საპენსიო შენატანების ამნისტია ძალაშია. საპენსიო სააგენტოს განმარტებით, ადმინისტრაციული სახდელისგან გათავისუფლება შეეხება 2026 წლის 18 სექტემბრამდე დაკისრებულ და გადაუხდელ ადმინისტრაციულ სახდელს, რომელიც 2025 წლის 1 მაისის შემდეგ წარმოშობილი საპენსიო ვალდებულების შეუსრულებლობიდან გამომდინარეობს. კანონი ითვალისწინებს ადმინისტრაციული ჯარიმებისგან გათავისუფლებას იმ შემთხვევაში, თუ შესაბამისი დამსაქმებელი 2026 წლის 31 დეკემბრის ჩათვლით სრულად შეასრულებს საპენსიო შენატანისა და მასზე დარიცხული საურავის გადახდის ვალდებულებას. 2026 წლის 9 სექტემბრის მდგომარეობით, საპენსიო შენატანისა და საურავის გადახდის ვალდებულება დარჩენილი ქონდა 4 673 დამსაქმებელს, ჯამში 23.5 მლნ ლარის ოდენობით, რომელთაც ასევე 13.4 მლნ ლარის ჯარიმა ჰქონდათ დაკისრებული. აძლევს თუ
არა ბიზნესს ნორმალურ ვითარებაში საქმიანობის გაგრძელების შესაძლებლობას საპენსიო ჯარიმების ადმინისტრირებასთან დაკავშირებული საკანონმდებლო ცვლილებები და აგვარებს თუ არა „დაგროვებითი პენსიის შესახებ“ კანონში ცვლილებები საპენსიო შენატანებთან დაკავშირებულ სისტემურ პრობლემებს.

სტუმარი: ზურაბ ძნელაშვილი - იურიდიული კომპანია Tax & Legal Solutions-ის დამფუძნებელი;

#ახალიამბები #BusinessMediaGeorgia