1 ივნისიდან კონკურენციის სააგენტომ ანტიდემპინგური კანონის აღსრულება დაიწყო. შესაბამისად, ბიზნესებს, რომლებსაც მიაჩნიათ, რომ მათ სფეროში დემპინგურ იმპორტს აქვს ადგილი, შეუძლიათ, შესაბამის ფაქტებსა და არგუმენტებზე დაყრდნობით მომზადებული საჩივრით, სააგენტოს მიმართონ. კონკურენციის სააგენტოში ამისთვის სპეციალური დეპარტამენტია შექმნილი და მათთვის კანონის ამოქმედებამდე უკვე იყო ცნობილი ის სექტორები, საიდანაც ბიზნესს შეიძლება დემპინგის შესახებ განაცხადებით მიემართა, თუმცა როგორც ჩანს მარტივი ნამდვილად არ არის განაცხადისთვის საჭირო ინფორმაციის მოძიება, რაც თან უნდა ერთვოდეს განაცხადს. #ახალიამბები #BusinessMediaGeorgia
როგორია საქართველოს პროკურატურის რეაგირება სახელწმიფო აუდიტის სამსახურის ანგარიშებზე, რატომ არ გაკეთდა კონკრეტულ სახელმწიფო საწარმოებში ამ დრომდე აუდიტი და იგეგმება თუ არა სახელმწიფო აუდიტის სამსახურის მხრიდან საყოველთაო ჯანდაცვის პროგრამის აუდიტის ჩატარება, ეს ის კითხვებია, რომელზეც პასუხის გაცემა დღეს სახელმწიფო აუდიტის სამსახურის ხელმძღვანელს მოუწია. #ახალიამბები #BusinessMediaGeorgia
მორიგი მსხვილი სახელმწიფო შესყიდვა, რომელთან დაკავშირებითაც კითხვები ჩნდება. დედაქალაქი 100 მილიონამდე ლარის ღირებულების ლედ სანათებს ყიდულობს. ტენდერში კომპანიების მხრიდან წინადადებების მიღება დაწყებულია, თუმცა, მონაწილე კომპანიებს და არამარტო მათ, უამრავი ტენდერის პირობებთან დაკავშირებით არაერთი შეკითხვა აქვთ. ჩნდება ეჭვი, ხომ არ არის მორგებული მსხვილი შესყიდვა კონკრეტულ კომპანიაზე და ხომ არ გვაქვს საქმე კორუფციულ გარიგებასთან. #ახალიამბები #BusinessMediaGeorgia
სამშენებლო სექტორი იყო ერთადერთი სადაც საქართველოს ბიზნეს ასოციაციის ბიზნესის კლიმატის ინდექსის 2021 წლის მეორე კვარტლის შედეგებში ნეგატიური სურათი დაფიქსირდა. ნანარჩენი სექტორები ოპტიმისტურ განწყობას ინარჩუნებენ. გამოკითხვის თანახმად, მეორე კვარტალში ბიზნესი არსებულ მდგომარეობას, გაუმჯობესების მიუხედავად, კვლავ ნეგატიურად აფასებს, თუმცა ბიზნესის მოლოდინი ოპტიმისტურია. რა აძლევს ბიზნესს ამის თქმის საფუძველს? სტუმარი: ლევან ვეფხვაძე - BAG ; აღმასრულებელი დირექტორი; #ახალიამბები #BusinessMediaGeorgia
დედაქალაქის მერის, კახა კალაძის ინფორმაციით, თბილისის მასშტაბით ზონალურ-საათობრივი პარკირების სისტემის განხორციელებისთვის დამატებითი ქუჩები შეირჩა. როგორც კალაძემ თბილისის მუნიციპალიტეტის მთავრობის სხდომაზე განაცხადა, დედაქალაქის მასშტაბით ჯამში 1315 საპარკინგე ადგილზე დაინერგება ზონალურ საათობრივი პარკირება. #ახალიამბები #BusinessMediaGeorgia
მომავალი თვიდან საქართველოში შესაძლოა პური 20-25 თეთრით გაძვირდეს. ივნისის ბოლოს ფქვილის სუბსიდირების სახელმწიფო პროგრამას ვადა ეწეურება, რამაც გასული 7 თვის განმავლობაში საერთაშორისო ბაზარზე ხორბლის გაძვირებისა და კომუნალური ხარჯების ზრდის ფონზე პურის გაძვირება გადააზღვია. ბაზარზე ხორბალსა და ფქვილზე ფასი მცირედით შემცირდა, თუმცა პურის ქარხნები ამბობენ, რომ სუბსიდიის პირობებშიც პურზე არსებული ფასი მათ ხარჯებს ვერ აბალანსებს, შესაბამისად თუ სახელმწიფო სუბსიდიის პროგრამიდან გამოვა, ერთ კილოგრამ პურზე ფასი 40-50 თეთრით მოიმატებს, რაც საცალო ფასის 20-25 თეთრით ზრდას გამოიწვევს. როგორი ტენდენციებია ხორბლის ბაზარზე და რამდენად რეალურია მოქალაქეებისთვის პური გაძვირდეს? #ახალიამბები #BusinessMediaGeorgia
თიბისიმ 2020 წლის მდგრადი განვითარების ანგარიში წარადგინა, რომელმაც ის ძირითადი საკითხები გააერთიანა, რასაც ეკონომიკაზე, გარემოსა და საზოგადოებაზე გასულ წელს ყველაზე დიდი გავლენა ჰქონდა. მათ შორისაა ბიზნესსექტორის მხარდაჭერა, მომხმარებელთა და თანამშრომელთა უფლებების დაცვა, შრომითი პირობების გაუმჯობესება, სამუშაო ადგილების მრავალფეროვნება, ქალთა გაძლიერების საკითხები, ციფრული ტექნოლოგიების განვითარება, გარემოსდაცვითი საკითხები, კორპორაციული სოციალური პასუხისმგებლობა, ფინანსური განათლება და სხვა. #ახალიამბები #BusinessMediaGeorgia
კომპანია მაგთი პარლამენტს ღია წერილით მიმართავს. მათი შეფასებით, კომუნიკაციების კომისია უკიდურესად დაპირისპირებულია დარგში მოღვაწე თითქმის ყველა სუბიექტთან. “მის ხელში დარგი ნადგურდება, მას არ ესმის დარგის მნიშვნელობა, კიბერუსაფრთხოება თუ ეკონომიკის პრინციპები. კიბერუსაფრთხოების გაზრდილი რისკების უყურადღებობამ შეიძლება პარალიზებამდე მიიყვანოს ქვეყანა, იქნება ეს თავდაცვა, ჯანდაცვა, განათლება, საბანკო-საფინანსო სექტორი, ვაჭრობა, ტურიზმი თუ ნებისმიერი სხვა მიმართულება” - ნათქვამია კომპანიის მიმართვაში. ამასთან, კომპანიაში აცხადებენ ,რომ საქართველოს კომუნიკაციების ეროვნული კომისიის 2019 წლის ანგარიში პარლამენტს ჯერ კიდევ არ განუხილავს. #ახალიამბები #BusinessMediaGeorgia
კონფერენცია გაიმართა თემაზე - „ელექტროენერგეტიკის სექტორის რეფორმის მიმდინარეობა, შედეგები და გამოწვევები“. კონფერენციაზე ასევე საუბარი იყო ენერგეტიკულ ბირჟაზე. მე შეგახსენებთ, რომ საქართველოში ენერეტიკული ბირჟის სრულფასოვანი ამოქმედება 2021 წლის 1 ივლისს იგეგმებოდა თუმცა, როგორც ირკვევა მისი ამოქმედება 6 თვით გადავადდება. შესაბამისად, ამ დროის განმავლობაში ბირჟას არ ექნება ის ძირითადი ფუნქცია, რაც ფასის დადგენას გულისხმობს. სტუმარი: ირინა მილორავა - ენერგეტიკული ბირჟის გენერალური დირექტორი; #ახალიამბები #BusinessMediaGeorgia
რამდენიმე საათის განმავლობაში თბილისში და არამხოლოდ , მოსახლეობას ელექტროენერგია არ მიეწოდებოდა - რა გახდა მასობრივი გათიშვის მიზეზი და უკავშირდება თუ არა ის ენგურჰესს ? #ახალიამბები #BusinessMediaGeorgia
საშემოსავლო გადასახადის 20%-დან 18%-მდე შემცირება - ეკონომიკურ ზრდას გაზრდის 0.67%-ით, ხოლო დღგ-ის 18%-დან 16%-მდე შემცირება - ეკონომიკურ ზრდას გაზრდის 0.31%-ით - ესაა რიცხვები და სცენარები, რომელიც ინვესტორთა საბჭოს სამდივნომ გამოაქვეყნა. #ახალიამბები #BusinessMediaGeorgia
სამედიცინო დაზღვევის გაძვირება გარდაუვალია - კერძო სადაზღვევო კომპანიები პაკეტების ფასების მატებაზე საუბრობენ. კერძო სექტორის თქმით, ფასების ზრდა კონკრეტული მიმარტულებებით უკვე დაწყებულია. რას უკავშირებს ბიზნესი გაზრდილ ფასებს და რამდენით ძვირდება მომსახურება? #ახალიამბები #BusinessMediaGeorgia
საშემოსავლო გადასახადის 20%-დან 18%-მდე შემცირება - ეკონომიკურ ზრდას გაზრდის 0.67%-ით, ხოლო დღგ-ის 18%-დან 16%-მდე შემცირება - ეკონომიკურ ზრდას გაზრდის 0.31%-ით - ესაა რიცხვები და სცენარები, რომელიც ინვესტორთა საბჭოს სამდივნომ გამოაქვეყნა. კვლევის თანახმად, გადასახადი, რომლის შემცირებასაც ყველაზე დადებითი ეფექტი აქვს ეკონომიკურ ზრდაზე არის საშემოსავლო გადასახადი. #ახალიამბები #BusinessMediaGeorgia
დღეს საქართველოს პარლამენტში ფინანსთა მინისტრს ლაშა ხუციშვილს მინისტრის საათის ფორმატში უსმენდნენ. მინისტრის მოხსენების მთავარი აქცენტი იყო, რა გავლენა იქონია გლობალურმა პანდემიამ ქვეყნის ბიუჯეტზე. ერთ-ერთი მთავარი რაც ყურს მოხვდა, მინისტრის მიერ დადებული პირობაა, რომ სახელმწიფო ვალი კანონით გათვალისწინებულ ზღვარს წელსვე დაუბრუნდება. საინტერესოა, მხოლოდ ლარის გამყარებამ შეიძლება შეიტანოს ამაში წვლილი, რადგან ამ ვალის დიდი წილი სწორედ დოლარში და ევროშია, თუ მთავრობაც გეგმავს ხარჯების კონსოლიდაციას. #ახალიამბები #BusinessMediaGeorgia
საქართველოს მთავრობა მომავალი თვიდან ქვეყანაში მასობრივი ვაქცინაციის დაწყებას აანონსებს. იმისთვის, რომ წლის ბოლომდე მოზრდილი მოსახლეობის ვაქცინაციის 60%-ს მივაღწიოთ, დღიურად 20-დან 25 ათასამდე ადამიანი უნდა აიცრას. ამ პროცესში ორი მთავარი გამოწვევა არსებობს, ერთი ქვეყანას საკმარისი ვაქცინა გააჩნდეს და მეორე გავზარდოთ იმ მოქალაქეთა ინფორმირების დონე, რომლებიც ვაქცინაციას სკეპტიკურად უყურებენ. საქმის კურსი დაინტერესდა რა გაკეთდა ამ დრომდე ვაქცინაციის სიკეთის შესახებ მოქალაქეების ინფორმირებისთვის? #ახალიამბები #BusinessMediaGeorgia
თბილისში ნარჩენების განცალკევებულად შეგროვება უნდა დაიწყოს, თუმცა, როდიდან, როგორ და რა მექანიზმით ეს ევროპელმა სპეციალისტებმა უნდა დაადგინონ, რომლებიც დედაქალაქის ნარჩენების სტრატეგიაზე მუშაობენ. ამასობაში კი თბილისის მერიას უკვე განხორციელებული აქვს მაგალითად მიწისქვეშა ნაგვის ურნების პროექტი, რომელიც არავინ იცის, მოერგება თუ არა ახალ დოკუმენტში განსაზღვრულ საჭირობებებს. დედაქალაქში ყოველწლირად 420 ათასი ტონა ნარჩენი წარმოიქმნება, რომლის მართვაც თბილსერვის ჯგუფს 60 მილიონი ლარი უჯდება. სწორედ ნარჩენებისა და დანახარჯების შემცირებაა თბილისის მუნიციპალიტეტის მიზანი სტრატეგიის განხორციელებისას. ირკვევა ისიც, რომ ნარჩენების განცალკევებულად შეგროვება, სავარაუდოდ ნარჩენების გაადსახადსაც გაზრდის #ახალიამბები #BusinessMediaGeorgia
2012-2020 წლებში სახელმწიფო ქონება პირდაპირი პრივატიზაციის წესით 6 ოფშორულ კომპანიას აქვს გადაცემული, - კვლევა „საერთაშორისო გამჭვირვალობა - საქართველომ“ გამოაქვეყნა. კვლევის მიხედვით, ამ კომპანიებიდან სამს ქონება სიმბოლურ ფასად, ერთ ლარად გადაეცა. 15-მა ოფშორულმა კომპანიამ სახელმწიფო ქონება აუქციონის გზით მიიღო. ამ ქონების საპრივატიზაციო ღირებულება დაახლოებით 77 მლნ ლარია. არასამთავრობო ორგანიზაციის მონაცემებით, საქართველოს სამეწარმეო რეესტრში 3,200-მდე კომპანიაა რეგისტრირებული, რომელთა მთლიანი ან გარკვეული წილის მფლობელი ოფშორში რეგისტრირებული კომპანიაა. სტუმარი: ბესო ნამჩავაძე - „საერთაშორისო გამჭვირვალობა - საქართველო”ანალიტიკოსი; #ახალიამბები #BusinessMediaGeorgia
კომპანია outdoor.ge-ის გარე რეკლამის განთავსების ნებართვა შესაძლოა კიდევ გაუხანგრძლივდეს - ამის შესახებ დღეს თბილისის ვიცე მერმა ირაკლი ხმალაძემ განაცხადა. როგორც ხმალაძე ამბობს, ახალი აუქციონის პირობებზე მუშაობა ჯერ კიდევ არ დასრულებულა, ამის პარალელურად საკრებულოს ოპოზიცია თვლის, რომ ახალი პირობები, რომელზეც თბილისის მერია მუშაობს ბაზარზე კონკურენციას კიდევ 15 წლით შეზღუდავს. #ახალიამბები #BusinessMediaGeorgia
თუ არა ბენზინი და დიზელი ეროვნული ვალუტის გამყარების პარალელურად და რა ხდება საერთაშორისო ბირჟებზე?! საწვავზე ფასების ზრდის პერიდში, ნავთობიმპორტიორები გვარწმუნებდნენ, რომ მთავარი მდგენელი ეროვნული ვალუტის გაუფურების ტრენდი იყო. რა ხდება დღეს? #ახალიამბები #BusinessMediaGeorgia
სტატისტიკის ეროვნულმა სამსახურმა დღეს 2021 წლის პირველი კვარტლის პირდაპირი უცხოური ინვესტიციების მაჩვენებელი გამოაქვეყნა. FDI შემცირებულია. არ იცვლება სექტორების ჩამონათვალიც, სადაც შედარებით მაღალი აქტივობაა და არც პირიქით. რა მივიღეთ წლის პირველ კვარტალში, რომელ სექტორებში გაიზარდა და სად შემცირდა? #ახალიამბები #BusinessMediaGeorgia
1 ივლისიდან ბიზნესისთვის ახალი რეგულაცია შედის ძალაში. საუბარია იმ ბიზნესსუბიექტებზე, რომლებიც აირზე მომუშავე მოწყობილობების რეალიზაციას ახორციელებენ. შესაბამისი ტექნიკური რეგლამენტის მიხედვით, ბაზარზე მხოლოდ ის მოწყობილობები გაიყიდება, რომელიც აღნიშნული რეგულაციის შესაბამისად იქნება ნაწარმოები. იმ მწარმოებელ კომპანიებს, რომლებიც ქართულ ბაზარს წყლის გამაცხელებლებს, გათბობის ქვამბებს და გაზქურებს აწვდიან, 1 ივლისიდან აღნიშნულ ტექნიკაზე გარკვეული ტექნიკური დოკუმენტაციის მომზადება და შესაბამისობის შეფასება მოუწევთ. თუ რეგლამენტით ტექნიკა პროცედურას გაივლის, მწარმოებელი ვალდებულია შესაბამისობის დეკლარაცია შეადგინოს. მსგავსი ვალდებულება როგორც ტექნიკაზე, ისე საამწყობრო ნაწილებზე ვრცელდება. კერძო სექტორი ამბობს, რომ ბაზარზე რეგლამენტის შესაბამისად ნაწარმოები პროდუქცია არ არსებობს, შესაბამისად თუ რეგულაციის გადავადება არ მოხდება, გამოდის ბაზარი მომხმარებლისთვის საჭირო ტექნიკის გარეშე დარჩება. რა პრობლემას ქმნის ახალი რეგულაცია და რაში ხედავს გამოსავალს ბიზნესი #ახალიამბები #BusinessMediaGeorgia
„სპორტის სასახლის მიმდებარე ტერიტორიაზე, თუ ავტობუსის ზოლში გაჩერდება ავტომანქანა, ის დაჯარიმდება“, - ამის შესახებ დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა. მისი თქმით, აღნიშნული ტერიტორია ერთ-ერთი პრობლემური სატრანსპორტო მონაკვეთია, რადგან აქ ფუნქციონირებს „მაკდონალდსის“ „დრაივი“ და პიკის საათებში მომლოდინე ავტომანქანების რიგი დგება. თბილისის მერის თქმით, მძღოლების ინფორმირებულობის მიზნით, აღნიშნულ მონაკვეთზე ინსპექტორი იმუშავებს. თბილისის მთავრობის სხდომაზე, კოოპერატიული ბინათმშენებლობებით დაზარალებულთა პრობლემაზეც ისაუბრეს, დაისვა კითხვა, რატომ უნდა დაინტერესდეს ბიზნესი ბინათმშენებლობების პროგრამით? #ახალიამბები #BusinessMediaGeorgia
I კვარტალში საქართველოში უცხოური ინვესტიციები 28.3%-ით შემცირდა. საქსტატმა 2021 წლის პირველი კვარტლის მდგომარეობით პირდაპირი უცხოური ინვესტიციების სტატისტიკა გამოაქვეყნა. დოკუმენტის თანახმად, საქართველოში FDI-ის სახით მხოლოდ $125.4 მილიონი შემოვიდა, რაც წინა წელთან შედარებით 28.3%-ით ნაკლებია. მნიშვნელოვანია გარემოება, რომ ინვესტიციების მოცულობა თავისმხრივ 2020 წლის შედეგებს დარდება, 2020 წელს კი FDI პანდემიის გამო განახევრდა, შესაბამისად 2021 წელს ინვესტიციების კიდევ უფრო მკვეთრი შემცირება გაგრძელდა. #ახალიამბები #BusinessMediaGeorgia
პანდემიურ რეალობაში რაჭაში, კურორტ უწერაში ახალი სასტუმრო მანინო იხსნება, რომელიც სტუმრების მიღებას 15 ივნისიდან შეძლებს. სასტუმრო სრულად ქართული ინვესტიციით აშენდა და საერთო ჯამში 14 ნომერი გააერთიანა. როგორც სასტუმროს დამფუძნებლები გვიყვებიან, მანინოში 21 ადგილობრივი დასაქმდა. ვისზე არის გათვლილი სასტუმრო და რა გამოარჩევს მას რეგიონში არსებული სასტუმროებისგან? #ახალიამბები #BusinessMediaGeorgia
215 000 ძირი მწვანე ნარგავი, რეაბილიტირებული 1 000 სკვერი, 15 პარკი და 60 გზაგამყოფი კუნძული; - ეს არის სამუშაოების ნაწილი, რომელიც თბილისის მერიამ გამწვანების და გარემოს დაცვის მიმართულებით 3 წლის განმავლობაში ჩაატარა. მერიამ საზოგადოებას თბილისის გარემოს დაცვის პოლიტიკის მიმართულებით განხორციელებულ პროექტებზე ანგარიში დღეს წარუდგინა. ერთ-ერთი პრეზენტატორი დედაქალაქის მერის მოადგილე ანდრია ბასილაია იყო. სტუმარი: ანდრია ბასილაია - დედაქალაქის მერის მოადგილე ; #ახალიამბები #BusinessMediaGeorgia
მერძევეობის დარგში ცუდი ამბებია და თუ სიღრმისეულად არ მიეხედა, პროცესები შეუქცევად ხასიათს იღებს”, - ამ შინაარსის განცხადება სოციალურ ქსელში არასამთავრობო ორგანიზაცია “მომავლის ფერმერის” ხელმძღვანელმა რუსუდან გიგაშვილმა გააკეთა. მისივე ინფორმაციით, „მაღალპროდუქტიული ჯიშის მერძეული ფერმები ერთმანეთის მიყოლებით იკეტებიან ან წარმოებას ანახევრებენ“. „შირაქი“, რომელიც ქვეყანას ყოველდღიურად 4-4.5 ტონა რძეს აწვდიდა და დარგის ერთ-ერთი ძირითადი მოთამაშე იყო, ბაზრიდან გადის. 400-სულიანი ჰოლშტეინის ჯიშის მერძეული ფერმიდან ნიკოლოზ ბენიაიძე მხოლოდ 20-30 სულს იტოვებს, დანარჩენს ყიდის. რა პრობლემები აქვთ ფერმერებს და რას აცხადებენ სამინისტროში?! #ახალიამბები #BusinessMediaGeorgia
"დედაქალაქში აღარ ხორციელდება არც ერთი ინფრასტრუქტურული პროექტი, არ გაიცემა არც ერთი ნებართვა მშენებლობაზე, თუკი გარემოს დაცვის სტანდარტები უმაღლეს დონეზე არ არის დაცული", - ამის შესახებ თბილისის მერმა კახა კალაძემ განაცხადა. მან დღეს საზოგადოებას თბილისის გარემოს დაცვის პოლიტიკის მიმართულებით განხორციელებულ პროექტებზე ანგარიში წარუდგინა. როგორც კალაძემ აღნიშნა თბილისის ეკოლოგიური მდგომარეობა ერთ-ერთი სერიოზული პრობლემა იყო, როცა დედაქალაქის მერი გახდა. კალაძე ირწმუნება, რომ განვლილი 4 წლის განმავლობაში დედაქალაქში ძალიან მნიშვნელოვანი და წარმატებული რეფორმები განხორციელდა. რა პროექტების განხორციელება დააანონსა თბილისის მერმა? #ახალიამბები #BusinessMediaGeorgia
მასობრივი ვაქნაცია უახლოეს მომავალში დაიწყება. ჯანდაცვის მინისტრის მოადგილე, თამარ გაბუნია აცხადებს, რომ მზაობა არსებობს და გეგმა რეალურია. მისი თქმით, ეს ქვეყანას მისცემს საშუალებას, რომ სექტემბრის ბოლომდე მოზრდილი მოსახლეობის 18% აცრილი იყოს. საკოორდინაციო საბჭოს დასრულების შემდეგ, ცნობილი გახდა, რომ ქვეყნის მასშტაბით ვაქცინაციის ცენტრები მოეწყობა და კონკეტულ სივრცეებთან დაკავშირებით გადაწყვეტილებაც მიღებულია… #ახალიამბები #BusinessMediaGeorgia
ლარი 0.7 თეთრით გაუფასურდა. დღევანდელი ვაჭრობის შედეგად 1 დოლარის ოფიციალური ღირებულება 3.15 ლარი გახდა. ეროვნული ვალუტა, გაუფასურდა ევროსთან მიმართებითაც, 1 ევროს ფასი 3 ლარი და 83 თეთრი გახდა. ლარის კურსთან დაკავშირებით განცხადებები გაკეთდა საკანონმდებლო ორგანოში, სადაც ენერგეტიკის სექტორში დაგეგმილ ცვლილებებზე მსჯელობდნენ. #ახალიამბები #BusinessMediaGeorgia
სამთავრობო პროგრამის მიმდინარეობის შესრულების შესახებ ანგარიში, რომელიც 2020 წლის ივნისიდან 2021 მაისის ჩათვლით პერიოდს მოიცავს უკვე პარლამენტშია. 150-გვერდიანი დოკუმენტი საკანონმდებლო ორგანოს ვებგვერდზე რამდენიმე საათის წინ აიტვირთა. პარლამენტის წინაშე კი, პრემიერი ირაკლი ღარიბაშვილი მოხსენებით საგაზაფხულო სესიის ბოლო კვირაში ანუ ივნისის ბოლოს წარსდგება. #ახალიამბები #BusinessMediaGeorgia
ეკონომიკის მინისტრის ნათია თურნავას განცხადებით, ერთი კვირის წინ, საქართველოს მთავრობის მიერ სახმელეთო საზღვრების გახსნის შესახებ მიღებული გადაწყვეტილებით ტურისტული ნაკადები გაიზარდა. „აღდგა სარკინიგზო სამგზავრო მიმოსვლა სომხეთსა და საქართველოს შორის. 15 ივნისს ერევანი-ბათუმის მიმართულებით თბილისის გავლით პირველი მატარებელი დაიძრება, რაც იმას ნიშნავს, რომ ჩვენი მეზობელი სახელმწიფოდან საქართველოს ტურისტები ტრადიციულად ესტუმრებიან.” - განაცხადა თურნავამ. მისივე ინფორმაციის, კომენდანტის საათის შეზღუდვა ძალაში რჩება. რით ხსნის ამ გადაწყვეტილებას მთავრობა და რა კითხვები დაისვა მთავრობის სხდომის შემდეგ გამართულ ბრიფინგზე? #ახალიამბები #BusinessMediaGeorgia
ლარი 7 თეთრით გამყარდა. დღევანდელი ვაჭრობის შედეგად, ერთი დოლარის ოფიციალური ღირებულება 3 ლარი და 15 თეთრი გახდა. ლარი გამყარდა ევროსთან მიმართებითაც 8 თეთრით, შესაბამისად 1 ევროს ფასი 3 ლარი და 84 თეთრია. ინფორმაციისთვის ბლუმბერგის სავაჭრო სისტემაში, ვაჭრობა 3.10 ნიშნულზე დაიხურა. რატომ მყარდება ლარი? სტუმარი: დავით სონღულაშვილი - პარლამენტის დარგობრივი ეკონომიკის და ეკონომიკური პოლიტიკის კომიტეტის თავმჯდომარე. #ახალიამბები #BusinessMediaGeorgia
„ენერგეტიკის სამინისტროს გაუქმება ცუდი გადაწყვეტილება იყო. ის უნდა აღდგეს“, - ეს განცხადება bm.ge-ის მთავარ რედაქტორთან, თელარა გელანტიასთან ინტერვიუში კომპანია „ფერის“ აღმასრულებელმა დირექტორმა გააკეთა. ვინ წარმოუდგენია ლაშა იორდანიშვილს მინისტრად და რამდენად აქტიურად აყენებს დარგი გაუქმებული სამინისტროს აღდგენის საკითხს? ლაშა იორდანიშვილი - კომპანია „ფერის“ აღმასრულებელი დირექტორი #ახალიამბები #BusinessMediaGeorgia
საქართველოში ბოლო წლებში რეკორდულად მაღალი - 7.7%-იანი წლიური ინფლაცია დაფიქსირდა. საქსტატმა მაისის ინფლაციის ანგარიში დღეს გამოაქვეყნა. დოკუმენტის თანახმად, გასული თვის განმავლობაში ფასების ყველაზე მაღალი 17.4%-იანი ზრდა ტრანსპორტის ჯგუფში დაფიქსირდა, რისი მთავარი მიზეზიც საწვავის გაძვირება იყო. რა გაძვირდა და რა მოლოდინებია ქვეყანაში? #ახალიამბები #BusinessMediaGeorgia
საქართველოში ბოლო წლებში რეკორდულად მაღალი - 7.7%-იანი წლიური ინფლაცია დაფიქსირდა. საქსტატმა მაისის ინფლაციის ანგარიში დღეს გამოაქვეყნა. დოკუმენტის თანახმად, გასული თვის განმავლობაში ფასების ყველაზე მაღალი 17.4%-იანი ზრდა ტრანსპორტის ჯგუფში დაფიქსირდა, რისი მთავარი მიზეზიც საწვავის გაძვირება იყო. #ახალიამბები #BusinessMediaGeorgia
კომუნიკაციების კომისია საქართველოში მოქმედ მობილურ ოპერატორებს აკრიტიკებს. 2020 წლის ანგარიშში კახა ბექაურის უწყება მიუთითებს, რომ კომპანიები საკმაოდ მაღალი მარჟებით ოპერირებენ. მარეგულირებელი კომისია თავად აღნიშნავს, რომ მობილური მომსახურებების ბაზარზე კონკურენცია შეზღუდულია - გამოსავალს კი ბაზარზე ვირტუალური მობილური ოპერატორების განვითარებაში ხედავს. კომუნიკაციების კომისიის განცხადებებს საქმის კურსის მეშვეობით თავად მობილური ოპერატორებიც პასუხობენ. #ახალიამბები #BusinessMediaGeorgia
ლარი გამყარდა. დღევანდელი ვაჭრობის სედეგად, 1 დოლარის ოფიციალური ღირებულება 3 ლარი და 22 თეთრია. Ლარი 0.3 თეთრით გამყარდა. 0.5 თეთრით გამყარდა ლარი ევროსთან მიმართებით და 1 ევროს ფასი 3.92 ლარი გახდა. რა შეფასებებს აკეთებს ბიზნესი და კერძო სექტორი? #ახალიამბები #BusinessMediaGeorgia
ტიტანიკსაც" დადებითად აფასებდნენ, სანამ არ ჩაიძირა" , "ლარის კურსის აქეთ-იქით ქანაობა ბიზნესზე ძალიან ცუდად მოქმედებს,„თქვენი სიჩუმით მე და ბადრი ჯაფარიძე 12-წლიან ბრალზე გაგვიშვით“ -ეს იმ განცხადებების ნაწილია, რომელიც დღეს საფინანსო -საბიუჯეტო კომიტეტზე დეპუტატების მხრიდან ეროვნული ბანკის პრეზიდენტის მისამამართით ისმოდა. საფინანსო საბიუჯეტო კომიტეტის სხდომაზე დღეს ეროვნული ბანკის პრეზიდენტმა კობა გვენეტაძემ 2020 წლის საქმიანობის ანგარიში წარადგინა. საკომიტეტო მოსმენაზე ძირითადად ლარის კურსზე, ინფლაციაზე და ეროვნული ბანკის პასუხისმგებლობაზე ისაუბრეს… #ახალიამბები #BusinessMediaGeorgia
კორონავირუსის პანდემიით გამოწვეული ზიანის შესამსუბუქებლად დედაქალაქის მერია რესტორნების შემდეგ 5000-5000 ლარით ბავშვთა დაბადების დღის ცენტრებსაც დაეხმარება. ამის შესახებ კახა კალაძემ დედაქალაქის მთავრობის სხდომაზე განაცხადა. სტუმარი: გიორგი ხარებაშვილი - ბავშვთა გასართობი ცენტრის "ქენდი ლენდის" დამფუძნებელი #ახალიამბები #BusinessMediaGeorgia
კორონავირუსის პანდემიით გამოწვეული ზიანის შესამსუბუქებლად დედაქალაქის მერია რესტორნების შემდეგ 5000-5000 ლარით ბავშვთა დაბადების დღის ცენტრებსაც დაეხმარება. ამის შესახებ კახა კალაძემ დედაქალაქის მთავრობის სხდომაზე განაცხადა. #ახალიამბები #BusinessMediaGeorgia
სილქნეტი SAS-თამ პარტნიორობას იწყებს. SAS-ი მსოფლიოს ლიდერი კომპანიაა მომხმარებლის მონაცემთა ანალიტიკის სფეროში. ხელშეკრულების თანახმად, საერთაშორისო კომპანია სილქნეტს უზრუნველყოფს მომხმარებლის მონაცემთა ანალიზზე დაფუძნებული ახალი სისტემებით. ამასთან ერთად, სილქნეტის კორპორაციულ კლიენტებს - სხვადასხვა ბიზნესს და ორგანიზაციას შესაძლებლობა ექნება ისარგებლოს Sas-ის მომსახურებით. ეს იქნება ციფრული ხიდი საქართველოსა და ამერიკას შორის - ამბობს სილქნეტის სამეთვალყურეო საბჭოს თავმდჯომარე. მხარეებს შორის შესაბამის ხელშეკრულებას დღეს მოეწერა ხელი.
“სატრანსპორტო რეფორმა რომ დასრულდება, თბილისის დადგება სხვა ევროპული დედაქალაქების გვერდით”- ასე შეაჯამა თბილისის მერმა კახა კალაძემ 3-წელიწადნახევრის განმავლობაში დედაქალაქის მთავრობის მიერ სატრანსპორტო კუთხით გატარებული ნაბიჯები. სატრანსპორტო პოლიტიკის პრეზენტაცია თბილისის მერიამ სწორედ დღეს გამართა. პარკირებისა და ტაქსების რეფორმა, ახალი ავტობუსები და მიკროავტობუსები, ბას ლეინები, ახალი საავტობუსო ქსელები, საბაგიერობის მშენებლობა - ეს ის ცვლილებებია, რომლებიც 2017 წლიდან დღემდე კალაძის მთავრობამ უკვე განახორციელა. დაგეგმილი და განხორციელებული პროექტების შესახებ კალაძემ მედიასთანაც ისაუბრა. #ახალიამბები #BusinessMediaGeorgia
შერეული მობილური პაკეტების ფასები საქართველოში, საერთაშორისო ფასების საშუალოზე მაღალია - ამის შესახებ კომუნიკაციების კომისიის 2020 წლის ანგარიშში ვკითხულობთ. ამ ჭრილზე კომისია საქართველოში მოქმედ მობილურ ოპერატორებს - მაგთიკომს და სილქნეტს - აკრიტიკებს და მიუთითებს, რომ 2020 წლის ივნისში ჩატარდა მობილური ხმოვანი მომსახურების საცალო ბაზრის კვლევა, რა დროსაც დადგინდა, რომ მობილური მომსახურებების ბაზარზე კონკურენცია შეზღუდულია. კომუნიკაციების კომისია აღნიშნავს, რომ ამ პრობლემის მოგვარება შესაძლებელია ბაზარზე ვირტუალური მობილური ოპერატორების დაშვებით, რომელიც კონკურენციას გაზრდის. ვირტუალური მობილური ოპერატორები ისეთი კომპანიებია, რომლებსაც არ გააჩნიათ საკუთარი ქსელი და სხვა კომპანიის ინფრასტრუქტურას იყენებენ. საკუთარ ქსელზე მსგავსი ოპერატორების დაშვების ვალდებულება 2020 წლიდან აქვთ ბილაინს, მაგთისა და სილქნეტს, რასაც კომპანიების ნაწილი ეწინააღმდეგება. გასული წლიდან კომუნიკაციების კომისიამ ასევე აუკრძალა მობილურ ოპერატორებს ტარიფები კომუნიკაციების კომისიის თანხმობის გარეშე გააძვირონ. კომუნიკაციების კომისია კომპანიებს ასევე საყვედურობს, რომ მაღალი მარჟებით საქმიანობენ, თუმცა, ამის პარალელურად მობილური კომპანიების 2020 წლის შემოსავლებსაც გადავავლოთ თვალი. კომუნიკაციების კომისიის წლიური ანგარიშის მიხედვით, 2020 წელს ტელეკომ-ოპერატორების მიერ მიღებული ჯამური შემოსავალი მილიარდ 153 მლნ ლარი იყო, რაც 2019 წელთან შედარებით 32 მილიონი ლარით ნაკლებია. კრიტიკის მიუხედავად, როგორც ჩანს, არც მობილურ ოპერატორებს ულხინთ. #ახალიამბები #BusinessMediaGeorgia
საცობები, გადატვირთული საზოგადოებრივი ტრანსპორტი, შეცვლილი სატრანსპორტო სქემები, არასაკმარისი საპარკინგე ადგილები - ეს იმ პრობლემების ჩამონათვალია, რომელთა გამოც თბილისის მერიის სატრანსპორტო პოლიტიკას აკრიტიკებენ. 2017 წლიდან, მას შმედეგ, რაც მერიაში კალაძის გუნდი მივიდა, ცვლილებები ბევრი მიმართულებით დავინახეთ და საკუთარ თავზე შევიგრძენით კიდეც. თითქმის 4-წლიანი მუშაობის შედეგები თბილისის მთავრობამ საზოგადოებას დღეს წარუდგინა. სტუმარი: მაია ბითაძე - პარლამენტის თავმჯდომარის პირველი მოადგილე. #ახალიამბები #BusinessMediaGeorgia
სილქნეტი SAS-თან პარტნიორობას იწყებს. SAS-ი მომხმარებლის მონაცემთა ანალიტიკის სფეროში მსოფლიოს ლიდერი კომპანიაა. პარტნიორობის ფარგლებში, სილქნეტი SAS-თან ერთად საშუალებას მისცემს საქართველოს ბიზნეს კომპანიებს და ორგანიზაციებს დანერგონ მონაცემებზე დაფუძნებული ყველაზე თანამედროვე პროცესები. რა უპირატესობები აქვს ამ პარტნიორობას და რა სარგებელს მიიღებს მომხმარებელი აღნიშნული გადაწყვეტილებით? #ახალიამბები #BusinessMediaGeorgia
საქართველოს ენერგოდამოკიდებულება მეზობელ ქვეყნებზე წლიდან-წლამდე იზრდება, რამდენადაც ქვეყანა საკმარის ელექტროენერგიას ვერ გამოიმუშავებს და დეფიციტს ნაყიდი ელექტროენერგიით ივსებს. გარდა იმისა, რომ ახალი გენერაციის წყაროების მშენებლობას საზოგადოების ნაწილი აპროტესტებს, ენერგეტიკის დარგს საქართველოში პრობლემები სხვა მიმართულებებითაც აქვს და ამის უტყუარი მაჩვენებელია პირდაპირი უცხოური ინვესტიციები, რომელიც 2020 წელს მკვეთრად შემცირდა. ჩამოთვლილ პრობლემებთან ერთად ერთ-ერთ ხელისშემშლელ ფაქტორად ენერგო კომპანია “ფერის” ხელმძღვანელი გარანტირებული შესყიდვის მექანიმიზმის გაუქმებას ასახელებს და მის აღდგენას ითხოვს. ე.წ. PPA ნიშნავს, რომ სახელმწიფო კონკრეტულ კომპანიასთან დებს ხელშეკრულებას და წინასწარ იღებს ვალდებულებას, რომ წლის განმავლობაში კონკრეტული დროის შუალედში კონკრეტულ ფასად, კონკრეტული მოცულობის ელექტროენერგიას შეისყიდის. ეს კი კომპანიისთვის, რომელიც ჰესს მართავს, გარკვეული გარანტიაა. გარანტირებული შესყიდვის მექანიზმზე 2017 წელს მორატორიუმი გამოცხადდა, ეს სავალუტო ფონდის რეკომენდაცია იყო, რადგანაც IMF-მა ფისკალური რისკები დაინახა. სტუმარი: გიორგი აბრამიშვილი - “განახლებადი ენერგიების განვითარების ასოციაციის აღმასრულებელი დირექტორი #ახალიამბები #BusinessMediaGeorgia
აპრილში საქართველოში დაფიქსირებული თითქმის 45%-იანი ეკონომიკური ზრდა მთავრობის დღევანდელ სხდომაზე ერთ-ერთი მთავარი თემად იქცა. მშპ-ს ზრდა ძირითადად საბაზო ეფექტით არის გამოწვეული, რადგან 2020 წლის აპრილში ქვეყანა ფაქტობრივად სრულად იყო ჩაკეტილი და ეკონომიკაც 16.6%-ით შემცირდა: ეს არის “ზამბარის ეფექტი", ლოქდაუნით შეკუმშული ეკონომიკა შეზღუდვების შერბილების ფონზე მკვეთრად გაიშალა - ასეთია პარლამენტის საფინანსო-საბიუჯეტო კომიტეტის ხელმძღვანელის განმარტება. ირაკლი კოვზანაძე დამშვიდების საფუძველს ვერ ხედავს, თუმცა, ეკონომიკის ზრდის მაღალმა მაჩვენებლმა როგორც ჩანს, ხელისუფლებას თამამი ნაბიჯებისკენ უბიძგა - მთავრობა 2021 წლის ეკონომიკური ზრდის სამიზნე მაჩვენებელს 4.3%-დან 6.5%-მდე ზრდის. #ახალიამბები #BusinessMediaGeorgia
ბრენდ Stolichnaya-ს სავაჭრო ნიშნის გამოყენების შესახებ დავა უზენაეს სასმართლოში გრძელდება. საქმემ ორი ინსტანცია გაიარა და სასამართლოების გადაწყვეტილებით, დაკმაყოფილდა რუსეთის ფედერაციის სახელმწიფო სახაზინო საწარმო „სოიუზპლოდოიმპორტის“ სარჩელი, რომლის საფუველზეც გაუქმდა SPI ჯგუფის ინტელექტუალური საკუთრება საქართველოში. SPI ჯგუფი, რომელიც ბაზირებულია ლუქსემბურგში და წარმოდგენილია მსოფლიოს მასშტაბით 170-ზე მეტ ბაზარზე, არის ღვინისა და სპირტიანი სასმელების სფეროში ერთ-ერთი მოწინავე კომპანია, რომელიც ახორციელებს 380 დასახელების/ბრენდის ღვინისა და სპირტიანი სასმელების წარმობას, გაყიდვასა და დისტრიბუციას. საქართველოში მიმდინარე დავა არის საერთაშორისო დავის ნაწილი, რომელიც ბოლო 20 წლის განმავლობაში მიმდინარეობს 5 კონტინენტზე. სტუმარი: კახა შარაბიძე - იურიდიული ფირმა BLB-ის მმართველი პარტნიორი. #ახალიამბები #BusinessMediaGeorgia
აპრილში საქართველოს ეკონომიკა რეკორდული 44.8%ით გაიზარდა. წლის პირველ ოთხ თვეში კი ზრდა 8.1% იყო. აპრილის ეკონომიკური ზრდის მაჩვენებლებს პარლამენტის საფინანსო-საბიუჯეტო კომიტეტის ხელმძღვანელი, ირაკლი კოვზანაძე ეხმაურება და აღნიშნულ მაჩვენებელს უპრეცედენტო უწოდა. “იმედია სწრაფი და მასშტაბური ზრდის ტენდენცია მომავალშიც გაგრძელდება” აცხადებს კოვაზანაძე. #ახალიამბები #BusinessMediaGeorgia
“ჩვენი მომსახურება ძვირი არ არის, მაგრამ თაფლის მწარმოებლები მაინც წუწუნებენ” - ამის შესახებ სოფლის მეურნეობის სახელმწიფო ლაბორატორიის დირექტორმა ირაკლი გულედანმა განაცხადა. როგორც გულედანი ამბობს, ლაბორატორიას ამ ეტაპზე სიმძლავრეებიც არ ჰქოფნის, რადგან ერთდოულად შეიძლება რამდენიმე ნიმუში სხვადასხვა პარამეტრზე იყოს შესაწმომებელი. შესაბამისად, შემოწმებისთვის 10 დღე მაინც არის საჭირო. რას ამბობენ თაფლის მწარმოებლები, სად ხედავენ პრობლემას და რა მიმართულებით ითხოვენ პროცესების დაჩქარებას? #ახალიამბები #BusinessMediaGeorgia