ქართული ღვინის პოპულარიზაციისთვის წელს 17 მლნ 400 ათასი ლარი დაიხარჯება. ღვინის ეროვნული სააგენტოს ინფორმაციით, მარკეტინგული აქტივობები ისეთ ბაზრებზე განხორციელდება როგორიცაა აშშ, დიდი ბრიტანეთი, გერმანია, პოლონეთი და ა.შ. ამ ფონზე ქართული ღვინის ექსპორტის 66% კვლავ რუსეთზე მოდის. ღვინის მწარმოებელ კომპანიებში ამბობენ, რომ ახალი საექსპორტო ბაზრების უკეთ ასათვისებლად მეტი მარკეტინგული აქტივობებია საჭირო. ექსპორტიორ კომპანიებში ასევე აღნიშნავენ, რომ მიმდინარე წლისთვის მათთვის სტრატეგიული ბაზარი ევროპასთან ერთად აზიის ქვეყნებიც იქნება, მათ შორის სამხრეთ კორეა და იაპონია. #ახალიამბები #BusinessMediaGeorgia
ცნობადობის ნაკლებობა, ფინანსებზე ხელმისაწვდომობის პრობლემა და კადრების დეფიციტი- ეს ის ძირითადი საკითხებია, რაც დღეს ქვეყანაში ბიზნესების მწვანე ტრანსფორმაციის პროცესს აფერხებს. საკითხებზე დღეს პირველ ყოველწლიურ სამიტზე- “საქართველო მწვანე სამიტი: ინოვაციური გადაწყვეტილებები მდგრადი მომავლისთვის” იმსჯელეს, რომელიც მიზნად ისახავს მწვანე ეკონომიკის განვითარებასა და მდგრადი ბიზნესის გადაწყვეტილებების წახალისებას. რამდენად ახერხებენ ბიზნესები მწვანე ინიციატივების განხორციელებას, რამდენად იზრდება ქვეყანაში განახლებადი ენერგიების წილი და რა როლი აქვს ამ პროცესში დონორ ორგანიზაციებად? #ახალიამბები #BusinessMediaGeorgia
შვეიცარიაში, დავოსში ყოველწლიური ეკონომიკური კონფერენცია დაიწყო, რომელმაც მსოფლიოს წამყვანი ქვეყნების პოლიტიკურ და ეკონომიკურ ლიდერებს მოუყარა თავი. Davos 2025 ერთი თემის ქვეშ ერთიანდება: "კოლაბორაცია ინტელექტუალური ეპოქისთვის". შესაბამისად, წლევანდელ ფორუმზე დამსწრე ლიდერები იმსჯელებენ ისეთ საკითხებზე, როგორებიცაა ტექნოლოგიური განვითარება, ინოვაცია და მისი როლი კრიზისების მართვაში, ასევე მდგრადობა. დავოსში იქნებიან 350-ზე მეტი სამთავრობო ლიდერი სხვადასხვა ქვეყნიდან. მათ შორის სამიტს ჩაერთვება ამერიკის 47-ე პრეზიდენტი დონალდ ტრამპიც. იქვეა 1600-ზე მეტი ბიზნესმენი, მათ შორის 900-ზე მეტი CEO ანუ კომპანიების პირველი პირები, მსოფლიოს წამყვანი გამომგონებლები და ინდუსტრიის ლიდერები. ჩვენ იქ არ ვართ წარმოდგენილი და ეს არის პირველი შემთხვევა ბოლო ოცწლეულში, როცა საქართველო დავოსის ეკონომიკურ ფორუმზე მიწვეული არ არის. ის რომ „ოცნებას“ მოსაწვევი არ მოუღია დაადასტურა მთავრობის ადმინისტრაციამ, პირველი ვიცე-პრემიერი კი ამბობს, რომ დავოსის ეკონომიკური ფორუმი საქართველოს დელეგაციისთვის წელს პრიორიტეტული არ იყო. რას იღებს და კარგავს ქვეყანა მსგავს ფორუმებში მონაწილეობით ან არ მონაწილეობით და რატომ არის მნიშვნელოვანი იყო იქ, სადაც მსოფლიო ლიდერები მსჯელობენ? სტუმარი: ქეთი ბოჭორიშვილი - ეკონომიკის მინისტრის ყოფილი მოადგილე; #ახალიამბები #BusinessMediaGeorgia
20 იანვარს, BAG-ის ოფისში, საქართველოს ბიზნეს-ასოციაციის სამეთვალყურეო საბჭოს გაფართოებული შეხვედრა გაიმართა, სადაც განხილვის მთავარი თემა ქვეყანაში მიმდინარე პროცესებთან დაკავშირებით ყველაზე მსხვილი ბიზნესასოციაციის მიერ პოზიციის დაფიქსირება-არდაფიქსირება იყო. რაზე შეჯერდნენ BAG-ის წევრები. #ახალიამბები #BusinessMediaGeorgia
ტურიზმის სექტორმა დანაკარგების დათვლა დაიწყო. სასტუმროების ნაწილში აცხადებენ, რომ დეკემბერში მოთხოვნა თითქმის 60%-ით შეუმცირდათ, ბევრი ჯავშანი არც იანვარ-თებერვალში აქვთ. ამასთან, შემცირებულია საქმიანი კონფერენციები და შეხვედრები. აქაც კლება, ბიზნესის ნაწილის თქმით, 60%-ია. კრიზისის ფაზაშია რესტორნებიც. კერძო სექტორში ამბობენ, რომ თბილისის რესტორნების გარკვეული რაოდენობა უკვე დაიხურა. #ახალიამბები #BusinessMediaGeorgia
საქართველოში ინფლაციური მოლოდინები უარესდება- ეროვნული ბანკის თანახმად, ნოემბერთან შედარებით, 1 წლის ინფლაციური მოლოდინები დეკემბერში გაიზარდა. ეროვნული ბანკის კვლევამ აჩვენა, რომ 1 წლის მანძილზე პროდუქტებისა და მომსახურების ფასების ზრდის მოლოდინებიც გაზრდილია. რესპონდენტების უმრავლესობა აღნიშნავს, რომ ფასების ზრდას 4%-6%-ისა და 6%-8%-ის ფარგლებში მოელის. შემცირდა იმ ადამიანების რიცხვი, ვინც ფასების ზრდას 0%-2%-იან ფარგლებში ელოდება. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 21.01.2025 ეკატერინე ხვედელიძემ ახალი სააქციო საზოგადოება "ლუსოლი" დააფუძნა; 2024 წელს დიდგაბარიტიანი მანქანების გადაადგილების შეზღუდვის დარღვევისთვის ₾1.1 მლნ-ის ჯარიმა გაიწერა; ბოლო სამ წელში 200 ათასზე მეტი მანქანა მივიღეთ - APM Terminals Poti-ი; რა შედეგებით დაასრულა 2024 წელი "შუა დერეფანმა"? ტურისტული ნაკადი 10-15%-ით შემცირებულია - "ვილა მოსავალი"; #ახალიამბები #BusinessMediaGeorgia
საქართველოში ინფლაციური მოლოდინები უარესდება- ეროვნული ბანკის თანახმად, ნოემბერთან შედარებით, 1 წლის ინფლაციური მოლოდინები დეკემბერში გაიზარდა. ეროვნული ბანკის კვლევამ აჩვენა, რომ 1 წლის მანძილზე პროდუქტებისა და მომსახურების ფასების ზრდის მოლოდინებიც გაზრდილია. რესპონდენტების უმრავლესობა აღნიშნავს, რომ ფასების ზრდას 4%-6%-ისა და 6%-8%-ის ფარგლებში მოელის. შემცირდა იმ ადამიანების რიცხვი, ვინც ფასების ზრდას 0%-2%-იან ფარგლებში ელოდება. #ახალიამბები #BusinessMediaGeorgia
მგზავრთნაკადის შემცირების პარალელურად აეროპორტების გაერთიანება შიდა ფრენებზე ახალი ტენდერის გამოცხადებას არ ჩქარობს და აკ-ეარ ჯორჯიასთან შიდა ფრენების ხელშეკრულებას კიდევ ერთხელ, ამჯერად 2025 წლის 30 ივნისის ჩათვლით ახანგრძლივებს. კომპანიასა და საქართველოს აეროპორტების გაერთიანებას შორის დადებულ ხელშეკრულებაში ცვლილებები ძალაში პირველი იანვრიდან შევიდა. ეს იმას ნიშნავს, რომ აკ-ეარ ჯორჯია ძველი პირობებით კიდევ 6 თვის განმავლობაში მოემსახურება შიდა ფრენებს. ავიაკომპანია მოემსახურება რეისებს ნატახტრიდან მესტიისა, ამბროლაურის, ბათუმის, ასევე მესტია-ქუთაისი- მესტიის ავიარეისებს და თბილისი- ბათუმი-თბილისის ავიარეისებს. კომპანიამ ტენდერში ჯერ კიდევ 2018 წელს გაიმარჯვა. როგორც ცნობილია, 2024 წლის მაისში შიდა ფრენებზე ორ ნაწილად გამოცხადებული 23.1 მლნ ლარის ტენდერი პრეტენდენტების არ არსებობის გამო ჩავარდა. მას შემდეგ ახალი ტენდერის გამოცხადება იგეგმება, თუმცა ამ დრომდე აეროპორტების გაერთიანებას შიდა ფრენების განხორციელებაზე შესყიდვა განახლებული პირობებით არ გამოუქვეყნებია. ამის პარალელურად უკვე არსებულ კონტრაქტორთან ხდება ხელშეკრულების გაგრძლება, რომელზეც 2018 წელს დადგენილი ტარიფების გადახედვა მოხდა. რა მოლოდინები და გეგმები აქვს კომპანია აკ-ეარ ჯორჯიას? სტუმარი: ირინა მღებრიშვილი - “აკ-ეარ ჯორჯიას” ფინანსური და ადმინისტრაციული მენეჯერი #ახალიამბები #BusinessMediaGeorgia
სადაზღვევო პაკეტები ძვირდება-მიზეზი ინფლაციური პროცესები და სერვისების გაზრდილი მოხმარებაა, რომელსაც სადაზღვევო პაკეტებზე გაზრდილი მოთხოვნა ვერ აბალანსებს. სადაზღვევო კომპანიების წარმომადგენლების ამბობენ, რომ სტანდარტულად სადაზღვევო პაკეტები წლიდან წლამდე ისედაც ძვირდება ხოლმე, თუმცა წლის ბოლოს შეცვლილი მოლოდინებიდან გამომდინარე ბიზნესი ვარაუდობს, რომ 2025 წელს ფასების კორექტირება გარდაუვალი იქნება, რაც აისახება როგორც სამედიცინო ისე ავტოდაზღვევის პაკეტების ფასებზე. რამდენით გაძვირდება დაზღვევა და რა არის ის ძირითადი ფაქტორები, რაც ბიზნესს არსებული ტარიფების კორექტირებისკენ უბიძგებს? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) (20.01.2025) Gastronome-ი კომპანიის დისკრედიტაციას განცხადებით პასუხობს; 2024 წელს ღვინის ექსპორტის 66% რუსეთზე მოდიოდა; 2024 წელს თბილისში $2.8 მილიარდის ღირებულების 41 ათასზე მეტი ბინა გაიყიდა - Recov.ge; 2024 წელს საქართველომ ტურიზმიდან $4.4 მლრდ-ის შემოსავალი მიიღო; "გაყიდვები 20%-ით შეგვიმცირდა" - ხიზილალას მწარმოებელი "ფრეშკა";#ახალიამბები #BusinessMediaGeorgia
1 თებერვლიდან სამშენებლო სექტორში დასაქმებულთა შეღავათი უქმდება და არსებული გადასახადი 20-ჯერ იზრდება. კერძოდ, მცირე მეწარმის სტატუსის მქონე მეწარმე ინდივიდუალური სუბიექტები, რომლებიც სამშენებლო-სარემონტო საქმიანობაში არიან ჩართულნი, ნაცვლად საშემოსავლო გადასახადის 1%-ისა, 20%-ს გადაიხდიან. ფინანსთა სამინისტრო შეღავათის გაუქმებით ბიუჯეტში 200 მილიონი ლარის გადასახადების მობილიზებას გეგმავს. რა გავლენა ექნება სამშენებლოს სექტორში დასაქმებული მეწარმეებისთვის გადასახადების ზრდას მშენებლობის ღირებულებაზე. #ახალიამბები #BusinessMediaGeorgia
უწყვეტი პროტესტის 54-ე დღესაც კი ქართული ოცნება ჯიუტად აცხადებს, რომ ყველაფერი კარგად არის, თუმცა საქართველოში მოქმედი ბიზნესმენების ნაწილი რთულ წელს პროგნოზირებს. 600-მდე ბიზნესმენი, რომელიც ფრიბიზნეს პლატფორმაზე დარეგისტრირდა, პარასკევს საამი საათის განმავლობაში შერატონში მსჯელობდა, რა ელოდება ქვეყანას იზოლაციის შემთხვევაში. მცირე, საშუალო თუ მსხვილი ზომის კომპანიების წარმომადგენლები ერთხმად ამბობენ, რომ პოლიტიკური კრიზისი ეკონომიკურში გადასვლას უკვე იწყებს. იმისთვის, რომ კრიზისი არ გაღრმავდეს, ბიზნესი დეესკალაციას ითხოვს. ეს კი პოლიტიკური პატიმრების გათავისუფლებით და ახალი არჩევნებით მიიღწევა. თუ ქვეყანაში ცვლილებები არ იქნება, ყოფილი პრემიერი, ნიკა გილაური ეკონომიკურ ვარდნას, ლარის გაუფასურებას და გაზრდილ ინფლაციას ელის. სად ვართ დღეს და რა გველოდება? სტუმარი: გოგა მელიქიძე - საკონსულტაციო კომპანია Reformatics-ის წარმომადგენელი; #ახალიამბები #BusinessMediaGeorgia
ირაკლი კობახიძემ ქართული ოცნების მთავრობის სხდომა დიფ სთეითზე საუბრით დაიწყო. მისი თქმით, აშშ-ის ახალი პრეზიდენტის ინაუგურაცია ამერიკისთვის გარდამტეხი მომენტია. როგორც კობახიძემ აღნიშნა, დონალდ ტრამპს დიფ სთეითის დამარცხების ამბიციური გეგმა აქვს და ამ ბრძოლაში ინაუგურაციაზე არ მიწვეული კობახიძე ტრამპს წარმატებას უსურვებს. მისი თქმით, საქართველოს აშშ-სთან ურთიერთობების თვისებრივად გადატვირთვა და სტრატეგიული პარტნიორობის განახლება სურს. პროტესტის 54-ე დღეს კობახიძე აცხადებს, რომ ქვეყანაში რადიკალიზმი და ლიბერალური ფაშიზმი უნდა დასრულდეს. ოცნების პრემიერმა თქვა, რომ 4-წლიანი პროგრამის შესრულება იწყება და ახალი აეროპორტისა და სტადიონის მშენებლობა დააანონსა. სხდომის შემდეგ მედიასთან ლევან დავითაშვილი გამოჩნდა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) (17.01.2025)
საქართველოს ენერგეტიკულ ბირჟაზე ბოლო ვაჭრობა 2024 წლის 13 ნოემბერს იყო. მას შემდეგ, არც დეკემბერში და იანვარში, დღევანდელი დღის ჩათვლით, გარიგება ბირჟაზე არ შემდგარა. ნოემბერში, ენერგეტიკულ ბირჟაზე ნავაჭრი ელექტროენერგიის ჯამური რაოდენობა მხოლოდ 483 ათასი კვტ.სთ იყო, რომლის საშუალო ფასმა კვტ.სთ-ზე ლარებში 13.9 თეთრი შეადგინა. ის, რომ ბაზრის არსებული მოწყობის პირობებში ელექტროენერგიით ვაჭრობის მოტივაცია გენერაციის ობიექტებს არ აქვთ, ამას ადასტურებს ბირჟის გენერალური დირექტორიც. ბირჟა გარდამავალი მოდელით 2025 წლის 1 ივლისამდე მუშაობს, თუმცა რა შეიცვლება 1 ივლისის შემდეგ, ამაზე პასუხი დღეს არავის აქვს. #ახალიამბები #BusinessMediaGeorgia
ქართული ოცნების წარმომადგენელთა განცხადებების მიუხედავად ამ დროისთვის ოფიციალურად ცნობილია, რომ ბიძინა ივანიშვილის სანქცირება ბრიტანეთშიც განხილვის თემაა. ანალიტიკოსების შეფასებით ყოფილი პრემიერის და პარტია ქართული ოცნების საპატიო თავმჯდომარის მხრიდან სანქციებისთვის მზაობა რომც ჰქონდეს მის სახელზე სხვა და სხვა ოფშორში რეგისტრირებული კომპანიები და საქმიანი პარტნიორები რისკის ქვეშ მაინც რჩებიან. რა აქტივებზე შეეზღუდება ქართული ოცნების დამფუძნებელს წვდომა ინიციატივის სისრულეში მოყვანის შემთხვევაში და რას კარგავს ქვეყანა ამ პროცესით. #ახალიამბები #BusinessMediaGeorgia
"არსებული კრიზისის მოსალოდნელი ეკონომიკური შედეგები" - ამ თემაზე ამ წუთებში Freebusiness.ge-ის ორგანიზებულ კონფერენციაზე მსჯელობენ. როგორც კერძო სექტორის წარმომადგენლების ნაწილმა ღონისძიების დაწყებამდე განაცხადა, მოლოდინია, რომ მიმდინარე წელი საქართველოს ეკონომიკისთვის საკმაოდ რთული იქნება. მათი შეფასებით, შექმნილი ვითარებიდან ერთადერთი გამოსავალი ახალი არჩევნებია. #ახალიამბები #BusinessMediaGeorgia
ეკონომისტებს საქართველოს ეკონომიკურ მდგომარეობაზე ნეგატიური მოლოდინები აქვთ - ამის შესახებ PMC კვლევითი ცენტრის მიერ გამოქვეყნებულ "საქართველოს ეკონომიკური კლიმატის" მიმოხილვაშია აღნიშნული. გამოკითხვის თანახმად, 2024 წლის IV კვარტალში ქართველმა ეკონომისტებმა საქართველოს მიმდინარე ეკონომიკური მდგომარეობა მნიშვნელოვნად ნეგატიურად შეაფასეს. მიმოხილვაში აღნიშნულია, რომ ეკონომისტების მოლოდინი მომდევნო ექვსი თვის თავზე საქართველოს ეკონომიკური მდგომარეობის მიმართ ასევე ნეგატიურია. როგორ აისახება ქვეყანაში შექმნილი არასტაბილური ვითარება ეკონომიკასა და ბიზნესზე, რა გამოწვევების წინაშე დადგნენ მცირე და საშუალო ბიზნესის წარმომადგენლები? სტუმარი: ნათია სხვიტარიძე - FAS Group - ის დამფუძნებელი #ახალიამბები #BusinessMediaGeorgia
ვერანაირი მუქარა, სანქციები და შანტაჟი ვერ შეგვაშინებს - ასე გამოეხმაურა თბილისის მერი კახა კალაძე ბრიტანეთის მიერ “ოცნების” საპატიო თავმჯდომარის, ბიძინა ივანიშვილის შესაძლო დასანქცირებას და იმეორებს ოცნების პოლიტსაბჭოს გზავნილს, რომ ამით ბრიტანეთის სამართლიანობასთან ასოცირება წარსულს ჩაბარდება”. კითხვაზე - ხომ არ არის პოლიტსაბჭოს მძაფრი რეაქციის მიზეზი ის, რომ ბიძინა ივანიშვილი ბრიტანეთის კუთვნილ ოფშორულ ზონებში კომპანიებს ფლობს, თბილისის მერი ამბობს, რომ ეს არაფერს შუაშია და საქართველოს ინტერესები, სხვა რომელიმე ქვეყნის სასარგებლოდ, არ ითმობა. რას ნიშნავს დიდი ბრიტანეთის მხრიდან სანქციების პაკეტის დაინიცირება, რა აქტივებზე შესაძლოა შეეზღუდოს წვდომა ქართული ოცნების დამფუძნებელს და რა ეფექტი ექნება ბიძინა ივანიშვილის შესაძლო სანქცირებას საქართველოს რეპუტაციაზე? #ახალიამბები #BusinessMediaGeorgia
"მაგთიმ" საკუთარ ქსელზე მესამე პირების, მათ შორის მობილური ვირტუალური MVNO ოპერატორების დაშვების პირობები გამოაქვეყნა. კომუნიკაციების კომისიის მიერ 2024 წლის ზაფხულში მიღებული გადაწყვეტილებით, "მაგთი" როგორც ფიქსირებულ, ასევე მობილური კავშირგაბმულობის ბაზრებზე მნიშვნელოვანი ძალაუფლების მქონე ოპერატორად გამოცხადდა და მას მთელი რიგი ვალდებულებები განესაზღვრა. „მაგთიკომის“ მიერ გამოქვეყნებული შეთავაზებები მოიცავს: ფიქსირებული და მობილური ქსელის დაშვებას, მათ შორის მობილური ვირტუალური ოპერატორის მომსახურებებს. რას ცვლის „მაგთიკომის“ მიერ დაინტერესებული კომპანიებისთვის ქსელზე დაშვების პირობების გამოქვეყნება და როგორ შეიძლება აისახოს მომსახურების ხარისხზე? სტუმარი: უჩა სეთური - “მცირე და საშუალო სატელეკომუნიკაციო ოპერატორების ასოციაციის“ თავმჯდომარე #ახალიამბები #BusinessMediaGeorgia
საცალო ვაჭრობის ქსელურმა მარკეტებმა დისტრიბუტორებს სახელშეკრულებო პირობები გააუარესა და გადასახადები გაუზარდა. დისტრიბუტორთა ბიზნეს ასოციაციის პრეზიდენტის განცხადებით, თუ აქამდე ე.წ ქეშბექი 40-50% იყო, 60%-მდე გაიზარდა. ქსელურ მარკეტებში შესვლა პრობლემაა ადგილობრივი მწარმოებლებისთვისაც. არ ხდება დათქმულ ვადებში თანხების ანაზღაურებაც, რაც მიმწოდებლებისთვის დამატებით წნეხს ქმნის. კერძო სექტორი დისტრიბუტორებსა და რითეულერებს შორის ურთიერთობების საკანონმდებლო დონეზე დარეგულირებას მოითხოვს. #ახალიამბები #BusinessMediaGeorgia
2024 წელს ნედლი რძის წარმოება ქვეყანაში კიდევ უფრო მეტად შემცირდა, ფასი კი გაიზარდა- ამის შესახებ bm.ge-თან რძის სექტორში მომუშავე კომპანიები აცხადებენ. ამბობენ, რომ ბაზარზე მომატებულია ფალსიფიცირებული პროდუქციის რაოდენობაც, რომელიც სათანადოდ არ კონტროლდება, რაც დარგს მნიშვნელოვნად აზარალებს. საქსტატის ინფორმაციით 2024 წელს ჯამურად ქვეყანაში რძის შემცვლელი პასტის იმპორტი წლიურად 71%-ით გაიზარდა, რაც დარგის წარმომადგენლების თქმით, საგანგაშო მაჩვენებელია და ბაზარზე ადგილობრივი პროდუქციის წარმოებას მომავალ უკარგავს. #ახალიამბები #BusinessMediaGeorgia
ტურიზმის ეროვნული ადმინისტრაცია წელს სხვადასხვა მარკეტინგულ ღონისძიებას და გამოფენებში მონაწილეობას აანონსებს. მიუხედავად ბიემჯის მცდელობისა, უწყებისგან ვერ მივიღეთ პასუხი, კონკრეტულად რა ღონისძიებებს ჩაატარებს ადმინისტრაცია და რამდენს დახარჯავს ამისთვის. ამ ეტაპზე მხოლოდ ის არის ცნობილი, რომ მაია ომიაძე შვედეთში, მატკას ღონისძიებაზე იმყოფება. ტურიზმის ეროვნული ადმინისტრაციის ინფორმაციით, დანარჩენს მას შემდეგ გავიგებთ, როცა ომიაძე ბიზნესმენებს შეხვდება. პარალელურად, კერძო სექტორში ამბობენ, რომ ქვეყანაში მიმდინარე პროცესებისა და ქართული ოცნების მხრიდან ევროპული კურსიდან გადახვევის ფონზე, ტურისტების მოსაზიდად გამოყოფილი ნებისმიერი თანხა, წყალში ჩაყრილია. #ახალიამბები #BusinessMediaGeorgia
ზედიზედ მეორე წელია საქართველოს ფულადი გზავნილები უმცირდება. 2024 წელს ქვეყანაში ფულადი გზავნილების ნაკადების სახით 3.4 მილიარდი დოლარი გადმორიცხეს, რაც 2023 წელთან შედარებით 785 მილიონი დოლარით, ანუ 19%-ით ნაკლები იყო. თუ 2023 წელს რუსეთ-უკრაინის ომის ეფექტით ფულად გზავნილებში კვლავ რუსეთი ლიდერობდა, დღეს ვითარება შეცვლილია. 2024 წელს გზავნილებში პირველ ადგილს აშშ იკავებს, საიდანაც გასულ წელს 573 მილიონი დოლარი გადმორიცხეს, თანხა წლიურად 24%-ით არის გაზრდილი. გასულ წელს 65%-ით, ანუ 987 მილიონი დოლარით შემცირდა ფულადი გზავნილები რუსეთის ფედერაციიდან, რაც მიგრაციული ტალღის შემცირებაზე მეტყველებს. როგორ შეიცვალა გზავნილების გეოგრაფია და რა რისკებს შეიცავს საქართველოს ეკონომიკისთვის შემცირებული სავალუტო შემოდინებები.#ახალიამბები #BusinessMediaGeorgia
საცალო ვაჭრობის ქსელურმა მარკეტებმა დისტრიბუტორებს ხელშეკრულების პირობები გააუარესა და გადასახადები გაუზარდა. დისტრიბუტორთა ბიზნეს ასოციაციის პრეზიდენტის განცხადებით, თუ აქამდე ე.წ ქეშბექი 40-50% იყო, 60%-მდე გაიზარდა. ქსელურ მარკეტებში შესვლა პრობლემაა ადგილობრივი მწარმოებლებისთვისაც. არ ხდება დათქმულ ვადებში თანხების ანაზღაურებაც, რაც მიმწოდებლებისთვის დამატებით წნეხს ქმნის. კერძო სექტორი დისტრიბუტორებსა და რითეულერებს შორის ურთიერთობების საკანონმდებლო დონეზე დარეგულირებას მოითხოვს. #ახალიამბები #BusinessMediaGeorgia
სტუმარი: გიორგი ლაბაძე - ამერიკისმცოდნეობის ინსტიტუტის დოქტორანტი; #ახალიამბები #BusinessMediaGeorgia
ზედიზედ მეორე წელია საქართველოს ფულადი გზავნილები უმცირდება და ის რუსეთ-უკრაინის ომის გამო არაბუნებრივად გაზრდილი ნიშნულიდან ქვემოთ მოდის. 2024 წელს ქვეყანაში ფულადი გზავნილების ნაკადების სახით 3.4 მილიარდი დოლარი გადმორიცხეს, რაც 2023 წელთან შედარებით 785 მილიონი დოლარით, ანუ 19%-ით ნაკლები იყო. თუ 2023 წელს რუსეთ-უკრაინის ომის ეფექტით ფულად გზავნილებში რუსეთი ლიდერობდა, დღეს ვითარება შეცვლილია. 2024 წელს გზავნილებში პირველ ადგილს აშშ იკავებს, საიდანაც გასულ წელს 573 მილიონი დოლარი გადმორიცხეს, თანხა წლიურად 24%-ით არის გაზრდილი. 2024 წელს 65%-ით, ანუ 987 მილიონი დოლარით შემცირდა ფულადი გზავნილები რუსეთის ფედერაციიდან, რაც მიგრაციული ტალღის შემცირებაზე მეტყველებს. როგორ შეიცვალა გზავნილების მოცულობა და გეოგრაფია? #ახალიამბები #BusinessMediaGeorgia
თბილისის მერია დედაქალაქში დამატებით 200 ელექტრომობილის დამტენის მოწყობაზე ტენდერს აცხადებს- შესაბამისი განცხადება თბილისის მერიის მთავრობის სხდომაზე დღეს გაჟღერდა. კახა კალაძე ბიზნესს აუქციოთ დაინტერესებისკენ მოუწოდებს და ამბობს, რომ გადაწყვეტილება ელექტრომობილებზე მზარდი მოთხოვნით არის განპირობებული. რამდენად გაიზარდა ქვეყანაში ელექტრომობილების იმპორტი ბოლო წლებში და რა გამოწვევებზე საუბრობენ როგორც ავტოიმპორტიორები ისე ელექტროდამტენების ინფრასტრუქტურაზე მომუშავე კომპანიები. #ახალიამბები #BusinessMediaGeorgia
ბიზნესის ნაწილი დღეს 3 საათით გაიფიცა. დამსაქმებლები და დასაქმებულები ქართული ოცნებისათვის ხმის მიწვდენას დღეს სიმბოლური გაფიცვის აქტით შეეცადნენ. ბანკების, სადაზღვევო კომპანიების, სავაჭრო და კვების ობიექტების თანამშრომლები, მსხვილი კომპანიები ოფიციალური პოზიციით თუ მათი დასაქმებულები როგორც ერთი მოქალაქის პოზიციიდან 3 საათის განმავლობაში დღეს გაფიცვის რეჟიმში ქართული ოცნებისგან უკანონოდ დაპატიმრებულთა გათავისუფლებას და სამართლიან არჩევნებს მოითხოვდა. ხელისუფლება დუმს. კერძო სექტორში დასაქმებულები კონსტიტუციით გარანტირებულ გამოხატვის უფლების ფარგლებში პროტესტის სხვადასხვა ფორმას მიმართავენ, კონსტიტუციის უგულებელყოფას აპროტესტებენ საჯარო სექტორშიც. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 15.01.2025 15 იანვარს დამსაქმებლები და დასაქმებულები გაფიცვას შეუერთდნენ; საიდან შემოვიდა ყველაზე მეტი ვიზიტორი 2024 წელს? საახალწლოდ 20-25% ჩამოვიდა იმ ტურისტული ნაკადებისა, რასაც ველოდებოდით - გერმანე ჭელიძე; Chizzzy წელს ინდუსტრიული ხაჭაპურის წარმოებისთვის ქარხნის მშენებლობას გეგმავს; ხის სათამაშოების მწარმოებელ კომპანიას „დადარი“ ექსპორტი 60%-ით შეუმცირდა; წელს, კრაფტ ლუდი Bayo Brewery წარმოებას აათმაგებს; #ახალიამბები #BusinessMediaGeorgia
საყოველთაო პროტესტი საქართველოში - მესამე საათია მთელი ქვეყნის მასშტაბით დამსაქმებლებისა და დასაქმებულების გამაფრთხილებელი გაფიცვა მიმდინარეობს. ბანკები, სადაზღვევო კომპანიები, სავაჭრო და კვების ობიექტები, სტუმარ- მასპინძლობის ინდუსტრია… საკმაოდ ვრცელია იმ კომპანიებისა და ორგანიზაციების რიცხვი, რომელიც საყოველთაო გაფიცვას და ორ ძირითად მოთხოვნას, ხელახალ არჩევნებსა და დაპატიმრებულების გათავისუფლების მოთხოვნას უერთდებიან. “ეს გაფიცვა უნდა იყოს მაჩვენებელი, რომ საზოგადოება არ დაშინდება”- საყოველთაო გამაფრთხილებელ გაფიცვას შეუერთდა საქართველოს მე-5 პრეზიდენტი, სალომე ზურაბიშვილიც. #ახალიამბები #BusinessMediaGeorgia
Galt & Taggart-ის შეფასებით, 2024 წლის დეკემბერში ტურიზმიდან მიღებული შემოსავლები წლიურად 10.1%-ით 220 მლნ დოლარამდე შემცირდა. თვიური შემცირების მიუხედავად, ორგანიზაცია წლიურ ჭრილში ტურიზმიდან მიღებული შემოსავლების 5.5%-იან ზრდას ელის და ამბობს, რომ 4.4 მლრდ დოლარს გაუტოლდება. იმაზე, რომ ქვეყანაში შექმნილი არასტაბილურობის ფონზე, გასული წლის ბოლო ტურიზმის სექტორისთვის საკმაოდ რთული იყო, კიდევ ერთხელ საუბრობენ დარგის წარმომადგენლებიც. ტურიზმის ბიზნესის ნაწილი ამბობს, რომ დეკემბერში დაფიქსირებული ჯავშნების გაუქმების შემდეგ, მიმდინარე წელიც ბუნდოვნად დაიწყო და გაზაფხულის და ზაფხულის ტურ ისტული სეზონისთვის წინასწარი ჯავშნები მოსალოდნელზე დაბალია. #ახალიამბები #BusinessMediaGeorgia
რატომ მოხვდა ნათია თურნავა დასასანქცირებელთა სიაში, რომელიც ტრამპის მომავალ ადმინისტრაციას გადაეგზავნა? რადიო თავისუფლების ინფორმაციით, შეერთებული შტატების მომავალ სახელმწიფო მდივან მარკო რუბიოს კონგრესიდან გაუგზავნეს წერილი, სადაც მას „ქართული ოცნების“ „ავტორიტარული მმართველობის, არჩევნების გაყალბების“ და „ჩინეთის, რუსეთისა და ირანის აგრესიის ღერძისკენ საქართველოს გადახრის“ შესახებ ატყობინებენ. ამ ეტაპზე უცნობია, რეალურად დასაქნცირდება თუ არა ეროვნული ბანკის პრეზიდენტის მოვალეობის შემსრულებელი, თუმცა ეკონომისტები აცხადებენ, რომ მისი დასანქცირება სებ-ის რეპუტაციასა და ფინანსურ სექტორზე ნეგატიურად აისახება. #ახალიამბები #BusinessMediaGeorgia
"რა ელოდება საქართველოს ეკონომიკას?" - Freebusiness-ის ორგანიზებით, კვირის ბოლოს კონფერენცია გაიმართება. კონფერენციას დაესწრებიან როგორც საქართველოს ეკონომიკის კონტრიბუტორი ბიზნესის წარმომადგენლები, ისე ანალიტიკოსები, რომლებიც შეაფასებენ იმ რისკებს, რომლის წინაშეც საქართველოს ეკონომიკა და ბიზნესი ქვეყანაში მიმდინარე არასტაბილური პოლიტიკური პროცესებიდან გამომდინარე აღმოჩნდა. როგორც ცნობილია, თავისუფალი ბიზნესის პლატფორმას 2400-ზე მეტი ბიზნესი აწერს ხელს და მათ 2 მთავარი მოთხოვნა აქვთ, რომელიც ხელახალი არჩევნების დანიშვნას და აქციებზე დაკავებულების გათავისუფლებას ითხოვენ. ვინ დაესწრება Freebusiness-ს პლატფორმის მიერ ორგანიზებულ კონფერენციას, რა ფორმატში წარიმართება საუბარი ადგილზე? სტუმარი: გიორგი ჩუგოშვილი - Freebusiness.ge-ს დამფუძნებელი #ახალიამბები #BusinessMediaGeorgia
Galt & Taggart-ის შეფასებით, 2024 წლის დეკემბერში ტურიზმიდან მიღებული შემოსავლები წლიურად 10.1%-ით 220 მლნ დოლარამდე შემცირდა. თვიური შემცირების მიუხედავად, ორგანიზაცია წლიურ ჭრილში ტურიზმიდან მიღებული შემოსავლების 5.5%-იან ზრდას ელის და ამბობს, რომ 4.4 მლრდ დოლარს გაუტოლდება. იმაზე, რომ ქვეყანაში შექმნილი არასტაბილურობის ფონზე, გასული წლის ბოლო ტურიზმის სექტორისთვის საკმაოდ რთული იყო, კიდევ ერთხელ საუბრობენ დარგის წარმომადგენლებიც. ნუცა შუბაშვილი - #BMG-ის რეპორტიორი; #ახალიამბები #BusinessMediaGeorgia
ავტოიმპორტიორების ინფორმაციით საქართველოდან ავტომობილების რეექსპორტი შემცირდა. მიზეზი ყაზახეთის მხრიდან დაანონსებული ავტომობილებზე განბაჟების საფასურის ზრდაა, რომელიც ჯერ ძალაში არ შესულა, თუმცა მოლოდინის გამო, რომ საგადასახადო ცვლილებები 1 იანვრიდან ამოქმედდებოდა, ყაზახმა ავტოდილერებმა საქართველოდან ავტომობილების რეექსპორტზე გაყვანისგან თავი შეიკავეს. #ახალიამბები #BusinessMediaGeorgia
საერთაშორისო ბაზარზე არსებული დინამიკის გათვალისწინებით ადგილობრივი ნავთობიმპორტიორები ჯერ-ჯერობით ამბობენ, რომ მათ აქვთ მარაგები და საქართველოში საწვავის ფასის დაკორექტირდება ამ მოცემულობით მოსალოდნელი არ არის. თუმცა თუ საერთაშორისო ბაზარზე საწვავის ღირებულება ზრდას გააგრძელებს, სავარაუდოდ საწვავის ფასების გადახედვის საჭიროება დადგება. #ახალიამბები #BusinessMediaGeorgia
მოსახლეობის საპენსიო დანაზოგების მოცულობამ 6 მილიარდ ლარს გადააჭარბა. საიდანაც ყველაზე დიდი მოცულობის საინვესტიციო პორტფელი კვლავ კონსერვატიულია. ჯამურად 2024 წლის განმავლობაში საპენსიო ფონდის რეალური ამონაგები, ანუ ინფლაციის გათვალისწინებით, 13%-ის ფარგლებში იყო. მიუხედავად იმისა, რომ ამ ეტაპზე შედეგები დამაკმაყოფილებელია, სპეციალისტების ნაწილი ამბობს, რომ ქვეყანაში შექმნილი არასტაბილურობის ფონზე, გარკვეული რისკები საპენსიო დანაზოგებისთვისაც იქმნება. მით უფრო იმ ფონზე, რომ მაისიდან საპენსიო სააგენტოს მმართველი ერთიანი მმართველობითი საბჭო გახდება, რომელიც პრემიერ-მინისტრის მიერ დანიშნული წევრებით იქნება დაკომპლექტებული. #ახალიამბები #BusinessMediaGeorgia
საერთაშორისო ბაზრებზე ნავთობი ძვირდება. ბოლო ერთი თვის განმავლობაში ბარელი ბრენტის ღირებულება თითქმის 10%-ით არის გაზრდილი. ანალიტიკოსები ნავთობის გაძვირების კონკრეტულ ფაქტორებზე საუბრობენ და ამბობენ, რომ ამერიკის მხრიდან დამატებითი სანქციების ფონზე შესაძლოა ფასების ზრდა ისევ გაგრძელდეს. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 13.01.2025 ფეროშენადნობების ექსპორტი 113%-ით გაიზარდა; ნიგვზის იმპორტი 50%-ით გაიზარდა; მცენარეული ზეთების წარმოების და ბაზარზე განთავსების ახალი რეგულაციები ამოქმედდება - რეგლამენტი; “უძრავი ქონების გაყიდვების დინამიკა კატასტროფულად არის შემცირებული”- Reinvest; #ახალიამბები #BusinessMediaGeorgia
პროევროპული პროტესტი გრძელდება. მთავარ მოთხოვნებად ახალი არჩევნები და აქციებზე დაკავებული ადამიანების გათავისუფლება რჩება. აქციები დაკავებებით დასრულდა გუშინ როგორც თბილისში, ასევე ბათუმში. პატიმრობაში რჩებიან დაკავებული პირები. პროტესტის 47-ე დღეს აქციებია დაგეგმილი თბილისსა და რეგიონებში. 7 საათზე კი ტრადიციულად, მოქალაქეები პარლამენტთან შეიკრიბებიან. როგორ აისახება მიმდინარე მოვლენები ბიზნესზე, რომლის ნაწილი უკვე ღიად მიუთითებს, რომ ეკონომიკური აქტივობა შენელებულია. სტუმარი: ბექა გონაშვილი - „აგროქიზიყის“ დამფუძნებელი, ფერმერი #ახალიამბები #BusinessMediaGeorgia
მოსახლეობის საპენსიო დანაზოგების მოცულობამ 6 მილიარდ ლარს გადააჭარბა. ყველაზე დიდი მოცულობის საინვესტიციო პორტფელი კვლავ კონსერვატიულია. დეკემბრის ბოლოს დაბალრისკიანი პორტფელის მოცულობამ თითქმის 6 მილიარდ ლარს მიაღწია. ყველაზე მცირე მოცულობის პორტფელად კი ამ დრომდე მაღალრისკიანი ანუ დინამიკური პორტფელი რჩება, რომელიც რეალური ამონაგების მხრივ კვლავ ლიდერობს. როგორ მოგებიანობას აჩვენებს სხვადასხვა საინვესტიციო პორტფელი და სად არის დაბანდებული ჩვენი საპენსიო დანაზოგები? #ახალიამბები #BusinessMediaGeorgia
უძრავი ქონების ბაზარზე საახალწლო პერიოდმა აქტივობაზე გავლენა ვერ იქონია. დეველოპერული სფეროს წარმომადგენლების ნაწილის შეფასებით პოტენციური მომხმარებლები დაკვირვების და მოლოდინის რეჟიმში რჩებიან. ეკონომისტების შეფასებით ბაზრის დინამიკის ეკონომიკაზე გავლენა რამდენიმე თვეში ელოდებიან. სექტორში კრიზისი უძრავ ქონებაზე ფასის შემცირებას და საბანკო სფეროში პრობლემების წინაპირობას ქმნის. #ახალიამბები #BusinessMediaGeorgia
მთავრობამ ავტოიმპორტზე შეზღუდვა დააწესა. 2025 წლის იანვრიდან 2013 წლამდე გამოშვებული ზოგიერთი სატრანსპორტო საშუალება საქართველოში ვეღარ დარეგისტრირდება. შეზღუდვა საქართველოს ევრო-5 სტანდარტზე გადასვლასთან დაკავშირებით დაწესდა. საუბარია M3, N1, N2 და N3 კატეგორიების ავტომობილებისთვის, სატვირთო-სამგზავრო ძარას მქონე და სამედიცინო დანიშნულების ავტომობილებისათვის. აღსანიშნია, რომ კერძო სექტორის მოთხოვნის შედეგად მთავრობამ დაუშვა გამონაკლისი და ის სატრანსპორტო საშუალებები, რომელთა ტრანსპორტირებაც 2025 წლის 1-ელ იანვრამდე დაიწყო, საქართველოში ჩვეულებრივ დარეგისტრირდებიან. #ახალიამბები #BusinessMediaGeorgia
უძრავი ქონების ბაზარზე გაყიდვების გააქტიურება ჯერ ისევ არ შეიმჩნევა. სექტორის წარმომადგენლები აცხადებენ, რომ მომხმარებლები ბინების ყიდვისგან ისევ თავს იკავებენ, რაც მნიშვნელოვანი გამოწვევების წინაშე აყენებს სექტორს, რომელიც საქართველოს ეკონომიკის ერთ-ერთი წამყვანი დარგია. ეკონომისტები პროგნოზირებენ, რომ იმ შემთხვევაში თუ დარგში კრიზისი უფრო გაღრმავდება, შესაძლოა, უძრავი ქონების ღირებულება შემცირდეს, რაც მნიშვნელოვან პრობლემებს შეუქმნის საბანკო სექტორსაც. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები ( www.bm.ge ) / 10.01.2025 2024 წლის 11 თვეში, თბილისში $2,8 მილიარდის ბინა გაიყიდა - Galt&Taggart; "მესტიამ დაცლა დაიწყო" - როგორ მიმდინარეობს კურორტზე ზამთრის სეზონი? “დეკემბერი ფასდაკლებების ხარჯზე 11%-იანი ზრდით დავხურეთ”-რეზო მაღალაშვილი; მიმდინარე მოვლენები უცხოელ არტისტებთან მოლაპარაკებას ართულებს - Tbilisi Open Air; "ჰოლანდიიდან გვინდოდა ამწე კალათების ჩამოტანა...უარი გვითხრეს რადგან თქვენი ქვეყანა სანქციების სიაშიაო" - "ჰასი საქართველო"; აზერბაიჯანულმა Mister Decor-მა საქართველოში შპალერის ექსპორტი დაიწყო; #ახალიამბები #BusinessMediaGeorgia
დასავლეთისგან იზოლაცია, რამდენიმე ათეული მილიონი დოლარის მოცულობის შეჩერებული დაფინანსება აშშ-სა და ევროპისგან, ქართული ოცნების ხელისუფლების დასანქცირებული მაღალჩინოსნები და სანქციების გაფართოების მოლოდინი - სწორედ ასეთი შედეგებით შეხვდა საქართველოს ეკონომიკა 2025 წელს. არაერთი დარგის წარმომადგენლები აცხადებენ, რომ ქვეყანაში განვითარებული ბოლოდროინდელი მოვლენები და არასტაბილურობა უკვე აისახება საინვესტიციო გარემოზე და არაერთი მიმართულებით საინვესტიციო პროექტები გაჩერებულია, ახალი დაფინანსების მოზიდვა კი გართულებული. როგორ ხვდება ქვეყნის ეკონომიკა და საინვესტიციო გარემო 2025 წელს და რა მოლოდინები აქვთ ინვესტორებს? სტუმარი: ზვიად კორძაძე - კორძაძის საადვოკატო ბიუროს მმართველი პარტნიორი; #ახალიამბები #BusinessMediaGeorgia
მთავრობამ ავტოიმპორტზე შეზღუდვა დააწესა. 2025 წლის იანვრიდან 2013 წლამდე გამოშვებული ზოგიერთი სატრანსპორტო საშუალება საქართველოში ვეღარ რეგისტრირდება. შეზღუდვა საქართველოს ევრო-5 სტანდარტზე გადასვლასთან დაკავშირებით დაწესდა. საუბარია M3, N1, N2 და N3 კატეგორიების ავტომობილებისთვის, სატვირთო-სამგზავრო ძარას მქონე და სამედიცინო დანიშნულების ავტომობილებისათვის. აღსანიშნია, რომ კერძო სექტორის მოთხოვნის შედეგად მთავრობამ დაუშვა გამონაკლისი და ის სატრანსპორტო საშუალებები, რომელთა ტრანსპორტირებაც 2025 წლის 1-ელ იანვრამდე დაიწყო, საქართველოში ჩვეულებრივ დარეგისტრირდებიან. რა გავლენა ექნება ბაზარზე 2013 წლამდე გამოშვებული გარკვეული კატეგორიის ავტომობილების იმპორტის შეზღუდვას? #ახალიამბები #BusinessMediaGeorgia
მთის კურორტებზე სეზონი აქტიურ ფაზაშია, თუმცა ბიზნესისთვის ერთ-ერთმა ყველაზე შემოსავლიანმა პერიოდმა, საუბარია ახალი წლის - სადღესასწაულო დღეებზე უკვე ჩაიარა შესაბამისად, გარკვეული შეფასებების გაკეთება შესაძლებელია. გუდაური, ბაკურიანი და მესტია - ეს არის ის კურორტები სადაც დამსვენებლის განსაკუთრებული აქტივობაა. #ახალიამბები #BusinessMediaGeorgia