თბილისში გარე რეკლამის განთავსების ნებართვაზე, რომელსაც 12 წლის განმავლობაში კომპანია აუთდორ.ჯი ფლობდა, აუქციონის განახლებული პირობები მზადდება. ამის შესახებ ინფორმაციას bm.ge-ის უდასტურებებენ თბილისის საკრებულოში, სადაც ამბობენ, რომ განახლებულ პირობებზე მუშაობა თბილისის მერიასთან ამ ეტაპზე მიმდინარეობს. რა იცვლება გარე რეკლამის ბაზარზე და როდის გამოცხადდება მორიგი აუქციონი თბილისში გარე რეკლამის განთავსების ნებართვაზე, რომელზეც ვადა ნებართვის მფლობელ კომპანია აუთდორ.ჯის 3 დღის წინ 3 აპრილს ამოეწურა. #ახალიამბები #BusinessMediaGeorgia
ირაკლი ღარიბაშვილის გუნდი ქვეყნის განვითარების და რეფორმების საბჭოს ქმნის და საქართველოს განვითარების 10-წლიან გეგმაზე მუშაობას იწყებს. მთავრობის დადგენილებით, საბჭოში შედის მინისტრთა კაბინეტი სრული შემადგენლობით, საჭიროების შემთხვევაში კი რეფორმების საბჭო შექმნის სამუშაო ჯგუფებს და მოიწვევს ექსპერტებს და კერზძო სექტორის წარმომადგენლები. “ვურჩევდი, რომ შემდეგი ათი წლის კი არა 10 თვის გეგმაზე იმუშაონ, - ასე ეხმაურება “თბილისი ცენტრალის” დირექტორი ღარიბაშვილის იდეას, თუმცა, ბიზნესის წარმომადგენლებს განსხვავებული შეფასებები აქვთ. #ახალიამბები #BusinessMediaGeorgia
ფინანსთა სამინისტრო თავისუფალ ინდუსტრიულ ზონებში დაბეგვრის რეჟიმს ამკაცრებს. როგორც ცნობილია, კანონის თანახმად, თიზში დასაშვებია ნებისმიერი საქონლის წარმოება, გადამუშავება ან მომსახურების გაწევა, გარდა გამონაკლისი საქმიანობისა. რაც შეეხება გადასახადებს, კანონის მიხედვით, თავისუფალ ინდუსტრიულ ზონაში მოქმედი კომპანიები მოგების გადასახადისაგან გათავისუფლებულნი არიან. ამ პრეფერენციით თიზების შექმნის დღიდან ამ დრომდე სარგებლობდნენ მათ შორის სავაჭრო ოპერაციების განმახორციელებელი კომპანიები, თუმცა როგორც ჩვენთვის გახდა ცნობილი, ამ კომპანიებს ბოლო პერიოდში შემოსავლების სამსახურიდან ურეკავენ და მოგების გადასახადის გადახდას სთხოვენ. შეიცვალა თუ არა რამე კანონში და რატომ შეცვალა შემოსავლების სამსახურმა დაბეგვრის მიდგომა? #ახალიამბები #BusinessMediaGeorgia
საქართველოს პრემიერ-მინისტრ ირაკლი ღარიბაშვილს კორონავირუსი დაუდასტურდა. "ტესტირების შედეგად დამიდასტურდა კორონავირუსი. თავს კარგად ვგრძნობ, ვიმყოფები თვითიზოლაციაში და ვაგრძელებ მუშაობას დისტანციურ რეჟიმში", - წერს ირაკლი ღარიბაშვილი Facebook-ის გვერდზე. რაც შეეხება ზოგად ეპიდსიტვაციას, ბოლო 24 საათში საქართველოში 24 592 ტესტი ჩატარდა. ინფიცირებულთა მაჩვენებელმა - 897-ით, ხოლო გამოჯანმრთელებულების რიცხმვმა 196-ით მოიმატა. გარდა ამისა, ვირუსისგან ბოლო 24 საათში 10 მოქალაქე გარდაიცვალა. ეპიდემიოლოგიური მდგომარეობის დამძიმების ფონზე, “აირაიმ” გამოაქვეყნა მოქალაქეთა გამოკითხვის შედეგები, სადაც გამოკითხულთა 39% ამბობს, რომ ვაქცინას არ გაიკეთებს. სტუმარი: ნინო მირზიკაშვილი - ჯანდაცვის სპეციალისტი #ახალიამბები #BusinessMediaGeorgia
BMG-ის სოფლის მეურნეობის სამინისტრომ მიაწოდა ინფორმაცია, რომლის მიხედვით ირკვევა, რომ გაყინული ფრინველის ხორცში წყლის შემცველობის დასაშვები ნორმა არა 5% , არამედ მაქსიმუმ 7 %-მდე იზრდება. მთავრობის დადგენილებით, ფრინველის ხორცის მარკეტინგული მოთხოვნების შესახებ რეგლამენტი, რომელიც 2020 წლის ოქტომბერში შევიდა ძალაში, დროებით, 2021 წლის 1 აპრილამდე შეჩერდა. ლევან დავითაშვილის უწყება რეგლამენტის მოქმედების შეჩერების მიზეზად მსოფლიო სავაჭრო ორგანიზაციაში მიმდინარე განხილვას ასახელებს. სტუმარი: ზურაბ უჩუმბეგაშვილი - „მეფრინველეობის ასოციაციის“ თავმჯდომარე #ახალიამბები #BusinessMediaGeorgia
სადაზღვევო სექტორი იზრდება. ინდუსტრიამ 2020 წელი 47.6 მლნ-იანი წმინდა მოგებით დაასრულა, რაც თუ გავითვალისწინებთ პანდემიას და მისგან გამოწვეულ უამრავ პრობლემას, კარგი მაჩვენებელია. რაც შეეხება ბაზრის სტრუქტურას, მაგალითად საქართველოში რეგისტრირებული ავტომობილების მხოლოდ 6% - ას დაზღვეული და კერძო სამედიცინო დაზღვევით მოსახლეობის მხოლოდ 17% სარგებლობს. შესაბამისად დაზღვევის ამ ორი მიმართულებით საკმაოდ დიდი ნიშაა ასათვისებელი. #ახალიამბები #BusinessMediaGeorgia
კომუნიკაციების კომისია აცხადებს, რომ ბაზარზე ტელევიზიების რეიტინგების ორი მთვლელის და განსხვავებული რეიტინგების არსებობა საზიანოა. სარეიტინგო კომპანიების მიერ გაზომილი რეიტინგები ერთმანეთს არ ემთხვევა, რაც ბაზარზე გაურკვევლობას წარმოშობს და მეტიც მის განვითარებაზე ნეგატიურად მოქმედებს. კომისიის განცხადების თანახმად, ისინი მზად არიან დააფინანსონ საერთაშორისო აუდიტი, რომელიც ორივე კომპანიას უნდა ჩაუტარდეს და აუდიტის მეშვეობით განისაზღვროს თუ რამდენად სწორ რეიტინგებს აქვეყნებს თითოეული მათგანი. #ახალიამბები #BusinessMediaGeorgia
საქართველოში ჩინეთის ელჩის განცხადებით, ამ ეტაპზე „სინოფარმის“ ვაქცინა ფართოდ გამოიყენება არა მხოლოდ ჩინეთში, არამედ მისი ექსპორტი 50-ზე მეტ ქვეყანაში ხორციელდება და მსოფლიოში 100 მლნ-ზე მეტი დოზაა გამოყენებული. ამის შესახებ მან დღეს დაავადებათა კონტროლის ეროვნულ ცენტრში „სინოფარმის“ ვაქცინის პრეზენტაციასთან დაკავშირებით გამართულ პრესკონფერენციაზე განაცხადა. რამდენად უსაფრხოა სინოფარმის ვაქცინა? #ახალიამბები #BusinessMediaGeorgia
სადაზღვევო ინდუსტრიამ COVID პანდემიით გამოწვეული პრობლემების მიუხედავად 2020 წელი 47.6 მლნ-იანი წმინდა მოგებით დაასრულა, წლიურ ჭრილში ზრდა 90%-ია. კომპანიებმა საანგარიშო პერიოდში 667,3 მლნ ლარის პრემია მოიზიდეს, ზრდა 6,7%-ია. მზღვეველების სადაზღვევო მოგებამ 172,5 მლნ ლარი შეადგინა, 2019 წლის ანალოგიურ პერიოდში კი 157 მლნ ლარი. სადაზღვევო კომპანიების აქტივების ჯამური მოცულობა 915 მლნ ლარია, კაპიტალი 279 მლნ ლარი. ამ დროისთვის ბაზარზე 18 სადაზღვევო კომპანიაა წარმოდგენილი, მათგან ერთის გარდა, ყველა ფლობს სიცოცხლის და არასიცოცხლის დაზღვევის ლიცენზიას. სტუმარი: გიორგი ბარათაშვილი - ”ალდაგის” გენერალური დირექტორი #ახალიამბები #BusinessMediaGeorgia
ბოლო პერიოდში აქტიურად მიდის საუბარი კოვიდ ვირუსის მესამე ტალღაზე და ჩაკეტვებზე, რომელიც საქართველოს ეკონომიკას ემუქრება. რა უნდა გავაკეთოთ, მესამე ლოქდაუნის თავიდან ასაცილებლად - ამ თემაზე სასაუბროდ და რეკომენდაციების გასაცემად, ეკონომიკური პოლიტიკის კვლევის ცენტრისა და ჯანდაცვის სამუშაო ჯგუფის სპეციალისტები შეიკრიბნენ. #ახალიამბები #BusinessMediaGeorgia
გაძვირებული სახარჯი მასალა და გაზრდილი კომუნიკალურები, ამას დამატებული გაუფასურებული ლარი - კლინიკები ამ დრომდე ჯანდაცვის სამინისტროსგან განახლებულ ტარიფებს ელიან, რომელიც სექტორმა სამინისტროს წარუდგინა, თუმცა პასუხი ჯერ-ჯერობით არ ისმის. არადა როგორც ჯანდაცვის სექტორში მომუშავე კომპანიები ამბობენ, სამედიცინო დაწესბულებების უმეტესობა მძიმე ეკონომიკურ კრიზისშია. #ახალიამბები #BusinessMediaGeorgia
“მესამე „ლოქდაუნის“ თავიდან ასაცილებლად” - ამ შინაარსის პეტიცია დღეს, ეკონომიკური პოლიტიკის კვლევის ცენტრისა და ჯანდაცვის სამუშაო ჯგუფის ინიციატივით გავრცელდა. პეტიციის ავტორებს მიაჩნიათ, რომ ვაქცინაციის პროცესის დაჩქარების პარალელურად, მნიშვნელოვანია სხვა ღონისძიებების გატარება, რომლებიც ამ გაზაფხულის განმავლობაში ეფექტს ქვეყნისა და მისი ეკონომიკის ჩაკეტვის გარეშეც მოგვცემდა. რა უნდა გააკეთოს ხელისუფლებამ, საზოგადოებამ? სტუმარი: ქეთევან ჩხატარაშვილი - ჯანდაცვის სპეციალისტი #ახალიამბები #BusinessMediaGeorgia
საქართველოს პრემიერ-მინისტრი ირაკლი ღარიბაშვილი, საქართველოში რუსი პროპაგანდისტის და მისი სტუმრების ვიზიტს გამოეხმაურა. ღარიბაშვილის თქმით, სახელმწიფო უწყებებმა გუშინ კანონის სრული დაცვით იმოქმედეს, ხოლო „ნაციონალურმა მოძრაობამ“ სიტუაციით ისარგებლა და დესტრუქციული ქმედებები განახორციელა. „ ვლადიმერ პოზნერს, რომელიც ასევე არის აშშ-ის მოქალაქე, არ დაურღვევია კანონი „ოკუპაციის შესახებ“. მას და მის თანხლებ პირებს ჰქონდათ ე.წ. კოვიდ პასპორტები და უარყოფითი პასუხები PCR-ტესტზე. ასე რომ, ქვეყანაში შემოვიდნენ სრულიად კანონის დაცვით. რაც შეეხება სტუმრების შეკრებას ერთ-ერთ დაწესებულებაში რეგულაციების გაუთვალისწინებლად, ეს ჩვენთვის მიუღებელია, არის დარღვევა და შესაბამის უწყებებს ჰქონდათ შესაბამისი რეაგირება, დაჯარიმდა როგორც დაწესებულება, ისე ყველა დამრღვევი პირი”, - განაცხადა პრემიერმა. დღევანდელ მთავრობის სხდომაზე, პრემიერმა ორი ახალი მინისტრიც წარადგინა, თუმცა სხდომის დასრულების შემდეგ, არც ახალი და არც ძველი მინისტრები ე.წ მედია ოთახში არ გამოჩენილან. #ახალიამბები #BusinessMediaGeorgia
თეორიულად მესამე ლოქდაუნი გამორიცხულია რ არის - ასეთი იყო პრემიერთან შეხვედრიდან გამოსული ბიზნესის განწყობა და მოლოდინი ეპიდვიტარებიდან გამომდიანრე. გასამხნევებელი განწყობა შეხვედრის მონაწილეებს ჯერ კიდევ აქვთ, თუმცა კერძო სექტორის პრობლემების რამდენიმე პუნქტიანი პრობლემები ფურცელზე ჩამოწერილად რჩება და გადაწყვეტის ვადები უცნობი. ამასობაში ლარი ფასს კარგავს, ინფიცირების შემთხვევები იზრდება და მასთან ერთად პრობლემები კერძო სექტორისთვის. სტუმარი: ვლად ბეჟაშვილი - მენეჯმენტ საკონსულტაციო კომპანია "ებიტ ჯგუფის" მმართველი პარტნიორი #ახალიამბები #BusinessMediaGeorgia
ინვესტორისგან გვაქვს დასტური, კაშხალს არ შეეხებიან იქამდე ვიდრე კვლევები არ გადამოწმდება” - ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხდა. მინისტრმა, გარემოს დაცვისა და სოფლის მეურნეობის მინისტრთან ლევან დავითაშვილთან ერთად "ნამახვანჰესის" პროექტთან დაკავშირებით პროფილურ ექსპერტებთან სამუშაო შეხვედრა გამართა. ნათია თურნავას განცხადებით, სახელმწიფო მზადაა ჩართოს ორგანიზაციები და დაინტერესებული ექსპერტები კვლევის დახვეწაში. რა გადაწყვეტილებები მიიღეს დღევანდელ შეხვერაზე? #ახალიამბები #BusinessMediaGeorgia
ლარი კვლავ გაუფასურდა. დღევანდელი ვაჭრობის შედეგად, 1 დოლარის ოფიციალური ღირებულება 3 ლარი და 44 თეთრი გახდა, შესაბამისად აქამდე მოქმედ კურსთან, ცვლილება 3.5 თეთრია. დღევანდელ შეხვედრაზე ბიზნესსა და პრემიერ-მინისტრს შორის, ეროვნული ვალუტის თემაც ერთ-ერთი მნიშვნელოვანი საკითხი იყო. შეხვედრიდან გამოსული კერძო სექტორი დღეს ამბობდა, რომ შეხვედრაზე 10 საკითხი განიხილეს, თუმცა დაკონკრეტებისგან თავი შეიკავეს. საქმის კურსი ეცადა ამ თემების ჩამონათვალი მოეპოვებინა, როგორც მოსალოდნელი იყო ბიზნეს ყველაზე მეტად შემდეგი თემები აწუხებს: ლარი, FDI, სასამართლო, სხვადასხვა რეგულაციები, საქსტატის მეთოდოლოგიაში მეტი სიცხადე, სახელმწიფო ბიუროკრატია, PPP პროექტებში მეტი სიცხადე, კაპიტალის ბაზრის განვითარება, განათლება, სექტორული პრეფერენციები... #ახალიამბები #BusinessMediaGeorgia
ბიზნესი ირაკლი ღარიბაშვილს ხვდება #ახალიამბები #BusinessMediaGeorgia
ეკონომიკისა და მდგრადი განვითარების სამინისტროს ინიცირებით, პროგრამა - “100 საინვესტიციო შეთავაზება ბიზნესს” ფართოვდება. ჯამში სახელმწიფო ბიზნესს 400 მილიონი ლარის ღირებულების სახელწიფო ქონება სთავაზობს, მოსალოდნელი ინვესტიცია კი 350 მილიონი ლარი იქნება. როგორ აფასებს ბიზნესი სახელწმიფოს მხრიდან მორიგ საინვესტიციო შეთავაზებების ნუსხას და იქნება თუ არა დაინტერესება კრიზისულ მდგომარეობაში მყოფი ბიზნესისგან? #ახალიამბები #BusinessMediaGeorgia
"ლარის კურსი დამღუპველია", - ასე აფასებს ეროვნული ვალუტის გაუფასურების მიმართულებით რყევებს ბიზნესმენი ლაშა პაპაშვილი. მისი აზრით, ეროვნულმა ბანკმა ყველაფერი უნდა გააკეთოს, რომ ლარის კურსი არსებულ ნიშნულზე მაინც შეინარჩუნოს. ეროვნული ვალუტა მთავარი თემა იყო პრეზენტაციაზე, რომელიც ეკონომიკის და მდგრადი განვითარების მინისტრმა, ნათია თურნავამ გამართა და ინვესტოებს ახალი საპრივატიზაციო ობიექტები წარუდგინა. რა მთავარი სატკივარი აქვს მთავრობას მიმდინარე პერიოდში? #ახალიამბები #BusinessMediaGeorgia
ქართველი მწარმოებელი და დისტრიბუტორი კომპანიები ჰიპერმარკეტ „კარფურს“ სასამართლოში უჩივიან. საუბარია რამდენიმე სარჩელზე, რომელიც საერთაშორისო ბრენდის წინააღმდეგ სასამართლოში შევიდა. დისტრიბუტორთა ასოციაციის ინფორმაციით, საუბარია თანხების მითვისებაზე, რომელსაც ჰიპერმარკეტების ქსელი „კარფური“ კომპანიებს დროულად არ ურიცხავს. წლების განმავლობაში გაჭიანურებული დავები, კი მწარმოებლებსა და იმპორტიორებს მნიშვნელოვან ფინანსურ დარტყმას აყენებს. სტუმრები: ივა ჭყონია - დისტრიბუტორთა ბიზნესასოციაციის პრეზიდენტი; გიორგი ცერცვაძე - “ჯეი ენდ თი ქონსალთინგის” მმართველი პარტნიორი #ახალიამბები #BusinessMediaGeorgia
თავისუფალ ინდუსტრიულ ზონებში მოღვაწე კომპანიები ახალი რეალობის წინაშე აღმოჩნდნენ. საქმის კურსისთვის ექსკლუზიურად ცნობილი გახდა,რომ თუ აქამდე თავისუფალი ინდუსტრიული ზონაში საგადასახადო შეღავათები მოქმედებდა, რაც ინვესტორების მოზიდვის ერთ-ერთი განმაპირობებელი ფაქტორი იყო, ფინანსთა სამინისტრომ რიგი მიმართულებით მოღვაწე კომპანიების მოგების გადასახადით დაბეგვრის გადაწყვეტილება მიიღო ისე, რომ სექტორთან კომუნიკაცია არ ჰქონია. რა და რატომ იცვლება თიზის კომპანიებისთვის? #ახალიამბები #BusinessMediaGeorgia
ლარი კლავ გაუფასურდა, დღევანდელი ვაჭრობის შედეგად, 1 დოლარის ღირებულება 3 ლარი და 38 თეთრი გახდა. ეკონომიკისა და მდგრადი განვითარების მინისტრ ნათია თურნავას განცხადებით, ხელისუფლება ლარის კურსის სტაბილურობისთვის ყველაფერს აკეთებს, რაც ეკონომიკის ამოქმედებასა და შეზღუდვების მოხსნაში გამოიხატება. მისი თქმით, "ეროვნული ვალუტის სტაბილურობისთვის ხელისუფლება ეროვნულ ბანკთან სრულ კოორდინაციაშია". სტუმარი: ირაკლი კოვზანაძე - საფინანსო-საბიუჯეტო კომიტეტის თავმჯდომარე #ახალიამბები #BusinessMediaGeorgia
მთავრობა ავტოიმპორტიორებს შეღავათებს პირდება. საუბარია მთავრობის მიერ ინიცირებულ საკანონმდებლო სიახლეებზე. ერთ-ერთი სიახლის თანახმად, იმპორტიორი უფლებამოსილი იქნება დადგენილი წესის შესაბამისად, დაიბრუნოს სატრანსპორტო საშუალებაზე გადახდილი იმპორტის გადასახადი და აქციზი 100 პროცენტის ოდენობით, ხოლო ექსპორტის პროცედურაში გაფორმება 90 კალენდარული დღის ნაცვლად, 180 კალენდარული დღის განმავლობაში იქნება შესაძლებელი. სტუმარი: ალექსანდრე ნონიაძე - საქართველოს ავტოიმპორტიორთა ასოციაციის გამგეობის წევრი #ახალიამბები #BusinessMediaGeorgia
ამ დროისთვის ბლუმბერის სავაჭრო სისტემაში 1 დოლარი 3 ლარად და 37 თეთრად ივაჭრება. დღევანდელი სესია 3.36 ლარით გაიხსნა. შესბამისად ლარი კვლავ უფასურდება. ეროვნული ვალუტის ოფიციალურ გაცვლით კურსს სსები დღეს 17 საათზე დაადგენს. ინფორმაციისთვის, ეროვნულმა ბანკმა 2021 წელს ბაზარზე 160.0 მლნ აშშ დოლარი გაიყიდა. ლარის კურთან დაკავშირებით, შეფასებები საპარლამენტო უმრავლესობის წევრებმაც გააკეთეს. #ახალიამბები #BusinessMediaGeorgia
დაგვიანებული გზავნილები და დაკარგული ამანათები- სოციალურ ქსელში განსაკუთრებით ბოლო პერიოდში ხშირად გვხვდება უკმაყოფილო მომხმარებლების პოსტები, რომლებიც საქართველოს ფოსტის მისამართით კრიტიკას გამოთქვამენ. მიზეზი გზავნილების დანიშნულების ადგილამდე ჩასვლის დაგვიანება ან სულაც ქვეყნიდან გაგზავნილი ამანათის, წერილისა თუ დოკუმენტის დაკარგვაა. რას ამბობენ მომხმარებლები და რა პასუხი აქვთ თავად კომპანიაში? #ახალიამბები #BusinessMediaGeorgia
ბოლო რამდენიმე დღეა საუბრები შეზღუდვების გამკაცრებასთან დაკავშირებით აქტიურად მიმდინარეობს. მთავრობის წევრების განმარტებით, რამდენიმე რეგიონი წითელი ზონის მიმართულებით აქტიურად მიდის; კერძოდ იმერეთი, გურია და თბილისი. “ამ ეტაპზე დადებითობის კოეფიციენტი 2,2%-ია, ინფექციის გავრცელების კოეფიციენტი უკვე 1%-ს აღემატება, რაც მეტ სიფრთხილეს მოითხოვს. მეტ შეზღუდვებს არ გამოვრიცხავთ“, - განაცხადა გუშინ ეკატერინე ტიკარაძემ. ბიზნესი მთავრობისგან მესამე ტალღის შემთხვევაში, წინასწარ განსაზღვრულ გეგმას ითხოვს. „დიოს“ გენერალური დირექტორი საქმის კურსთან საუბარში ამბობს, რომ მესამე ტალღის შემთხვევაში მოსალოდნელი რეგულაციები ბიზნესისთვის სიურპრიზი არ უნდა იყოს. სტუმრები: ლევან ყარალაშვილი - თბილისი ცენტრალი; გენერალური დირექტორი მალხაზ კუნელაური - კომპანია რედკოს გენერალური დირექტორი #ახალიამბები #BusinessMediaGeorgia
მთავრობა გაზის ახალი ოპერატორების დაშვებასთან დაკავშირებით მსჯელობას იწყებს, ისევე როგორც ელექტროენერგიის მიმართულებით, ასევე გაზის ბაზარზე რამდენიმე მიმწოდებელი იქნება. რას ითვალისწინებს საქართველოს მთავრობის დადგენილების პროექტი ბუნებრივი გაზის გადამცემი სისტემის ოპერატორის განცალკევების გეგმა? სტუმარი: გიორგი ფანგანი - სემეკის წევრი #ახალიამბები #BusinessMediaGeorgia
კაკვასუს ონლაინის აზერბაიჯანელი მფლობელი ნექსოლ ჰოლდინგი კონტაქტზე ისევ bm.ge-სთან და ფორბსთან გამოდის. ჩვენ ვეცადეთ მოგვეპოვებინა პასუხები მთავარ კითხვებზე, რომლებიც ბოლო რამდენიმე დღის განმავლობაში კავკასუს ონლაინის ახალ მფლობელებზე ისმის კომუნიკაციების კომისიისგან და არამარტო. თემურ თაგიევი - Neqsol Holding-ის სტრაგეგიული განვითარების მიმართულების ხელმძღვანელი #ახალიამბები #BusinessMediaGeorgia
რატომ დააგვიანა მთავრობამ ვაქცინაციის საინფორმაციო კამპანია? ეს კითხვა უკვე რამდენიმე კვირაა აქტიურად ისმის,თუმცა კონკრეტული პასუხები ამ დრომდე არ მოგვისმენია. დღეს კი გაირკვა რომ სტრატეგიული კამპანიის შესახებ, რჩევებს მთავრობას საერთაშორისო კომპანია აძლევს, თუმცა რომელი კომპანია, დღეს მთავრობაზე არ უსაუბრიათ და არც დაუსახელებიათ. რაც შეეხება უშუალოდ ვაქცინაციის პროცესს საქართველოში დღეს გამთენიისას „ფაიზერის“ ვაქცინა უკვე შემოვიდა. ჯანდაცვის მინისტრმა ეკატერინე ტიკარაძემ დღეს განმარტა, რომ 29 500 დოზა ვაქცინა გადანაწილდება 14 000 მოქალაქეზე. რა მოლოდინებია ვაქცინაციის პროცესთან დაკავშირებით? #ახალიამბები #BusinessMediaGeorgia
კავკასუს ონლაინის საქმე და კონუმიკაციების კომისიის გადაწყვეტილებები, ბოლო ორი დღეა დღის მთავარ თემბად იქცა. ჯერ კიდევ გასული წლის ოქტომბერში მარეგულირებელმა კავკასუს ონლაინში დროებითი მმართველი დანიშნა, რასაც მალევე მოჰყვა სასამართლო პროცესები. დღეს გავიგეთ, რომ კავკასუს ონლაინი, სრულად აზერბაიჯანული კომპანიის საკუთრებაში გადავიდა. გამართლებული იყო თუ არა თავის დროზე კავკასუს ონლაინში დროებითი მმართველის დანიშნვა და რა ცვლილებებს უნდა ველოდოთ საკუთრების ცვლილებით? #ახალიამბები #BusinessMediaGeorgia
მთავრობა შეზღუდვების გამკაცრებაზე ალაპარაკდა. ეკატერინე ტიკარაძის თქმით, საკითხზე მსჯელობა მიმდინარეობს, ვინაიდან, საქართველოში რამდენიმე რეგიონი წითელი ზონის მიმართულებით აქტიურად მიდის; კერძოდ იმერეთი, გურია და თბილისი. “ამ ეტაპზე დადებითობის კოეფიციენტი 2,2%-ია, ინფექციის გავრცელების კოეფიციენტი უკვე 1%-ს აღემატება, რაც მეტ სიფრთხილეს მოითხოვს. მეტ შეზღუდვებს არ გამოვრიცხავთ“- განაცხადა ეკატერინე ტიკარაძემ. განცხადება დღეს "კურაციოს" მკვლევართა ჯგუფმაც გაავრცელა. მკვლევარები მიიჩნევენ, რომ აუცილებელია, პროცესის შესაჩერებლად საჭირო ღონისძიებები დროულად გატარდეს, ვიდრე დღიურად დადასტურებული შემთხვევები 500-ის ირგვლივაა და არა 5000-ის. მკველვარები მიიჩნევენ, რომ ქვეყანა მორიგი აფეთქების წინაშე დგას და სჯობს დროულად გავატაროთ საჭირო ღონისძიებები. “ალბათ მთავრობაც უფრო მეტი პასუხისმგებლობით მოეკიდება კარს მომდგარ საფრთხეს და დროულად გადადგამს იმ საჭირო ნაბიჯებს, რაც შემდგომი აფეთქებისგან დაგვიცავს”- რა საჭირო ნაბიჯების გადაგმის აუცილებლობას ხედავენ დღეს დარგის სპეციალისტები? სტუმარი: ზურაბ ჭიაბერაშვილი - ჯანდაცვის სპეციალისტი #ახალიამბები #BusinessMediaGeorgia
ბოლო რამდენიმე დღეა აქტიურად მიმდინარეობს საუბრები იმაზე, რომ არსებობს რუკა, სადაც თბილისში არსებული ყველა რისკის შემცველი ტერიტორიაა დატანილი - თემაზე დღეს კახი კალაძემაც ისაუბრა და განმარტა, რომ მერია ვაშლიჯვრის მოსალოდნელი საფრთხის შესახებ ინფორმაციას არ მალავდა და თემაზე ნებისმიერ მოქალაქეს შეეძლო ინფორმაციის მიღება. დღეს საქმის კურსმა გადაწყვიტა ამ რუკის შესახებ თქვენც მოგიყვეთ და გაჩვენოთ ის ადგილები, რომელიც გარკევული რისკების შემცველია. #ახალიამბები #BusinessMediaGeorgia
ვენეციის კომისიის კრიტიკული დასკვინის შემდეგ დღეს უკვე ცნობილი გახდა რომ კავკასუს ონლაინი, სრულად აზერბაიჯანული კომპანიის საკუთრებაში გადავიდა, რასაც მალევე მოჰყვა კომუნიკაციების კომისიის შეფასება, სადაც მარეგულირებლი ნასიბ ჰასანოვს როგორც უკანონო მფლობელს ისე მოიხსენიებს. #ახალიამბები #BusinessMediaGeorgia
თბილისის მერი მოსახლეობას ამშვიდებს და ამბობს, რომ დღეს ვაშლიჯვარის თემასთან დაკავშირებით საზოგადეობაში პანიკის საფუძველი არ არსებობს და სამუშაო ჯგუფში , რომელიც თბილისის მერიამ პრობლემის გადასაჭრელად შექმნა ადგილობრივი ექსპერტებიც ჩაერთვებიან. #ახალიამბები #BusinessMediaGeorgia
ჯანდაცვის მინისტრის მოადგილე თამარ გაბუნიას განცხადებით, ვაქცინაციის პროცესში 26-მდე მრავალპროფილური კლინიკაა ჩართული.გარდა ამისა, გაბუნიას თქმით, შესაძლოა, პროცესში დიდი კლინიკებიც ჩაერთონ, რომლებიც მზად არიან სამომავლოდ მოაწყონ შესაფერისი ინფრასტრუქტურა მოქალაქეების მისაღებად. რა იცვლება და როგორ ვაქცინაციის გეგმაში? #ახალიამბები #BusinessMediaGeorgia
გასულ კვირას საქართველოს პარლამენტმა კულტურის, სპორტისა და ახალგაზრდობის სამინისტროს ცალკე ჩამოყალიბებას მხარი დაუჭირა. მალევე გახდა ცნობილი კულტურის მინისტრის ვინაობაც, უწყებას, იუსტიციის ყოფილი მინისტრი თეა წულუკიანი უხელმზრვანელებს. რას ელოდებიან კულტურის სფეროს წარმომადგენლები ახალი მინისტრისგან და რა მიმართულებით უნდა გადაიდგას ახლად ჩამოყალიბებული სამინისტროს მხრიდან ნაბიჯები? #ახალიამბები #BusinessMediaGeorgia
ვენეციის კომისია საქართველოს აკრიტიკებს და მოუწოდებს, შეცვალოს პრობლემური ნორმები, რომლებიც გასულ წელს დაჩქარებული წესით პარლამენტმა ელექტრონული კომუნიკაციების შესახებ კანონში მიიღო. ვენეციის კომისიის მიერ 22 მარტს გამოქვეყნებულ დასკვნაში წერია, რომ კანონში შესული ცვლილებები, ვერ პასუხობს ვერც ლეგიტიმურობის და ვერც პროპორციულობის ნორმებს. რას ამბობს ვენეციის კომისია კავკასუს ონლაინის შემთხვევაზე და როგორ აფასებენ ვენეციის კომისიის დასკვნას სპეციალისტები? #ახალიამბები #BusinessMediaGeorgia
“მეწყრული პროცესი დასტაბილურებული არ არის და ის პროგრესირებს“, - ეს განცხადა დღეს თბილსის მერის მოადგილემ ირაკლი ბენდელიანმა გერმანიიდან მოწვეულ ინჟინერ გეოლოგებთან ერთად გააკეთა. დამაიმედებელი არც უცხოელი ექსპერტების განცხადებები ყოფილა,მათი შეფასებით პრობლემის გადაჭრის კონკრეტული გზა არ არსებობს - რა ელის მაჭავარიანი ქუჩისა და მიმდებარედ არსებულ მშენებლობებს? #ახალიამბები #BusinessMediaGeorgia
მოვუწოდებთ საქართველოს შეიცვალოს ელ. კომუნიკაციების კანონის პრობლემური ნორმები -ამის შესახებ ვენეციის კომიისიის დასკვნაშია ნათქამი. ვენეციის კომისიის გადაწყვეტილებაში ასევე ვკითხულობთ, რომ საქართველოს პარლამენტის მიერ ელექტრონული კომუნიკაციების კანონში შეტანილი ცვლილებები რიგ პრობლემებს შეიცავს და ის ვერც ლეგიტიმურობის და ვერც პროპორციულობის ტესტს ვერ აკმაყოფილებს. მეტიც, კომისიის შეფასებით ახალი კანონმდებლობის შედეგად საქართველოს კომუნიკაციების კომისიამ საკუთარი უფლებები იმდენად გაიფართოვა, რომ ვენეციის კომისია ვერ პოულობს ევროპის რომელიმე ქვეყანაში ანალოგს, რომ კომუნიკაციების სფეროს მარეგულირებელს კომპანიების მიმართ ასეთი შეუზღუდავი უფლებები გააჩნდეს. ვენეციის კომისია აღნიშნავს, რომ ელექტრონული კომუნიკაციების შესახებ კანონში არსებული ჩანაწერის მეშვეობით კომუნიკაციების კომისიას კომპანიებზე “დე ფაქტო კონტროლის განხორციელება შეუძლია.” გადაწტვეტილებაში საუბარია თავად კომუნიკაციების კომისიის არგუმენტებზეც, რომლის განცხადებითაც, ეს კანონი აუცილებელია, რადგანაც მას “კრიტიკული ინფრასტრუქტურის” და “ქვეყნის ეკონომიკური ინტერესების დაცვის” მოვალეობა აქვს. თუმცა, ვენეციის კომისია აღნიშნავს, რომ არსად ქართულ კანონმდებლობაში არ არის განმარტებული თუ რას წარმოადგენს “კრიტიკული ინფრასტრუქტურა”. სტუმარი: უჩა სეთური - მცირე და საშუალო ტელეკომ ოპერატორების ასოციაციის აღმასრულებელი დირექტორი #ახალიამბები #BusinessMediaGeorgia
სპორტის სასახლესთან ბოლტის კურიერები აქციას მართავენ. ეს არაა კურიერების პირველი გაფიცვა, ისინი შემცირებული ტარიფების გაზრდის მოთხოვნით ჯერ კიდევ 17 მარტს გაიფიცნენ, რის შემდეგაც კომპანიის წარმომადგენლებს შეხვდნენ. რას ითხოვენ ამჯერად კურიერები? #ახალიამბები #BusinessMediaGeorgia
ემიგრაციიდან დაბრუნებულ 200 მოქალაქეს 4000-4000 ლარით დააფინანსებენ. ჯანდაცვის სამინისტრო ემიგრანტებისთვის პროგრამას იწყებს, რომლის მიზანიც ემიგრაციიდან დაბრუნებული საქართველოს მოქალაქეების რეინტეგრაციის პროცესის მხარდაჭერაა. შემოსავლის წყაროს გაჩენის, დასაქმებისა და თვითდასაქმების მიზნით, ჯამში, 200-მდე დაბრუნებული მიგრანტი დაფინანსდება და ამისთვის ბიუჯეტიდან ნახევარი მილიონი ლარი დაიხარჯება. რას გულისხმობს თავად პროგრამა და რა დათქმით მიიღებენ ემიგრანტები სახელმწიფოსგან დახმარებას? #ახალიამბები #BusinessMediaGeorgia
უნდა არსებობდეს თუ არა საქართველოში დამატებითი გადასახადი დაუმუშავებელი მიწისთვის? ინიციატივით პარლამენტარი და ყოფილი ბიზნესმენი ბეჟან წაქაძე გამოვიდა. დეპუტატმა თქვა, რომ ვინც მიწას არ ამუშავებს, თანხა უნდა გადაიხადოს. "ეს არაპოპულარული, მაგრამ აუცილებელი ნაბიჯია ქვეყნის განვითარებისთვის", ამბობს ტყიბულის, თერჯოლის, ზესტაფონისა და ბაღდათის მაჟორიტარი. #ახალიამბები #BusinessMediaGeorgia
ეროვნულმა ბანკმა სავალუტო აუქციონზე $40 მილიონი დოლარი გაყიდა - ეს გადაწყვეტილება სებ-მა მას შემდეგ მიიღო, რაც ბლუმბერგის სავაჭრო სისტემაში ერთი დოლარის ღირებულებამ 3.33 ლარს გადააჭარბა. ეროვნული ბანკის განცხადების თანახმად, სავალუტო აუქციონზე დაფიქსირებული გაცვლითი კურსი 3.32-ს შეადგენდა. ეს 2021 წლის რიგით მეოთხე სავალუტო აუქციონი იყო. წელს სებ-მა ჯამში $160 მილიონი დოლარი გაყიდა. დღეს ლარის კურსის მერყეობის გაზრდა, სავარაუდოდ, თურქული ლირის გაუფასურებას უკავშირდება, რამაც ბოლო 24 საათში 15% შეადგინა. შედეგად ერთი დოლარის ღირებულება 7.94 ლირა გახდა. თავის მხრივ, ლირის გაცვლითი კურსის ვარდნა რეჯეპ ტაიპ ერდოღანის მიერ ქვეყნის ცენტრალური ბანკის პრეზიდენტ ნაჯი აგბალის გათავისუფლებას უკავშირდება. რა გავლენა იქონია პროდუქციის ფასებზე გაუსაურებულმა ლარმა? #ახალიამბები #BusinessMediaGeorgia
გასულ კვირას ბლუმბერგის პლატფორმაზე ვაჭრობა 1 დოლარის 3.33 ლარის ღირებულებით დასრულდა, რაც სავაჭრო კვირის დაწყებამდე 3.31-ს შეადგენდა. ეს კი დოლართან მიმართებით ლარის ნომინალური გაცვლითი კურსის 0.35%-იანი გაუფასურებაა. ეროვნული ვალუტის მერყეობა გრძელდება და გაუფასურების ტრენდი ჯერჯერობით შეუქცევადია. როგორ აისახება ლარის კურსი ფასებზე და ბიზნესის ოპერირებაზე? სტუმარი: მიხეილ ფარულავა - კომპანია „ჯორჯიან ბეიქერსის“ დირექტორი და თანადამფუძნებელი #ახალიამბები #BusinessMediaGeorgia
„კოვიდ 19“-ის პანდემიამ საქართველოს სხვა ქვეყნებზე, მათ შორის რუსეთზე, ეკონომიკური დამოკიდებულება შეამცირა. 2019 წელს საქართველომ რუსეთიდან ტურიზმით, ფულადი გზავნილებით და ექსპორტით 1.6 მლრდ აშშ დოლარის შემოსავალი მიიღო, რაც საქართველოს მშპ-ის მიმართ 9%-იყო. 2020 წელს საქართველომ იმავე გზებით რუსეთიდან დაახლოებით 900 მლნ აშშ დოლარის შემოსავალი მიიღო, რაც მშპ-ის მიმართ დაახლოებით 5.7%-ია. სტუმარი: ბესო ნამჩავაძე - საერთაშორისო გამჭვირვალობა-საქართველო, ანალიტიკოსი #ახალიამბები #BusinessMediaGeorgia
საქართველოს პრემიერ-მინისტრ ირაკლი ღარიბაშვილის განცხადებით, სამედიცინო პერსონალის გარდა კორონავირუსის საწინააღმდეგო ვაქცინით აცრას სულ მალე მოსახლეობის სხვა ჯგუფებიც შეძლებენ. ამის შესახებ მან მთავრობის სხდომის დაწყებამდე ისაუბრა. დღეს მთავრობამ ორი ახალი ინიციატივაც დააანონსა. ასევე, კითხვები დაისვა ლირის კურსზე და ნამახვანიჰესის თემაზე. რა განცხადებები გაკეთდა მინისტრთა კაბინეტის მხრიდან? #ახალიამბები #BusinessMediaGeorgia
საქართველოს მასშტაბით გუშინ ელექტროენერგია მოსახლეობის 60% გაეთიშა. სახელმწიფო ელექტროსისტემა ქვეყნის მასშტაბით ელექტროენერგიის გათიშვის მიზეზად საქართველოსა და თურქეთის ენერგოსისტემების დამაკავშირებელი 400 კვ-იანი ელექტროგადამცემი ხაზის „მესხეთი“ გამორთვა დასახელდა. რის გამოც თურქეთიდან ელექტროენერგიის იმპორტი შეწყდა და ენერგომომარაგება შეეზღუდა ქვეყნის უმეტეს ნაწილს. ინფორმაციისთვის, 2021 წლის თებერვალში საქართველოში ელექტროენერგიის იმპორტი 32%-ით გაიზარდა და 414 მილიონი კილოვატ საათი შეადგინა. იმპორტის ზრდის მთავარი მიზეზი ქვეყნის უმსხვილესი ჰესის “ენგურჰესის" სარეაბილიტაციოდ გაჩერებაა. ამ თემაზე კომენტარი საქართველოს ენერგეტიკის განვითარების ფონდის ხელმძღვანელმა,, გიორგი ჩიქოვანმაც, გააკეთა. სტუმარი: მარიამ ჩახვაშვილი - Galt&Taggart;-ის უფროსი ანალიტიკოსი #ახალიამბები #BusinessMediaGeorgia
ზონალურ-საათობრივი პარკირების სისტემა ვაჟა-ფშაველასა და ალექსანდრე ყაზბეგის გამზირებზე, ასევე, მიმდებარე ქუჩებზე გავრცელდება, - ამის შესახებ დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა. მისი თქმით, აღნიშნულ გამზირებზე ათი მუნიციპალური პავილიონი განთავსდება, სადაც მოქალაქეები მათი კუთვნილი ავტომანქანების რეგისტრაციას შეძლებენ. თბილისის მერის თქმით, პარკირება ადგილობრივი მცხოვრებლებისთვის, ასევე, შშმ პირებისთვის, ელექტრომობილებისა და A კატეგორიის ტაქსის მფლობელებისთვის, მათთვის სპეციალურად გამოყოფილ ადგილებზე უფასო იქნება. #ახალიამბები #BusinessMediaGeorgia
პროექტი, რომელიც ჯერ კიდევ 2018 წელს დაანონსდა, თბილისის მერია ამ დრომდე მსჯელობს. საქმე ეხება მიწისზედა მეტროს პროექტს, რომლის განხოციელებაც თბილისის მერის განმარტებით ჯერ კიდევ 2019 წელს უნდა დაწყებულიყო, თუმცა მისი ბედი ამ დრომდე უცნობია. ამ და კიდევ სხვა თემებზე დღეს კომენტარი თბილისის ვიცე მერმა ირაკლი ხმალაძემ გააკეთა. #ახალიამბები #BusinessMediaGeorgia
საქართველოში საწვავზე ფასი ბოლო პერიოდში თითქმის ყოველ კვირაში იზრდება. მიზეზი საერთაშორისო ბაზარზე ნავთობსა და ნავთობპროდუქტებზე ფასების მატებაა. თუ წლის დასაწყისში ნავთობის ფასი 1 ტონაზე 450 დოლარის ფარგლებში იყო, ამ ეტაპზე მისი ღირებულება 200 დოლარითაა გაზრდილი და 650 დოლარს შეადგენს. რა ტენდენციაა საერთაშორისო ბაზარზე, როგორ აისახება ეს ტრენდი საქართველოზე, როგორც იმპორტდამოკიდებულ ქვეყანაზე და რაში ხედავს გამოსავალს ბიზნესი? #ახალიამბები #BusinessMediaGeorgia