ე.წ. სოციალური კალათის ვებპლატფორმის შესაქმნელად მთავრობამ 53 000 ლარი გამოყო. მთავრობის განკარგულებით, პროექტის განხორციელება კონკურენციისა და მომხმარებლის დაცვის სააგენტოს დაევალა. როგორც დოკუმენტშია აღნიშნული, პროექტის მიზანია საქართველოს მოქალაქეებისთვის ერთიანი ციფრული სივრცის შექმნა, რათა მათთვის მარტივად ხელმისაწვდომი გახდეს ინფორმაცია ფასდაკლებული პირველადი მოხმარების პროდუქტების შესახებ. რითეილერები აცხადებენ, რომ სექტორი აქტიურად თანამშრომლობს კონკურენციის სააგენტოსთან და შესაბამისი მონაცემები უწყებას ხვალ დღის ბოლომდე გადაეცემა. ამავდროულად, მთავრობის წარმომადგენლები აცხადებენ, რომ უახლოეს ორ კვირაში ფასების კომისიის დასკვნა გადაიხედება, რათა შესრულდეს კერძო სექტორსა და სახელმწიფოს შორის დადებული შეთანხმებები.


#ახალიამბები #BusinessMediaGeorgia