გაზრდილი ჯარიმები აზარტული თამაშების ბიზნესისთვის - პარლამენტში უკვე დაიწყო კანონპროექტის განხილვა, რომელიც სათამაშო ბიზნესის სექტორში რეგულირების მნიშვნელოვან გამკაცრებას ითვალისწინებს. ცვლილებების მიხედვით, თუ კომპანიები სანებართვო მოსაკრებელს დადგენილ ვადებში არ გადაიხდიან, მათ საქმიანობის უფლება ავტომატურად შეუწყდებათ. ამასთან, იზრდება თავად ჯარიმის ოდენობაც არსებული 7 000 ლარის ნაცვლად, სანქცია 20 000 ლარი გახდება. ფინანსთა სამინისტროში აცხადებენ, რომ აზარტული თამაშების ბიზნესში მოქმედი ჯარიმები რეალურ შემაკავებელ ფუნქციას ვერ ასრულებს და ამიტომ აუცილებელია მათი გაზრდა. თავად სექტორში კი ამბობენ, რომ ახალი რეგულაციებით მთავრობამ გადაწყვიტა, ებრძოლოს ლეგალურ ბიზნესს და არა არალეგალურს.


#ახალიამბები #BusinessMediaGeorgia