ვაშინგტონში მიმდინარე სავალუტო ფონდისა და მსოფლიო ბანკის საგაზაფხულო შეხვედრების ფარგლებში IMF-ის ახალი ანგარიში წარადგინეს, რომელიც კავკასიისა და ცენტრალური აზიის ქვეყნების ეკონომიკურ პროგნოზებს და მასზე ახლო აღმოსავლეთის ომის გავლენას მიმოიხილავს. ახალ ანგარიშთან დაკავშირებით გამართულ პრესკონფერენციაზე სავალუტო ფონდის რეგიონალურმა დირექტორმა განაცხადა, რომ ახლო აღმოსავლეთის ომის გავლენა საქართველოზე მსგავსი იქნება ყველა იმ ქვეყნისა, რომლებზეც შესაძლოა ნავთობისა და გაზის ფასების ზრდამ იმოქმედოს. თუმცა სავალუტო ფონდი ვარაუდობს, რომ შესაძლოა, მიმდინარე მოვლენებმა საქართველოზე გარკვეული პოზიტიური გავლენაც იქონიოს. რა გავლენა აქვს რეგიონზე ახლო აღმოსავლეთის კონფლიქტს და როგორია სავალუტო ფონდის შეფასებები და მოლოდინები მათ შორის საქართველოსთან მიმართებაში.



#ახალიამბები #BusinessMediaGeorgia