ერთჯერადი პლასტმასის ჭურჭლის აკრძალვა 2026 წლიდან ამოქმედდება - დადგენილება მიღებულია. ტექნიკურ რეგლამენტში შესული ცვლილებებით, იკრძალება ადგილობრივი ბაზრისთვის განკუთვნილი პროდუქტების წარმოება, იმპორტი და ბაზარზე განთავსება. საუბარია პლასტმასისაგან დამზადებული ჩანგლების, დანების, კოვზების, ჩხირების, თეფშების, საწრუპების, სასმლის მოსარევების, გაფართოებული პოლისტიროლისგან დამზადებული სასურსათო კონტეინერების/ჭიქების და მათი თავსახურების აკრძალვაზე. პარალელურად მთავრობა საჯარო დაწესებულებებსა და ჰორეკა სექტორში პლასტიკის ბოთლებით სასმელის შესყიდვის შეზღუდვას განიხილავს. საკითხზე პარლამენტის გარემოს დაცვისა და ბუნებრივი რესურსების კომიტეტზე იმსჯელეს, რომელსაც ბიზნესიც ესწრებოდა. რა გამოწვევების წინაშე დგება რისკები, როგორ აისახება ცვლილება ხარჯებზე და რა ეფექტს ელიან ცვლილებისგან?


#ახალიამბები #BusinessMediaGeorgia