მარტის დასაწყისიდან დღემდე ლარი დოლართან მიმართებით 5 თეთრით, ევროსთან კი თითქმის 6 თეთრით გაუფასურდა. რამდენიმედღიანი გაუფასურების ტრენდის შემდეგ ლარი მცირედით გამყარდა და დღევანდელი ვაჭრობის შედეგად, ერთი დოლარის ოფიციალურმა ღირებულებამ 2 ლარი და 71 თეთრი შეადგინა. თუმცა მიუხედავად მცირედი გამყარებისა, ჯამურად ბოლო ერთი კვირის განმავლობაში ეროვნული ვალუტა დოლართან და ევროსთან მიმართებაში 5 თეთრის ფარგლებშია გაუფასურებული.
ეკონომისტების ნაწილის შეფასებით რომ ლარის კურსზე ზეწოლა მონეტარული პოლიტიკის შერბილების და უცხოური ვალუტის დეპოზიტების წახალისების ეფექტია. “ლარი წონასწორობის ახალ ნიშნულს ეძებს” - ასე აფასებენ არსებულ ვითარებას ეკონომისტები. მათი ნაწილი მომავალში ეროვნული ვალუტის მკვეთრ მერყეობას აღარ ელის.
#ახალიამბები #BusinessMediaGeorgia