ლატვიის საგარეო საქმეთა მინისტრმა ედგარს ნირკევიჩსმა "ქამინგ აუტი" (ქართულად: იატაკქვეშეთიდან გამოსვლა) ტვიტერის დახმარებით წუხელ, 2014 წლის 6 ნოემბერს გააკეთა. მან დაპოსტა, რომ ერთსქესიანი ურთიერთობების დაკანონებისთვის იბრძოლებს, რომ მის ამ განცხადებას დიდი აჟიოტაჟი შეიძლება მოჰყოლოდა და ბოლოს მან დასინა, რომ სიამაყით აცხადებს იმას, რომ გეია და ყველას წარმატებას უსურვებს.

შეგახსენებთ ლატვია ერთ-ერთი პოსტსაბჭოთა ქვეყანაა, რომელიც ამჟამად ევროკავშირის შემადგენელი ნაწილია. ლატვიის მოსახლეობა 2014 წლის მონაცემებით 2.000.000-ია.

ედგარს ნირკევიჩსის ტვიტერზე ასევე ვნახულობთ მის კომენტარს საქართველოში მიმდინარე ბოლო პროცესებზე (3 მინისტრის გადადგომის/მოხსნის შესახებ). იგი კომენტარში იმედს გამოთქვამს, რომ აღნიშნული ფაქტი საქართველოს ევროატლანტიკურ მისწრაფებას არ შეუშლის ხელს.

ედგარს ნირკევიჩსი საქართველოს დიდი ქომაგი ევროპელი პოლიტიკოსია, სწორეთ მისმა საგარეო უწყებამ ერთ–ერთმა პირველმა დაუჭირა მხარი საქართველოსთვის ასოცირების ხელშეკრულების მიღებას. ლატვია გვერდით გვიდგას არამარტო ევროკავშირისკენ მიმავალ გზაზე, არამედ ლატვია ერთ ერთი ქვეყანაა, რომელიც საქართველოსთვის მაპ–ის მიცემას ითხოვს. ედგარს ნირკევიჩსი ამა წლის ივლისში, საქართველოში საქმიანი ვიზიტით მყოფი, შეხვდა საქართველოს პრემიერ–მინისტრს ირაკლი ღარიბაშვილს. ამ შეხვედრის შესახებ სტატია შეგიძლიათ წაიკითხოთ საქართველოს მთავრობის ვებ - გვერდზე: http://government.gov.ge/index.php?lang_id=GEO&sec_id=380&info_id=43397 იგი ასევე შეხვდა, საქართველოს პრეზიდენტს.


ორი თვის წინ ლატვიის მეზობელმა ესტონეთმა პირველად პოსტსაბჭოთა სივრცეში ერთსქესიანი პარტნიორობები დააკანონა.

ვინ იქნება შემდეგი პოსტსაბჭოთა ქვეყანა, რომელიც ჰომოსექსუალ მოქალაქეებს ბედნიერების უფლებას მისცემს? როდის დაიწყებს საქართველო თავის განსხვავებულ მოქალაქეებზე ზრუნვას? - კითხვები, რომელიც ყველა ქართველ არატრადიციული ორიენტაციის ადამიანს გვაწუხებს. დრო სწრაფად მიდის, წელს წელი ემატება, ჭაღარას - ჭაღარა, ნაოჭს - ნაოჭი, თუმცა ჩვენი უფლებებისთვის, რომელიც მე და ჩემნაირებისთვის ბედნიერების საწინდარია, ჩვენი მთავრობა სამწუხაროდ ვერ იცლის :(