ფეროშენადნობების ექსპორტში კლება ნარჩუნდება, თუმცა ბაზარზე მცირედი გამოცოცხლებაა. 2024 წლის 2 თვეში საექსპორტო ბაზრებზე საქართველოდან 42 მლნ დოლარის ფეროშენადნობები გავიდა, წლიურ ჭრილში კლება 41%-ია. იანვარში ექსპორტმა 19.4 მლნ დოლარი შეადგინა, თებერვალში კი, 22.67 მლნ დოლარი იყო. ჯამში 2 თვეში ექსპორტზე 42 ათას 310 ტონა ფეროშენადნობები გავიდა. საშუალო ფასი კი, 980-1000 დოლარის დიაპაზონში იყო. რაც შეება საექსპორტო ბაზრებს. წლის პირველ 2 თვეში მთავარი საექსპორტო ბაზარი თურქეთი იყო, სადაც 18.8 მლნ დოლარის პროდუქცია გავიდა, მეორე ადგილზეა ეგვიპტე - 8.5 მლნ დოლარით ხოლო მესამეზე უკრაინა - 2.9 მილიონით. ხუთეულში შედის რუსეთი - 2.4 მლნ და იტალია - 1.7 მლნ. წელს საექსპორტო ბაზრებს შორის არ გვხვდება აშშ, რომელიც ქართული ფეროსთვის ერთ-ერთი მთავარი ბაზარია. 2023 წელს აშშ-ში 69 მლნ დოლარის პროდუქცია გადაიტვირთა. ექსპორტი მცირე მოცულობით მაინც ხორციელდება რუსეთში,სადაც გასულ წელს ქართულ ფეროსილიკონმანგანუმზე საბაჟო გადასახადი ამოქმედდა. რა ვითარებაა საქართველოსთვის ერთ-ერთ უმნიშვნელოვანესი პროდუქციის წარმოება/ ექსპორტის კუთხით და რა მოლოდინებია ბაზარზე?

სტუმარი: ნუგზარ კევლიშვილი - ფეროშენადნობების ასოციაციის ხელმძღვანელი;


#ახალიამბები #BusinessMediaGeorgia