქტის ფონზე, ტურისტული ნაკადები მნიშვნელოვნადაა შემცირებული და თუკი პროცესები დროში კიდევ უფრო გაიწელება, დღის წესრიგში საგადასახადო შეღავათების დაწესების აუცილებლობაც დადგება.


#ახალიამბები #BusinessMediaGeorgia