სტატისტიკის ეროვნული სამსახური მიმდინარე წლიდან ახალი კვლევების დაწყებას აპირებს. სამომავლო გეგმების შესახებ უწყების 2020 წლის ანგარიშიდან ხდება ცნობილი, რომელიც საქართველოს პარლამენტშია წარდგენილი და რომელშიც დეტალურადაა გაწერილი უწყების საქმიანობის შედეგები. #ახალიამბები #BusinessMediaGeorgia
იაფ ფულზე წვდომა, რომ პრობლემაა მცირე და საშუალო ბიზნესისთვის ეს იმ გადაწყვეტილებაშიც კარგაც ჩანს, რომელიც მსოფლიო ბანკის დირექტორთა საბჭომ მიიღო. საფინანასო ინსტიტუტმა ქვეყანას 85 მლნ ევრო გამოუყო, რომელიც მიკრო, მცირე და საშუალო საწარმოების დახმარებისკენაა მიმართული. როდის ან რა ფორმით მიიღებენ ბენეფიციარები ამ თანხას უცნობია, თუმცა დღეს საქმის კურსმა გადაწყვიტა მოეკითხა თუ რა კონკრეტული საჭორებები აქვს მცირე და საშუალო ბიზნესს? #ახალიამბები #BusinessMediaGeorgia
მსოფლიო ბანკმა ქართული ბიზნესის მხარდასაჭერად 85 მილიონი ევროს მოცულობის პროგრამა დაამტკიცა. პროგრამით იმ მცირე და საშუალო საწარმოების მხარდაჭერა მოხდება, რომელიც პანდემიამ დააზარალა. საერთო ჯამში პროგრამით სარგებლობას 6000 საწარმო შეძლებს. რისგან შედგება მსოფლიო ბანკის მხარდაჭერის პროგრამა და საით იქნება მიმართული 85 მილიონი ევროს ფინანსური დახმარება? სებასტიან მოლინეუსი - მსოფლიო ბანკის რეგიონული დირექტორი სამხრეთ კავკასიაში #ახალიამბები #BusinessMediaGeorgia
ნამახვანიჰესის პროექტის განმახორციელებელი კომპანია “ენკა” აქტიურ საინფორმაციო კამპანიას აანონსებს. მათი განამარტებით, მზად არიან შეხვედრების გასამართად და ყველა დაინტერესებული პირისთვის მაქსიმალურად გამჭირვალე ინფორმაციის მისაწოდებლად, რაც “ნამახვანიჰესის” პროექტს უკავშირდება. “ენკა” აცხადებს, რომ ნებისმიერ კითხვას გასცემს პასუხს. #ახალიამბები #BusinessMediaGeorgia
ფინანსთა მინისტრი იმედოვნებს, რომ 2021 წლის ბიუჯეტის საშემოსავლო ნაწილი გადაჭარბებით შესრულდება. ლაშა ხუციშვილის თქმით, დღეს არსებული მონაცემებიდან გამომდინარე, რეალისტურია მიმდინარე წლის ბიუჯეტით განსაზღვრული ეკონომიკური ზრდის მიღწევაც, რომელიც ამ დროისთვის 4.3%-ს გულისხმობს. #ახალიამბები #BusinessMediaGeorgia
ჯიბიდან გადახდები კარდიოქირურგიაში. ჯანდაცვის მინისტრი კვლავ ჯიბიდან გადახების პრაქტიკაზე საუბრობს. ტიკარაძე მბობს, რომ ტარიფების გათანაბრების შემდეგ ჯიბიდან გადახდების ტენდენცია შემცირდა, თუმცა მისი განმარტებით, მსგავსი ფაქტები მაინც ფიქსირდება. ამის პარალელურად სამედიცინო სექტორი, რომელსაც ხარჯები გაზრდილი აქვს, დადგენილი ტარიფების გადახედვას ითხოვს, თუმცა სამინისტროსგან კონკრეტული პასუხები ისევ არ არის. #ახალიამბები #BusinessMediaGeorgia
ჯანდაცვის მინისტრის მოადგილის განცხადებით, ვაქცინაციის საბჭო საქართველოს მთავრობას ჯანდაცვის მსოფლიო ორგანიზაციის ავტორიზაციამდე, „სინოვაკით"ვაქცინაციასთან დაკავშირებით მიმართავს. ამის შესახებ თამარ გაბუნიამ ჟურნალისტებს ვაქცინაციის საბჭოს დასრულების შემდეგ განუცხადა. მისი თქმით, ჯანმოს ექსპერტების შუალედური დადებითი დასკვნები „სინოვაკით“ ვაქცინაციის დაწყების შესაძლებლობას იძლევა. დღეს ასევე ცნობილი გახდა, რომ "ასტრაზენეკათი" აცრის დაშვებული ასაკი 55-დან 45 წლამდე შემცირდა. დღეს ერთ-ერთი მთავარი ინტერესის საგანი გაზრდილი მოთხოვნის ფონზე ვაქცინების საკმარისი რაოდენობაა. #ახალიამბები #BusinessMediaGeorgia
საქართველოს ეროვნულ ბანკს დეპოზიტების დაზღვევის სააგენტოსგან დეპოზიტის მიღების უფლება ექნება - ამას პარლამენტის მიერ მიღებული ახალი კანონი ითვალისწინებს, რომელიც 2022 წლის 1 იანვრიდან უნდა ამოქმედდეს. კანონის თანახმად, "დეპოზიტების დაზღვევის სააგენტოს" შეუძლია, ეროვნულ ბანკში გახსნას სადეპოზიტო ანგარიში. ამასთანავე, კანონის მიხედვით, სებ-ს დეპოზიტების მიღება ქვეყანაში მოქმედი კომერციული ბანკებისგანაც შეუძლია. სტუმარი: ოთარ ძიძიკაშვილი - დეპოზიტების დაზღვევის სააგენტოს ხელმძღვანელი. #ახალიამბები #BusinessMediaGeorgia
უწყებათაშორისი საკოორდინაციო საბჭოს გადაწყვეტილებით, მუნიციპალურ ტრანსპორტზე დაწესებული შეზღუდვები იხსნება და მიმდინარე წლის 13 მაისიდან დედაქალაქში, როგორც მუნიციპალური ავტობუსები და თბილისის მეტრო, ასევე მიკროავტობუსები მუშაობას განაახლებენ. BMG-იმ კითხვები საკორდინაციო საბჭოს შემდეგ, კომენდანტის საათსა და აცრილი მოქალაქებიისთვის წახალისების მექანიზმზეც დასვა. #ახალიამბები #BusinessMediaGeorgia
მორიგი ფასდაკლება მთავრობისგან - საპრივატიზაციო ობიექტებზე გამოცხადებული 50%-იანი სეილის შემდეგ, ხელისუფლებას შეთავაზება ფერმერებთან აქვს. მოიჯარეებს შესაძლებლობა აქვთ, მიწები 25%-იანი ფასდაკლებით გამოისყიდონ. შესაბამისი გადაწყვეტილება მინისტრთა კაბინეტის სხდომაზე მიიღეს. სამთავრობო გადაწყვეტილებები ამჯერადაც მინისტრებმა გააჟღერეს, ირაკლი ღარიბაშვილი მედიასთან არ გამოჩენილა. ჟურნალისტების კითხვებზე პასუხის გაცემა ეკონომიკისა და ინფრასტრუქტურის მინისტრებს მოუწიათ. რა იყო მთავრობის სხდომის დღის წესრიგში, რომელმაც სულ 13 საკითხი მოიცვა. #ახალიამბები #BusinessMediaGeorgia
უკვე ათი დღეა საბაჟო გამშვებ პუნქტებში იმპორტირებული პროდუქცია შეყოვნებულია. ჰიგიენური საშუალებებისა და ბავშვთა საკვების იმპორტიორები პრობლებეზე საუბრობენ და ამბობენ, რომ მათს პროდუქციას საზღვარზე შეფერხები აქვს, როგორც თბილისის ისე ბათუმის გეზში. მძიმე ფინანსური კრიზისის პარალელურად საბაჟოებზე შექმნილი პრობლემების გამო იმპორტიორებს ხარჯი ეზრდებათ და რისკის წინაშე დგებიან, რომ ობიექტებს პროდუქციით დროულად ვერ მოამარაგებენ. #ახალიამბები #BusinessMediaGeorgia
საქალაქო სასამართლომ კარფურის წინააღმდეგ ქართველი მწარმოებლების რამდენიმე სარჩელი წარმოებაში მიიღო. დავის საგანი ყველა შემთხვევაში თითქმის იდენტურია. ქართული კომპანიები საერთაშორისო ბრენდს სამართლებრივი საფუძვლის გარეშე საკმაოდ სოლიდური თანხების ჩამოჭრას ედავებიან. კომპანიების დიდმა ნაწილმა უკვე შეაჩერა კარფურისთვის პროდუქციის მიწოდება. მას შემდეგ, რაც დისტრიბუტორთა ბიზნეს ასოციაციამ კარფურის წინააღმდეგ დავის დაწყების შესახებ დაანონსა, საქმის კურსს რამდენიმე კომპანია თავად დაუკავშირდა. როგორც ირკვევა კარფური თანაბრად ეპყრობა თითქმის ყველა მიმწოდებელ კომპანიას. რა ეტაპზეა საერთაშორისო ბრენდის წინააღმდეგ დაწყებული დავა, რა ახალი ფაქტები იკვეთება და აქვს თუ არა პასუხი კარფურს ქართული მწარმოებლების ბრალდებებზე? #ახალიამბები #BusinessMediaGeorgia
საქართველოს მასშტაბით ამ დროისთვის 4 მილიარდი დოლარის ღირებულების ჰესების პროექტებია გაჩერებული -ამ ინფორმაციას საქართველოს განახლებადი ენერგიების ასოციაცია ავრცელებს. მათი ინფორმაციით ქვეყენაში პრობლემები 84-მდე ჰესს შეექმნა. სტუმარი: გიორგი აბრამიშვილი - საქართველოს განახლებადი ენერგიების ასოციაციის ხელმძღვანელი. #ახალიამბები #BusinessMediaGeorgia
"წამალი არ არის ხარისხიანი და არის ძვირი, და ეს არის ძალიან მტკივნეული" - ეს განცხადება ჯანდაცვის მინისტრმა ეკატერინე ტიკარაძემ გააკეთა. მინისტრი ამბობს, რომ GMP/GDP სტანდარტი არის ძალიან კრიტიკული საკითხი, რადგან უკვე ათწლეულებია ერთი მხრივ, სახელმწიფოს გააჩნია ვალდებულება და მეორე მხრივ, სექტორს არ გააჩნია ნება, რომ სტანდარტები დააკმაყოფილოს. „ეს ყველაფერი გადის ჩვენი მოქალაქების ჯანმრთელობაზე”- აცხადებს ტიკარაძე. სტუამრი: ლევან გოგიბერიძე - „ფარმაცევტთა ასოციაციის“ პრეზიდენტი #ახალიამბები #BusinessMediaGeorgia
იგეგმება თუ არა შეზღუდვების გამკაცრება? #ახალიამბები #BusinessMediaGeorgia
საქართველოში ბოლო 1 წლის განმავლობაში საარსებო შემწეობის მიმღებთა რაოდენობა 83 ათასი ბენეფიციარით გაიზარდა და 2021 წლის მარტში 541,000 ბენეფიციარს პირველად გადააჭარბა. სოციალური მომსახურების სააგენტოს სტატისტიკის თანახმად, მარტის განმავლობაში სოციალური შემწეობის სახით სულ 30.15 მილიონი ლარი დარიგდა, რაც ერთ ბენეფიციარზე თვეში 56 ლარს შეადგენს. რით ხსნის ჯანდაცვის სამინისტრო გაზრდილ რიცხვებს და რა შეფასებები აქვთ სპეციალისტებს? #ახალიამბები #BusinessMediaGeorgia
ქართულ საფონდო ბირჟაზე უკვე 2 თვეზე მეტია, რაც სავაჭრო სესიებზე არცერთი ლარის გარიგება არ განხორციელებულა. ამჟამად, ბირჟაზე სულ 28 კომპანიის ფასიანი ქაღალდები არის დაშვებული, მათი ჯამური მოცულობა კი 2.38 მილიარდი ლარია, თუმცა ამ ფასიან ქაღალდებზე მარტის და აპრილის განმავლობაში საბირჟო გარიგებები საერთოდ არ დადებულა. #ახალიამბები #BusinessMediaGeorgia
თითქმის 2 საათიანი შეხვედრა, რომელიც ტურიზმის სექტორსა და ეკონომიკის მინისტრს შორის მიმდინარეობა დასრულდა. BMG-ის ინფორმაციით, შეხვედრაზე ორგანიზებული ვაქცინაციის შესაძლებლობასა და დაწესებული შეზღუდვების მოხსნაზე იმსჯელეს. #ახალიამბები #BusinessMediaGeorgia
დაგროვებითი პენსიის შესახებ კანონში ცვლილებები იგეგმება - ინფორმაცია საპენსიო სააგენტოს საინვესტიციო საბჭოს სხდომის ოქმიდან მივიღეთ. დოკუმენტის თანახმად, სააგენტო კანონმდებლობაში შესატან ცვლილებებზე მუშაობს, რა პროცესშიც სააგენტო რეკომენდაციების მისაღებად საინვესტიციო საბჭოსაც მიმართავს. საინვესტიციო საბჭოს სხდომის ოქმში არ წერია უშუალოდ რა სახის ცვლილებების შეტანა არის კანონში დაგეგმილი. სტუმარი: გიორგი დანელია - "საპენსიო სააგენტო"-ს დირექტორი. #ახალიამბები #BusinessMediaGeorgia
ხევსურეთის 12 სოფლამდე სატრანსპორტო საშუალებებით გადაადგილება შეუძლებელია- ამის შესახებ bm.ge-ის შატილში მაცხოვრებლებმა განუცხადეს. როგორც ადგილობრივები ამბობენ, ხევსურეთის მასშტაბით გზების სარეაბილიტაციო სამუშაოების განხორციელების შემდეგ გზების გაწმენდა გართულდა, რის გამოც მათ ტრანსპორტით გადაადგილება უჭირთ. ადგილობრივები ვერც ტურისტული სეზონისთვის ემზადებიან, რომელიც ხევსირეთში მაისში იწყება და ოქტომბრამდე გრძელდება. #ახალიამბები #BusinessMediaGeorgia
ეროვნული ბანკი ციფრული ვალუტის გამოშვებას განიხილავს. ციფრულ ვალიტას გადახდის საშუალების სტატუსი ექნება. პროექტის ფარგლებში, ეროვნული ბანკი მზადაა, ფინტექ კომპანიებთან და დაინტერესებულ ფინანსურ ინსტიტუტებთან ითანამშრომლოს. ეროვნული ბანკი ანონსებს, რომ ციფრული ვალუტის გამოშვების შემდეგ შესაძლებელია გაიზარდოს მონეტარული პოლიტიკის ეფექტიანობა და ხელი შეეწყოს ლარიზაციის პროცესს. #ახალიამბები #BusinessMediaGeorgia
ახალი ვალდებულება ბიზნესს. მიმდინარე წლის 1 ივნისიდან ბიზნესოპერატორებს, რომლებიც საცალო ვაჭრობის პუნქტებში ახორციელებენ სურსათის წარმოება-გადამუშავებას, ეკისრებათ ვალდებულება, საქმიანობა HACCP-ის პრინციპების შესაბამისად აწარმოონ. სურსათის ეროვნული სააგენტოს ინფორმაციით, საუბარია საზოგადოებრივი კვების ობიექტებზე, ნებისმიერ ადგილზე, სადაც მზადდება მზა საკვები. თავად HACCP-ის სტანდარტი დაფუძნებულია საფრთხის ანალიზისა და კრიტიკული საკონტროლო წერტილების სისტემაზე. მისი მიზანი საბოლოოდ, სურსათის უვნებლობაა. ცხადია მაღალი სტანდარტებით მუშაობა და ხარისხის გარანტია მნიშვნელოვანია, ამაზე არ ვდაობთ, თუმცა რამდენად სწორი დროა ახლა, მიმდინარე პანდემიის პირობებში ახალი ვალდებულებები ბიზნესისთვის. სტუმარი: ლევან ქოქიაშვილი - საქართველოს გასტრონომიის ასოციაციის ხელმძღვანელი #ახალიამბები #BusinessMediaGeorgia
„ტურისტებს QR-კოდები მიენიჭებათ“ ამისთვის კი ჯანდაცვის სამინისტრომ სპეციალურ აპლიკაციაზე მუშაობა უკვე დაიწყო . ტიკარაძე აანონსებს, რომ კერძო სექტორი მხოლოდ იმ ადამიანის მიღებას შეძლებს ვინც 72 საათის განმავლობაში გატესტილია და კოვიდ თავისუფალია ან სრულად ვაქცინირებულია. #ახალიამბები #BusinessMediaGeorgia
საერთაშორისო ვიზიტორებისთვის საქართველომ ცა 1 თებერვლიდან გახსნა, თუმცა ქვეყნის სახმელეთო საზღვრები ამ დრომდე დაკეტილია. ტურისტებისთვის სახმელეთო საზღვრების გახსნის ინიციატივით გუშინ ჯანდაცვის მინისტრს ტურიზმის ეროვნული ადმინისტრაციის ყოფილმა ხელმძღვანელმა მარიამ ქვრივიშვილმა დეპუტატის რანგში სხდომათა დარბაზიდან მიმართა. მინისტრმა თქვა, რომ სახმელეთო საზღვრის გახსნის შემთხვევაში, გარკვეული გამოწვევები არსებობს,. მათ შორის დასახელდა ტურისტების სავალდებულო დაზღვევის ამოქმედება, რაზეც ჯანდაცვის სამინისტროს პანდემიის დასაწყისშივე ჰქონდა სადაზღვევო სექტორთან მსჯელობა. რას ამბობს ერთის მხრივ მინისტრი და რას პასუხობენ სადაზღვევოები? #ახალიამბები #BusinessMediaGeorgia
მარტში საქართველოს ეკონომიკა 4%-ით გაიზარდა. საქსტატის წინასწარი შეფასებით, I კვარტალის საშუალო რეალურმა კლებამ 4.2 პროცენტი შეადგინა. გასული თვის განმავლობაში ქვეყანაში დარეგისტრირდა 5291 ახალი საწარმო, რაც 118%-ით აღემატება წინა წლის მაჩვენებელს. ამასთან, დაახლოებით 22%-ით გაიზარდა დღგ-ის გადამხდელ საწრმოთა ბრუნვის მოცულობა და თითქმის 8 მლრდ ლარს გაუტოლდა. უფრო კონკრეტულად ეკონომიკის რომელ სექტორებში შეინიშნებოდა ზრდა და რომელში - კლება? #ახალიამბები #BusinessMediaGeorgia
ბრიტანეთში სამომხმარებლო, საგანმანათლებლო და აკადემიური წიგნების მთლიანი გაყიდვები 2020 წელს სულ 2%-ით გაიზარდა და 6,4 მილიარდი ფუნტი სტერლინგი შეადგინა. აქედან სამომხმარებლო ბაზარი განსაკუთრებით გამოირჩეოდა - მხატვრული ლიტერატურის გაყიდვები 16%-ით გაიზარდა, ხოლო არამხატვრული ლიტერატურა 4%-ით. #ახალიამბები #BusinessMediaGeorgia
თბილისის მერია კუს ტბის მიმდებარე ტერიტორიის რეკონსტრუქციის კონცეფციას შეიმუშავებს. ამის შესახებ დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა. რას გეგმავს თბილისის მერია კუსტბის ტერიტორიასთან დაკავშირებით, რომელის ნაწილიც ამჟამად კერძო საკუთრებაშია და რას ამბობენ ტერიტორიის მფლობელი კომპანიის წარმომადგენლები. #ახალიამბები #BusinessMediaGeorgia
"მნიშვნელოვანია ვიპოვოთ ოქროს შუალედი და არ გვქონდეს მუდმივი "ლოქდაუნი", რომელიც შეიძლება გამოსავალი არ იყოს", - ამის შესახებ ჯანდაცვის მინისტრმა ეკატერინე ტიკარაძემ პარლამენტში განაცხადა, სადაც „მინისტრის საათის“ ფორმატში დეპუტატები ტიკარაძეს უსმენენ. მინისტრის თქმით, მთელ მსოფლიოში ვერ იპოვა ვერც ერთმა ქვეყანამ ოქროს შუალედი, თუ როგორ უნდა შეინარჩუნო ეკონომიკა და პარალელურად, მოქალაქეების დაიცვა ჯანმრთელობა, ამიტომ ქვეყნების დიდმა ნაწილმა "ლოქდაუნი" გამოაცხადა და თვეებია ინარჩუნებენ. #ახალიამბები #BusinessMediaGeorgia
საქართველოს ეროვნულმა ბანკმა მონეტარული პოლიტიკის განაკვეთი 9.5%-მდე გაამკაცრა. რეფინანსირების ზრდით სესხის საპროცენტო განაკვეთი 125,000 მსესხებელს გაუძვირდა. ეკონომიკური ზრდის პროგნოზი კი, საბაზო სცენარში დაახლოებით 4%-ია. რატომ არ შეცვალა ეროვნულმა ბანკმა ეკონომიკური ზრდის პროგნოზი? #ახალიამბები #BusinessMediaGeorgia
საქართველოს ეროვნულმა ბანკმა მონეტარული პოლიტიკის განაკვეთი 9.5%-მდე გაამკაცრა. სების განმარტებით, მარტში წლიურმა ინფლაციამ 7.2% შეადგინა. წინა სხდომის შემდეგ შეცვლილი გარემოებების გათვალისწინებით, განახლებული პროგნოზით, სხვა თანაბარ პირობებში, 2021 წელს ინფლაცია საშუალოდ 6.5 პროცენტის ფარგლებში იქნება და შემდეგ მიზნობრივ მაჩვენებელს ეტაპობრივად დაუახლოვდება. ეკონომიკური ზრდის პროგნოზი კი, საბაზო სცენარში დაახლოებით 4%-ია. ასევე, ინფლაციის დინამიკაზე ნარჩუნდება საერთაშორისო სასაქონლო ბაზრებზე ფასების ზრდისგან მომდინარე წნეხი, რომელიც ნავთობპროდუქტებისა და სურსათის ზოგიერთ ჯგუფებზე ფასების ზრდაში ისახება. მონეტარული პოლიტიკის კომიტეტის შემდეგი სხდომა 2021 წლის 23 ივნისს ჩატარდება. რაც შეეხება სესხების რაოდენობას, რომელზეც პროცენტი გაიზარდა, 2021 წლის 1 აპრილის მდგომარეობით ცვლად საპროცენტო განაკვეთზე მიბმული 124 700 სესხია გაცემული. მათი აბსოლუტური უმრავლესობა კი რეფინანსირების განაკვეთზეა მიბმული. #ახალიამბები #BusinessMediaGeorgia
დაანონსებული 5 და 10 ათასლარიანი დახმარებები რესტრონებს ამ დრომდე არ მიუღიათ. ჯერ კიდევ მარტის დასაწყისში გახდა ცნობილი, რომ რესტორნების სუბსიდირების პროგრამის შესახებ, რომლის საშუალებითაც თბილისის მასშტაბით არსებული რესტორნები დახმარების სახით 5000-10000 ლარს მიიღებდნენ. რას ამბობენ რესტორნები და რა პასუხი აქვთ თბილისის მერიაში? #ახალიამბები #BusinessMediaGeorgia
როგორ შეიცვალა პანდემიის შემდეგ უძრავი ოქნების საფასო პოლიტიკა და თბილისის რომელ უბანშია ყველაძე ძვირი უძრავი ქონება. საქსტატის მიერ გამოქვეყნებული ანგარიშის მიხევით, ირკვევა რომ თბილისში ყველაზე ხელმისაწვდომი უძრავი ქონება სამგორის რაიონშია. #ახალიამბები #BusinessMediaGeorgia
საწვავი ფასი ზრდას განაგძრობს. ბოლო ერთი თვის განმავლობაში რეგულარის ფასი საქართველოში 19 თეთრით გაიზარდა, პრემიუმის ფასი 13 თეთრით, დიზელი კი 8 თეთრით გაძვირდა. გარდა ამისა რუსული მედია ავრცელებს ინფორმაციას, რომ რუსეთმა შესაძლოა ბენზინის ექსპორტი შეზღუდოს. სტუმარი: ვანო მთვრალაშვილი - ნავთობიმპორტიორთა კავშირი, ხელმძღვანელი #ახალიამბები #BusinessMediaGeorgia
3-12 მაისის ჩათვლით, საქართველოს მასშტაბით, მუნიციპალური ტრანსპორტი არ იმოძრავებს; სადღესასწაულო დღეებში კი სასაფლაოებზე გასვლა შეიზღუდება, - აღნიშნული გადაწყვეტილებები უწყებათაშორისმა საკოორდინაციო საბჭომ დღევანდელ სხდომაზე მიიღო. რაც შეეხება მოახლოებულ აღდგომის დღესასწაულს, საქართველოს საპატრიარქოსთან კომუნიკაციის შედეგად, სადღესასწაულო ლიტურგია ტაძრებში ეპიდემიოლოგიური უსაფრთხოების ნორმების მაქსიმალური დაცვით ჩატარდება; ამასთან, გამონაკლისის სახით, სააღდგომო ლიტურგიასთან დაკავშირებით, გადაადგილებაზე დაწესებული შეზღუდვა, მხოლოდ ერთი ღამით, იმოქმედებს 1 მაისის 23:00 საათიდან 2 მაისის 04:00 საათამდე; ასევე, 4-11 მაისს საქართველოში უქმე დღეებია გამოცხადებული. უწყებათაშორისი საკოორდინაციო საბჭოს გადაწყვეტილებით, განისაზღვრა სექტორები, რომელსაც უქმე დღეებში შეზღუდვა არ ეხება, ხოლო ბიზნესს არჩევანის თავისუფლება აქვს და საქმიანობის შეჩერება მათთვის სავალდებულო არ არის. #ახალიამბები #BusinessMediaGeorgia
13 აპრილს საქართველოს პარლამენტმა თამბაქოს კონტროლის შესახებ კანონის აღსრულების ეფექტიანობის შესახებ დადგენილება გამოაქვეყნა, რომლის მიხედვითაც ირკვევა, რომ კანონის აღსრულება მაღალი მაჩვენებლებით ხასიათდება. კერძოდ, თამბაქოს მოწევის აკრძალვის ნაწილში აღსრულება 95,8%, რეკლამის აკრძალვის მიმართულებით 95,6%, ხოლო თამბაქოს პოპულარიზაციის აკრძალვის ნაწილში აღსრულება 91,1%-ია. რა ეფექტი ჰქონდა 2018 წლიდან მოყოლებული როგორც საჯარო სივრცეებში თამბაქოს მოხმარების აკრძალვას და ასევე შეზღუდვების დაწესებას თამბაქოს რეკლამირებაზე? #ახალიამბები #BusinessMediaGeorgia
“მივესალმები დიალოგის დაწყბას ნამახვანჰესთან დაკავშირებით, ვფიქრობ ცოტა დაგვიანებულია, მაგრამ კარგია” - ასე გამოემხაურა თურქეთის ელჩი საქართველოში, ნამახვანიჰესის პროექტთან დაკავშირებით მიმდინარე მოვლენებს. #ახალიამბები #BusinessMediaGeorgia
საქართველოში 2018 წლის პირველი მაისიდან საკონმდებლო ცვლილებების თანახმად თამბაქოს მოხმარება ყველა საჯარო შენობა-ნაგებობსა და საზოგადოებრივ ტრანსპორტში აიკრძალა. ამასთან ერთად მას შემდეგ პერიოდულად ამოქმედდა რიგი შეზღუდვები, რომელიც თამბაქოს ნაწარმის რეკლამირებას შეეხო. პარლამენტის 13 აპრილის დადგენილებაში ვკითხულობთ, რომ რეფორმით დადგენილ ნორმებს საქართველოს მოსახლეობის 86% მხარს უჭერს. რამდენად ეფექტიანი იყო თამბაქოს კონტროლის შესახებ კანონით ბოლო წლებში გათვალისწინებული ცვლილებები და რა ხარვეზებს ხედავენ კერძო სექტორის წარმომადგენლები? #ახალიამბები #BusinessMediaGeorgia
გამკაცრდება თუ არა ქვეყანაში არსებული შეზღუდვები, დღეს გახდება ცნობილი. დაავადებათა კონტორლის ეროვნული ცენტრის ხელმძრვანელის განცხადებით, ამასთან დაკავშირწებით საკოორდინაციო საბჭო იმსჯელებს. ამირან გამყრელიძის თქმითვე, რა გადაწყვეტილება იქნება ჩინურ ვაქცინასთან დაკავაშრირებით, ამაზეც გაიმართება მსჯელობა, იმუნიზაციის საბჭოს ფორმატში. პარალალურად, საქართველოს პერმიერ-მინისტრი ქვეყნის განახლების მასშტაბურ პროექტს აანონსებს. განცხადება ირაკლი ღარიბაშვილმა დღევანდელ მთავრობის სხომაზე გააკეთა. რას ითვალისწინებს პროექტი? #ახალიამბები #BusinessMediaGeorgia
ბოლო დღეების განმავლობაში თბილისის მერია კომპანიებს გარე რეკლამის შესახებ კანონის დარღვევის გამო აჯარიმებს. დაჯარიმებულთა სიაში მოხვდა კომპანია კოკა-კოლაც, რომელსაც მუნიციპალიტეტი არაქართულ ენაზე აბრის განთავსებას ედავება. თავად კომპანიაში განმარტავენ, რომ მერიის ქმედებები არასამართლიანია და მათი მხრიდან ჯარიმები კომპეტენციის დეფიციტთან არის დაკავშირებული. რამდენი კომპანა დაჯარიმდა ამ მოტივით და რა დარღვევის ფაქტს აქვს ადგილი? #ახალიამბები #BusinessMediaGeorgia
#BMG-იმ სამკერვალო კომპანია ელსელემას მფლობელთან, ბიზნესმენ ელგუჯა მამასახლისთან ინტერვიუ ჩაწერა. ა ინტერვიუს ერთ ნაწილი, თავდაცვის სამინისტროს მიერ სახელმწიფო სამკერვალო “დელტა ტექსტილის” დაფუძნების ფაქტის შეფასებას შეეხება და არა მარტო - როგორც ბიზნესმენი ყვება, “ელსელემა” წლების განმავლობაში თავდაცვის და შინაგან საქმეთა სამინისტროების ტენდერებში მონაწილეობდა და უნიფორმებს უკერავდა, მაგრამ შარშან პანდემიის გამო, ჩინეთიდან ნედლეული დროულად ვერ მიიღო, შეკვეთა დროულად ვერ ჩააბარა და კონტრაქტიც გაწყვიტეს. პრობლემებმა კი „ელსელემას“ მფლობელი აიძულა, თბილისის ქარხანა გაეყიდა. ელგუჯა მამამსახლისი - სამკერვალო კომპანია “ელსელემას” დირექტორი #ახალიამბები #BusinessMediaGeorgia
12 ბიზნესასოციაცია პრემიერთან შეხვედრას ითხოვს. როგორც BM.GE-ს დარგთაშორისი საინიციატივო ჯგუფის წარმომადგენელმა შოთა ბურჯანაძემ განუცხადა, კერძო სექტორთან კომუნიკაციის სურვილი პრემიერმა მსხვილი ბიზნესის წარმომამდგენლებთან შეხვედრისას გამოთქვა - საქართველოს სხვადასხვა სექტორში მოქმედი ასოციაციები სწორედ ამ ინიციატივას ეხმიანებიან. შოთა ბურჯანაძის თქმითვე, ისინი პრემიერს ქვეყნის კრიზისიდან გამოყვანის 6-პუნქტიანი ინიციატივით მიმართავენ, რომელშიც უპირველესი მოთხოვნა კომენდანტის საათის გაუქმებაა. #ახალიამბები #BusinessMediaGeorgia
ერთ შემთხვევაში, დომინანტური მდგომარეობის ბოროტად გამოყენება, ორ შემთხვევაში დადგინდა არაკეთილსინდისიერი კონკურენციის ფაქტი. საქართველოს კონკურენციის ეროვნულმა სააგენტომ 2020 წლის ანგარიში გამოაქვეყნა. საანგარიშო პერიოდში, მიმდინარეობდა საქონლის/მომსახურების ბაზრის 6 მოკვლევა. დასრულდა 3 – “ჯი თი მოტორსის“ საქმე, „სადაზღვევო კომპანია უნისონის“ საქმე და „ჯევერს დეველოპმენტის“ საქმე. 2020 წელი, საქართველოს კონკურენციის ეროვნული სააგენტოსთვის, პანდემიის მიუხედავად, გამორჩეული იყო იმითაც, რომ საქართველოს პარლამენტის მიერ დამტკიცდა „კონკურენციის შესახებ“ საქართველოს კანონში შეტანილი ცვლილებები, და ასევე ძალაში შევიდა „ვაჭრობაში ანტიდემპინგური ღონისძიების შემოღების შესახებ“ საქართველოს კანონი, რომლის აღსრულება კონკურენციის სააგენტოს დაევალა. როგორ აპირებს ირაკლი ლექვინაძის უწყება საქართველოსთვის ჯერ უცნობი კანონის აღსრულებას, რომელ ბაზარს იკვლევს სააგენტო და რა მიმართულებით აწარმოებს მონიტორინგს? #ახალიამბები #BusinessMediaGeorgia
თქვენი თანხმობის გარეშე ინტერნეტის ან მობილური მომსახურების ახალ, ფასიან პაკეტებს ვეღარ ჩაგირთავენ. უცხოეთში როუმინგით სარგებლობის დროს კი თქვენი ბალანსის გადახარჯვა აღარ მოხდება, რადგან ფასიანი პაკეტის ამოწურვის შემდეგ თქვენ მომსახურებას ვეღარ მიიღებთ, რაც ნიშნავს, რომ თქვენი ბალანსი მინუსებში არ წავა. კომპანიებს ასევე ეკისრებათ ვალდებულება მომსახურების პირობის ცვლილების შესახებ მომხმარებელს 10 სამუშაო დღის ნაცვლად, ერთი თვით ადრე მიაწოდოს ინფორმაცია - ეს არის არასრული ჩამონათვალი ცვლილებებისა, რომელიც ძალაში მომდევნო წლიდან შედის. რეგულაციები კი კომინიკაციების მარეგულირბელმა კომისიამ დაამტკიცა. რა შეფასებები და მოსაზრებები აქვს კერძო სექტორს? #ახალიამბები #BusinessMediaGeorgia
15-მდე ბიზნეს ასოციაცია პრემიერთან შეხვედრის მოთხოვნით ხვალ პრესკონფერენციას გამართავს. დარგთაშორისო პლატფორმის წარმომადგენელი და რესტორატორთა ასოციაციის ერთ-ერთი ხელმძღვანელი შოთა ბურჯანაძე BM.GE-სთან საუბრისას განმარტავს, რომ ასოციაციები პრემიერს და მთავრობას ქვეყნის კრიზისიდან გამოსვლის რეკომენდაციებს წარუდგენს და რთული ეკონომიკური მდგომარეობიდან გამოსვლის გზებს შესთავაზებს. მისივე თქმით, ეკონომიკის სხვადასხვა დარგებთან თანამშრომლობის ინიციატივით თავად პრემიერი გამოვიდა და ბიზნესი ამ ინიციატივას ამ პრესკონფერენციით ეხმიანება. რესტორატორთა ასოციაციის ხელმძღვანელი ამბობს, რომ ბიზნეს სექტორების ერთობლივი მიმართვა არ შეეხება საქართველოს მთავრობის მიერ სააღდგომო პერიოდში დაანონსებულ უქმე დღეებს, რადგან არანაირი წინაპირობა იმისა რომ რომ კერძო სექტორი ამ პერიოდში მუშაობას შეწყვეტს არ არსებობს. ფაქტია ბიზნესის ნაწილი დღეს წერტილოვანი შეზღუდვების დაწესების წინააღმდეგი არაა, თუმცა მთავრობას გადაწყვტილების მიღებისას კერძო სექტორის ჩართულობას სთხოვს. სტუმარი: ერეკლე კოკაია - Inn Group-ის აღმასრულებელი დირექტორი
ქვეყანაში ეპიდვითარების გაუარესების პარალელურად ბიზნესი შეზღუდვების ამოქმედების მოლოდინშია. რა ტიპის წერტილოვანი შეზღუდვების ამოქმედებას აანონსებს კანდაცვის სამინისტრო? #ახალიამბები #BusinessMediaGeorgia
სახელმწიფო აუდიტის სამსახურის ანგარიშიდან ირკვევა, რომ საქართველოს თავდაცვის სამინისტროს ქვეყნის ბიუჯეტის მიმართ 34.7 მილიონი ლარის საგადასახადო დავალიანება აქვს, რაც უწყების მიერ გადაუხდელ საბაჟო გადასახადს წარმოადგენს. აუდიტი არამხოლოოდ სამინისტროში, არამედ მის დაქვემებარებულ კომპანია დელტაში გამოვლენილ დარღვევებზეც წერს. თავდაცვის სამინისტროს 2019 წლის ფინანსური აუდიტის ანგარიშში სხვა არაერთი მნიშვნელოვანი მიგნება იკვეთება, რის გამოც თავდაცვის უწყებამ სახელმწიფო აუდიტისგან მთლიანობაში უარყოფითი დასკვნა დაიმსახურა. #ახალიამბები #BusinessMediaGeorgia
BMG-სთვის ექკლუზიურად ცნობილი გახდა, რომ საერთაშორისო არბიტრაჟმა “კავკასუს ონლაინის” საქმეზე შუალედური გადაწყვეტილება მიიღო. მსოფლიო ბანკთან არსებული საარბიტრაჟო სასამართლო კომპანია “კავკასუს ონლაინში” სპეციალური მმართველის დანიშვნის საკითხს 2020 წლის ოქტომბრიდან სწავლობს. მიღებული შუალედური გადაწყვეტილების თანახმად, საარბიტრაჟო სასამართლომ სრულად გაიზიარა კომპანია Neqsol-ის მიერ წარდგენილი არგუმენტები. რა წერია საერთაშორისო ტრიბუნალის გადაწყვეტილებაში? /#ახალიამბები #BusinessMediaGeorgia
პარლამენტის დარგობრივი ეკონომიკის და ეკონომიკური პოლიტიკის კომიტეტის თავმჯდომარე კვლავ ეროვნული ბანკის მხრიდან ლარის მართვის გეგმის წარმოდგენის საჭიროებაზე საუბრობს. დავით სონღულაშვილი თვლის, რომ უნდა შეიქმნას ფისკალური და მონეტარული უწყებებით დაკომპლექტებული კომისია და ფულის მართვის პროცესი უფრო გამჭვირვალე უნდა გახდეს. სტუმარი: დავით სონღულაშვილი - პარლამენტის დარგობრივი ეკონომიკის და ეკონომიკური პოლიტიკის კომიტეტის თავმჯდომარე #ახალიამბები #BusinessMediaGeorgia
აღსრულების კოდექში ცვლილებებია დაგეგმილი, ბიზნესი კი გარკვეულ რისკებზე საუბრობს. საქართველოს ბიზნესასოციაციის წევრები კრიტიკულად აფასებენ კანონში დადგემილი ცვლიებებიდან ერთ-ერთი მთავარ სიახლეს, რაც უკავშირდება ქვეყანაში კერძო აღმასრულებლების ტერიტორიული პრინციპით გადანაწილებას და ერთი წლის განმავლობაში მათთვის გარკვეულ შეზღდვვების დაწესებას. #ახალიამბები #BusinessMediaGeorgia
ქართველი მწარმოებლების მხრიდან კარფურის წინააღმდეგ დავის დაწყებამ პერმანენტული სახე მიიღო. საერთაშორისო ბრენდის წინააღმდეგ ამ დროისთვის სასამართლოში უკვე 8 სარჩელია შესული. საუბარია კარფურის მხრიდან მწარმოებელი და სადისტრიბუციო კომპანიებისთვის სამართლებრივი საფუძვლის გარეშე საკმაოდ სოლიდური თანხების ჩამოჭრაზე, რამაც კომპანიების ნაწილი გაკოტრებამდე მიიყვანა. რას ედავებიან კარფურს? სტუმარი: სანდრო ნაჭყებია - კომპანია გრანდი, ჯეო ლატექსი, ვასაძის პური და ჯორჯიან ბეიქერსის იურისტი #ახალიამბები #BusinessMediaGeorgia