16 მარტს მთავრობის ადმინისტრაციაში გამართულ პრესკონფერენციაზე ირაკლი კობახიძემ განაცხადა, რომ მზად არიან პლასტმასის ბოთლებთან დაკავშირებული რეგულაციის როგორც გადავადება, ისე ცვლილება განიხილონ. მისი თქმით, საკითხზე მუშაობა აქტიურად მიმდინარეობს საქართველოს გარემოს დაცვისა და სოფლის მეურნეობის სამინისტროში და გადაწყვეტილება სექტორის წარმომადგენლებთან კონსულტაციების შემდეგ იქნება მიღებული.

ეს განცხადება ოცნებაში მას შემდეგ გაკეთდა, რაც პლასტიკის სრულ აკრძალვაზე გავრცელებული ინიციატივა ნეგატიურად შეფასდა როგორც ბიზნესის, ისე სხვათა შორის გარემოსდამცველების მხრიდან. მათი თქმით, ასეთი გადაწყვეტილება კერძო სექტორისთვის, შესაძლოა, სერიოზულ ეკონომიკურ გამოწვევად იქცეს და საბოლოოდ პროდუქციის გაძვირებაც გამოიწვიოს. ექსპერტები უფრო ეფექტიან მიდგომად ნარჩენების შეგროვებისა და გადამუშავების სისტემის განვითარებას, ასევე პლასტიკის წარმოებაში გადამუშავებული მასალის ეტაპობრივად გამოყენებას ასახელებენ, რაც როგორც გარემოს დაცვის, ისე ეკონომიკისთვის უფრო მდგრად გადაწყვეტად მიიჩნევა.

როგორ ფასდება პლასტიკის გადამამუშავებელი კომპანიების მხრიდან?

#ახალიამბები #BusinessMediaGeorgia