იმ ფონზე, რომ პროკურატურა ეროვნული ბანკის საბჭოს წევრის შესაძლო უკანონო სამეწარმეო საქმიანობას იძიებს, პარლამენტი „ეროვნული ბანკის შესახებ“ ორგანულ კანონში ცვლილებებს დაჩქარებული წესით განიხილავს. ცვლილებებით საბჭოს წევრობის კანდიდატთა საკვალიფიკაციო მოთხოვნები მკაცრდება, ამასთან, იცვლება პრეზიდენტის მოვალეობის შემსრულებლის წესიც. ცვლილებები ასევე ითვალისწინებს მონეტარული პოლიტიკის კომიტეტში კოლეგიურობის პრინციპის გაძლიერებასაც. ცვლილებების ავტორი და ინიციატორი პარლამენტის საფინანსო-საბიუჯეტო კომიტეტის თავმჯდომარე ამბობს, რომ დაჩქარებული წესით ინიციირებული ცვლილებები საერთაშორისო სავალუტო ფონდის რეკომენდაციებს ეფუძნება და ის ეროვნული ბანკის საბჭოს კონკრეტულ წევრებს არ უკავშირდება. ეკონომისტების ნაწილი კი მიიჩნევს, რომ მოცემულ პერიოდში სავალუტო ფონდის რეკომენდაციების გათვალისწინება ეროვნული ბანკის შერყეული რეპუტაციის გამოსწორების მცდელობაა. რას ითვალისწინებს „ეროვნული ბანკის შესახებ“ ორგანულ კანონში დაგეგმილი ცვლილებები და როგორ აფასებენ მას სპეციალისტები?


#ახალიამბები #BusinessMediaGeorgia