რძის პროდუქტების ბაზარზე ახალი რეგულაციები შემოდის. გარემოს დაცვისა და სოფლის მეურნეობის სამინისტრო გეგმავს ნედლი რძის და მცენარეული ცხიმის შემცველი პროდუქტების განცალკევებას. რეფორმის ფარგლებში იგეგმება ნებაყოფლობითი ხარისხის ნიშნის დანერგვა, რომელიც მომხმარებელს მიანიშნებს, რომ პროდუქტი 100%-ით ქართული ნედლი რძისგან არის დამზადებული. ასევე სავალდებულო გახდება მცენარეული ცხიმის შემცველი პროდუქტების მკაფიო ვიზუალური მარკირება როგორც ადგილობრივ, ისე იმპორტირებულ ნაწარმზე. სავაჭრო ქსელებში აღნიშნული პროდუქტები განცალკევებულად განთავსდება. მინისტრი ამბობს, რომ მიზანია მომხმარებელმა მკაფიოდ განასხვაოს პროდუქტები და იყოს ინფორმირებული, რას ყიდულობს. ამასთან, სამინისტრო მზადაა სექტორს მიზნობრივი დახმარება გაუწიოს. რა გაიგო სექტორმა მინისტრთან შეხვედრისას და რა არის საჭირო რძისა და რძის პროდუქტების წარმოების გასაზრდელად?

სტუმარი: კახა კონიაშვილი - „რძის პროდუქტების მწარმოებელთა ასოციაციის“ თავმჯდომარე

#ახალიამბები #BusinessMediaGeorgia