სამედიცინო სექტორი ჯანდაცვის სამინისტროს შემდეგ ტარიფების გადახედვის თხოვნით ამჯერად პრემიერ მინისტრს მიმართავს. კლინიკები ჯერ კიდევ 10 წლის წინ დადგენილი ტარიფების გადახედვას ითხოვენ, მათ შორის 520-დადგენილებით განსაზღვრულ კარდიოქირურგიასა და რეანიმაციულ მომსახურებაზე უნიფიცირებული ტარიფების ზრდას. კლინიკებმა უკვე გაუგზავნეს ჯანდაცვის სამინისტროს იმ პირდაპირი თუ არაპირდაპირი ხარჯების ჩამონათვალი, რის საფუძველზეც უწყებამ ტარიფების ახლებურად დაანგარიშებაზე უნდა მიიღოს გადაწყვეტილება. აქვს თუ არა კერძო სექტორს მთავრობისგან პასუხი? #ახალიამბები #BusinessMediaGeorgia
დაიწყო თუ არა მუნიციპალური პოლიკლინიკების პრივატიზების პროცესი? ამ კითხვით დღეს საქმის კურსმა თბილისის ვიცე-მერს მიმართა. თბილისის მერია საინვესტიციო ვალდებულებითა და არსებული პროფილის მუდმივად შენარჩუნების პირობით მუნიციპალური პოლიკნინიკების პრივატიციას უკვე 1 წელია გეგმავს. შესაბამისი ინიციტივა თბილისის მერმა 1 წლის წინ გააჟღერა, თუმცა მას შემდეგ საკითხი არ დაძრულა. #ახალიამბები #BusinessMediaGeorgia
თბილისის მერის კახა კალაძის განცხადებით, უახლოეს პერიოდში დედაქალაქში გარე რეკლამის განთავსების შესახებ აუქციონი გამოცხადდება, რომელიც 30 დღის განმავლობაში გაგრძელდება. ამის შესახებ მან დედაქალაქის მთავრობის სხდომის დაწყებამდე განაცხადა. მან სარეკლამო ბიზნესს და სხვა კომპანიებს აუქციონში მონაწილეობისა და აქტიურობისკენ მოუწოდა. #ახალიამბები #BusinessMediaGeorgia
"აბსოლუტურად გამორიცხულია ალბათობა, რომ უახლოეს დღეებში „ასტრაზენეკა“ ქვეყანაში არ ჩამოვიდეს", - ასე უპასუხა ჯანდაცვის მინისტრის მოადგილე თამარ გაბუნიამ ჟურნალისტების კითხვას იმის თაობაზე თუ რა უნდა ქნან მოქალაქეებმა, თუკი „ასტრაზენეკას“ დოზები დროულად არ ჩამოვიდა, ხოლო მათ აცრა უწევთ. #ახალიამბები #BusinessMediaGeorgia
მაისში საქართველოს ეკონომიკა 25.8 პროცენტით გაიზარდა. საქსტატმა დღეს 2021 წლის პირველი ხუთი თვის ეკონომიკური ზრდის ამსახველი ანგარიში გამოაქვეყნა. დოკუმენტის მიხედვით, იანვარ-მაისის პერიოდის განმავლობაში საქართველოს ეკონომიკა წინა წელთან შედარებით გაიზარდა. საუბარია 11.5%-ზე. რა იყო მგავსი მაღალი ზრდის მთავარი განმაპირობებელი ფაქტორები? #ახალიამბები #BusinessMediaGeorgia
სავაჭრო ცენტრმა გალერია თბილისმა უსაფრთხოების საერთაშორისო სერთიფიკატი მიიღო. Safe Asset Group-ის მიერ გაცემული შეფასება სავაჭრო ცენტრში უსაფრთხოების სტანდარტების და საოპერაციო რისკების მაღალ დონეზე დაცვას გულისხმობს. რას გულისხმობს Safe Asset Group-ის მიერ გაცემული სერთიფიკატი და რის გარანტიას აძლევს ის როგორც გალერია თბილისის თანამშრომლებს ისე სავაჭრო ცენტრის ვიზიტორებს? #ახალიამბები #BusinessMediaGeorgia
წელს საქართველომ მეზღვაურთა საერთაშორისო დღე მეათედ აღნიშნა - პროფესიული დღე ქართველ მეზღვაურებს ევროკავშირის ელჩმა დასავლეთ საქართველოში ვიზიტის ფარგლებში მიულოცა. ღონისძიება ფოთში ახალგახსნილ საზღვაო სასწავლო ცენტრში გაიმართა, რომელიც 2021 წლის სექტემბრიდან პროფესიული განათლების პროგრამებზე სტუდენტების მიღებას დაიწყებს. ევროკავშირის ელჩმა აკადემიის სტუდენტებს მიმართა და საზღვაო სექტორის განვითარების მნიშვნელობაზე ესაუბრა. საინტერესოა, რომ საქართველოს მეზღვაურების შენატანი სახელმწიფო ბიუჯეტში ყოველწლიურად ნახევარ მილიარდ ლარზე მეტია. ევროკავშირი წლებია საქართელოს მხარდამჭერია საზღვაო დარგის განვითარებაში და არაერთი რეფორმის დანერგვაში ეხმარება, რომლებმაც საბოლოო ჯამში ქვეყანა სატრანსპორტო ჰაბად უნდა აქციოს. #ახალიამბები #BusinessMediaGeorgia
კალაძის ეკონომიკური განვითრების ანგარიში სტუმარი: ვახტანგ ლომჯარია - ეკონომიკის განვითარების საქალაქო სამსახურის უფროსი. ~ #ახალიამბები #BusinessMediaGeorgia
საქართველოს ბიზნეს ასოციაცია ტურისტული გადასახადის დაწესების ინიციატივით გამოდის. გასულ კვირას საქართველოს ბიზნესასოციაციაში ტურიზმის კომიტეტის სხდომის ერთ-ერთი საკითხი სწორედ ტურისტული მოსაკრებელი იყო, რომელიც თავის თავში ქალაქის, საკურორტო, ეკოლოგიურ თუ სხვა ტურისტულ გადასახადებს მოიცავს. ინიციატივას ჯერ მხოლოდ იდეის ხასიათი აქვს, თუმცა მისი განხილმა ტურიზმის ეროვნულ ადმინისტრაციასთან და კერძო სექტორთან იგეგმება. როგორც აფასებს ბიზნესი ტურისტული გადასახადის შემოღების იდეას და არის თუ არა ქვეყანა მზად ამისთვის? #ახალიამბები #BusinessMediaGeorgia
საქართველოს მთავრობას მის საკუთრებაში არსებული ათასობით ტონა საღვინე მასალის და საბრენდე სპირტის გაყიდვა უჭირს - ამის შესახებ სახელმწიფო ქონების ეროვნული სააგენტოს ვებგვერდიდან ირკვევა, სადაც დღეს უშედეგოდ დასრულდა 104 აუქციონი, რომლითაც 5.9 მილიონ ლარად 810 ათასი ლიტრი ღვინო, მათ შორის 186 ათასი ლიტრი ხვანჭკარა, 542 ათასი ლიტრი ალექსანდრეულ-მუჯურეთული და 70 ათასი ლიტრი ოჯალეში იყიდებოდა. აუქციონზე ასევე გამოტანილი იყო 9.5 ათასი ლიტრი ცოლიკაური და 2.5 ათასი ლიტრი უსახელოური. ეს ბოლო 2 თვის განმავლობაში სახელმწიფოს საკუთრებაში არსებული ღვინის უკვე მეოთხე აუქციონია. წინა სამ აუქციონზეც სარეალიზაციოდ გამოტანილი ღვინის მნიშვნელოვანი ნაწილი არ გაიყიდა. დაბალი მოთხოვნის გამო, სახელმწიფომ სარეალიზაციოდ განკუთვნილი ღვნის ღირებულება 44%-ით შეამცირა. ბიემჯის მთავარი რედაქტორი თელარა გელანტია შემოგვიერთდება ახლა პირდაპირ ეთერში... თემით რა გვიჯდება გადასახადის გადამხდელებს რთველის სუბსიდირება, ვგულისხმობთ არა - პირდაპირ სუბსიდირებას, როცა სახელმწიფო თითო კილოგრამზე გარკვეულ თანხას უმატებს ფერმერს, არამედ იმ სიტუაციას, როდესაც ღვინის კომპანიებს არ აქვთ ყურძნის შესყიდვის საჭიროება და მთავრობა იძულებულია, სახელმწიფო კომპანიების დახმარებით ჭარბი ყურძენი იყიდოს, შემდეგ კი ცდილობს, ღვინომასალა ან სპირტი აუქციონების გზით გაყიდოს. #ახალიამბები #BusinessMediaGeorgia
ეკონომიკის მინისტრის ნათია თურნავას განცხადებით, პრემიერის მიერ გაჟღერებული იპოთეკური სესხების სუბსიდირების ახალი პროგრამის ძირითადი მიზანი, ისეთი ოჯახების ხარჯების გაზიარებაა, რომლებიც ახალ წევრს ელოდებიან. ამის შესახებ მან მთავრობის სხდომის შემდეგ BM.GE-ის კითხვის საპასუხოდ ისაუბრა. პროგრამის დეტალები ეკონომიკის მინისტრს არ დაუზუსტებია, თუმცა აღნიშნა, რომ უახლოეს პერიოდში ახალ პროგრამებთან დაკავშირებით მთავრობა გამოსცემს დადგენილებებს, სადაც ყველაფერი იქნება გაწერილი. ვისთვის იქნება ეს პროგრმა? #ახალიამბები #BusinessMediaGeorgia
ჯანდაცვის მინისტრის ეკატერინე ტიკარაძის განცხადებით, ჩინური წარმოების ვაქცინები საქართველოში მიმდინარე კვირის ბოლოს შემოვა, რაც მასობრივი ვაქცინაციის დაწყებას შესაძლებელს გახდის. მისი თქმით, საუბარია ნახევარ მილიონ დოზა "სინოვაკსა" და ნახევარ მილიონ დოზა "სინოფარმზე". ეკატერინე ტიკარაძე Pfizer-ის ქვეყანაში ჩამოსვლის თარიღს ვერ აკონკრეტებს, თუმცა ამბობს, რომ აღნიშნული ვაქცინაც უახლოეს პერიოდში მასობრივ ვაქცინაციაში ჩაერთვება. კიდევ ერთი თემა, რაზეც დღეს ჯანდაცვის მინისტრმა გააკეთა კომენტარი ქვეყანაში ტურისტების შემოსვლის წესებს შეეხება - არაა გამორიცხული, ორჯერადად აცრილებსაც სქართველოში შემოსვლისას უარყოფითი პი სი არ ტესტის პასუხი მოსთხოვონ. #ახალიამბები #BusinessMediaGeorgia
დერეგულაცია არ არის ის გზა, რომელიც აირჩია განვითარებულმა მსოფლიომ. ანარქიაში და ქაოსში ქალაქები ვერ ვითარდებიან, - ამის შესახებ გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ პარლამენტის პლენარულ სხდომაზე განაცხადა. „სახელმწიფოს ჩარევა ქალაქდაგეგმარებაში აუცილებელია. არ შეიძლება მშენებლობის ნებართვის გამარტივება. ეს გზა თბილისმა და ბათუმმა გაიარა და თვალსაჩინოა რა მდგომარეობაა ამ ორ ქალაქში", - განაცხადა ბითაძემ. მისივე თქმით, ქალაქების განაშენიანება, გენერალური გეგმების მიხედვით უნდა ხდებოდეს და დაუშვებელია ხალხმა გადაწყვიტოს რა უნდა აშენდეს. სტუმარი: მაია ბითაძე - გარემოს დაცვისა და ბუნებრივი რესურსების კომიტეტის თავმჯდომარე #ახალიამბები #BusinessMediaGeorgia
გაგრძელდება თუ არა ფქვილის სუბსიდია, საქმის კურსმა ამ კითხვით დღეს სოფილის მეურნეობის მინისტრის მოადგილეს მიმართა. იმისთვის, რომ პური არ გავძრებული მე-7 თვეა უკვე რაც სახელწმიფო ფქვილის სუბსიდირების პროგრამას ახორციელებს, რომელსაც ვადა ივნისის ბოლოს ეწურება. მართალია ბაზარზე როგორც ხორბალზე ისე ფქვილზე ფასები მცირედით შემცირდა. თუმცა პურის ქარხნები ამბობენ, რომ პურზე ფასე აუცილებლად გაიზარდა. რას აპურებს მთავრობა? #ახალიამბები #BusinessMediaGeorgia
ჯარიმები ჩამოწერილია. პრემიერ-მინისტრმა დღეს მოსახლეობას უთხრა, რომ იზოლაციის, კარანტინისა და პირბადის ტარების წესების დარღვევის გამო დაკისრებული, დაახლოებით, 76 მილიონი ლარის გადაუხდელი თანხების გადახდა აღარ მოუწევთ. როგორც აფასებენ ჯანდავის ექსპერტები აღნიშნულ გადაწყვეტილებას, მაშინ როცა ქვეყანაში ვაქცინაციის ტემპი ისევ დაბალია, მეოთხე ტალღის მოლოდინში და შესაძლოა შეზღუდვების დაწესება და შემდეგ უკვე მათი მონიტორინგი ისევ საჭირო გახდეს? #ახალიამბები #BusinessMediaGeorgia
თბილისის მერის მოადგილე და ეკონომიკის განვითარების საქალაქო სამსახურის უფროსი ლიეტუველ, ლატვიელ და ესტონელ ე.წ. "ანგელოზ ივესტორებს” შეხვდნენ. რა საკითხებზე გაიმართა მსჯელობა? სტუმარი: ვახტანგ ლომჯარია - თბილისის ეკონომიკის განვითარების საქალაქო სამსახურის უფროსი #ახალიამბები #BusinessMediaGeorgia
მაისში საქართველომ 2019 წელთან შედარებით ტურიზმიდან 72.7%-ით ნაკლები შემოსავალი მიიღო, მაგრამ აპრილთან შედარებით ეს გაუმჯობესებული მაჩვენებელია. TBC Сapital-ის საქართველოს ტურიზმის ინდუსტრიის ბაზრის მიმოხილვის მიხედვით, მაისში დიდი სასტუმროების დატვირთულობა მნიშვნელოვნად გაიზარდა, თუმცა მცირე და საშუალო სეგმენტში დატვირთვის მაჩვენებელი ისევ დაბალ ნიშნულზეა. #ახალიამბები #BusinessMediaGeorgia
დამსაქმებლებსა და დასაქმებულებს შესაძლოა კიდევ ერთი სავალდებულო შენატანების ვალდებულება გაუჩნდეს. შესაბამის ცვლილებებს ახალი სოციალური კოდექსი ითვალისწინებს. კერძოდ რამდენიმე დღის წინ გამართულ პრეზენტაციაზე ცნობილი გახდა რომ კოდექსის შემუსავების ეტაპზე მოხდება დაზღვევის ახალი კომპონენტების განხილვა, მათ შორის საუბარია სავალდებულო უმუშევრობის დაზღვევაზე, უბედური შემთხვევების, ასევე დროებითი შრომის უუნარობის დაზღვევაზე. ვინ მოახდენს სადაზღვევო შენატანების განხორციელებას, ბიზნესი დამსაქმებელი თუ სახელმწიფო? რა არის ცნობილი დღეს და რა პოზიცია აქვთ კერძო სექტორში? #ახალიამბები #BusinessMediaGeorgia
საპენსიო სესხებთან დაკავშირებით მსჯელობა გრძლედება. პარლამენტის საფინანსო-საბიუჯეტო კომიტეტში "სტრატეგია აღმაშენებლის" მიერ წარდგენილი "საპენსიო სესხებთან დაკავშირებით" კანონპროექტი განიხილეს. წარდგენილი ცვლილებების მიხედვით, მოქალაქეებს პენსიის აღების შესაძლებლობა მათთვის სასურველ ბანკში უნდა შეეძლოთ. კომიტეტზე, რომელსაც ჯანდაცვის სამინისტროს, ეროვნული ბანკის წარმომადგენლები, ასევე დეპუტატები და პენსიონერები ესწრებოდნენ, ხმაურიანი განხილვის საგანი გახდა მათ შორის "ლიბერთი ბანკის" საპენსიო სესხზე არსებული მაღალი პროცენტი. საკომიტეტო მოსმენაზე ასევე გაჟღერდა, რომ ბანკთან მოლაპარაკებები სესხის პროცენტთან დაკავშირებით მიმდინარეობს. სტუმარი: ვაჟა მენაბდე - „ლიბერთი ბანკის“ მცირე და საშუალო ბიზნესის მიმართულების დირექტორი #ახალიამბები #BusinessMediaGeorgia
ბარები და რესტორნების ნაწილი საკოორდინაციო საბჭოს გადაწყვეტილებას აკრიტიკებენ. როგორც ისინი ამბობენ, ღამის 12 საათამდე მუშაობის გადაწყვეტილების გამო ობიექტები შემოსავლის 70%-ს მაინც კარგავენ. #ახალიამბები #BusinessMediaGeorgia
რატომ შეიქმნა ვაქცინაციის დოზების დეფიციტი ქვეყანაში? ბოლო ორი დღეა რესპუბლიკურ, ინფექციურ და ხეჩინაშვილის კლინიკაში მისულ ადამიანებს ვაქცინას ვერ უკეთებენ და უკან აბრუნდებენ. მთავრობა შექმნილ პრობლემას ლოჯისტიკას უკავშირებს. დაავადებათა კონტროლის ეროვნული ცენტრის ხელმძღვანელი ამბობს, რომ დოზების "გაქრობასთან" დაკავშირებით მოკვლევა უკვე დაწყებულია. თუმცა, აცხადებს რომ ეს არ არის ის შემთხვევა, რითიც ადამიანთა ჯანმრთელობას ზიანი შეიძლება მიადგეს. #ახალიამბები #BusinessMediaGeorgia
75 სსიპის კუთვნილი 422 მლნ ლარი ბანკებში დეპოზიტებსა და მიმდინარე ანგარიშებზე დევს. bm.ge-ის რედაქტორი უფრო მეტს მოგვიყვება სსიპებში არსებულ ჭარბ ფულზე და ასევე იმ ნაკლოვანებებზე, რომელიც სახელმწიფო აუდიტის სამსახურის მიერ 2020 წლის ბიუჯეტის შესრულების ანგარიშში მოხვდა. როდესაც ქვეყანაში პანდემიით გამოწვეული კრიზისია და მთავრობა ხარჯებსა და შემოსავლებს შორის არსებული სხვაობის დაბალანსებას ახალი საშინაო თუ საგარეო ვალების აღებით ცდლობს, საიდან ჭარბი ფული სსიპებში? #ახალიამბები #BusinessMediaGeorgia
საქართველოში დღეს 15 კომერციული ბანკია რეგისტრირებული - მათ შესაძლოა მომავალში ახალი კატეგორიის საბანკო დაწესებულებებიც შეუერთდნენ, რაც მიკრობანკების შესახებ ახალი წესების განსაზღვრას უკავშირდება. ეროვნული ბანკი გეგმავს, პარლამენტს მიკრობანკების კანონპროექტი საშემოდგომო სესიაზე გადაუგზავნოს. კომერციული ბანკის ლიცენზიის ასაღებად დღეს მინიმუმ 50 მილიონი ლარის კაპიტალია საჭირო, ჯერჯერობით უცნობია რა იქნება მიკრობანკის დაფუძნებისთვის საჭირო მინიმალური კაპიტალის მოცულობა. თუმცა ცნობილია, რომ მიკრობანკების რეგულირება უფრო მკაცრი იქნება ვიდრე მიკროსაფინანსოების. #ახალიამბები #BusinessMediaGeorgia
ბოლო 4 წელიწადში თბილისის მერიამ ინფრასტრუქტურულ პროექტებზე 796 217 000 ლარი დაიხარჯა . ჯამში კი სრულად 900 ზე მეტი ქუჩააა რეაბილიტრებული. სტუმარი: ირაკლი ბენდელიანი - თბილისის მერის მოადგილე; #ახალიამბები #BusinessMediaGeorgia
1 ივნისიდან კონკურენციის სააგენტომ ანტიდემპინგური კანონის აღსრულება დაიწყო. შესაბამისად, ბიზნესებს, რომლებსაც მიაჩნიათ, რომ მათ სფეროში დემპინგურ იმპორტს აქვს ადგილი, შეუძლიათ, შესაბამის ფაქტებსა და არგუმენტებზე დაყრდნობით მომზადებული საჩივრით, სააგენტოს მიმართონ. კონკურენციის სააგენტოში ამისთვის სპეციალური დეპარტამენტია შექმნილი და მათთვის კანონის ამოქმედებამდე უკვე იყო ცნობილი ის სექტორები, საიდანაც ბიზნესს შეიძლება დემპინგის შესახებ განაცხადებით მიემართა, თუმცა როგორც ჩანს მარტივი ნამდვილად არ არის განაცხადისთვის საჭირო ინფორმაციის მოძიება, რაც თან უნდა ერთვოდეს განაცხადს. #ახალიამბები #BusinessMediaGeorgia
როგორია საქართველოს პროკურატურის რეაგირება სახელწმიფო აუდიტის სამსახურის ანგარიშებზე, რატომ არ გაკეთდა კონკრეტულ სახელმწიფო საწარმოებში ამ დრომდე აუდიტი და იგეგმება თუ არა სახელმწიფო აუდიტის სამსახურის მხრიდან საყოველთაო ჯანდაცვის პროგრამის აუდიტის ჩატარება, ეს ის კითხვებია, რომელზეც პასუხის გაცემა დღეს სახელმწიფო აუდიტის სამსახურის ხელმძღვანელს მოუწია. #ახალიამბები #BusinessMediaGeorgia
მორიგი მსხვილი სახელმწიფო შესყიდვა, რომელთან დაკავშირებითაც კითხვები ჩნდება. დედაქალაქი 100 მილიონამდე ლარის ღირებულების ლედ სანათებს ყიდულობს. ტენდერში კომპანიების მხრიდან წინადადებების მიღება დაწყებულია, თუმცა, მონაწილე კომპანიებს და არამარტო მათ, უამრავი ტენდერის პირობებთან დაკავშირებით არაერთი შეკითხვა აქვთ. ჩნდება ეჭვი, ხომ არ არის მორგებული მსხვილი შესყიდვა კონკრეტულ კომპანიაზე და ხომ არ გვაქვს საქმე კორუფციულ გარიგებასთან. #ახალიამბები #BusinessMediaGeorgia
სამშენებლო სექტორი იყო ერთადერთი სადაც საქართველოს ბიზნეს ასოციაციის ბიზნესის კლიმატის ინდექსის 2021 წლის მეორე კვარტლის შედეგებში ნეგატიური სურათი დაფიქსირდა. ნანარჩენი სექტორები ოპტიმისტურ განწყობას ინარჩუნებენ. გამოკითხვის თანახმად, მეორე კვარტალში ბიზნესი არსებულ მდგომარეობას, გაუმჯობესების მიუხედავად, კვლავ ნეგატიურად აფასებს, თუმცა ბიზნესის მოლოდინი ოპტიმისტურია. რა აძლევს ბიზნესს ამის თქმის საფუძველს? სტუმარი: ლევან ვეფხვაძე - BAG ; აღმასრულებელი დირექტორი; #ახალიამბები #BusinessMediaGeorgia
დედაქალაქის მერის, კახა კალაძის ინფორმაციით, თბილისის მასშტაბით ზონალურ-საათობრივი პარკირების სისტემის განხორციელებისთვის დამატებითი ქუჩები შეირჩა. როგორც კალაძემ თბილისის მუნიციპალიტეტის მთავრობის სხდომაზე განაცხადა, დედაქალაქის მასშტაბით ჯამში 1315 საპარკინგე ადგილზე დაინერგება ზონალურ საათობრივი პარკირება. #ახალიამბები #BusinessMediaGeorgia
მომავალი თვიდან საქართველოში შესაძლოა პური 20-25 თეთრით გაძვირდეს. ივნისის ბოლოს ფქვილის სუბსიდირების სახელმწიფო პროგრამას ვადა ეწეურება, რამაც გასული 7 თვის განმავლობაში საერთაშორისო ბაზარზე ხორბლის გაძვირებისა და კომუნალური ხარჯების ზრდის ფონზე პურის გაძვირება გადააზღვია. ბაზარზე ხორბალსა და ფქვილზე ფასი მცირედით შემცირდა, თუმცა პურის ქარხნები ამბობენ, რომ სუბსიდიის პირობებშიც პურზე არსებული ფასი მათ ხარჯებს ვერ აბალანსებს, შესაბამისად თუ სახელმწიფო სუბსიდიის პროგრამიდან გამოვა, ერთ კილოგრამ პურზე ფასი 40-50 თეთრით მოიმატებს, რაც საცალო ფასის 20-25 თეთრით ზრდას გამოიწვევს. როგორი ტენდენციებია ხორბლის ბაზარზე და რამდენად რეალურია მოქალაქეებისთვის პური გაძვირდეს? #ახალიამბები #BusinessMediaGeorgia
თიბისიმ 2020 წლის მდგრადი განვითარების ანგარიში წარადგინა, რომელმაც ის ძირითადი საკითხები გააერთიანა, რასაც ეკონომიკაზე, გარემოსა და საზოგადოებაზე გასულ წელს ყველაზე დიდი გავლენა ჰქონდა. მათ შორისაა ბიზნესსექტორის მხარდაჭერა, მომხმარებელთა და თანამშრომელთა უფლებების დაცვა, შრომითი პირობების გაუმჯობესება, სამუშაო ადგილების მრავალფეროვნება, ქალთა გაძლიერების საკითხები, ციფრული ტექნოლოგიების განვითარება, გარემოსდაცვითი საკითხები, კორპორაციული სოციალური პასუხისმგებლობა, ფინანსური განათლება და სხვა. #ახალიამბები #BusinessMediaGeorgia
კომპანია მაგთი პარლამენტს ღია წერილით მიმართავს. მათი შეფასებით, კომუნიკაციების კომისია უკიდურესად დაპირისპირებულია დარგში მოღვაწე თითქმის ყველა სუბიექტთან. “მის ხელში დარგი ნადგურდება, მას არ ესმის დარგის მნიშვნელობა, კიბერუსაფრთხოება თუ ეკონომიკის პრინციპები. კიბერუსაფრთხოების გაზრდილი რისკების უყურადღებობამ შეიძლება პარალიზებამდე მიიყვანოს ქვეყანა, იქნება ეს თავდაცვა, ჯანდაცვა, განათლება, საბანკო-საფინანსო სექტორი, ვაჭრობა, ტურიზმი თუ ნებისმიერი სხვა მიმართულება” - ნათქვამია კომპანიის მიმართვაში. ამასთან, კომპანიაში აცხადებენ ,რომ საქართველოს კომუნიკაციების ეროვნული კომისიის 2019 წლის ანგარიში პარლამენტს ჯერ კიდევ არ განუხილავს. #ახალიამბები #BusinessMediaGeorgia
კონფერენცია გაიმართა თემაზე - „ელექტროენერგეტიკის სექტორის რეფორმის მიმდინარეობა, შედეგები და გამოწვევები“. კონფერენციაზე ასევე საუბარი იყო ენერგეტიკულ ბირჟაზე. მე შეგახსენებთ, რომ საქართველოში ენერეტიკული ბირჟის სრულფასოვანი ამოქმედება 2021 წლის 1 ივლისს იგეგმებოდა თუმცა, როგორც ირკვევა მისი ამოქმედება 6 თვით გადავადდება. შესაბამისად, ამ დროის განმავლობაში ბირჟას არ ექნება ის ძირითადი ფუნქცია, რაც ფასის დადგენას გულისხმობს. სტუმარი: ირინა მილორავა - ენერგეტიკული ბირჟის გენერალური დირექტორი; #ახალიამბები #BusinessMediaGeorgia
რამდენიმე საათის განმავლობაში თბილისში და არამხოლოდ , მოსახლეობას ელექტროენერგია არ მიეწოდებოდა - რა გახდა მასობრივი გათიშვის მიზეზი და უკავშირდება თუ არა ის ენგურჰესს ? #ახალიამბები #BusinessMediaGeorgia
საშემოსავლო გადასახადის 20%-დან 18%-მდე შემცირება - ეკონომიკურ ზრდას გაზრდის 0.67%-ით, ხოლო დღგ-ის 18%-დან 16%-მდე შემცირება - ეკონომიკურ ზრდას გაზრდის 0.31%-ით - ესაა რიცხვები და სცენარები, რომელიც ინვესტორთა საბჭოს სამდივნომ გამოაქვეყნა. #ახალიამბები #BusinessMediaGeorgia
სამედიცინო დაზღვევის გაძვირება გარდაუვალია - კერძო სადაზღვევო კომპანიები პაკეტების ფასების მატებაზე საუბრობენ. კერძო სექტორის თქმით, ფასების ზრდა კონკრეტული მიმარტულებებით უკვე დაწყებულია. რას უკავშირებს ბიზნესი გაზრდილ ფასებს და რამდენით ძვირდება მომსახურება? #ახალიამბები #BusinessMediaGeorgia
საშემოსავლო გადასახადის 20%-დან 18%-მდე შემცირება - ეკონომიკურ ზრდას გაზრდის 0.67%-ით, ხოლო დღგ-ის 18%-დან 16%-მდე შემცირება - ეკონომიკურ ზრდას გაზრდის 0.31%-ით - ესაა რიცხვები და სცენარები, რომელიც ინვესტორთა საბჭოს სამდივნომ გამოაქვეყნა. კვლევის თანახმად, გადასახადი, რომლის შემცირებასაც ყველაზე დადებითი ეფექტი აქვს ეკონომიკურ ზრდაზე არის საშემოსავლო გადასახადი. #ახალიამბები #BusinessMediaGeorgia
დღეს საქართველოს პარლამენტში ფინანსთა მინისტრს ლაშა ხუციშვილს მინისტრის საათის ფორმატში უსმენდნენ. მინისტრის მოხსენების მთავარი აქცენტი იყო, რა გავლენა იქონია გლობალურმა პანდემიამ ქვეყნის ბიუჯეტზე. ერთ-ერთი მთავარი რაც ყურს მოხვდა, მინისტრის მიერ დადებული პირობაა, რომ სახელმწიფო ვალი კანონით გათვალისწინებულ ზღვარს წელსვე დაუბრუნდება. საინტერესოა, მხოლოდ ლარის გამყარებამ შეიძლება შეიტანოს ამაში წვლილი, რადგან ამ ვალის დიდი წილი სწორედ დოლარში და ევროშია, თუ მთავრობაც გეგმავს ხარჯების კონსოლიდაციას. #ახალიამბები #BusinessMediaGeorgia
საქართველოს მთავრობა მომავალი თვიდან ქვეყანაში მასობრივი ვაქცინაციის დაწყებას აანონსებს. იმისთვის, რომ წლის ბოლომდე მოზრდილი მოსახლეობის ვაქცინაციის 60%-ს მივაღწიოთ, დღიურად 20-დან 25 ათასამდე ადამიანი უნდა აიცრას. ამ პროცესში ორი მთავარი გამოწვევა არსებობს, ერთი ქვეყანას საკმარისი ვაქცინა გააჩნდეს და მეორე გავზარდოთ იმ მოქალაქეთა ინფორმირების დონე, რომლებიც ვაქცინაციას სკეპტიკურად უყურებენ. საქმის კურსი დაინტერესდა რა გაკეთდა ამ დრომდე ვაქცინაციის სიკეთის შესახებ მოქალაქეების ინფორმირებისთვის? #ახალიამბები #BusinessMediaGeorgia
თბილისში ნარჩენების განცალკევებულად შეგროვება უნდა დაიწყოს, თუმცა, როდიდან, როგორ და რა მექანიზმით ეს ევროპელმა სპეციალისტებმა უნდა დაადგინონ, რომლებიც დედაქალაქის ნარჩენების სტრატეგიაზე მუშაობენ. ამასობაში კი თბილისის მერიას უკვე განხორციელებული აქვს მაგალითად მიწისქვეშა ნაგვის ურნების პროექტი, რომელიც არავინ იცის, მოერგება თუ არა ახალ დოკუმენტში განსაზღვრულ საჭირობებებს. დედაქალაქში ყოველწლირად 420 ათასი ტონა ნარჩენი წარმოიქმნება, რომლის მართვაც თბილსერვის ჯგუფს 60 მილიონი ლარი უჯდება. სწორედ ნარჩენებისა და დანახარჯების შემცირებაა თბილისის მუნიციპალიტეტის მიზანი სტრატეგიის განხორციელებისას. ირკვევა ისიც, რომ ნარჩენების განცალკევებულად შეგროვება, სავარაუდოდ ნარჩენების გაადსახადსაც გაზრდის #ახალიამბები #BusinessMediaGeorgia
2012-2020 წლებში სახელმწიფო ქონება პირდაპირი პრივატიზაციის წესით 6 ოფშორულ კომპანიას აქვს გადაცემული, - კვლევა „საერთაშორისო გამჭვირვალობა - საქართველომ“ გამოაქვეყნა. კვლევის მიხედვით, ამ კომპანიებიდან სამს ქონება სიმბოლურ ფასად, ერთ ლარად გადაეცა. 15-მა ოფშორულმა კომპანიამ სახელმწიფო ქონება აუქციონის გზით მიიღო. ამ ქონების საპრივატიზაციო ღირებულება დაახლოებით 77 მლნ ლარია. არასამთავრობო ორგანიზაციის მონაცემებით, საქართველოს სამეწარმეო რეესტრში 3,200-მდე კომპანიაა რეგისტრირებული, რომელთა მთლიანი ან გარკვეული წილის მფლობელი ოფშორში რეგისტრირებული კომპანიაა. სტუმარი: ბესო ნამჩავაძე - „საერთაშორისო გამჭვირვალობა - საქართველო”ანალიტიკოსი; #ახალიამბები #BusinessMediaGeorgia
კომპანია outdoor.ge-ის გარე რეკლამის განთავსების ნებართვა შესაძლოა კიდევ გაუხანგრძლივდეს - ამის შესახებ დღეს თბილისის ვიცე მერმა ირაკლი ხმალაძემ განაცხადა. როგორც ხმალაძე ამბობს, ახალი აუქციონის პირობებზე მუშაობა ჯერ კიდევ არ დასრულებულა, ამის პარალელურად საკრებულოს ოპოზიცია თვლის, რომ ახალი პირობები, რომელზეც თბილისის მერია მუშაობს ბაზარზე კონკურენციას კიდევ 15 წლით შეზღუდავს. #ახალიამბები #BusinessMediaGeorgia
თუ არა ბენზინი და დიზელი ეროვნული ვალუტის გამყარების პარალელურად და რა ხდება საერთაშორისო ბირჟებზე?! საწვავზე ფასების ზრდის პერიდში, ნავთობიმპორტიორები გვარწმუნებდნენ, რომ მთავარი მდგენელი ეროვნული ვალუტის გაუფურების ტრენდი იყო. რა ხდება დღეს? #ახალიამბები #BusinessMediaGeorgia
სტატისტიკის ეროვნულმა სამსახურმა დღეს 2021 წლის პირველი კვარტლის პირდაპირი უცხოური ინვესტიციების მაჩვენებელი გამოაქვეყნა. FDI შემცირებულია. არ იცვლება სექტორების ჩამონათვალიც, სადაც შედარებით მაღალი აქტივობაა და არც პირიქით. რა მივიღეთ წლის პირველ კვარტალში, რომელ სექტორებში გაიზარდა და სად შემცირდა? #ახალიამბები #BusinessMediaGeorgia
1 ივლისიდან ბიზნესისთვის ახალი რეგულაცია შედის ძალაში. საუბარია იმ ბიზნესსუბიექტებზე, რომლებიც აირზე მომუშავე მოწყობილობების რეალიზაციას ახორციელებენ. შესაბამისი ტექნიკური რეგლამენტის მიხედვით, ბაზარზე მხოლოდ ის მოწყობილობები გაიყიდება, რომელიც აღნიშნული რეგულაციის შესაბამისად იქნება ნაწარმოები. იმ მწარმოებელ კომპანიებს, რომლებიც ქართულ ბაზარს წყლის გამაცხელებლებს, გათბობის ქვამბებს და გაზქურებს აწვდიან, 1 ივლისიდან აღნიშნულ ტექნიკაზე გარკვეული ტექნიკური დოკუმენტაციის მომზადება და შესაბამისობის შეფასება მოუწევთ. თუ რეგლამენტით ტექნიკა პროცედურას გაივლის, მწარმოებელი ვალდებულია შესაბამისობის დეკლარაცია შეადგინოს. მსგავსი ვალდებულება როგორც ტექნიკაზე, ისე საამწყობრო ნაწილებზე ვრცელდება. კერძო სექტორი ამბობს, რომ ბაზარზე რეგლამენტის შესაბამისად ნაწარმოები პროდუქცია არ არსებობს, შესაბამისად თუ რეგულაციის გადავადება არ მოხდება, გამოდის ბაზარი მომხმარებლისთვის საჭირო ტექნიკის გარეშე დარჩება. რა პრობლემას ქმნის ახალი რეგულაცია და რაში ხედავს გამოსავალს ბიზნესი #ახალიამბები #BusinessMediaGeorgia
„სპორტის სასახლის მიმდებარე ტერიტორიაზე, თუ ავტობუსის ზოლში გაჩერდება ავტომანქანა, ის დაჯარიმდება“, - ამის შესახებ დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა. მისი თქმით, აღნიშნული ტერიტორია ერთ-ერთი პრობლემური სატრანსპორტო მონაკვეთია, რადგან აქ ფუნქციონირებს „მაკდონალდსის“ „დრაივი“ და პიკის საათებში მომლოდინე ავტომანქანების რიგი დგება. თბილისის მერის თქმით, მძღოლების ინფორმირებულობის მიზნით, აღნიშნულ მონაკვეთზე ინსპექტორი იმუშავებს. თბილისის მთავრობის სხდომაზე, კოოპერატიული ბინათმშენებლობებით დაზარალებულთა პრობლემაზეც ისაუბრეს, დაისვა კითხვა, რატომ უნდა დაინტერესდეს ბიზნესი ბინათმშენებლობების პროგრამით? #ახალიამბები #BusinessMediaGeorgia
I კვარტალში საქართველოში უცხოური ინვესტიციები 28.3%-ით შემცირდა. საქსტატმა 2021 წლის პირველი კვარტლის მდგომარეობით პირდაპირი უცხოური ინვესტიციების სტატისტიკა გამოაქვეყნა. დოკუმენტის თანახმად, საქართველოში FDI-ის სახით მხოლოდ $125.4 მილიონი შემოვიდა, რაც წინა წელთან შედარებით 28.3%-ით ნაკლებია. მნიშვნელოვანია გარემოება, რომ ინვესტიციების მოცულობა თავისმხრივ 2020 წლის შედეგებს დარდება, 2020 წელს კი FDI პანდემიის გამო განახევრდა, შესაბამისად 2021 წელს ინვესტიციების კიდევ უფრო მკვეთრი შემცირება გაგრძელდა. #ახალიამბები #BusinessMediaGeorgia
პანდემიურ რეალობაში რაჭაში, კურორტ უწერაში ახალი სასტუმრო მანინო იხსნება, რომელიც სტუმრების მიღებას 15 ივნისიდან შეძლებს. სასტუმრო სრულად ქართული ინვესტიციით აშენდა და საერთო ჯამში 14 ნომერი გააერთიანა. როგორც სასტუმროს დამფუძნებლები გვიყვებიან, მანინოში 21 ადგილობრივი დასაქმდა. ვისზე არის გათვლილი სასტუმრო და რა გამოარჩევს მას რეგიონში არსებული სასტუმროებისგან? #ახალიამბები #BusinessMediaGeorgia
215 000 ძირი მწვანე ნარგავი, რეაბილიტირებული 1 000 სკვერი, 15 პარკი და 60 გზაგამყოფი კუნძული; - ეს არის სამუშაოების ნაწილი, რომელიც თბილისის მერიამ გამწვანების და გარემოს დაცვის მიმართულებით 3 წლის განმავლობაში ჩაატარა. მერიამ საზოგადოებას თბილისის გარემოს დაცვის პოლიტიკის მიმართულებით განხორციელებულ პროექტებზე ანგარიში დღეს წარუდგინა. ერთ-ერთი პრეზენტატორი დედაქალაქის მერის მოადგილე ანდრია ბასილაია იყო. სტუმარი: ანდრია ბასილაია - დედაქალაქის მერის მოადგილე ; #ახალიამბები #BusinessMediaGeorgia
მერძევეობის დარგში ცუდი ამბებია და თუ სიღრმისეულად არ მიეხედა, პროცესები შეუქცევად ხასიათს იღებს”, - ამ შინაარსის განცხადება სოციალურ ქსელში არასამთავრობო ორგანიზაცია “მომავლის ფერმერის” ხელმძღვანელმა რუსუდან გიგაშვილმა გააკეთა. მისივე ინფორმაციით, „მაღალპროდუქტიული ჯიშის მერძეული ფერმები ერთმანეთის მიყოლებით იკეტებიან ან წარმოებას ანახევრებენ“. „შირაქი“, რომელიც ქვეყანას ყოველდღიურად 4-4.5 ტონა რძეს აწვდიდა და დარგის ერთ-ერთი ძირითადი მოთამაშე იყო, ბაზრიდან გადის. 400-სულიანი ჰოლშტეინის ჯიშის მერძეული ფერმიდან ნიკოლოზ ბენიაიძე მხოლოდ 20-30 სულს იტოვებს, დანარჩენს ყიდის. რა პრობლემები აქვთ ფერმერებს და რას აცხადებენ სამინისტროში?! #ახალიამბები #BusinessMediaGeorgia