ჯანდაცვის მინისტრი კვლავ ირწმუნება, რომ სადაზღვევო სექტორს უწყებისთვის ე.წ დაშენებულ პაკეტებთან დაკავშირებით კონკრეტული ინიციატივით არ მიუმართავს. ამის შესახებ მიხეილ სარჯველაძემ bmg-ის კითხვის საპასუხოდ განაცხადა, რომელიც ჯანდაცვის სექტორში ე.წ. შემავსებელი სადაზღვევო პაკეტების დაბრუნებას ეხებოდა. ეს კი იმ ფონზე, რომ თავად სადაზღვევო ასოციაციის ინფორმაციით, დაზღვევის ე.წ შემავსებელ პაკეტებზე სექტორმა საკუთარი კონცეფცია სამინისტროს ჯერ კიდევ მაისში წარუდგინა. როგორც ცნობილია, სადაზღვევო ინდუსტრია უკვე არაერთი წელია ითხოვს შემავსებელი პაკეტების აღდგენას, რაც იმას ნიშნავს, რომ თუკი მოქალაქე კერძო დაზღვევით სარგებლობს, ის არ უნდა ეთიშებოდეს საყოველთაო ჯანდაცვის პროგრამას.

#ახალიამბები #BusinessMediaGeorgia