მთავრობა მარცვლეულის ადგილობრივი მწარმოებლების ხელშესაწყობად იმპორტირებულ ხორბალზე გადასახადს აწესებს. კერძო სექტორის ინფორმაციით, გადაწყვეტილება უკვე მიღებულია. შესაბამისად, იმპორტიორებს ტონა ხორბალზე 100 ლარის საიმპორტო გადასახადის გადახდა მოუწევთ. ფერმერები ამბობენ, რომ ქერის და ხორბლის მოსავლის აღება უკვე დასრულდა, თუმცა იმის გათვალისწინებით, რომ ქვეყანაში რუსეთიდან იაფი ხორბალი ჭარბად შემოედინება, სარეალიზაციო ფასი იმდენად დეცა, რომ ფერმერებმა არახელსაყრელი ფასის გამო მოსავლის რეალიზაცია შეაჩერეს. ხორბლისა და ფქვილის მწარმოებელთა ასოციაცია არ გამორიცხავს, იმპორტირებულ ხორბალზე ტარიფის დაწესებამ რუსული ფქვილის მასიური შემოდინება წაახალისოს. რა ხდება მარცვლეულის ადგილობრივ და გლობალურ ბაზრებზე და რას ცვლის ხორბლის იმპორტზე გადასახადის დაწესება.


#ახალიამბები #BusinessMediaGeorgia