საერთაშორისო სავალუტო ფონდი მიიჩნევს, რომ ეროვნული ბანკის მმართველობისა და დამოუკიდებლობის გაძლიერების მიმართულებით დამატებითი ნაბიჯებია გადასადგმელი. საქართველოში სავალუტო ფონდის მუდმივი წარმომადგენელი ენდრიუ ჯუელი ამბობს, რომ imf-ის ერთ-ერთ რეკომენდაციად კვლავ რჩება ეროვნულ ბანკში ამჟამად მოქმედი საპრეზიდენტო გადაწყვეტილების მიღების მოდელიდან კოლეგიალურ მოდელზე გადასვლა. ჯუელი მიუთითებს, რომ დღეს ეროვნული ბანკის მმართველობის მოდელი გარკვეულწილად მსოფლიოს მასშტაბით უპრეცენდენტოა. სპეციალისტები კი მიიჩნევენ, რომ ეროვნული ბანკის საბჭოს დღევანდელი შემადგენლობის პირობებში, შემოთავაზებული ცვლილებები მარეგულირებლის მეტ დამოუკიდებლობას ვერ უზრუნველყოფს, თუმცა მათი თქმით, როგორც ჩანს სავალუტო ფონდს გათვლა უფრო გრძელვადიან მიზნებზე აქვს.


#ახალიამბები #BusinessMediaGeorgia